28-05-2024, 16:17
Paşinyan keşiş Baqratın planlarını pozdu
Bu gün Ermənistanın baş naziri Nikol Paşinyan dövlət protokolunda səhər saatları üçün nəzədə tutulan ənənəvi tədbirə vaxtında getməyib.
Nikol Paşinyan "Sardarabat" abidəsini ziyarət etməyi təxirə salmaqla əleyhdarlarının planını pozub. Çünki səhər saatlarında "Sardarabat" abidəsinə yürüş edən keşiş Baqrat Srbazan öz tərəfdarları ilə Paşinyanın memorial kompleksinə gəlişini gözləyirdi. Lakin baş nazir həmin tədbirə getməyi təxirə salmaqla orada baş verə biləcək qarşıdurmanı zərərsizləşdirmiş olub. Bununla da o, taktiki və strateji baxımdan vacib addım atıb. Halbuki, Baqrat Srbazan və tərəfdarları "Sardarabat" kompleksində təxribat baş verməsinin və toqquşmanın marağında idilər.
Keşiş və tərəfdarları memorial komlkeksini tərk edəndən sonra baş nazir Nikol Paşinyan "Sardarabat" abidəsini ziyarət edib. Baş nazir Ermənistan prezidenti və parıamentin sədri ilə birlikdə "Sardarapat" abidənin önünə gül dəstələri qoyub. Nikol Paşinyan burada çıxış da edib.
Qeyd edək ki, Ermənistanda ali hakimiyyət nümayəndələrinin "Sardarabat" abidəsini ziyarət etməsi çox önəmli sayılır. 1918-ci il mayın 21-dən 29-na qədər davam etmiş "Sardarabat" döyüşündə erməni qoşunları Osmanlıya qalib gəlmişdilər. Daha sonra paytaxtı İrəvan olan Ermənistan Respublikası elan olunmuşdu.
28-05-2024, 16:07
İrlandiya Fələstini müstəqil dövlət kimi tanıdı
İrlandiya Fələstini müstəqil dövlət kimi rəsmən tanıyıb.
Bu barədə İrlandiyanın xarici işlər və müdafiə naziri Mixol Martin bildirib.
“Hökumətin bugünkü qərarı Fələstin dövləti ilə tam diplomatik münasibətlərin qurulmasına icazə verir”, - o qeyd edib.
M.Martin əlavə edib ki, Fələstinin İrlandiyadakı diplomatik missiyasının statusu Fələstin hakimiyyətinin Dublinə bu rəsmi müraciətindən sonra səfirliyə qədər qaldırılacaq.
28-05-2024, 14:19
İran parlamentinə yeni sədr seçildi
Bu gün İran parlamentin açıq iclasında rəhbərliyin seçkisi keçirilib.
Məhəmməd Baqir Qalibaf, Müctəba Zolnur və Mənuçöhr Mottaki parlamentin sədri vəzifəsinə namizədliklərini açıqlayıblar.
Məhəmməd Baqir Qalibaf 287 səsdən 198 səs toplayıb və 12-ci çağırışın ilk iclasında 1 illik müddətə parlamentin sədri seçilib.
Səsvermə zamanı Zolnur 60, Motaki 5 səs toplayıb, 24 səs etibarsız sayılıb.
Məhəmməd Baqir Qalibaf bundan əvvəl 4 il parlamentin sədri vəzifəsində çalışıb.
İranın yeni seçilmiş millət vəkilləri bazar ertəsi, mayın 27-də İslam İnqilabının qələbəsindən sonra 12-ci parlamentin ilk iclasını keçiriblər.
Bazar ertəsi səhər yeni parlamentin ilk iclası yüksək səviyyəli rəsmilərin, o cümlədən prezident səlahiyyətlərini icra edən Məhəmməd Moxber, Məhkəmə Sisteminin rəisi Qulamhüseyn Mohseni Ejei, yüksək səviyyəli hərbi komandirlər və xarici ölkələrin Tehrandakı səfirlərinin iştirakı ilə başlayıb.
