Dünya » Səhifə 124

11-10-2023, 18:05

İsrail milli birlik hökuməti yaradır

İsraildə hakim koalisiya və müxalifət nümayəndələri Qəzza zolağı ətrafında davam edən döyüşlər fonunda milli birlik hökumətinin yaradılması barədə razılığa gəliblər.
Bu barədə İsrail televiziyasının 13-cü kanalı məlumat yayıb.
Onun tərkibinə keçmiş müdafiə naziri Benni Qants, hazırkı Baş nazir Benyamin Netanyahu və müdafiə naziri Yoav Qalantın qatıldığı deyilir.

İsrail milli birlik hökuməti yaradır

11-10-2023, 17:44

Misirdən tərəflərə təklif: 6 saatlıq atəşkəs olsun

Xəbər verdiyimiz kimi, Fələstin-İsrail qarşıdurması davam etməkdədir. "Al Arabiya"nın mənbələrinə istinadən yaydığı məlumata görə, Misir tərəflərə 6 saatlıq atəşkəs təklif edib.
Bildirilib ki, məqsəd Qəzza zolağına humanitar yardımın çatdırılmasına icazə verilməsidir. Hələlik tərəflərdən heç bir rəsmi reaksiya yayılmayıb.
Qeyd edək ki, gərginlik oktyabrın 7-dən başlayıb.

Misirdən tərəflərə təklif: 6 saatlıq atəşkəs olsun

11-10-2023, 16:58

Norveç Ukraynaya 18.5 milyon dollar ayırdı

Norveç Ukraynada minaların təmizlənməsi üçün əlavə 18.5 milyon dollar ayırıb.
Bu barədə Norveç hökuməti məlumat yayıb.
Bildirilib ki, minalardan təmizlənmə mülki əhalinin, xüsusilə də uşaqların həyatını xilas edir və qoruyur, həmçinin ukraynalı fermerlərə məhsul yetişdirmək imkanı vermək üçün həyati əhəmiyyət kəsb edir.
Həmçinin Ukrayna humanitar minatəmizləmə ehtiyacları üçün Xorvatiyadan 5 milyon avro, İspaniyadan isə 1.5 milyon avro alacaq.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Norveç Ukraynaya 18.5 milyon dollar ayırdı

11-10-2023, 12:02

Moskva metrosunda qəza: Qatarlar toqquşdu

Moskva metrosunda qatarlar toqquşub.
Bu barədə Rusiya KİV məlumat yayıb.
Qeyd olunub ki, metronun "Peçatniki" stansiyasında iki qatar toqquşub. İlkin məlumata görə, qəzada 2 nəfər xəsarət alıb.

Moskva metrosunda qəza: Qatarlar toqquşdu

11-10-2023, 11:30

İsrail ilk dəfə M270 reaktiv yaylım atəşi sistemlərindən istifadə etdi

İsrail Müdafiə ordusu Qəzza zolağında HƏMAS-a məxsus obyektlərə zərbələr zamanı 2006-cı ildən bu yana ilk dəfə M270 reaktiv yaylım atəşi sistemlərindən istifadə edib.
Bu barədə ordunun Mətbuat xidməti məlumat yayıb.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə ölənlərin sayı 1200-ü keçib, 2500-ə yaxını yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.

İsrail ilk dəfə M270 reaktiv yaylım atəşi sistemlərindən istifadə etdi

10-10-2023, 23:39

Zelenski yaxın vaxtlarda daha bir taxıl dəhlizinin açılacağını elan etdi

Ukrayna prezidenti Volodimir Zelenski Rumıniyaya səfərindən sonra yaxın vaxtlarda daha bir taxıl dəhlizinin fəaliyyətə başlayacağını açıqlayıb.
Bu barədə o, özünün teleqram kanalında yazıb.
Onun sözlərinə görə, gəmilər Moldovadan keçməklə Rumıniyaya gedəcək. Zelenski başqa təfərrüatları açıqlamayıb.
İyul ayında Rusiya taxıl müqaviləsində iştirakını dayandırıb və Ukrayna limanlarına gedən bütün gəmiləri potensial hərbi hədəflər elan edib.
Avqust ayında Ukrayna üç Qara dəniz limanından: Odessa, Çernomorsk və Yujnıdan gələn gəmilər üçün müvəqqəti dəhlizlərin açıldığını elan edib. Alternativ dəhlizdən ən azı iki Ukrayna gəmisi keçib.

