10-01-2026, 12:31
Suriya ordusu Hələbi kürd terrorçulardan təmizlədi
Suriya ordusu Hələbdə YPG/SDG terror təşkilatı tərəfindən işğal edilən sonuncu məhəllənin azad edildiyini açıqlayıb.
Bu barədə Suriya ordusunun açıqlamasında bildirlib.
Hələbin Şeyx Məqsud məhəlləsində YPG/SDG terror təşkilatına qarşı həyata keçirilən əməliyyat uğurla başa çatıb.
Ordudan verilən açıqlamada şəhərə tam nəzarətin qurulduğu bildirilib.
Lakin əhali arasında gizlənən terrorçu ünsürlərin mövcudluğunun davam etdiyini nəzərə alaraq, mülki şəxslərə evlərində qalmaları və çölə çıxmamaları tövsiyə edilib.
Açıqlamada deyilir: “Mülki əhalimizi evlərində qalmağa və çölə çıxmamağa çağırırıq. Çünki SDG və PKK terror təşkilatlarının ünsürləri xalq arasında gizlənir”.
İordaniya və ABŞ YPG/SDF terror təşkilatının Hələbdən dinc yolla çıxarılması və Suriyanın cənubundakı Suveyda əyalətindəki böhrana son qoyulması səylərini dəstəklədiklərini açıqlayıblar.
9-01-2026, 18:47
Silahımız yoxdur, amma insanımız var...
Kolumbiya prezidenti Qustavo Petro ABŞ-ın Venesuelada keçirdiyi son hərbi əməliyyatdan sonra Kolumbiyaya qarşı da mümkün güc tətbiqi riskinin mövcud olduğunu istisna etməyib.
Britaniyanın BBC telekanalına müsahibəsində Qustavo Petro bildirib ki, təhdid realdır, lakin Kolumbiyanın güclü silahlı ordu ilə silahlanma baxımından rəqabət aparmaq imkanı yoxdur.
Onun sözlərinə görə, ölkənin əsas dayağı silahlar deyil, xalqdır və bu insanlar dağlarda və cəngəlliklərdə yaşayır. Prezident vurğulayıb ki, Kolumbiya tarixən daha güclü ordulara məhz bu yolla müqavimət göstərib.
Petro qarşıdurmadan çox dialoqa üstünlük verdiyini bildirib və əlavə edib ki, Kolumbiyanın keçmişi ölkənin xarici təzyiqlərə necə dözdüyünü açıq şəkildə göstərir. O, Vaşinqtonun digər dövlətlərə “imperiya ambisiyaları” ilə yanaşmasının sonda ABŞ-ın özünün beynəlxalq arenada təcrid olunması riskini artırdığını da qeyd edib.
Xatırladaq ki, Venesuela ərazisində həyata keçirilən əməliyyatdan sonra Donald Tramp Kolumbiya prezidentini də ehtiyatlı olmağa çağırmışdı. ABŞ ilə Kolumbiya arasında yaranan bu gərginlik regionda təhlükəsizliklə bağlı narahatlıqları daha da artırır.
9-01-2026, 18:00
Ermənistanı Rusiyaya birləşdirən yol bağlandı
Gürcüstan-Rusiya sərhədinə gedən yol qar uçqunu təhlükəsi səbəbindən bağlanıb.
Mtsxeta-Stepantsminda-Lars beynəlxalq yolunun Qudauri-Kobi hissəsi bütün nəqliyyat vasitələri üçün bağlıdır.
Gürcüstanın əksər hissəsində əlverişsiz hava şəraiti 12 yanvara qədər davam edəcək.
Xatırladaq ki, qeyd edilən yol Ermənistanı Rusiyaya birləşdirir.
9-01-2026, 18:00
Ukraynanın inkişafını Putinin gözü götürmədi
Rusiya prezidenti Vladimir Putinin Ukraynaya qarşı müharibəsi tamamilə yalan üzərində qurulub.
Bu barədə “The Hill” yazıb:
“Rusiyanın qələbəsinə inamını formalaşdıran açıqlamaları yalandır.
Rusiya-Ukrayna müharibəsində Putinin irəli sürdüyü bütün iddialar – etnik ruslara təhlükə, Ukraynanın nasistlər tərəfindən idarə olunması və NATO-nun Rusiyaya təhdidi – yalandır. Putinin müharibəni qazanacağına dair inancı da yalan üzərində qurulub, çünki Kremlin kəşfiyyatı və hərbi qurumları ona yanlış məlumatlar ötürür.
Ukrayna sürətlə inkişaf edirdi. Bu, korrupsiya dövlətini idarə edən Putinin xoşuna gəlmirdi. Onun məqsədi Ukraynanı məhv etmək və planlarındakı Rusiya imperiyasının tərkibinə qatmaqdır”.
9-01-2026, 17:58
İranda etirazçılar prokuroru diri-diri yandırdı
İranın İsfahan şəhərində dünən gecə keçirilən nümayişlər zamanı prokuror öldürülüb.
Bu barədə xarici KİV yazıb.
Qeyd olunub ki, Esfarayenin Dövlət Prokuroru Əli Əkbər Hüseynzadə iğtişaşçılar tərəfindən yandırılan binada yanaraq ölüb.
Şimali Xorasan Prokurorluğunun açıqlamasına görə, etirazçılar yanğınsöndürənlərin müdaxiləsinə mane olub, buna görə də prokuror və onu müşayiət edən polis əməkdaşları yanğında həlak olublar.
Prokurorluq məsələ ilə bağlı araşdırmaların davam etdiyini və şübhəlilərin tutulması üçün səylərin başlandığını bildirib.