27-05-2024, 20:10
Əhmədinejad yenidən İran Prezidenti olmaq istəyir
İyunun 28-də İran İslam Respublikasında prezident seçkiləri keçiriləcək. İbrahim Rəisinin mayın 19-da helikopter qəzasında həlak olmasından sonra bu vəzifəni müvəqqəti olaraq vitse-prezident Məhəmməd Muxbir icra edir.
Seçkilərdə namizəd olmaq istəyənlər 30 may - 3 iyun tarixləri arasında ərizə təqdim etməlidirlər. 12-27 iyun isə təbliğat kampaniyası üçün ayrılıb.
İran mətbuatında bir çox şəxsin adı namizəd kimi hallanır.
İranın sabiq prezidenti, son seçkilərdə namizədliyi qeydə alınmayan Mahmud Əhmədinejadın da namizəd olmaq istədiyi bildirilir.
İbrahim Rəisinin ölümündən sonra seçkilərdə onun potensial namizədliyi müzakirə olunur.
Keşikçilər Şurası əvvəlki prezident seçkilərində Əhmədinejadın namizədliyini ləğv edib.
Bu yaxınlarda o, özü haqqında video çəkərək “xalqa, vətənə xidmət etmək” niyyətində olduğunu söyləyib.
27-05-2024, 20:01
Mirziyoyev İlham Əliyevə məktub göndərdi
Özbəkistan Respublikasının Prezidenti Şavkat Mirziyoyev Prezident İlham Əliyevə təbrik məktubu ünvanlayıb. Təbrikdə deyilir:
"Möhtərəm İlham Heydər oğlu.
Əziz Qardaşım.
Ölkənizin milli bayramı - Müstəqillik Günü münasibətilə Sizi və Sizin şəxsinizdə qardaş Azərbaycan xalqını səmimi-qəlbdən təbrik etməkdən məmnunluq duyuram.
Sizin kimi müdrik, vətənpərvər və fədakar liderin, görkəmli siyasətçi və dövlət xadiminin rəhbərliyi ilə Azərbaycanın ərazi bütövlüyü tam bərpa olunmuş, tarixi ədalət bərqərar edilmişdir.
Ölkənizdə həyata keçirilən genişmiqyaslı daxili və xarici siyasət, iqtisadi və sosial islahatlar bu gün öz bəhrəsini verir, Azərbaycanın beynəlxalq aləmdə etibarı və nüfuzu durmadan yüksəlir.
Xüsusilə vurğulamaq istərdim ki, biz Azərbaycan və Özbəkistan arasında yaranmış, qardaş xalqlarımızın ümumi məqsəd və istəklərinə tam uyğun gələn sıx əlaqələri xüsusi qiymətləndiririk.
Sizinlə fəallaşan açıq və səmərəli dialoqlarımız, eləcə də danışıqlarımız zamanı əldə edilmiş mühüm sazişlər və irimiqyaslı layihələr, təsdiq edilmiş “yol xəritələri”nın tam həyata keçirilməsi, şübhəsiz ki, strateji tərəfdaşlığımızı tamamilə yeni səviyyəyə qaldıracaqdır.
Hörmətli İlham Heydər oğlu, əminəm ki, yaxın gələcəkdə çoxtərəfli formatlar çərçivəsində bənzərsiz Azərbaycan torpağına yüksək səviyyəli səfərlərimiz hərtərəfli tərəfdaşlığımızın daha da dərinləşməsinə xidmət edəcəkdir.
Daha əvvəl Sizinlə razılaşdığımız kimi, kimya, neft-qaz, mədənçilik, energetika, elektrotexnika, zərgərlik, maşınqayırma, əczaçılıq, tikinti materialları və bank-maliyyə sahələri daxil olmaqla 10 yeni istiqamətdə tərəfdaşlığın gücləndirilməsinə yönələn böyük planlarımızın tam şəkildə reallaşacağına əminəm.
Bizim möhkəm siyasi iradəmiz və birgə səylərimiz sayəsində qarşılıqlı faydalı və uzunmüddətli tərəfdaşlığımız qardaş xalqlarımızın ümumi inkişafı naminə bundan sonra da davamlı şəkildə inkişaf edəcəkdir.
