22-05-2025, 17:33
Hindistan bizi İsrail silahları ilə vurdu - Şahbaz Şərif
Pakistanın baş naziri Şahbaz Şərif İslamabadın neytral ölkədə Hindistanla birbaşa danışıqlara hazır olduğunu açıqlayıb.
Şahbaz Şərif bu təşəbbüsü reallaşdırmaq üçün ABŞ-ın Dehli üzərində təsirinə ümid etdiklərini bildirib.
O, açıqlamasında İsrailin Hindistana hərbi dəstəyinə də diqqət çəkərək, "İsrail rejimi Pakistana qarşı hərbi qarşıdurmalarda Hindistanı ən yaxşı şəkildə dəstəklədi. Hətta qarşıdurmadan bir neçə gün əvvəl İsrailin təlim keçmiş 150 əsgəri Hindistana girərək Pehlqam bölgəsinə yerləşdirildi. Hindistan İsrail silahlarından bizə qarşı istifadə etdi" deyib.
22-05-2025, 16:52
Putin Lavrova orden verdi
Rusiya Xarici İşlər Nazirliyinin rəhbəri Sergey Lavrov Rusiyanın ən yüksək mükafatı - Müqəddəs Apostol Andrey Pervozvannı ordeni ilə təltif edilib.
Mükafatı ona Rusiya prezidenti Vladimir Putin təqdim edib.
Lavrov bu ordenlə mart ayında təltif edilib. Prezidentin sərəncamında qeyd olunub ki, Lavrov bu mükafatı “Vətən qarşısında görkəmli xidmətlərinə, Rusiya Federasiyasının xarici siyasət kursunun işlənib hazırlanması və həyata keçirilməsinə böyük töhfəsinə və uzun illər səmərəli hökumət fəaliyyətinə görə” alıb. Martın 21-də Lavrovun 75 yaşı tamam olub.
Buna qədər Belarus prezidenti Aleksandr Lukaşenko da Andrey Pervozvannı ordeni ilə təltif edilib. Ona mükafatı 2024-cü ilin oktyabrında veriblər. Putin mərasim zamanı bəyan edib ki, Belarus lideri bu mükafata “Rusiya ilə Belarus arasında ikitərəfli əlaqələrin möhkəmləndirilməsində xüsusi xidmətlərinə görə” layiq görülüb.
22-05-2025, 16:48
Pezeşkian ürək əməliyyatı etdi
İran prezidenti Məsud Pezeşkian Təbrizə səfəri zamanı ürək əməliyyatı edib.
Keçmiş cərrah şəxsən şəhərdəki tanınmış xəstəxanalardan birində ürək əməliyyatında iştirak edib.
Qeyd edək ki, İran lideri siyasətə başlamazdan əvvəl uzun illər ölkə üzrə tibb mərkəzlərində həkim və ürək cərrahı kimi çalışıb.
22-05-2025, 15:08
Ərdoğan yenidən prezidenliyə namizəd olacaq? - Özü AÇIQLADI
Türkiyə Prezidenti Rəcəb Tayyib Ərdoğan yeni konstitusiyanın hazırlanmasına çağırış edib.
O, Macarıstandan qayıdarkən jurnalistlərin suallarını cavablandırıb.
O, özünün yenidən prezidentliyə namizədliyi ilə bağlı yayılan ehtimallara da aydınlıq gətirib.
Ərdoğan bildirib ki, Türkiyənin artıq hərbi çevriliş dövründə hazırlanmış mövcud konstitusiya ilə gələcəyə doğru inamla irəliləməsi mümkün deyil. Onun sözlərinə görə, yeni çağın tələblərinə uyğun, sivil, demokratik və azadlıqları əsas götürən konstitusiyaya ehtiyac var.
“Artıq çevrilişçilərin yazdığı konstitusiya ilə Türkiyə gələcəyə gedə bilməz. Biz AK Partiya olaraq bunun üzərində işləyirik və bəzi dostlarımıza bu istiqamətdə tapşırıqlar da verdik,” – deyə o qeyd edib.
Ərdoğan müxalifətdəki Cümhuriyyət Xalq Partiyasına da çağırış edərək, birgə sivil konstitusiya hazırlanması üçün komissiyalar yaradılmasını təklif edib.
Konstitusiya ilə bağlı açıqlamalarının ardınca Ərdoğan prezidentliyə yenidən namizəd olub-olmaması məsələsinə də toxunub:
“Mənim təkrar seçilmə və ya yenidən namizəd olma kimi bir dərdim yoxdur. Atacağımız addımlarla ölkəmizin nüfuzunu necə yüksəldə bilərik – dərdimiz budur.”