9-01-2026, 00:34
Tehran alov içində - Etirazlar silahlı toqquşmaya çevrilir
İranın bir sıra şəhərlərində etiraz aksiyaları davam edir. Sosial şəbəkələr və yerli teleqram kanalları toqquşmalar, yanğınlar və silah səsləri barədə məlumatlar yayımlayır. Lakin bu xəbərlər İranın rəsmi qurumları tərəfindən təsdiqlənməyib.
Tehran şəhərində etirazçılar təhlükəsizlik qüvvələrinə məxsus motosiklləri yandırıb. Paytaxtın bəzi rayonlarında isə İslam İnqilabı Keşikçiləri Korpusuna aid binaların od vurulub.
Bundan başqa, İsfahan şəhərində etirazçılar tərəfindən yerli telefon stansiyasının yandırıldığı bildirilir. Bu hadisələr fonunda ölkə üzrə telefon rabitəsi dayandırılıb.
Bu arada ABŞ rəsmilərindən də bəyanatlar səslənib. ABŞ-ın vitse-prezidenti Cey Di Vens Vaşinqtonun dinc etirazlarda iştirak edən və fikir azadlığını müdafiə edən insanları dəstəklədiyini bildirib.
Onun sözlərinə görə, ABŞ İran hakimiyyətinin nüvə proqramı ilə bağlı Vaşinqtonla real danışıqlara başlamalı olduğunu düşünür. Vens qeyd edib ki, ABŞ-ın növbəti addımları ölkə prezidenti tərəfindən müəyyən ediləcək və bu dəstək bütün dünyada, o cümlədən İran xalqının hüquqları uğrunda çıxış edənlərə şamil olunur.
Donald Tramp bildirib ki, əgər İran hakimiyyəti etirazçılara qarşı ölümcül zorakılığa əl atsa, ABŞ “sərt zərbə” endirəcək. Onun sözlərinə görə, ABŞ administrasiyası ölkədəki vəziyyəti diqqətlə izləyir.
Tramp etirazlar zamanı onlarla insanın həlak olması ilə bağlı yayılan məlumatları şərh edərkən, bəzi ölümlərin məqsədli güc tətbiqindən deyil, izdihamın idarə olunması zamanı yaranan sıxlıqdan qaynaqlana biləcəyini qeyd edib.
8-01-2026, 23:35
SEPAH-ın iki əməkdaşı öldürdüldü
İranın qərbində yerləşən Kermanşah şəhərində baş verən iğtişaşlar zamanı İslam İnqilabı Keşikçiləri Korpusunun (SEPAH) iki hərbi qulluqçusu öldürülüb.
Bu barədə "Tasnim" agentliyi məlumat yayıb.
Agentliyin məlumatına görə, Möhsən Cəmali və Məhəmməd Şeydai etirazçılarla toqquşmalar zamanı öldürülüb.
8-01-2026, 21:25
ABŞ senatı Trampa qadağa qoydu
ABŞ Senatı müharibə səlahiyyətlərinə dair qətnaməni qəbul edib.
Qətnamə layihəsində Prezidentin ABŞ Silahlı Qüvvələrindən Konqresin icazəsi olmadan Venesuela daxilində və ya ona qarşı hərbi əməliyyatlarda istifadəsi qadağan olunur.
Qətnamənin lehinə 52, əleyhinə 47 senator səs verib. Respublikaçılar Partiyasının 5 üzvü layihənin keçməsi üçün Demokratlar Partiyasından olan həmkarlarına qoşulub.
Növbəti mərhələdə tam təsdiq üçün qətnamə Nümayəndələr Palatasında səsverməyə çıxarılacaq.
8-01-2026, 20:49
Paşinyan xüsusi xidmət orqanlarına tapşırıq verdi
İrəvan silah alır, lakin onlardan istifadə etmək məcburiyyətində qalmayacaq.
Bu barədə Ermənistanın Baş naziri Nikol Paşinyan bildirib.
O, bu açıqlamanı Ermənistan Milli Təhlükəsizlik Xidmətinin peşə bayramı münasibətilə bu qurumu ziyarət edərkən verib.
Paşinyanın sözlərinə görə, Milli Təhlükəsizlik Xidməti öz imkanlarını ardıcıl olaraq inkişaf etdirməli, o cümlədən xüsusi təyinatlı qüvvələrinin bölmələrini gücləndirməlidir. Eyni zamanda, baş nazir vurğulayıb ki, xidmətin əsas vəzifəsi güc tətbiq etmək zərurətindən yayınmaqdır.
Paşinyan, həmçinin narkotik qaçaqmalçılığına qarşı effektiv mübarizənin vacibliyini vurğulayaraq, bunu Milli Təhlükəsizlik Xidmətinin prioritet fəaliyyət sahələrindən biri adlandırıb.
8-01-2026, 20:31
Rusiya təyyarələri Tehrandan nə daşıyır?
"Rusiyaya aid yük təyyarələri Tehrana eniş edib və onların vasitəsilə İrandan xeyli miqdarda qızıl çıxarılıb".
Bunu hərbi ekspert Ədalət Verdiyev deyib.
"İran rəhbərliyi ən pis ssenariyə, yəni "hakimiyyətin mümkün çöküşünə" hazırlaşır. Rusiya yük təyyarələrinin Tehrana böyük ehtimalla silah və sursat, geriyə isə Xameneyinin qızıllarını daşıyırlar.
İran rəsmiləri isə daha çox Fransa vizası almağa üstünlük verir. Bir çox ölkələr vətəndaşlarını İranı tərk etməyə çağırıb. Vəziyyət getdikcə daha da gərginləşir.
İranın hazırda etiraz aksiyasını idarə edəcək, müxtəlif etnik qrupların qəbul edə biləcəyi vahid liderə böyük ehtiyacı var. Pəhləvi bu kriteriyalara cavab vermir", - deyə hərbi ekspert qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!