26-07-2022, 21:21
İsrail İranı güclü zərbə endirməklə hədələdi
İsrail İranın nüvə proqramının qarşısını almaq üçün zərbə endirə bilər. Butov.az xəbər verir ki, bunu İsrailin müdafiə naziri Benni Qantz deyib. O bildirib ki, İsrail İranla gözlənilən yeni nüvə sazişindən narazıdır. Yerli "Kanal 13" adlı televiziya kanalına müsahibəsində Qantz vurğulayıb ki, İran İsrail üçün qlobal və şəxsi problemdir. Birgə Hərtərəfli Fəaliyyət Planının (JCPOA) bərpası üçün aparılan müzakirələrdən danışan Benni Qantz İsrailin razılaşmadan çox narazı olduğunu vurğulayıb. O qeyd edib ki, bu, sanksiyaların müvəqqəti gecikdirilməsini nəzərdə tutur, bunun sayəsində İran iqtisadiyyatı güclənə biləcək. Nazir yaxın bir neçə gün ərzində razılığın əldə oluna biləcəyini etiraf edib. Xatırladaq ki, 2015-ci ildə İran ABŞ, Rusiya, Çin, Böyük Britaniya, Almaniya, Fransa ilə JCPOA sazişini imzalayıb. Plan nüvə proqramını məhdudlaşdırmaq müqabilində Tehrana qarşı iqtisadi sanksiyaların mərhələli şəkildə ləğvini nəzərdə tutur. 2018-ci ildə ABŞ-ın o vaxtki Prezidenti Donald Tramp sazişdən çıxdığını elan edib və İrana qarşı sanksiyaları təzələyib. Bu səbəbdən Tehran JCPOA-ya əməl etməkdən imtina edib. 2021-ci ilin dekabrında Vyanada JCPOA üzrə danışıqların səkkizinci raundu keçirilib, bundan sonra iştirakçılar fasilə veriblər. 2022-ci ilin iyununda MAQATE-nin Rəhbərlər Şurası İranı nüvə proqramı ilə bağlı tam məlumat vermədiyinə görə tənqid edib. Elə həmin ay İran Xarici İşlər Nazirliyi nüvə sazişi üzrə danışıqları bərpa etməyə hazır olduğunu açıqlayıb.
26-07-2022, 20:48
Rusiya XİN-dən İsrailə ittihamlar - Səbəb Ukraynadır
Rusiya Xarici İşlər Nazirliyinin sözçüsü Mariya Zaxarova İsrailin Ukrayna ilə bağlı “qeyri-konstruktiv” və “qərəzli” ritorikadan istifadə etdiyini bildirib. Bu barədə o, "YouTube" kanalında danışıb. “Bu, bizim üçün tamamilə anlaşılmaz və qəribədir", - deyə Zaxarova söyləyib. O, Rusiya ilə İsrail arasındakı münasibətlərin öz-özünə pisləşmədiyini deyib. İsrailin anti-Rusiya mövqe sərgilədiyini və yalnız Ukraynanı dəstəklədiyini qeyd edən Zaxarova bunun Qərbin yanaşmasına uyğun olduğunu və "sual işarələri yaratdığını" vurğulayıb. Qeyd edək ki, ötən həftə Rusiya Ədliyyə Nazirliyi İsrail Yəhudi Agentliyinin (JAFI) Rusiyadakı nümayəndəliyinin ləğvi ilə bağlı müraciət edib. Bu barədə ilkin dinləmənin iyulun 28-də keçiriləcəyi gözlənilir. Məsələni müzakirə etmək üçün Rusiyaya getmək istəyən İsrail hüquq komitəsinin hələ də Moskvadan razılıq ala bilmədiyi qeyd olunub. Kremlin sözçüsü Dmitriy Peskov isə iyulun 22-də mövzu ilə bağlı açıqlamasında JAFI-nin Rusiya nümayəndəliyinin bağlanması tələbinin Rusiya qanunvericiliyi ilə əlaqəli olduğunu bildirib.
25-07-2022, 20:55
Hulusi Akar amerikalı həmkarı ilə danışıqlar apardı
ABŞ müdafiə naziri Lloyd Ostin türkiyəli həmkarı Hulusi Akarla telefon danışığı aparıb. Butov.az xəbər verir ki, məlumatı Türkiyə tərəfi yayıb. Türkiyə Milli Müdafiə Nazirliyinin məlumatına görə, nazirlər ikitərəfli və regional məsələləri barədə fikir mübadiləsi aparılıb. Tərəflər müdafiə və təhlükəsizlik məsələləri, Ukraynadan taxıl daşınması, terrorla mübarizə, Türkiyə-Yunanıstan münasibətləri və F-16 təyyarələrinin tədarükünü müzakirə ediblər.
25-07-2022, 20:49
Erməni hərbçi Zəngəzurda yandı
Zəngəzur bölgəsində yerləşən Ermənistan ordusunun hərbi hissəsində hərbi qulluqçulardan biri ağır yanıq xəsarətləri alıb. Bu barədə Ermənistan Müdafiə Nazirliyinin mətbuat xidməti məlumat yayıb. Məlumata görə, hadisə iyulun 17-də baş verib. İnsidentin hansı şəraitdə baş verdiyi açıqlanmayıb. Qeyd olunub ki, Palyan Poğosyan adlı müddətli hərbi qulluqçu 2-ci dərəcəli yanıq xəsarəti ilə Zəngəzur hərbi hospitalına, daha sonra İrəvana aparılıb.
