14-03-2024, 17:39
Qəbul imtahanında antiterror tədbirlərindən suallar salınacaq
Dövlət İmtahan Mərkəzi “2023-cü il 19-20 sentyabrda Azərbaycan ordusunun Qarabağ bölgəsində lokal xarakterli antiterror tədbirləri”nə aid yenilənmiş məqaləni təqdim edib.
Bu barədə DİM-dən məlumat verilib.
Qarabağda antiterror tədbirlərinə dair 2024-cü il “Abituriyent” jurnalının 2-ci sayında dərc edilmiş, həmçinin ötən ilin noyabr ayından mərkəzin saytına yerləşdirilmiş məqalənin yeni redaktəsi ilə aşağıdakı keçidlər vasitəsilə tanış olmaq mümkündür:
2023-cü il 19-20 sentyabrda Azərbaycan ordusunun Qarabağ bölgəsində lokal xarakterli antiterror tədbirləri;
Антитеррористические мероприятия локального характера Азербайджанской армии в Карабахском регионе 19-20 сентября 2023 года.
Mövzunun vacibliyi nəzərə alınaraq, 2024-cü ildə II və III ixtisas qrupları üzrə qəbul imtahanlarında tarix fənnindən “2023-cü il 19-20 sentyabrda Azərbaycan ordusunun Qarabağ bölgəsində lokal xarakterli antiterror tədbirləri” mövzusuna aid tapşırıqlar da istifadə ediləcək.
2024-cü il “Abituriyent” jurnalının 2-ci sayında rus bölməsi üçün Ədəbiyyat (Литература) fənnindən dərc edilmiş “Методические рекомендации по произведениям С. Рустамханлы и Б. Вагабзаде” məqaləsi ilə isə bu keçid vasitəsilə tanış ola bilərsiniz.
Методические рекомендации по произведениям С. Рустамханлы и Б. Вагабзаде.
Məlumat üçün bir daha bildiririk ki, hazırda ümumtəhsil müəssisələrinin 11-ci siniflərində təhsil alanlar qeyd edilən mövzular haqqında istifadədə olan dərsliklərdən bilgi almayıblar.
Materiallar ödənişsizdir və hər kəs öz kompüterinə yükləyə bilər.
14-03-2024, 16:51
Allahşükür Paşazadə ABŞ səfirini qəbul etdi
Martın 14-də Qafqaz Müsəlmanları İdarəsinin sədri Şeyxülislam Allahşükür Paşazadə Amerika Birləşmiş Ştatlarının ölkəmizdə yeni təyin olunmuş Fövqəladə və Səlahiyyətli səfiri Mark Libbini qəbul edib.
QMİ-dən verilən xəbərə görə, səfiri yeni təyinatı münasibətilə təbrik edən Şeyxülislam ona fəaliyyətində uğurlar arzuladı. Bildirdi ki, yeni səfirin ikitərəfli əlaqələrin inkişafı üçün səylərini əsirgəməyəcəyinə ümidvardır. Fəaliyyət göstərdiyi ölkənin dini lideri ilə müsəlmanlar üçün müqəddəs olan Ramazan ayında görüşməyindən məmnunluq duyduğunu bildirən amerikalı səfir Azərbaycanın dini-mənəvi həyatı ilə yaxından tanış olmaq üçün bu görüşə xüsusi əhəmiyyət verdiyini diqqətə çatdırdı.
Görüşdə QMİ sədri A. Paşazadə Azərbaycanda din-dövlət münasibətlərinin yüksək səviyyəsi, dinlərarası əməkdaşlıq və məzhəblərarası anlaşma mühiti barədə ətraflı məlumat verdi. Azərbaycanda müxtəlif din və məzhəb daşıyıcılarının bir ailənin üzvləri kimi dinc birgə yaşadıqlarını, ölkəmizin tolerant dini həyatı, nümunəvi multikultural həyat modeli ilə gündəmdə olmasını diqqətə çatdırdı, dini mərkəz — Qafqaz Müsəlmanları İdarəsinin fəaliyyət istiqamətləri barədə məlumat verdi. Dünya miqyasında dinlərarası dialoq müstəvisində Azərbaycanın ön yerlərdə olmasının əsas səbəbinin məhz bu örnək təcrübə və heç şübhəsiz ki, dövlətimizin apardığı müdrik siyasət, insan həmrəyliyinə xidmət edən ideyaları olduğunu xüsusi vurğuladı.
