28-12-2025, 20:44
ABŞ əsl BMT-yə çevrilib - TRAMP
Birləşmiş Millətlər Təşkilatı (BMT) dünyada sülhün təmin olunmasında fəal iştirak etməyə başlamalıdır.
Bu barədə Amerika Birləşmiş Ştatları (ABŞ) Prezidenti Tramp “Truth” sosial şəbəkəsində yazıb.
O bildirib ki, ABŞ son 8 ayda əsl BMT-yə çevrilib, bu təşkilat Rusiya ilə Ukrayna arasında baş verən müharibə də daxil olmaqla, münaqişələrin həllinə çox az yardım göstərib.
Tramp, həmçinin Tailand və Kamboca arasındakı döyüşlərin müvəqqəti olaraq dayanacağını və bu yaxınlarda razılaşdırılmış ilkin müqaviləyə uyğun olaraq, tərəflərin sülh şəraitində yaşamağa qayıdacaqlarını elan edib.
28-12-2025, 20:30
3 min uçuş ləğv edildi
ABŞ-ın şimal-şərqində yağan güclü qar səbəbilə 3 mindən çox uçuş təxirə salınıb və təxminən 700 uçuş ləğv edilib.
Nyu-York metropoliten ərazisində yerləşən üç əsas hava limanı ən çox zərər çəkənlər arasındadır. Ötən gün isə 8500-dən çox uçuş gecikib və 1700 reys ləğv edilib.
Federal Aviasiya Administrasiyasının məlumatına görə, Con Kennedi Beynəlxalq Hava Limanına uçuşlar şənbə səhəri orta hesabla təxminən iki saat təxirə salınıb.
28-12-2025, 19:40
Polşada bomba sığınacağı tikilir
Polşa hökuməti ölkə əraizində bomba sığınacaqları tikməyə başlayıb.
Bu barədə "Financial Times" məlumat yayıb.
Milli Təhlükəsizlik Bürosunun rəhbəri Slavomir Tsenkeviç bildirib ki, ölkə Rusiya tərəfindən artan təhlükə fonunda vətəndaşları qorumağa çalışır.
O bildirib ki, bomba sığınacaqlarının tikintisi üçün 16 milyard zlotı (3.8 milyard avro) ayrılıb. Sığınacaqlar çarpayı, su və yorğanlarla təchiz olunub.
28-12-2025, 18:57
Finlandiyada fırtına - 160 mindən çox ev elektriksiz qaldı
Finlandiyada "Hannes" adı verilən güclü qış fırtınası nəticəsində 160 mindən çox ev təsərrüfatı elektrik enerjisiz qalıb.
Küləyin sürəti qərb sahillərində saniyədə 25 metrə çatır.
Xilasetmə xidmətlərinin məlumatına görə, təxminən 150 nəfərin olduğu sərnişin təyyarəsi, eləcə də ondan kiçik və 10-dan az sərnişin daşıyan başqa təyyarə güclü külək səbəbindən uçuş-enmə zolağından çıxaraq qar yığınına çırpılıb.
Hadisədən sonra Kittila, Rovaniemi və İvalo hava limanlarından bütün uçuşlar müvəqqəti dayandırılıb.
Finlandiya Enerji Sənayesi Assosiasiyasının məlumatına görə, fırtına ölkənin qərbində geniş əraziyə ciddi ziyan vurub və minlərlə ev təsərrüfatı hələ də elektriksizdir.
28-12-2025, 18:41
Çin yeni hipersəs raketini sınaqdan keçirdi
Çin 055 "Usi" tipli böyük esminesdən "YJ-20" hipersəs gəmi əleyhinə raketini sınaqdan keçirib.
Sınağın görüntüləri bu gün "China Military Bugle" nəşri (Xalq Azadlıq Ordusu Məlumat və Media Mərkəzinin rəsmi veb saytı) tərəfindən dərc edilib.
Görüntülərə əsasən, görə, "YJ-20" hipersəs raketi esminesin arxa hissəsində yerləşən şaquli buraxılış sisteminin (VLS) elementlərindən birindən buraxılıb.
