5-01-2026, 16:04
Təhlükəsizlik Xidmətinin rəhbəri istefa verdiyini açıqladı
Ukrayna Təhlükəsizlik Xidmətinin rəhbəri general-leytenant Vasil Malyuk istefa verdiyini açıqlayıb.
O, təhlükəsizlik sistemində fəaliyyətini davam etdirəcəyini vurğulayıb.
Ukrayna lideri Volodimir Zelenski də Malyukun istefası ilə bağlı şərh verib:
"Mən Malyuka asimmetrik əməliyyatlarımızı dünyanın ən güclü əməliyyatlarına çevirməyi tapşırdım. Bunun üçün resurslarımız və lazımi siyasi dəstəyimiz var. Təhlükəsizlik Xidmətinin yeni rəhbərinin seçilməsi üçün namizədləri müzakirə etdik".
5-01-2026, 15:11
MDB-nin daxili işlər nazirləri Düşənbədə toplaşacaqlar
Müstəqil Dövlətlər Birliyi (MDB) Daxili İşlər Nazirləri Şurasının növbəti iclası 2026-cı ildə Düşənbədə keçiriləcək.
Bu barədə Tacikistan Daxili İşlər Nazirliyinin mətbuat mərkəzinin məlumatında bildirilib.
İclasda MDB Daxili İşlər nazirlikləri arasında prioritet əməkdaşlıq perspektivləri, dövlətlərarası cinayətkarlığa qarşı mübarizə proqramlarının həyata keçirilməsi və Birlik qurumları arasında əməkdaşlığın digər müvafiq aspektləri müzakirə olunacaq.
2025-ci ildə MDB Daxili İşlər Nazirləri Şurasının iclası Sankt-Peterburqda keçirilib.
MDB-yə Azərbaycan, Ermənistan, Belarus, Qazaxıstan, Qırğızıstan, Moldova, Rusiya və Tacikistan daxildir.
5-01-2026, 14:50
Prezident nazir müavininə yüksək vəzifə verdi
Ukrayna prezidenti Volodimyr Zelenski diplomatı Sergey Kislitsi Prezident Aparatı rəhbərinin birinci müavini təyin edib.
Bu, prezidentin 5 yanvar tarixli fərmanı ilə elan edilib.
Sergey Kislits bu yaxınlara qədər Ukrayna xarici işlər nazirinin birinci müavini vəzifəsində çalışıb. O, həmçinin müharibəyə son qoymaq və sülhə nail olmaq üçün ABŞ və digər beynəlxalq tərəfdaşlar, eləcə də Rusiya ilə danışıqlarda iştirak etmək üçün Ukrayna nümayəndə heyətinin tərkibində yer alır.
Sergey KislitsTaras Şevçenko adına Kiyev Milli Universitetinin Beynəlxalq Münasibətlər İnstitutunu beynəlxalq hüquq ixtisası üzrə bitirib. O, fövqəladə və səlahiyyətli səfir diplomatik rütbəsinə malikdir. O, bütün peşəkar karyerasını diplomatı kimi keçirib. 2020-ci ilin fevral ayından 2025-ci ilin fevral ayına qədər Ukraynanın BMT-dəki Daimi Nümayəndəsi olub.
Xatırladaq ki, bu il yanvarın 2-də Ukrayna prezidenti Volodimir Zelenski general-leytenant Kiril Budanovu Prezident Aparatının yeni rəhbəri təyin edib. Eyni zamanda, prezident başqa bir fərmanla K.Budanovu Ukrayna Müdafiə Nazirliyinin Baş Kəşfiyyat İdarəsinin rəisi vəzifəsindən azad edib. Digər fərmanla Oleq İvaşçenko Baş Kəşfiyyat İdarəsinin yeni rəisi olub.
5-01-2026, 14:40
İranda xalq etirazları genişlənir - azı 20 nəfər öldürülüb
İranda xalq etirazlarının miqyası böyüməkdə davam edir.
Yerli insan haqları təşkilatları hadisələrin 222 yaşayış məntəqəsini əhatə etdiyini bildirib.
Bugünə qədər toqquşmalarda 19 etirazçı və 1 təhlükəsizlik əməkdaşının öldürüldüyünü bildirib.
5-01-2026, 14:31
Rusiyada rekord sayda ömürlük həbs cəzası kəsilib
2025-ci ildə Rusiyada 100 nəfər ömürlük həbs cəzasına məhkum edilib.
Bu, Rusiyada son illərdə qeydə alınan rekord rəqəmdir.
Nəlumatı Rusiya Ali Məhkəməsinin mətbuat xidməti açıqlayıb.
Statistikaya görə, əvvəlki ən yüksək rəqəmlər 2005 və 2012-ci illərdə olub, Rusiya məhkəmələri həmin illəırin hər birində 84 ömürlük həbs cəzası verib. 2020-ci ildə Rusiya məhkəmələri 66 belə hökm çıxarıb, 2021-ci ildə 47, 2022-ci ildə 58, 2023-cü ildə 78 və 2024-cü ildə 79 ömürlük məhkum qeydə alınıb.
Ümumilikdə, 2005-ci ildən 2024-cü ilə qədər Rusiya məhkəmələri 1316 ömürlük həbs cəzası verib.
