13-01-2026, 17:17
Sabiq Prezidenti üçün edam cəzası tələb olunur
Cənubi Koreyanın keçmiş Prezidenti Yun Sok Yolun cinayət işini aparan prokuror ölkədə hərbi vəziyyətin elan edilməsi və konstitusiya quruluşuna qarşı qiyama rəhbərlik üzrə cinayət işi ilə əlaqədar ona edam cəzası verilməsini istəyir.
Yanvarın 13-də Seul Mərkəzi Məhkəməsində sözügedən cinayət işi üzrə yekun məhkəmə dinləməsi keçirilib. Cinayət işini aparan prokuror Ço Eun-sukun komandası cinayət işində ittiham olunan 8 nəfərlə bağlı cəza istəklərini elan ediblər. Sabiq müdafiə naziri üçün ömürlük həbs cəzası tələb olunur. Məhkəmənin yekun qərarını fevralda açıqlayacağı gözlənilir.
Qeyd edək ki, 2024-cü il dekabrın 3-də Koreya Respublikasının sabiq Prezidenti Yun Sok Yol ölkədəki KXDR tərəfdarları ilə mübarizə aparmağın zəruriliyini əsas gətirərək hərbi vəziyyət rejimi elan edib. Cənubi Koreya Prokurorluğu onu qiyamda günahlandırdıqdan sonra Konstitusiya Məhkəməsi apreldə onun impiçmentini təsdiqləyib.
13-01-2026, 16:49
Atəşkəsdən sonra Qəzzada 100-dən çox uşaq ölüb
İsrail və Fələstin HƏMAS hərəkatı arasında atəşkəs qüvvəyə mindikdən bəri Qəzza zolağında 100-dən çox uşaq öldürülüb və qışın başlamasından sonra daha bir neçə uşaq hipotermiyadan tələf olub.
Bu barədə Birləşmiş Millətlər Təşkilatının Uşaq Fondunun (UNICEF) məlumatında bildirilib.
"Atəşkəsdən bəri 100 uşaq ölüb - bu, hər gün demək olar ki, 1 uşağın ölməsi deməkdir. Lakin real rəqəmlər daha da yüksəkdir", - deyə UNICEF-in Qəzzadakı nümayəndəsi Ceyms Elder Cenevrədə keçirilən BMT brifinqində bildirib.
Fondun məlumatına görə, onların hamısı İsrail qüvvələri, pilotsuz təyyarələrin zərbələri və ya mərmi qəlpələri nəticəsində öldürülüb.
"Uşaqlar həm də hipotermiyadan ölür. Təkcə son bir neçə gündə 6 uşaq ölüb", - Elder bildirib.
Elderin sözlərinə görə, 2000 uşağın hələ də tibbi təxliyəyə ehtiyacı var və bu da geridönməz sağlamlıq nəticələri və əlillik riski yaradır.
Qəzza zolağında İsrail və Fələstinin HƏMAS hərəkatı arasında atəşkəs müqaviləsi 2025-ci ilin 10 oktyabrında qüvvəyə minib. Yerli hakimiyyət orqanlarının məlumatına görə, atəşkəsdən sonrakı müddət ərzində təxminən 440 nəfər ölüb, 1200-dən çox insan yaralanıb.
Noyabrın ortalarında BMT Təhlükəsizlik Şurası ABŞ Prezidenti Donald Trampın Qəzza zolağında hərtərəfli nizamlama planını dəstəkləyən qətnaməni təsdiqləyib. ABŞ-ın Qəzza planı Qəzza zolağının müvəqqəti beynəlxalq idarə olunmasını və Trampın sədrliyi ilə "sülh şurası"nın yaradılmasını təklif edir.
13-01-2026, 16:40
İranda 12 min nəfərin öldürüldüyü iddia olunur
İranda etirazlar zamanı təhlükəsizlik qüvvələri də daxil olmaqla, təxminən 2000 nəfər həlak olub.
Bu barədə İran rəsmisi məlumat verib.
