6-01-2026, 15:01
Əcnəbi vətəndaş Zelenskinin müşaviri oldu
Kanada Baş nazirinin keçmiş müavini Xristiya Frilend Zelenskinin müşaviri olub.
Ukrayna Prezidenti Volodimir Zelenski kanadalı siyasətçi Xristiya Frilendini iqtisadi inkişaf üzrə ştatdankənar müşaviri təyin edib.
"Xristiya... investisiya cəlb etmək və iqtisadi islahatlar həyata keçirmək təcrübəsinə malikdir. Ukrayna indi daxili dayanıqlığını gücləndirməlidir - əgər diplomatiya mümkün qədər tez işə yarayarsa, bərpa naminə və müdafiəmizi gücləndirmək naminə, əgər tərəfdaşlarımızın gecikmələri müharibəni bitirmək üçün daha uzun müddət işləməli olduğumuzu göstərirsə", - deyə Zelenski bildirib.
Xristiya Frilend Kanadada anadan olub, anası ukraynalıdır. Frilend karyerasına jurnalist kimi başlayıb, o cümlədən Ukrayna və Rusiyadakı Qərb nəşrlərində çalışıb. Frilend daha sonra Kanada Parlamentinə seçilib, nazir, daha sonra isə Kanada hökumətində Baş nazirin müavini vəzifəsində çalışıb. O, Ukraynanın sadiq tərəfdarıdır.
6-01-2026, 13:48
İran hakimiyyətdən etirazları sakitləşdirmək üçün pul təklifi
İran iqtisadi böhranın yaratdığı etirazlar fonunda vətəndaşlarına aylıq təxminən 7 dollar ödəniş təklif edir.
Ölkənin əmək, sosial təminat və kooperasiya naziri Əli Rabiyə ödənişlərin təxminən 80 milyon insana çatacağını bildirib.
Hazırda İran iqtisadiyyatı sanksiyalardan və neft gəlirlərinin azalmasından əziyyət çəkir, valyuta dəyərinin yarıdan çoxunu itirib və orta illik inflyasiya 42,2%-ə çatıb.
Xatırladaq ki, proqram 78 şəhər və 222 qəsəbədə iştirakçıların Ali Lider Əli Xamenei rejiminin devrilməsini tələb etdiyi geniş etirazlar fonunda elan edilib. İnsan haqları fəallarının məlumatına görə, üçü uşaq olmaqla ən azı 20 nəfər öldürülüb, təxminən 1000 nəfər həbs olunub.
6-01-2026, 13:36
Venesuela xalqı Trampa minnətdardır
Venesuela müxalifətinin lideri Mariya Korina Maçado Nobel Sülh Mükafatını ABŞ Prezidenti Donald Trampa təqdim etməyə hazır olduğunu açıqlayıb. O qeyd edib ki, Trampa minnətdarlıq əlaməti olaraq onu bölüşməyə hazırdır:
"Venesuela xalqı Donald Trampa ölkə prezidenti Nikolas Maduronun həbsinə görə təşəkkür etmək üçün bu addımı atmağa hazırdır".
Müxalifət lideri bunu tarixi addım adlandırıb:
"Bu, demokratik keçidə doğru atılmış çox böyük bir addımdır və mən bunu Amerika xalqına çatdırmaq istəyirəm”.
2025-ci ilin oktyabrında Nobel Komitəsi Venesuela xalqının demokratik hüquqlarının təşviqinə verdiyi töhfəyə görə Nobel Sülh Mükafatını Mariya Korina Maçadaya təqdim edib.
Mariya Korina Maçado 2024-cü il prezident seçkilərində saxtakarlıq edildiyini bəyan etdikdən sonra Maduronun rejimindən gizlənərək sığınacaqda yaşayıb. Venesuela hakimiyyəti onun yüzlərlə tərəfdarını həbs edib.
6-01-2026, 13:21
İsraildə "quş qripi" aşkarlandı
İsraildə "quş qripi" qeydə alınıb.
Bu barədə Parisdə yerləşən Heyvan Sağlamlığı üzrə Ümumdünya Təşkilatı məlumat yayıb.