Azərbaycandakı dini konfessiya nümayəndələrinin ötən il ABŞ-a səfərini xatırladan Şeyxülislam A.Paşazadə bu ölkənin müxtəlif din ardıcılları ilə yüksək səviyyədə münasibətlərin mövcudluğunu yüksək dəyərləndirdiyini səfirin diqqətinə çatdırdı. QMİ sədri Azərbaycanın bu il evsahibliyi edəcəyi VI Ümumdünya Mədəniyyətlərarası Dialoq Forumu və COP 29 tədbirlərini xatırladaraq, hər iki qlobal tədbir çərçivəsində dünya dini liderlərinin bir araya gələcəyi panel və zirvə görüşləri barədə məlumat verdi.
Səfir M.Libbi fəaliyyətdə olduğu qısa müddətdə Azərbaycandakı dini həyatla bağlı gəldiyi qənaətlərlə bölüşərək bildirdi ki, ölkədə dini konfessiyalar arasında dostluq münasibətlərinin mövcudluğunda, habelə dinlərarası dialoq prosesində dini lider olaraq Şeyxülislamın müstəsna rolu vardır. O, həmçinin, Azərbaycanla Ermənistan arasında sülhün əldə olunmasında dini liderlərin rolunun mühüm olduğuna toxundu. Şeyxülislam A.Paşazadə təəssüflə qeyd etdi ki, uzun onilliklər ərzində erməni kilsəsi ilə sülh yönündə danışıqlarda iştirak etmişdir, lakin Azərbaycan dünya birliyi tərəfindən tanınan ərazilərini BMT qətnamələrinə əsasən azad etdikdən sonra erməni kilsəsi yalnız revanşist mövqe nümayiş etdirir, bölgədə sülh, xalqlar arasında dinc yanaşı yaşamaq ideyasını rədd edir, nifrət çağırışları ilə çıxış edir. Bu əsnada, Şeyxülislam A.Paşazadə amerikalı səfiri azad olunmuş torpaqlarımıza səfər edərkən erməni vandalizminin nəticələrinə diqqət etməyə çağırdı. Bildirdi ki, bu dağıntıları törədən, məscidləri, hətta kilsələri dağıdan Ermənistan Azərbaycan barədə böhtan və qarayaxmalar yayır. Şeyxülislam bildirdi ki, bu kimi məsələlərə dair ABŞ kimi böyük dövlətdən həqiqətlərin yanında olmasını gözləməyimiz təbiidir.
Amerikalı səfir bölgədə sabitlik və suverenliyin ən yaxşı qarantı, tərəqqi və çiçəklənmənin təməli olaraq sülhün əldə olunmasının hamının maraqlarına cavab verdiyi fikrində olduğunu diqqətə çatdırdı. M.Libbi Şeyxülislam A. Paşazadəni qarşıdan gələn Novruz Bayramı münasibətilə təbrik etdi və ilk dəfə Azərbaycanda bu bayramı böyük məmnuniyyətlə xalqımızla bərabər keçirəcəyini ifadə etdi.
Görüşdə Azərbaycan ilə ABŞ arasında dini-mədəni sahədə münasibətlərin perspektivlərinə dair fikir mübadiləsi aparıldı.
14-03-2024, 16:31
Messi xəsarət aldı
ABŞ-nin “İnter Mayami” klubunun futbolçusu Lionel Messi zədələnib.
Bunu MLS komandasının baş məşqçisi Xerardo Martino açıqlayıb.
Argentinalı mütəxəssis bildirib ki, KONKAKAF Çempionlar Kubokunun 1/8 final mərhələsində “Neşvill”ə qarşı keçirilən cavab görüşündə həmyerlisinin əzələsində gərginlik yaranıb. Bu üzdən 50-ci dəqiqədə əvəzlənən 36 yaşlı kapitan martın 16-da MLS-də “Di Si Yunayted”lə qarşılaşmanı buraxacaq.