Ərdoğan ölkənin iqtisadi göstəricilərinə də diqqət çəkərək, ixracatın 270 milyard dollar həddinə çatdığını, valyuta ehtiyatlarının artdığını və adam başına düşən ümumi daxili məhsulun əhəmiyyətli dərəcədə yüksəldiyini vurğulayıb.
Qeyd edək ki, Ərdoğanın bu çıxışı ölkədə yeni konstitusiya ilə bağlı müzakirələrin intensivləşdiyi bir dövrə təsadüf edir. Bəzi ekspertlər onun yeni konstitusiyanın qəbul edilməsindən sonra yenidən prezidentliyə namizəd ola biləcəyini düşünür.
Xatırladaq ki, Türkiyədə bir nəfər iki dəfədən artıq prezident seçilə bilməz. Ərdoğan artıq iki dəfə prezident seçilib.
22-05-2025, 00:16
İran-ABŞ danışıqları - 5-ci raundun yeri və vaxtı açıqlandı
İran-Amerika danışıqlarının beşinci raundu cümə günü İtaliyanın paytaxtı Romada keçiriləcək.
Bu barədə Omanın xarici işlər naziri Seyid Bədr bin Həməd bin Həmud Əlbusaidi bildirib.
O, sosial şəbəkədə yazıb: "İran-Amerika danışıqlarının beşinci raundu bu cümə, mayın 23-də Romada baş tutacaq".
İran və ABŞ nümayəndə heyətləri Omanın paytaxtı Maskat və İtaliyanın Roma şəhərində Tehranın nüvə proqramı və ABŞ sanksiyalarının ləğvi ilə bağlı dolayı danışıqların dörd raundunu keçirib.
Bundan əlavə, İran və üç Avropa ölkəsi - Fransa, Almaniya və Böyük Britaniya ötən cümə günü İstanbulda yüksək səviyyəli görüş keçirib.
22-05-2025, 00:00
Sarkisyan Paşinyanı yıxmağa çağırdı: “Köçəryan baş nazir olsun!”
Ermənistanın 3-cü prezidenti Serj Sarkisyan hazırkı Baş nazir Nikol Paşinyanın hakimiyyətdən getməsi üçün onunla bağlı impiçment (etimadsızlıq) təşəbbüsünü dəstəklədiyini vurğulayıb.
Sarkisyan mayın 21-də jurnalistlərlə söhbətində “bəli biz impuçmentin tərəfdarıyıq” deyib.
Sarkisyanın sözlərinə görə, Paşinyana etimadsızlıq məsələsi 2026-cı ilin parlament seçkilərini gözləmədən gerçəkləşməldiir.
O vurğulayıb ki, indiki hakimiyyət əvvəllər də baş verdiyi kimi, bu il də ölkənin ərazi bütövlüyünə daha böyük ziyan vura bilər.
“Və heç bir zəmanət yoxdur ki, “sülh müqaviləsi” bəhanəsi ilə sonradan geri qaytarılması çox çətin olacaq güzəştlər edilməyəcək. Yaxın gələcəkdə - bəlkə də yaxın aylarda - Ermənistan liderinin qondarma sülh sazişi imzalayacağı ehtimalı yüksəkdir. Amma biz bu sənəddə dəqiq nə yazıldığını bilirik? Biz bilmirik”.
"Ola bilsin ki, bir-iki aya, artıq Tavuşda olduğu kimi, Ermənistan yenidən Azərbaycana müəyyən ərazilər verəcək. Bundan sonra da müxalifət seçkilərdə qalib gəlsə belə, biz bu torpaqları geri ala biləcəyikmi? Yoxsa "yaxşı, Artsaxdan əl çəkdik, Ermənistanın bir hissəsini verdik, bəs nə olacaq, biz də anklavı dəyişəcəyik, anklavdan da imtina edəcəyik?" deməliyik? Xeyr, mən bu mövqe ilə razılaşmıram, biz indidən bunun qarşısını almağa çalışmalıyıq”, – deyə Serj Sarkisyan müxalifətə çağırış edib.
Eks-prezident bildirib ki, Paşinyanın impiçment prosesi onun istefası ilə başa çatarsa, 2-ci precident Robert Köçəryanın baş nazir postuna mümkün namizədliyini dəstəkləməyə hazırdır.
Sarkisyana görə, qondarma “Artsax məsələsi” hələ açıq qalır: “Bu səhifə bağlanmayıb”.
O, gələcəkdə bu məsələdə böyük dəyişikliklərin olacağını da istisna etməyib.