25-07-2022, 20:41
Zelenski xüsusi təyinatlı qüvvələrin komandanını dəyişdirdi
Ukrayna Prezidenti Volodimir Zelenski ölkənin xüsusi təyinatlı qüvvələrinin komandanı Qriqori Qalaqaqanı vəzifəsindən azad edib. Bu barədə Zelenski müvafiq fərman imzalayıb. Qriqori Qalaqan 2020-ci ilin avqustundan bu vəzifəni icra edirdi. Digər bir qərarla Viktor Xorenko Ukrayna xüsusi təyinatlı qüvvələrinin komandanı təyin edilib.
25-07-2022, 20:18
Avropadan Ukraynaya 1.6 milyard maliyyə yardımı
Avropa İnvestisiya Bankı (AİB) infrastrukturun bərpası və Ukrayna xalqına dəstək üçün Ukraynaya 1,59 milyard avro ayırıb. Bu barədə Avropa Komissiyası məlumat yayıb. AİB vasitəsilə həyata keçirilən ikinci yardım paketinin 1,05 milyard avroluq hissəsi dərhal Ukraynaya veriləcək. İlk yardım paketi çərçivəsində Aİ Kiyevə 668 milyon avro ayırıb. "Ukraynadakı son dərəcə çətin vəziyyəti nəzərə alaraq, AİB Direktorlar Şurası bu gün ölkənin infrastrukturunun maliyyələşdirilməsində yaranan boşluqların aradan qaldırılması və təcili ehtiyacların ödənilməsi üçün Ukraynaya 1,59 milyard avro məbləğində əlavə maliyyə dəstəyini təsdiqləyib", - Komissiyanın məlumatında deyilir. Yardım Ukraynada ümumi dəyəri 540 milyon avro olan AİB tərəfindən maliyyələşdirilən layihələrə yenidən start verəcək.Layihələr enerji, enerji səmərəliliyi, yollar, nəqliyyat, təhsil və infrastruktur, həmçinin yenidənqurma və reabilitasiya proqramlarını əhatə edəcək. Ukraynanın maliyyə naziri Serhiy Marçenko AİB və Aİ-yə uzunmüddətli əməkdaşlığa, maliyyə dəstəyinə və Ukraynaya lazım olan müddətdə dəstək verdiyinə görə təşəkkür edib. Bundan əvvəl Aİ Ukraynaya Avropa Sülh Fondundan 500 milyon avro məbləğində vəd edilmiş hərbi yardımın beşinci hissəsini təsdiqləyib. Avropa İttifaqı Şurasının rəhbəri Şarl Mişel yardımın ümumi məbləğinin 2,5 milyard avro təşkil etdiyini bildirib.
25-07-2022, 20:09
Bayden koronavirusdan sağaldı
Koronavirusa yoluxan ABŞ Prezidenti Co Bayden demək olar ki, tamamilə sağalıb. Butov.az xəbər verir ki, bu barədə Ağ Ev məlumat yayıb. Qeyd olunan informaiyaya əsasən, Baydendə müşahidə olunan simptomlar yoxa çıxıb. Xatırladaq ki, dünən Baydenin şəxsi həkimi prezidentin vəziyyətinin yüngülləşdiyini bildirib.
25-07-2022, 19:53
Ukrayna Almaniyadan zenit kompleksi aldı
Bu gün Almaniya üç “Hepard” zenit-raket kompleksi, on minlərlə patronu Ukrayna Silahlı Qüvvələrinə təhvil verib. Bu barədə Ukraynanın müdafiə naziri Aleksey Reznikov açıqlamasında bildirib. Qeyd edilib ki, ümumilikdə Ukraynaya 60 min patron, 15 sistem təhvil veriləcək.
24-07-2022, 19:13
Fransada sudan istifadə məhdudlaşdırılır
Fransada getdikcə daha geniş yayılan quraqlıq səbəbindən ölkənin 88 departamentində sudan istifadəyə məhdudiyyətlər qoyulur. Butov.az xəbər verir ki, günorta saatlarında bağçaları və qazonları sulamaq qadağan edilib. Əhaliyə mümkün olan yerlərdə suya qənaət etməyə çağırış olunub. Quraqlıq demək olar ki, bütün ölkəni əhatə etsə də, Pays-de-la-Luara və Poitou-Şarentes bölgələri xüsusilə ziyan çəkib.
24-07-2022, 18:59
Soçidə fövqəladə vəziyyət elan edildi
Soçi şəhərinin rəhbərliyi bazar gününə keçə gecə şəhərdə baş verən güclü leysan yağışlarından sonra fövqəladə vəziyyət elan etmək qərarına gəlib. Bu barədə Soçinin rəhbəri Aleksey Kopayqorodski öz “Telegram” kanalında məlumat verib. O bildirib ki, son üç gündə baş verən təbii fəlakətlər şəhərin bütün ərazilərində dağıntılara səbəb olub. Vəziyyətin çox ciddi olduğunu deyən şəhər başçısı Soçinin müasir tarixində belə miqyasda insident baş vermədiyini qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!