Zelenski yaxın vaxtlarda daha bir taxıl dəhlizinin açılacağını elan etdi

10-10-2023, 22:50

Türkiyə və Rusiya Prezidentləri danışıqlar apardı

Türkiyə Prezidenti Rəcəb Tayyib Ərdoğan Rusiya lideri Vladimir Putinlə danışıqlar aparıb.
Bu barədə Türkiyə Prezidentinin mətbuat xidməti məlumat yayıb.
Telefon danışığı zamanı iki lider İsrail və Fələstin arasında narahatlıq doğuran münaqişənin gedişatını və gərginliyin yayılmasının qarşısını almaq üçün tədbirləri müzakirə ediblər.
Liderlər regionda humanitar ehtiyacların ödənilməsi üçün hansı təşəbbüslərin həyata keçiriləcəyini qiymətləndirib.
Ərdoğan mülki yaşayış məntəqələrinin hədəf alınmasının narahatlıq doğurduğunu və bu cür təşəbbüslərin Türkiyə tərəfindən birmənalı qarşılanmadığını bildirib.
O, Türkiyənin bölgədə əmin-amanlığın təmin olunması üçün hər cür səy göstərməyə davam edəcəyini vurğulayıb.

Türkiyə və Rusiya Prezidentləri danışıqlar apardı

10-10-2023, 22:28

İsrail ordusu genişmiqyaslı hücuma keçir - Yoav Qalant

İsrail ordusu Qəzza zolağına genişmiqyaslı hücuma keçir.
Bu barədə İsrailin müdafiə naziri Yoav Qalant deyib.
“Mən bütün məhdudiyyətləri ləğv etdim, biz İsrail ərazisinə nəzarəti bərpa etdik və genişmiqyaslı hücuma keçirik”, - deyə nazir bildirib.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə 700-dən çox adam ölüb, 2315 nəfər yaralanıb. İsrail ordusu “müharibə hazırlığı vəziyyəti” elan edib və cavab olaraq “Dəmir Qılınclar” əməliyyatına başladığını bildirib.

İsrail ordusu genişmiqyaslı hücuma keçir - Yoav Qalant

10-10-2023, 22:06

Ərdoğan BMT-nin baş katibiylə İsrail-Fələstin toqquşmasını müzakirə etdi

Türkiyə Prezidenti Rəcəb Tayyib Ərdoğan Birləşmiş Millətlər Təşkilatının (BMT) baş katibi Antonio Quterreşlə telefon danışığı aparıb.
Bu barədə TRT kanalı məlumat yayıb.
Telefon danışığı zamanı İsrail və Fələstinin HƏMAS hərəkatı arasındakı toqquşma müzakirə olunub.

Ərdoğan BMT-nin baş katibiylə İsrail-Fələstin toqquşmasını müzakirə etdi

10-10-2023, 19:21

Paşinyan rus sülhməramlılarının Ermənistanın köçürülməsinin əleyhinədir

Ermənistan Baş naziri Nikol Paşinyan Rusiyanın Qarabağdakı sülhməramlılarının Ermənistana köçürülməsinin əleyhinədir.
Bu barədə o, İctimai telekanala müsahibəsində deyib.
Paşinyan bildirib ki, əgər Qarabağdakı Rusiya sülhməramlıları regionu tərk etsə, onlar Ermənistana köçürülmək əvəzinə, Rusiya Federasiyasına qayıtmalıdırlar.
O qeyd edib ki, Ermənistan “3+3” formatında görüş keçirməyə hazırdır. Paşinyanın sözlərinə görə, görüşün Tehranda baş tutacağı barədə razılıq əldə olunub.

Paşinyan rus sülhməramlılarının Ermənistanın köçürülməsinin əleyhinədir