Maraqlıdır ki, İranın müxalifət mediası aksiyalarda azı 12 min nəfərin öldüyünü bildirib.
Xatırladaq ki, artıq 2 həftədir İranda siyasi-sosial narazılıq əsnasında etirazlar davam edir.
13-01-2026, 16:09
Ukraynanın müdafiə naziri istefaya göndərildi
Denis Şmıhal təxminən altı ay müdafiə naziri vəzifəsində çalışıb.
Ukrayna Ali Radası müdafiə naziri Denis Şmıxalın müdafiə naziri vəzifədən azad edilməsini dəstəkləyib.
Bu barədə Ukrayna KİV-i məlumat yayıb.
Denis Şmıxalın energetika naziri vəzifəsinə təyin olunacağı gözlənilir.
Qərarın lehinə 265 deputat səs verib. Avropa Həmrəyliyi partiyasından və Səs partiyasının bir hissəsi bitərəf qalıb.
Müdafiə naziri Denis Şmıxhalın və Baş nazirin birinci müavini və rəqəmsal transformasiya naziri Mixaylo Fedorovun istefa ərizələri 9 yanvarda parlamentə təqdim edilib.
Şmıxal 2025-ci ilin iyul ayında müdafiə naziri təyin edilmişdi.
Prezident Volodimir Zelenski parlamentin Şmıxalın Baş nazirin müavini və energetika naziri vəzifələrinə namizədliyini təsdiqləyəcəyini gözləyir.
13-01-2026, 15:15
İrana görə ən çox zərər görəcək 5 ölkə
ABŞ lideri Donald Tramp İranla ticarət aparan istənilən ölkəyə əlavə 25%-lik vergi tətbiq edəcəyini açıqlamışdı.
Bu əlavə vergilərdən zərər çəkə biləcək 5 ölkə müəyyənləşib.
İlk sırada İranın əsas xarici ticarət tərəfdaşı olan Çin qərarlaşıb. 2024-cü ildə tərəflərin ticarət dövriyyəsi 17,8 milyard dollar təşkil edib. Növbədə sıralarda isə Birləşmiş Ərəb Əmirlikləri (16,1 milyard dollar), Türkiyə (8,8 milyard dollar), Hindistan (2,1 milyard dollar) və Oman (1,8 milyard dollar) yer alıb.
13-01-2026, 14:50
İmamoğlu Ərdoğana təzminat ödəyəcək - Məbləğ açıqlandı
Türkiyə Prezidenti Rəcəb Tayyib Ərdoğanın, İstanbul Böyükşəhər Bələdiyyəsinin sədri Əkrəm İmamoğlu barəsində səsləndirdiyi fikirlərə görə açdığı mənəvi təzminat davası üzrə məhkəmə qərarı açıqlanıb.
İstanbul 23-cü Asliye Hüquq Məhkəməsində keçirilən iclasda tərəflərin vəkilləri iştirak edib.
Məhkmədə çıxış edən iddiaçı tərəfin vəkili Ferah Yıldız bildirib ki, Əkrəm İmamoğlu ifadələri ilə Prezident Ərdoğanı və dövlət qurumlarını açıq şəkildə hədəf alıb. Vəkil qarşı tərəfin iddialarını təsdiqləyən heç bir sübut təqdim etmədiyini də vurğulayıb.
Cavabdeh tərəfin vəkili isə prosesin təxirə salınmasını xahiş edib. Son söz hüququ verilən iddiaçı vəkil Ferah Yıldız, məhkəmədən iddialarının təmin olunmasını istəyib.
Qərarını elan edən hakim davanın qismən təmin edildiyini, 150 min lirə məbləğində mənəvi təzminatın hadisə tarixindən etibarən hesablanacaq qanuni faizlə birlikdə Əkrəm İmamoğludan alınaraq Prezident Rəcəb Tayyib Ərdoğana ödənilməsinə hökm edib.