Qeyd edək ki, cavab görüşündə “Neşvill”i 3:1 (ilk oyun - 2:2) hesabı ilə məğlub edən “İnter Mayami” KONKAKAF Çempionlar Kubokunda 1/4 finala yüksəlib. Həmin matçda Messi qollardan birinin müəllifi olub.
14-03-2024, 16:10
Ceyhun Bayramov: “Vəziyyət faciəvi şəkildə dəyişməkdədir”
Qlobal çətinliklər bir günə ərsəyə gəlməyib, onlar onilliklər ərzində formalaşıb. Bu nəticəyə gəlib çıxmaq üçün müəyyən səbəblər var. Biz bəşəri dəyərlərə əsaslanan təsisatlara güvənirik. Hətta mən düşünürəm ki, bu da kifayət deyil.
Böu sözləri Azərbaycanın xarici işlər naziri Ceyhun Bayramov XI Qlobal Bakı Forumu çərçivəsində keçirilən "Müharibə və sülh: Realpolitikin geri dönüşü” mövzusunda panel iclasında çıxışı zamanı deyib.
Nazir bildirib ki, bu təşkilatlar, ilk növbədə, özlərində dəyişiklər etməlidir.
“Vəziyyət faciəvi şəkildə dəyişməkdədir. Bugünkü dünya daha çox mürəkkəbliklərlə üzləşir. Bu ,təkcə qarşıdurmalarla məhdudlaşmır”, - deyə C.Bayramov vurğulayıb.
14-03-2024, 15:54
Temperatur yenidən aşağı düşəcək - Xəbərdarlıq
Bir neçə gün davam edən mülayim hava şəraitindən sonra martın 15-i axşam şimal və qərb rayonlarından başlayaraq havanın dəyişəcəyi, 17-dək fasilələrlə yağıntılı olacağı, dağlıq rayonlarda qar yağacağı gözlənilir.
Milli Hidrometeorologiya Xidmətindən verilən xəbərə görə, Naxçıvan MR, Qarabağ və Şərqi-Zəngəzur, Qazax-Gəncə, Balakən-Şəki, Quba-Qusar, Mərkəzi-Aran, Lənkəran-Astara bölgəsində yağıntıların intensivləşəcəyi, şimşək çaxacağı, bəzi dağlıq və dağətəyi rayonlarda dolu düşəcəyi ehtimalı var.
Qərb küləyi bəzi yerlərdə arabir 15-18 m/s-dək güclənəcək.
Martın 16 və 17-də gecə bəzi dağlıq rayonlarda yolların buz bağlayacağı ehtimalı var.
14-03-2024, 15:50
Baş nazir Albaniya Prezidenti ilə görüşdü
Baş naziri Əli Əsədov martın 14-də Azərbaycanda səfərdə olan Albaniya Prezidenti Bayram Beqay ilə görüşüb.
Bu barədə Nazirlər Kabinetindən məlumat verilib.
Qeyd edilib ki, görüşdə XI Qlobal Bakı Forumunun əhəmiyyəti vurğulanıb, Albaniya Prezidentinin tədbirdə iştirakı yüksək qiymətləndirilib. İki ölkə arasında münasibətlərin inkişaf dinamikasından məmnunluq ifadə olunub. Azərbaycan və Albaniyanın beynəlxalq təşkilatlar çərçivəsində də səmərəli əməkdaşlıq etdiyi vurğulanıb.
Bildirilib ki, Azərbaycanın Albaniyada, Albaniyanın isə Azərbaycanda səfirliyinin açılması ilə bağlı verilən qərarlar ikitərəfli əlaqələrin yüksək səviyyəsinin təzahürü kimi dəyərləndirilib. Cari ayın əvvəlində Albaniya baş nazirinin Azərbaycana səfəri çərçivəsində imzalanmış iqtisadi əməkdaşlıq haqqında hökumətlərarası Sazişin ticarət-iqtisadi və investisiyaların təşviqi sahələrində əlaqələrin inkişafına təkan verəcəyinə ümidvarlıq ifadə olunub.
Vurğulanıb ki, enerji sahəsində əməkdaşlığın müsbət nəticələri və bu kontekstdə TAP layihəsinin əhəmiyyəti xüsusi vurğulanıb, Azərbaycan qazının Avropaya təchizatında Albaniyanın tranzit ölkə kimi rolu yüksək qiymətləndirilib. Turizm sahəsində əməkdaşlığın inkişaf etdirilməsinin zəruriliyi qeyd olunub.