Bildirilib ki, İsrailin şimalındakı Sde Yaakov kəndində 2000 ördək arasında H5N1 qripi aşkarlanıb.
Qrip 90 ördəyin ölümünə səbəb olub.
6-01-2026, 13:00
Maduronun oğlu atasının həbsinə etiraz etdi
ABŞ xüsusi təyinatlı qüvvələri tərəfindən ələ keçirlən Venesuelanın devrilmiş prezidenti Nikolas Maduronun adı hələ ki dünyanın əsas müzakirə mövzularından biri olaraq qalır.
Nikolas Maduronun Venesuela parlamentinin üzvü olan oğlu Nikolas Maduro Gerra atasının ABŞ tərəfindən həbsinə etiraz edib.
"O, gec-tez yenidən bizimlə olacaq. Bu, həm Venesuelada, həm də xaricdə xalqımızın birliyi sayəsində mümkün olacaq", - Maduronun oğlu parlament iclasında bildirib.
Xarici KİV-in məlumatına görə, Nikolas Maduronun oğlu həmçinin Ali Məhkəmənin qərarına uyğun olaraq, prezident vəzifəsini icra edəcək vitse-prezident Delsi Rodrigezi tam dəstəklədiyini bildirib.
6-01-2026, 12:31
Avropanın üç əsas lideri istefa verə bilər
Ukraynadakı müharibənin davam etməsinin tərəfdarı olan üç Avropa ölkəsinin lideri bu il istefa verə bilər.
Bu iddia ilə ABŞ ordusunun təqaüddə olan polkovniki Lorens Uilkerson YouTube kanalında çıxışı zamanı bildirib.
O, Almaniya kansleri Fridrix Merts, Fransa prezidenti Emmanuel Makron və Böyük Britaniyanın baş naziri Keyr Starmerin istefa riski altında olduğuna inandığını vurğulayıb.
Polkovnik qeyd edib ki, sorğulara görə, bu üç ölkənin əhalisi Rusiya ilə müharibə istəmir, lakin onların liderləri Ukraynanı dəstəkləyərkən anti-Rusiya siyasəti yürütməyə davam edirlər. Buna görə də Uilkerson hesab edir ki, yeni liderlərin seçilməsi üçün seçkilər Fransa, Almaniya və Böyük Britaniyada keçirilə bilər.
Eyni zamanda, polkovnik Ukraynadakı münaqişənin Avropa üçün dağıdıcı nəticələrinə diqqət çəkib.
O qeyd edib ki, münaqişənin davam etməsi Ukraynada və bəlkə də Avropada sülhün sonu deməkdir.
6-01-2026, 11:14
Maduronun ilk məhkəməsində nələr oldu: növbəti prosesin vaxtı açıqlandı
Dünən – yanvarın 5-də Venesuelanın devrilmiş prezidenti Nikolas Maduro və həyat yoldaşı Siliya Floresin işi üzrə ilk məhkəmə iclası keçirilib. 3 yanvarda ABŞ Venesuelada hərbi əməliyyat keçirib və bu əməliyyat zamanı Maduro ilə xanımı qaçırılaraq Amerikaya aparılıb.
Dinləmə Nyu-Yorkun Cənub Dairəsi üzrə federal məhkəmədə baş tutub.
Maduro məhkəmə zalına əli qandalsız, lakin topuqlarında qandallarla gətirilib.
Maduro ispan dilində danışıb və tərcüməçidən istifadə edib.
Məhkəməyə sədrliyi 92 yaşlı hakim Alvin Hellerstein edib. O, əvvəllər ABŞ prezidenti Donald Trampa qarşı çıxardığı qərarla tanınır. Məsələn, o, Trampın pornoaktrisa Stormi Danielsə ödənişləri ilə bağlı işdə hökmü ləğv etmək cəhdlərini rədd etmiş və həmçinin Trampın Venesuela miqrantlarını deportasiya etmək əmrinin konstitusiyaya zidd olduğuna qərar vermişdi.
Maduro və Flores 4 maddə üzrə - narkoterrorizm, ABŞ-a kokain tədarükü, odlu silahlar saxlamaq və sui-qəsddə ittiham olunurlar.