Son illərdə Rusiya Cinayət Məcəlləsinin bir neçə əlavə maddəsinə ömürlük həbs cəzası əlavə edilib. Xüsusilə, bu cəza dövlətə xəyanət, terror aktının təşkili və yetkinlik yaşına çatmayanları terror fəaliyyətinə təhrik etmə və ya cəlb etmə kimi maddələrə görə müəyyən edilir. Lakin ömürlük həbs cəzası qadınlara, cinayəti 18 yaşına çatmamış törədən şəxslərə və ya hökm çıxarıldığı zaman 65 yaşına çatmış kişilərə tətbiq edilmir.
5-01-2026, 14:14
Xamenei bu ölkəyə qaça bilər
İranın ali lideri Əli Xamenei təhlükəsizlik qüvvələrinin ölkədəki etirazları yatırmaması halında Tehrandan təxliyə planı hazırlayıb.
Bu barədə Britaniyanın “Tayms” qəzeti kəşfiyyat məlumatlarına əsasın yazıb.
Bildirilib ki, İranın təhlükəsizlik qüvvələri etirazçılardan yayınarsa və ya onların tərəfini tutarsa, 86 yaşlı Xamenei paytaxtı 20 ailə üzvü və köməkçisi ilə birlikdə tərk etmək niyyətindədir. Nəşrin qeyd etdiyi kimi, planda İranın ali liderinin oğlu və varisi Müctəba Xameneinin təxliyəsi də nəzərdə tutulur.
İsrailin keçmiş kəşfiyyat zabiti Benni Sabtinin sözlərinə görə, Xamenei Moskvaya qaça bilər, “çünki onun üçün başqa yer yoxdur".
“Tayms” qəzetinin istinad etdiyi xəbərdə deyilir ki, İranın ali lideri 2025-ci ilin iyun ayında İsraillə 12 günlük müharibədən bəri zəifləyib. Əli Xamenei uzun müddətdən sonra - İranda son bir neçə gün davam edən etirazlar fonunda ictimaiyyət qarşısına çıxıb.
“Tayms” qəzetinin məlumatına görə, Əli Xameneinin təxliyə planı 2024-cü ilin dekabrında devrilmiş və Rusiyada sığınacaq almış Suriya prezidenti Bəşər Əsədin qaçmasına əsaslanır.
2025-ci ilin sentyabr ayının sonlarında Suriya məhkəməsi keçmiş prezidenti qiyabi olaraq həbs edib və ona qətl, işgəncə və qanunsuz həbs ittihamları irəli sürüb.
5-01-2026, 11:19
Paşinyan II Qaregini sıxışdırır - Kilsə islahatı üçün “yol xəritəsi” açıqlandı
Ermənistanın Baş naziri Nikol Paşinyan Erməni Apostol Kilsəsinin təkmilləşdirilməsi üçün “yol xəritəsi” hazırlayıb.
Paşinyanın “yol xəritəsi" 10 üsyankar yepiskop tərəfindən dəstəklənib.
Paşinyan bu "yol xəritəsi”nin Bütün Ermənilərin Katolikosu II Qareginin istefasından sonra həyata keçiriləcəyini düşünür. Üstəlik, hökumət kilsə nizamnaməsinin hazırlanmasına kömək etməyə hazırdır.
Bütün Ermənilərin Katolikosu II Qareginin istefasını tələb edən iyerarxlar baş nazirin iqamətgahına gələrək sənədi bir-bir imzalayıblar.
Sənəddə aşağıdakı məqamlar yer alır:
İslahat proqramının ictimaiyyətə açıqlanması
Kilsənin hazırkı rəhbərinin vəzifədən kənarlaşdırılması
Patriarxal taxt-tacın yerli nümayəndəsinin seçilməsi
Kilsə Nizamnaməsinin qəbul edilməsi
Bütün ermənilərin katolikosunun seçilməsi.
4-01-2026, 23:43
Maduronun həbsi zamanı 80 nəfər öldürülüb
ABŞ-ın Venesuela Prezidenti Nikolas Maduronu ələ keçirmək üçün apardığı əməliyyat zamanı 80 nəfər ölüb.
Bu barədə “The New York Times” qəzeti məlumat yayıb.
Bildirilib ki, ölənlər arasında təhlükəsizlik qüvvələri ilə yanaşı mülki şəxslər də var. Ölənlərin sayının artacağı istisna olunmur.
4-01-2026, 22:10
Növbəti hədəf Qrenlandiyadır?
ABŞ prezidenti Donald Tramp Venesuelanın vitse-prezidenti Delsi Rodriqezi hədələyib.
O, "The Atlantic" jurnalına deyib ki, Rodriqez Vaşinqtonun tələblərinə tabe olmazsa, “çox ağır bədəl ödəyəcək”.
Trampın sözlərinə görə, bu bədəl hətta Nikolas Maduro ilə müqayisədə daha ağır ola bilər.
ABŞ prezidenti müsahibədə Qrenlandiya mövzusuna da toxunub. Onun sözlərinə görə, ada ABŞ üçün “tamamilə zəruridir”. Tramp bunu bölgədə Rusiya və Çin gəmilərinin aktivliyi ilə əsaslandırıb.
4-01-2026, 21:38
Maduronun mühafizəçiləri öldürülüb
Venesuela Prezidenti Nikolas Maduronun ələ keçirilməsi zamanı onun təhlükəsizliyini təmin edən mühafizə əməkdaşlarının əhəmiyyətli hissəsinin qətlə yetirilib.
Bunu Venesuelanın müdafiə naziri Vladimir Padrino Lopes qeyd edib.
O bildirib ki, prezidentin ələ keçirilməsi zamanı mühafizəçilərə hücum edilib və onların böyük bir qismi soyuqqanlı şəkildə öldürülüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!