Görüşdə iki ölkə arasında əlaqələrin qarşılıqlı maraq doğuran sahələrdə genişləndirilməsi ilə bağlı məsələlər müzakirə olunub.
14-03-2024, 15:38
“Avroviziya”da təmsilçimizin ifa edəcəyi mahnı bu tarixdə təqdim olunacaq
“Avroviziya 2024” beynəlxalq mahnı müsabiqəsində Azərbaycan təmsilçilərinin ifa edəcəyi mahnı 15 mart Bakı vaxtı ilə saat 12:30-da Avroviziyanın rəsmi Youtube kanalında və İctimai Televiziyanın canlı yayımında təqdim olunacaq.
Bu barədə İctimai Televiziya və Radio Yayımları Şirkətindən məlumat verilib.
Öncə bildirildiyi kimi, mahnı müasir pop və ənənəvi etnik musiqi janrlarını özündə birləşdirir. Mahnının müəllifi bu il ölkəmizi Avroviziyada təmsil edəcək Fahree - Fəxri İsmayılov özüdür. Qeyd olunan vaxtda ictimaiyyətə ilk dəfə açıqlanacaq mahnı üzərində Fahree ilə birgə gənc, istedadlı yerli musiqiçilər - Mado Salikh, Edqar Ravin, Həsən Heydər və Mila Miles da işləyib.
Onu da qeyd edək ki, mahnının muğam hissəsini “Səs Azərbaycan: Doğma nəğmələr” müsabiqəsinin finalçısı İlkin Dövlətov ifa edəcək. Xatırladaq ki, təmsilçilərimiz İsveçin Malmö şəhərində mayın 7-də səhnəyə çıxacaqlar.
14-03-2024, 15:12
Cəbrayılın qəsəbə və kəndlərinin yeni siyahısı
Dövlət Statistika Komitəsi Azərbaycan Respublikasının İnzibati Ərazi Bölgüsü Təsnifatını yenidən hazırlayıb.
Təsnifat hazırlanarkən Cəbrayıl rayonun inzibati ərazi bölgüsündə sonuncu qismən dəyişiklik nəzərə alınıb. Bu dəyişiklik nəticəsində Yuxarı Məzrə kəndi Cəbrayıl rayonundan alınaraq Xocavənd rayonunun inzibati ərazisinə daxil edilib.
Beləliklə, hazırda Cəbrayılda 1 şəhər, 4 qəsəbə (Xudafərin, Qumlaq, Xələfli, Mahmudlu), 91 kənd var.
Bunlar aşağıdakılardır:
1. Cəbrayıl şəhər inzibati ərazi dairəsi:
Cəbrayıl şəhəri
Xubyarlı kəndi
Xudaverdili kəndi
İmambağı kəndi
Qurbantəpə kəndi
Şahvələdli kəndi
Yarəhmədli kəndi
2. Balyand kənd inzibati ərazi dairəsi:
Balyand kəndi
Doşulu kəndi
Qaracallı kəndi
3. Böyük Mərcanlı kənd inzibati ərazi dairəsi:
Böyük Mərcanlı kəndi
Yuxarı Mərcanlı kəndi
4. Cocuq Mərcanlı kənd inzibati ərazi dairəsi:
Cocuq Mərcanlı kəndi
5. Çərəkən kənd inzibati ərazi dairəsi:
Çərəkən kəndi
Əfəndilər kəndi
Papı kəndi
6. Dağ Tumas kənd inzibati ərazi dairəsi:
Dağ Tumas kəndi
Çələbilər kəndi
Qaraağac kəndi
Sofulu kəndi
7. Hacılı kənd inzibati ərazi dairəsi:
Hacılı kəndi
Hüseynalılar kəndi
Kavdar kəndi
Mirək kəndi
Tulus kəndi
8. Horovlu kənd inzibati ərazi dairəsi:
Horovlu kəndi
Çapand kəndi
Safarşa kəndi
9. Hovuslu kənd inzibati ərazi dairəsi:
Hovuslu kəndi
İsaqlı kəndi
Qalacıq kəndi
10. Xələfli kənd inzibati ərazi dairəsi:
Xələfli kəndi
Aşıq Məlikli kəndi
Kürdlər kəndi
Qərər kəndi
Quşçular kəndi
Niftalılar kəndi
Nüsüs kəndi
Tatar kəndi
Yuxarı Nüsüs kəndi
11. Karxulu kənd inzibati ərazi dairəsi:
Karxulu kəndi
Aşağı Maralyan kəndi
Cəfərabad kəndi
Mahmudlu kəndi
Yuxarı Maralyan kəndi
12. Qazanzəmi kənd inzibati ərazi dairəsi:
Qazanzəmi kəndi
Çullu kəndi
Dağ Maşanlı kəndi
Xanağabulaq kəndi
Söyüdlü kəndi
13. Qumlaq kənd inzibati ərazi dairəsi:
Qumlaq kəndi
Dərzili kəndi
Xələfli qəsəbəsi
Xudafərin qəsəbəsi
Xudayarlı kəndi
Qumlaq qəsəbəsi
Məstalıbəyli kəndi
14. Quycaq kənd inzibati ərazi dairəsi:
Quycaq kəndi
Nüzgar kəndi
Şəybəy kəndi
15. Maşanlı kənd inzibati ərazi dairəsi:
Maşanlı kəndi
Alıkeyxalı kəndi
Hasanlı kəndi
16. Mehdili kənd inzibati ərazi dairəsi:
Mehdili kəndi
Çaxırlı kəndi
17. Minbaşılı kənd inzibati ərazi dairəsi:
Minbaşılı kəndi
Ağtəpə kəndi
Daş Veysəlli kəndi
Sədi kəndi
18. Sarıcallı kənd inzibati ərazi dairəsi:
Sarıcallı kəndi
Əmirvarlı kəndi
Məzrə kəndi
19. Sirik kənd inzibati ərazi dairəsi:
Sirik kəndi
Aşağı Sirik kəndi
Əsgərxanlı kəndi
Molla Həsənli kəndi
Şıxlar kəndi
20. Soltanlı kənd inzibati ərazi dairəsi:
Süleymanlı kəndi
Keçəl Məmmədli kəndi
Yanarxac kəndi
21. Süleymanlı kənd inzibati ərazi dairəsi:
Süleymanlı kəndi
Daşkəsən kəndi
Qışlaq kəndi
22. Şahvəlli kənd inzibati ərazi dairəsi:
Şahvəlli kəndi
Göyərçin Veysəlli kəndi
Hacı İsaqlı kəndi
Qoşabulaq kəndi
Qovşudlu kəndi
Niyazqulular kəndi
Tinli kəndi
23. Şükürbəyli kənd inzibati ərazi dairəsi:
Şükürbəyli kəndi
Dəjəl kəndi
Fuğanlı kəndi
Həsənqaydı kəndi
Mahmudlu qəsəbəsi
Şıxalıağalı kəndi
14-03-2024, 15:03
Prezident Fərman imzaladı
Dövlət Sirrinin Mühafizəsi üzrə İdarələrarası Komissiyanın tərkibi genişlənib.
Bu, Prezident İlham Əliyevin fərmanı ilə “Dövlət Sirrinin Mühafizəsi üzrə İdarələrarası Komissiya haqqında Əsasnamənin təsdiq edilməsi və Dövlət Sirrinin Mühafizəsi üzrə İdarələrarası Komissiyasının tərkibi barədə” fərmana edilən dəyişiklikdə əksini tapıb.
Fərmana əsasən, Dövlət Sirrinin Mühafizəsi üzrə İdarələrarası Komissiyasının üzvləri sırasına Azərbaycan Respublikası elm və təhsil nazirinin müavini də daxil edilib.
14-03-2024, 14:42
Xudafərin-Qubadlı-Laçın yolunun tikintisi sürətlə davam edir - VİDEO
Qarabağ və Şərqi Zəngəzur iqtisadi rayonları ərazisində dövlətimizin başçısının tapşırığı ilə icra olunan və işğaldan azad edilmiş rayon və kəndlərin sosial-iqtisadi inkişafında mühüm rol oynayacaq yol infrastrukturu layihələrindən biri olan Xudafərin-Qubadlı-Laçın avtomobil yolunun tikintisi sürətlə davam etdirilir.