Xatırladaq ki, məhkəməyə təqdim olunmuş iddia ərizəsinə əsasən, Əkrəm İmamoğlu 20 mart 2025-ci ildə sosial şəbəkə hesabından Prezident Rəcəb Tayyib Ərdoğanının şəxsi və peşə fəaliyyətinə yönəlmiş həqiqətə uyğun olmayan ifadələr işlətmişdi.
13-01-2026, 14:34
Fransa hədəfinə çata bilmədi
Fransa 2025-ci il üçün istixana qazlarının azaldılması hədəfinə çata bilməyib.
2025-ci ildə emissiyalar tələb olunan 4,6% əvəzinə cəmi 1,6% azalıb.
Əsas azalma sənayedə baş verib, nəqliyyat və tikintidə isə emissiyalarda az və ya heç azalma müşahidə edilməyib.
Hədəfə çatmaq üçün ölkə nüvə enerjisinə və bərpa olunan mənbələrə keçid sürətləndirilir.
13-01-2026, 14:27
İran Rusiyaya ballistik raketlər və dronlar satıb
İran Ukrayna müharibəsində Prezident Vladimir Putinə kömək etmək üçün Rusiyaya təxminən 3 milyard dollar dəyərində raket satıb.
Qərb təhlükəsizlik rəsmisinin sözlərinə görə, satın alınmış məhsullar arasında yüzlərlə "Fəth-360" qısa mənzilli ballistik raket, təxminən 500 digər qısa mənzilli ballistik raketlər və təxminən 200 zenit raketi var.
Tehran həmçinin, Şahed-136 kamikaze dronları və Rusiyanın onları Geran-2 adı altında daxili istehsal etməsinə imkan verən texnologiyanı paylaşıb.
2021-ci ilin sonundan bəri Rusiyanın İran hərbi texnikasına 4 milyard dollardan çox pul xərclədiyi təxmin edilir.
Moskva ilə Tehran arasında müqavilələr müharibə başlamazdan əvvəl, 2021-ci ilin oktyabr ayında imzalanıb. İran 2025-ci ilin yanvar ayında Rusiya ilə strateji tərəfdaşlıq müqaviləsi imzalayıb, lakin qarşılıqlı müdafiə müqaviləsi yoxdur və Moskva ötən il İsrail və ABŞ-ın İrana hücumları zamanı Tehrana heç bir praktik yardım təklif etməyib.
13-01-2026, 14:11
NATO Türkiyədən kömək istədi
NATO Türkiyədən Baltikyanı ölkələr üçün kömək istəyib.
Alyans Estoniyanın hava məkanını 2026-cı ilin avqust ayından dekabr ayına qədər patrul etməsi üçün Türkiyədən F-16 qırıcı təyyarələrini bölgəyə yerləşdirməsini istəyib.
Bu istək Rusiyanın Estoniyanın hava məkanını pozmasından sonra alyansın müdafiəsini gücləndirməsi niyyəti ilə bağlıdır.
Hələlik Ankara bu istəyə cavab verməyib.
12-01-2026, 18:19
Rubinyandan sərt cavab: Solovyov itdir!
Ermənistan parlamentinin vitse-spikeri Ruben Rubinyan rusiyalı teleaparıcı Vladimir Solovyovun çıxışına münasibət bildirib.
O, bu barədə sosial şəbəkə hesabında paylaşım edib.
“İt hürər, karvan keçər. Bu vəziyyətdə “it” rusiyalı iş adamı Samvel Karapetyanın yaxın dostu və həmvətəni Solovyovdur. “Karvan” isə geri dönməz sülhə və inkişafa doğru irəliləyən ölkəmizdir”, – deyə paylaşımda qeyd olunub.
Xatırladaq ki, V. Solovyovun efirdə Ermənistanda “xüsusi hərbi əməliyyat” keçirilməsinin zəruriliyi barədə bəyanatı rəsmi İrəvanın kəskin etirazına səbəb olub. Hadisə ilə bağlı Rusiyanın Ermənistandakı səfiri Sergey Kopırkin Xarici İşlər Nazirliyinə çağırılıb və ona rəsmi etiraz notası təqdim edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!