28-12-2025, 18:25
Tehran altıncı quraqlıq ilini yaşayır
Son yağışlardan sonra quraqlıq problemi həll olunmayıb, suyu qənaətlə istifadə etmək lazımdır.
Bunu Tehranın qubernatoru Mohammad Sadek Motamedian deyib.
Onun sözlərinə görə, Tehran vilayəti altıncı quraqlıq ilini yaşayır. "Hazırda Tehrandakı dörd bənd təxminən üç faiz su ilə dolub. Halbuki içməli suyun 70 faizi yeraltı təbəqələrdən, 30 faizi isə bəndlərdən alınır", - Tehranın qubernatoru bildirib.
Qeyd edək ki, İranın paytaxtı Tehranı su ilə təmin edən anbarlarda su ehtiyatları azalır.
28-12-2025, 16:26
Rusiya və Ukrayna arasında Zaporojye AES-də atəşkəs
Rusiya və Ukrayna arasında Zaporojye AES-də atəşkəs elan edilib.
Bu barədə Beynəlxalq Atom Enerjisi Agentliyinin baş direktoru Rafael Qrossi bildirib.
Onun sözlərinə görə, atəşkəslə bağlı razılıq elektrik xətlərinin təmiri üçün əldə edilib.
Bildirilib ki, ərazidə atəşkəs bir neçə gün davam edəcək.
28-12-2025, 15:16
Türkiyədə jurnalist və sosial media fenomeni də saxlanıldılar
İstanbul Respublika Baş Prokurorluğu tərəfindən məşhurlara qarşı aparılan genişmiqyası narkotik əməliyyatları çərçivəsində daha iki tanınmış sima saxlanılıb.
Bu gün səhər saatlarında keçirilmiş əməliyyat zamanı "HaberTürk" telekanalının keçmiş baş direktoru və jurnalist Veysi Ateş və sosial media fenomeni Taner Çağlı polis tərəfindən saxlanılıblar.
Qeyd edilir ki, sözügedən əməliyyat çərçivəsində bu günə kimi 23 nəfər həbs edilib.
28-12-2025, 14:36
Litvada fırtına - Minlərlə insan işıqsız qaldı
Küləkli hava Litvanın 7 mindən çox istehlakçısını elektrik enerjisiz qoyub, hava şəraiti səbəbindən Klaypeda dövlət dəniz limanında gəmilərin hərəkəti məhdudlaşdırılıb.
Bu barədə Hidrometeoroloji Mərkəzin nümayəndəsi Yan Vaytkevic LRT milli radiosunun efirində bildirib.
"Gecədən sonra 5,5 min istehlakçı işıqsız qalıb. Lakin səhər də təbiət sakitləşməyib, qasırğa həddində olan külək əsməyə davam edib. Zərər çəkmiş istehlakçıların sayı 7,1 minə çatıb", - o qeyd edib.
Küləyin sürəti saniyədə 31 metrə çatıb. Qasırğa ölkənin qərb hissəsinə güclü zərbə vurub. Klaypeda dəniz limanının rəhbərliyi gəmilərin hərəkətini məhdudlaşdırmağa məcbur olub. Dalğaların hündürlüyü 5 metri keçib.
28-12-2025, 13:17
Rusiya ordusu Ukraynada bəzi istiqamətlərdə irəlilədi
Rusiya ordusu Ukraynanın Qulyaypole, Pokrovsk və Mirnoqradda istiqamətində irəliləyib.
Bu barədə DeepState məlumat yayıb.
Ən mürəkkəb vəziyyət Pokrovsk istiqamətində və Zaporojye vilayətində qalmaqdadır. Məlumata görə, Rusiya qüvvələri eyni vaxtda bir neçə vilayətdə hücum əməliyyatlarını davam etdirir. DeepState 2025-ci il dekabrın 28-nə olan vəziyyətə görə cəbhə xəttində bir neçə sahədə dəyişikliklərin baş verdiyini bildirib.
Xüsusilə, düşmən Pokrovsk, Mirnoqrad və Qulyaypole şəhərlərində, həmçinin Zelyonoye, Rodinskoye, Çervonıy Liman və Novoekonomichnoye yaxınlığında irəliləyiş əldə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!