Başlanğıcını Hacıqabul-Horadiz-Ağbənd-Zəngəzur dəhlizi magistral avtomobil yolunun Xudafərin su anbarı yaxınlığından keçən hissəsindən götürən Xudafərin-Qubadlı-Laçın avtomobil yolunun uzunluğu 56.4 km təşkil edir. Sözügedən yolun Xanlıq yaşayış məntəqəsindən ayrılaraq Qubadlı şəhərinə qədər uzunluğu 14 km olan yeni avtomobil yolunun da inşası icra olunur. Yolların ümumi uzunluğu isə 70.4 km-dir.
Xudafərin-Qubadlı-Laçın avtomobil yolu 4 hərəkət zolaqlı olmaqla, 0-46.2 km-lik hissəsi I, 46.2-56.4 km-lik hissəsi isə II texniki dərəcəyə uyğun olaraq inşa olunur. Hazırda yolun genişləndirilərək profilə salınması və 21.5 metr enində yeni torpaq yatağının inşası həyata keçirilir. Yolun layihə üzrə hərəkət hissəsinin eni 16.5 metr təşkil edəcək.
Tikinti işləri çərçivəsində Xudafərin-Qubadlı-Laçın avtomobil yolunun 20.4-56.4 km-lik hissəsində torpaq yatağı işləri davam etdirilir. Yol yatağı hazır olan 20.4 km-lik hissədə yol əsasının tikintisi işləri yekunlaşdırılıb və asfalt-beton örtüyünün döşənməsi işləri icra olunub.
Yolun Xanlıq istiqamətində olan 14 km-lik hissəsində torpaq işləri, boru və keçidlərin, körpülərin, istinad divarlarının tikintisi, topoqrafiya və layihələndirmə işlərinin icrası davam edir. Sözügedən yolun ilk 11 km-lik hissəsi I, 11-14 km-lik hissəsi isə III texniki dərəcəyə uyğun tikilir.
Yeni inşa edilən yol boyunca layihəyə uyğun suların ötürülməsini təmin etmək məqsədilə dairəvi borular və düzbucaqlı su keçidləri, həmçinin əsas yolun 10, 22, 32 və 43-cü km-də, yanaşma yolun 35-ci km-də, həmçinin Qubadlı şəhərinə gedən avtomobil yolunun 1-ci km-də layihə üzrə nəzərdə tutulan körpülərin inşası aparılır. Körpülər üzrə artıq 42.5% işlərin icrası yekunlaşıb. Bundan başqa Xanlıq-Qubadlı yolu ilə kəsişmədə müxtəlif səviyyəli yol qovşağının tikintisi işləri də davam etdirilir.
Artıq layihə üzrə 81 dairəvi, 32 düzbucaqlı boru və 12 yeraltı keçid tikilib, 4796 metr istinad divarı da inşa olunub.
Layihə üzrə ümumi uzunluğu 2357 m-lik 7 ədəd tunelin inşası da nəzərdə tutulur. Hazırda T-1 tunelinin giriş ve çıkış portalında qazma işləri bitib ve betonlanma işləri görülür. T-2 tunelərində qazma və qrunt bərkitmə işləri gedir, T-3 girişi portal çalışmaları davam edir.
Layihə üzrə 503.8 min kub.metr ərazidə bitki qatının çıxarılması, 6.9 milyon kub.metr həcmində qazma işləri aparılib, 3.2 milyon kub.metr həcmində isə dolğu işləri icra olunub.
Yeni avtomobil yolunun inşası tərtib olunmuş qrafikə uyğun və texnoloji ardıcıllığa riayət olunmaqla həyata keçirilir. Tikinti işlərinin vaxtında yekunlaşdırılması üçün əraziyə lazımi sayda işçi qüvvəsi və texnika cəlb olunub.
Zəngilan, Qubadlı və Laçın rayonlarının ərazisindən keçən bu avtomobil yolu Qubadlı və Laçın şəhərləri də daxil olmaqla, sözügedən rayonların 30-dan artıq yaşayış məntəqəsini əhatə edir.
[media=https://youtu.be/T9AKpvDLsLs]
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!