"Əgər bu ideyanı yaşada biləcək fərdlər və ya siyasi qüvvələr varsa, əminəm ki, bir gün Ermənistandan kənarda olan nüfuzlu qüvvələr də bununla maraqlanacaqlar. Sonra isə “Artsax məsələsi”ni həyata keçirmək imkanı yaranacaq", - Sarkisyan bildirib.
O, bu gün Qarabağ ermənilərinin Qarabağa qayıtmasının yalnız beynəlxalq zəmanətlərin olması ilə mümkün olduğu fikrini ifadə edib.
Sarkisyanın sözlərinə görə, qayıdış yalnız beynəlxalq aktorların iştirakı ilə mümkündür:
“Beynəlxalq qüvvələrin iştirakı olmadan təhlükəsiz geri dönüşü təmin etmək mümkün deyil”, - Serj Sarkisyan vurğulayıb.
21-05-2025, 20:49
"Baydenin 12-18 ay ömrü qalıb"
Prostat xərçəngi diaqnozu qoyulan ABŞ-nin sabiq prezidenti Co Baydenin 12-18 ay ömrü qalıb.
Bunu Ağ Evin keçmiş həkimi, respublikaçı konqresmen Ronni Cekson “The Washington Free Beacon” (WFB) nəşrinə müsahibəsində deyib.
“Mənim ixtisasım deyil, amma bu məsələ çıxandan bəri bir sıra uroloqlarla danışmışam. Bu, 12-18 ay çəkə bilər”, - o bildirib.
Ağ Evin keçmiş həkimi Baydenin gözlənildiyindən daha uzun yaşayacağına ümid etdiyini də bildirib.
21-05-2025, 18:32
Paşinyan İranın müdafiə naziri ilə görüşdü
Ermənistanın baş naziri Nikol Paşinyan İrəvanda səfərdə olan İranın müdafiə naziri general Əziz Nəsirzadənin başçılıq etdiyi nümayəndə heyətini qəbul edib.
Bu barədə Ermənistan hökuməti məlumat yayıb.
Bildirilib ki, tərəflər Ermənistan-İran əməkdaşlığının gündəliyində duran məsələləri, o cümlədən regional təhlükəsizlik və sabitliyin qorunmasını müzakirə ediblər.
21-05-2025, 17:57
Sarkisyanı məhkəmədə sıxırlar
Ermənistanın üçüncü prezidenti Serj Sarkisyan mayın 21-də məhkəmə qarşısına çıxıb.
Sarkisyan yeni cinayətdə ittiham olunub. İttiham Serj Sarkisyanın müdafiə naziri olduğu müddətə aiddir.
İsakov prospekti və Yerablur hərbi panteonuna bitişik torpaq sahələrinin qanunsuz olaraq özgəninkiləşdirilməsi ilə bağlı başlanan cinayət işində Sarkisyana qarşı 18 epizod üzrə xüsusi külli miqdarda mənimsəmə, 2 epizod üzrə xüsusi külli miqdarda çirkli pulların yuyulması və 3 epizod üzrə yardım və şəriklik ittihamı irəli sürülüb.
Qeyd edək ki, üçüncü prezident müdafiə naziri olduğu illərdə imzaladığı 20 illik müqavilədə ittiham olunur. İttihama görə, Serj Sarkisyan İsakov prospektindəki bəzi torpaq sahələrini Ermənistanın ikinci prezidentinə məxsus “Toyota-Yerevan”a keçirmək üçün ucuz qiymətə satıb.
Sarkisyan həm də başqa cinayət işində dövlət büdcəsindən təxminən yarım milyard dramın oğurlanmasını təşkil etməkdə ittiham olunur.
21-05-2025, 16:40
Kursk vilayəti tam şəkildə azad edilib - Rusiya rəsmisi
Bugünə olan məlumata görə, Kursk vilayətinin bütün ərazisi azad edilib, Ukrayna Silahlı Qüvvələrinin (AFU) bölgə ərazisinə daxil olmaq üçün bütün cəhdlərinə müqavimət göstərilib.
Bunu region rəhbərinin səlahiyyətlərini icra edən Aleksandr Xinşteyn “Rossiya 24” telekanalına müsahibəsində bildirib.
“Mənim başa düşdüyüm və məlumata malik olduğum qədər, region ərazisinə soxulmaq cəhdləri qətiyyətlə və çox sərt şəkildə dəf edilir”, - Xinşteyn deyib.
Eyni zamanda, Xinşteyn qeyd edib ki, Ukraynanın Kursk vilayəti ərazisinə zərbələrinin aktivliyi kifayət qədər yüksək olaraq qalır.
“Biz hər gün Ukrayna Silahlı Qüvvələrinin müxtəlif zərbələri, dron reydləri, hava bombalarından istifadə etməsi və digər hərəkətləri qeydə alırıq”, - o deyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!