Dünya » Səhifə 101

20-07-2025, 17:41

Netanyahu xəstələndi - Evdən işləyəcək

İsrail baş naziri Binyamin Netanyahu iyulun 20-nə keçən gecə özünü pis hiss edib və həkimə müraciət edib.
Müayinənin nəticəsində ona bağırsaq iltihabı diaqnozu qoyulub.
Məlumata görə, narahatlığın səbəbi "xarab olmuş qidanın qəbulu" olub.
"Əlavə yoxlamalardan sonra baş nazirin vəziyyəti yaxşı qiymətləndirilib. Hazırda o, xəstəliklə əlaqədar yaranan susuzluq nəticəsində itirilmiş mayenin bərpası üçün venadaxili müalicə alır", - məlumatda qeyd olunur.
Dəftərxanadan bildirilib ki, həkimlərin göstərişlərinə uyğun olaraq Netanyahu növbəti üç günü evində keçirəcək və oradan dövlət işlərini idarə etməyə davam edəcək.

Netanyahu xəstələndi - Evdən işləyəcək

20-07-2025, 16:57

Rusiya-Ukrayna danışıqları yenidən İstanbulda

İstanbul Rusiya və Ukrayna arasında danışıqların növbəti mərhələsinə ev sahibliyi edəcək.
Bu barədə TASS agentliyi öz mənbələrinə istinadən xəbər verib.
"Bəli, İstanbul məqbul məkandır", - mənbə bildirib.

Rusiya-Ukrayna danışıqları yenidən İstanbulda

20-07-2025, 16:27

İran HHM sistemini yenidən qurdu

İran 12 günlük müharibə zamanı İsrailin Hərbi Hava Qüvvələri və ölkə daxilində yaradılmış gizli bazadan buraxılan pilotsuz uçuş aparatları vasitəsi ilə sıradan çıxardığı hava hücumundan müdafiə (HHM) sistemini yenidən qurduğunu bəyan edib.
Bunu İran Ordusunun Əməliyyat İdarəsinin rəis müavini kontr-admiral Mahmud Musəvi bildirib.
Mahmud Musəvi deyib ki, İsraillə müharibə zamanı zədələnmiş hava hücumundan müdafiə qurğuları əvəzlənib və hazırda ölkənin hava məkanı nəzarət altındadır.

İran HHM sistemini yenidən qurdu

20-07-2025, 13:34

Gürcüstanın AB-yə üzvlüyü dayandırıldı, hökumət tanınmadı

Gürcüstanın Avropa Birliyinə üzvlük istiqamətində irəliləyişi Avropa Parlamentinin ölkənin hazırkı hökumətini legitim kimi tanımaması səbəbindən dayandırılıb.
Bu barədə Avropa Parlamentinin rəsmi X hesabında yayılan bəyanatda bildirilib.
"Gürcüstan hökuməti avtoritar kursunu dəyişməsə, AB-yə daxil ola bilməyəcək", - bəyanatda vurğulanıb.
Qeyd olunur ki, Avropa Parlamenti gürcü xalqını dəstəkləyir, lakin Gürcüstanın hazırkı hakimiyyətini tanımır.

Gürcüstanın AB-yə üzvlüyü dayandırıldı, hökumət tanınmadı

20-07-2025, 11:30

Rusiyanın 9 vilayətinə kütləvi PUA hücumu

Rusiya hava hücumundan müdafiə qüvvələri ölkə üzərində 93 ədəd Ukrayna PUA-sını vurub.
Bu barədə Rusiya Müdafiə Nazirliyi məlumat yayıb.
Məlumata görə, Bryansk vilayətində 38, Moskva regionunda 19, Kaluqa vilayətində 11, Tula vilayətində 8, Orlov və Nijeqorod vilayətlərində 5, Qara dəniz üzərində 3, Kursk vilayətində 2, Belqorod və Ryazan vilayətlərində isə 1 PUA məhv edilib.

Rusiyanın 9 vilayətinə kütləvi PUA hücumu

19-07-2025, 22:01

Körfəzdə faciə - 34 nəfər öldü

Vyetnamın Halonq körfəzində 53 nəfərin olduğu “Wonder Sea” adlı gəmi çevirilib.
Hadisə nəticəsində azı 34 nəfər həyatını itirib, 11 nəfər isə xilas edilib.
Gəmidə 48 turist və 5 ekipaj üzvü olub.

Körfəzdə faciə - 34 nəfər öldü

19-07-2025, 17:00

Paşinyan Pezeşkianı Ermənistana dəvət etdi

Ermənistanın Baş naziri Nikol Paşinyan İran Prezidenti Məsud Pezeşkianı İrəvana rəsmi səfərə dəvət edib.
Paşinyan bu təkliflə iranlı həmkarı ilə telefon danışığı zamanı çıxış edib.
Məlumata görə, Paşinyan İsraillə müharibədə ölənlərlə bağlı İran Prezidentinə başsağlığı verib. Bundan əlavə, ikitərəfli, regional və beynəlxalq gündəmdəki vacib məsələlər müzakirə olunub.

Paşinyan Pezeşkianı Ermənistana dəvət etdi

19-07-2025, 16:51

Ukraynaya "Abrams" tankları verildi - 160 milyonluq...

Avstraliya 160 milyon dollarlıq hərbi yardım paketi çərçivəsində "Abrams" tanklarının böyük hissəsini Ukraynaya təhvil verib.
Bu barədə Avstraliya hökuməti bəyanat yayıb.
Müdafiə naziri Riçard Marles deyib ki, Ukrayna artıq 49 tankın çoxunu alıb, digərlərinin yaxın aylarda çatdırılması planlaşdırılır.
Nazir vurğulayıb ki, "Abrams" tankları Ukraynanın Rusiyanın qeyri-qanuni işğalına qarşı davam edən mübarizəsinə mühüm töhfə verəcək.

Ukraynaya "Abrams" tankları verildi - 160 milyonluq...

19-07-2025, 16:40

İranda güclü partlayış

İranda Abadan neft emalı zavodunun bölmələrindən birində güclü partlayış baş verib.
Hadisə yerinə fövqəladə hallar, yanğınsöndürmə və xilasedicilər cəlb olunub.
Partlayışdan sonra başlayan yanğının lokallaşdırılması üçün bütün qüvvə və vasitələr səfərbər edilib. Hadisənin səbəbi və digər təfərrüatlar hələlik məlum deyil.

İranda güclü partlayış

19-07-2025, 14:59

İran Qərbi hədələdi: sanskiyalar davam edərsə...

Sanksiyalar təzyiqi davam edərsə, İran Nüvə Silahlarının Yayılmaması Müqaviləsindən çıxa və uranı 60%-dən yuxarı zənginləşdirməyə başlaya bilər.
Bu barədə İran parlamentinin Milli Təhlükəsizlik və Xarici Siyasət Komitəsinin nümayəndəsi İbrahim Rezayi deyib.
“İran hazırda yalnız Əlavə Protokolun könüllü icrasını dayandırıb, lakin hələ də Nüvə Silahlarının Yayılmaması Müqaviləsinin üzvü olaraq qalır. Bununla belə, sanksiyaların təzyiqi davam edərsə, gündəliyə müqavilədən çıxmaq, uranın 60%-dən yuxarı səviyyəyə qədər zənginləşdirilməsi, modernləşdirilmiş sentrifuqların istehsalı və ixracı, nüvə sahəsində əlaqələrin genişləndirilməsi daxil ola bilər”, - o qeyd edib.

İran Qərbi hədələdi: sanskiyalar davam edərsə...