N.Maduro məhkəmədə günahsız olduğunu bəyan edib.
"Mən Venesuela prezidentiyəm, özümü müharibə əsiri hesab edirəm. Məni Karakasdakı evimdən tutublar. Mən günahsızam!”, - deyə o, məhkəmədə bildirib.
Onun həyat yoldaşı Siliya Flores də günahsız olduğunu bəyan edib.
Maduro və həyat yoldaşının hüquqladını vəkillər Barri Pollak və Mark Donnelli müdafiə edirlər.
Maduronun vəkilləri deyiblər ki, o, suveren dövlətin başçısıdır və toxunulmazlıq hüququna malikdir.
CNN-in məlumatına görə, Maduronun vəkilləri onun səhhətində problemlər olduğunu bildiriblər. Vəkillər deyiblər ki, Siliya Floresin qaçırılma zamanı qabırğaları sınıb və o, ciddi şəkildə zədələnib.
Vəkil Pollak müvəkkillərinin həbsini hərbi adam oğurluğu kimi təsvir edib.
Məhkəmə Maduronun qanuni olaraq tələb olunan Venesuela konsulluq rəsmilərinin ziyarətlərinə icazə verməyə razılaşıb.
Növbəti məhkəmə iclası 17 martda keçiriləcək.
Amerika mediasının məlumatına görə, Maduronun məhkəməsi 2027-ci ildən tez başlamayacaq. 5 yanvarda hakim yalnız sübutların mübadiləsi və ilkin vəsatətlər üçün cədvəli təsdiqləyib.
Nikolas Maduro və həyat yoldaşı Siliya Flores məhkəmə iclasından sonra Bruklindəki istintaq təcridxanasına qaytarılıblar.
6-01-2026, 00:56
Qərb yarımkürəsi Amerikanın elan edildi
ABŞ hökuməti Qərb yarımkürəsini rəsmi şəkildə öz maraq zonası elan edib.
Bu barədə ABŞ Dövlət Departamenti sosial şəbəkədə yaydığı açıqlamada məlumat verib.
Bildirilib ki, Qərb yarımkürəsi ABŞ üçün xüsusi və prioritet maraq sahəsidir:
"Bu, bizim yarımkürəmizdir və Prezident Donald Tramp ABŞ-a hər hansı təhlükənin yaranmasına yol verməyəcək”.
6-01-2026, 00:37
Venesuelanın prezidenti kimi and içdi
Venesuelanın vitse-prezidenti Delsi Rodriges ölkə prezidentinin səlahiyyətlərini icra edən şəxs kimi and içib.
Onu Parlamentin sədri Xorxe Rodriges qəbul edib.
"Mən buraya Venesuela Bolivar Respublikasının konstitusiya prezidenti Nikolas Maduro Morosun icraçı vitse-prezidenti kimi and içmək üçün gəlmişəm. Mən bunu vətənimizə qarşı qanunsuz hərbi təcavüzün Venesuela xalqına vurduğu əzablara görə ağrı ilə edirəm", - o deyib.
5-01-2026, 23:33
Kadırov oğluna yüksək vəzifə verdi
Çeçenistan lideri Ramzan Kadırov 20 yaşlı oğlu Axmatı Çeçenistanın baş nazirinin müavini vəzifəsinə təyin edib.
Bu barədə Kadırov özü məlumat verib.
Rusiya mediasının məlumatına görə, o, həmçinin Çeçenistanın bədən tərbiyəsi və idman naziri vəzifəsini də qoruyub saxlayacaq.
Çeçenistan hökumətinin müvəqqəti sədr müavini vəzifəsinə regional milli siyasət, xarici əlaqələr, mətbuat və informasiya naziri Əhməd Dudayev təyin edilib.
Kadırov qeyd edib ki, hər iki təyin olunmuş şəxs "geniş idarəetmə təcrübəsinə, bir sıra müstəsna peşəkar keyfiyyətlərə, işə sistemli yanaşmaya və yüksək məsuliyyət hissinə malikdir", həmçinin "öz ixtisas sahələrini dərindən başa düşür və artıq respublikanın inkişafına əhəmiyyətli töhfələr veriblər".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!