Fürsətdən istifadə edərək, Zati-alinizə cansağlığı, ailə səadəti, Vətəninizin inkişafı naminə fəaliyyətinizdə böyük müvəffəqiyyətlər, qardaş Azərbaycan xalqına isə sülh, əmin-amanlıq, davamlı tərəqqi və firavanlıq arzulayıram".
27-05-2024, 17:43
Müttəfiqlər Ukraynaya verilən vədləri yerinə yetirmir - Stoltenberq
"NATO müttəfiqləri Rusiya işğalçılarına qarşı müharibədə müdafiə üçün Ukraynaya verdikləri vədləri yerinə yetirmirlər".
Bunu Alyansın baş katibi Yens Stoltenberq bildirib.
"Problem ondadır ki, biz son aylarda Ukraynaya vəd etdiyimizi çatdırmadıq. ABŞ 6 ay ərzində yeni yardım paketini razılaşdırdı. 1 milyon döyüş sursatı vəd edən avropalı müttəfiqlər bu məbləğə yaxın heç nə çatdırmadılar", - Stoltenberq deyib.
O vurğulayıb ki, Ukraynaya əlavə bir "Patriot" sistemi təhvil verən Almaniya istisna olmaqla, müttəfiqlər hava hücumundan müdafiə ilə bağlı vədlərini yerinə yetirməyiblər.
27-05-2024, 17:20
Fransadan Ermənistana yardım təklifi
"Fransa Ermənistanın Tavuş və Lori bölgələrində daşqınların nəticələrinin aradan qaldırılması üçün yardım göstərməyə hazırdır".
Bunu Ermənistanın baş naziri Nikol Paşinyan ilə görüşdə Tavuş vilayəti ilə tərəfdaşlıq əlaqələri olan Fransanın Hauts-De-Seine departamentinin sədri Georges Sifredi deyib.
Paşinyan isə öz növbəsində prezident Emmanuel Makronun və bütövlükdə Fransanın Ermənistana münasibətini yüksək qiymətləndirib:
"Fransa bizim əsas tərəfdaşlarımızdan biridir və bizim fəal əməkdaşlığın dərinləşdirilməsi üçün böyük potensialımız var".
27-05-2024, 17:15
Tramp Baydeni ABŞ-ın ən pis prezidenti adlandırdı
ABŞ-da keçiriləcək prezident seçkilərində Ağ Evin hazırkı rəhbəri Co Baydenin qələbəsi ölkənin tamamilə sıradan çıxmasına səbəb ola bilər.
Bunu ABŞ-ın keçmiş lideri Donald Tramp bildirib.
Vaşinqtonda Libertar Partiyasının milli qurultayında çıxışı zamanı o, ölkənin “tarixin ən pis prezidentindən qurtulmasını” son dərəcə vacib hesab edib.
“Biz bunu birlikdə edəcəyik. Və onsuz daha dörd ildən sonra ölkədən heç nə qalmayacağı təhlükəsi var”, - deyə Tramp bildirib.
27-05-2024, 17:11
İrəvandakı aksiyalarda saxlanılanlar sərbəst buraxılıb
Ermənistanın paytaxtı İrəvanda bu gün keçirilən etiraz aksiyaları zamanı saxlanılanların hamısı sərbəst buraxılıb.
Bu barədə Ermənistan Daxili İşlər Nazirliyinin mətbuat xidmətindən "Sputnik Armenia"ya bildirilib.
Qeyd edək ki, gün ərzində təxminən 300-ə yaxın etirazçı saxlanılmışdı.
26-05-2024, 22:10
Türkiyədən acı xəbər - 10 ölü, 30 yaralı
Türkiyənin Mersin vilayətində zəncirvari yol qəzası baş verib. İlkin məlumata görə, hadisə nəticəsində on nəfər ölüb, 30 nəfər xəsarət alıb.
Bu barədə Mersin valisi Ali Hamza Pehlivan açıqlamasında bildirib.
O qeyd edib ki, hadisə Türkiyənin Tarsus-Adana-Qaziantep (TAG) magistralında meydana gəlib. Qəzaya qarışan nəqliyyat vasitələri arasında şəhərlərarası sərnişin avtobusları, yük və minik avtomobilləri var.
Qəza bölgəsinə çoxlu sayda təcili tibbi yardım, polis və yanğınsöndürmə briqadaları cəlb edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!