21-12-2025, 16:42
Ukrayna ordusu cəbhəboyu müdafiə qurğuları inşa edir
Ukraynanın Dövlət Xüsusi Nəqliyyat Xidməti (GSSN) bütün cəbhəboyu müdafiə qurğuları inşa edir.
Bu barədə Ukraynanın müdafiə naziri Denis Şmıqal məlumat yayıb.
Onun sözlərinə görə, işlər Zaporoje, Sum, Xarkov, Çerniqov, Kiyev vilayətlərində və Donetskin Kiyevin nəzarətindəki hissələrində aparılır.
21-12-2025, 15:24
Rusiya Donetski vurdu - Ölən və yaralılar var
Ukraynanın Donetsk bölgəsində son 24 saat ərzində Rusiya ordusunun endirdiyi zərbələr nəticəsində bir nəfər ölüb, daha dörd sakin yaralanıb.
Bu barədə Donetsk regional hərbi administrasiyasının rəhbəri Vadim Filaşkin məlumat verib.
O, telegramda yazıb: "Rusiya hərbi qüvvələrinin hərəkətləri nəticəsində Donbasın bir sakini Drujkovkada həlak olub. Son 24 saat ərzində bölgədə daha dörd nəfər yaralanıb".
21-12-2025, 13:56
Tailandın Kamboca ilə atəşkəs şərti
Tailand Cənub-Şərqi Asiya Dövlətləri Assosiasiyasının (ASEAN) xarici işlər nazirlərinin Kuala-Lumpurda keçirilən xüsusi görüşünün ardından Kamboca ilə sərhəd münaqişə zonasında atəşkəs rejiminin tətbiq edilməsi ehtimalını istisna etmir.
Bu barədə Tailandın Birgə Mətbuat Mərkəzinin Kamboca ilə sərhəddəki vəziyyətlə bağlı yaydığı və Krallığın Silahlı Qüvvələri və Xarici İşlər Nazirliyinin nümayəndələrinin də daxil olduğu bəyanatda bildirilir.
"Atəşkəs yalnız əsasən Tailand ordusunun vəziyyətin qiymətləndirilməsinə əsaslandığı təqdirdə əldə edilə bilər. Toqquşmaları başladan tərəf Kamboca olduğundan, əvvəlcə o, atəşkəs əldə etmək istəyindəki səmimiliyini açıq şəkildə nümayiş etdirməlidir. Tailand lap əvvəldən həqiqi və davamlı sülh görmək istəyini ifadə edib, lakin bu, vətəndaşlarının təhlükəsizliyini və əmin-amanlığını təmin etməlidir. Buna görə də, Tailand bu görüşdə sərhəd boyunca gərginliyin azaldılmasına dair yanaşmaların müzakirə edilməsi imkanını təmin etmək üçün Kambocadan əsl səmimiyyətin açıq şəkildə nümayiş etdirilməsini istəyir", - deyə bəyanatda vurğulanıb.
Malayziyanın Baş naziri Ənvər İbrahimin təşəbbüsü ilə ASEAN xarici işlər nazirlərinin xüsusi görüşü 22 dekabrda Kuala-Lumpurda keçiriləcək.
"Bu görüş həm Tailand, həm də Kambocanın mövqelərini və fikirlərini eşitmək, eləcə də iki ölkənin sərhədi boyunca gərginliyin azaldılması üçün mümkün yanaşmaları müzakirə etmək üçün fürsət yaradacaq", - deyə Tailand mətbuat mərkəzi vurğulayıb.
21-12-2025, 12:12
ABŞ ədalətli razılaşmaya hazır deyil - Abbas Əraqçi
"ABŞ İranla ədalətli razılaşmaya hazır deyil".
İranın xarici işlər naziri Abbas Əraqçi bunu "Russia Today"ə verdiyi müsahibədə bildirib.
Bu kontekstdə o, Vaşinqtonun həddindən artıq tələblərini və Qərbin İranın ideyalarını rədd etməsini misal gətirib:
"Hər şey onların danışıqların diktələrdən fərqli olduğunu başa düşüb-düşməmələrindən asılıdır. Danışıqlar yolu ilə əldə edilən ədalətli və balanslı bir razılaşmaya hazırıq, amma diktələri qəbul etməyə hazır deyilik. Yaxşı ideyalar təklif etdik, amma hamısı rədd edildi. Bundan sonra belə bir nəticəyə gəldik ki, kifayətdir. Onlar ədalətli bir razılaşmaya hazır deyillər".
İran xarici işlər naziri əlavə edib ki, ABŞ prezidentinin xüsusi nümayəndəsi Stiv Uitkoffla da əlaqələr kəsilib.
"Reallıq budur ki, mən Stiv Uitkoffla əlaqə saxlayırdım və onunla İranın nüvə proqramı ilə bağlı müzakirələr aparırdım, amma bir neçə ay əvvəl bu əlaqələri bitirmək qərarına gəldik. Beş raund danışıqlarımız oldu və hətta altıncı raundu 15 iyuna təyin etdik, amma bundan iki gün əvvəl İsrail bizə hücum etdi və sonra ABŞ da qoşuldu".
21-12-2025, 10:56
Keçmiş prezident xəstəxanaya yerləşdirildi
Argentinanın ev dustaqlığında olan keçmiş prezidenti Kristina Fernandes de Kirşner qarın nahiyəsində ağrı ilə xəstəxanaya aparılıb.
Bu barədə "La Nacion" qəzeti mənbələrə istinadən məlumat yayıb.
Mənbələrin məlumatına görə, çağırışa gələn həkimlər keçmiş dövlət başçısını korrupsiyaya görə cəzasını çəkdiyi mənzildə müayinə ediblər və onu xəstəxanaya yerləşdirmək qərarına gəliblər. Fernandes de Kirşnerə xəstəxanada appendisit diaqnozu qoyulub. O, əməliyyat olunub.
Fernandes de Kirşner 2007-ci ilin dekabrından 2015-ci ilin dekabrına qədər Argentinanın Prezidenti olub. O, 2019-cu ildən 2023-cü ilə qədər vitse-prezident vəzifəsində çalışıb.
2022-ci ilin dekabrında məhkəmə onu Santa Kruz əyalətindəki infrastruktur layihələri ilə bağlı korrupsiyaya görə altı il müddətinə azadlıqdan məhrum edib.
İttiham tərəfi hesab edir ki, cinayət sövdələşməsi nəticəsində müqavilələrin əksəriyyəti çirkli pulların yuyulmasında məhkum olunmuş iş adamı Lasaro Baesə məxsus şirkətlərə verilib. Keçmiş dövlət başçısı təqsirini inkar edir və özünü siyasi təqiblərin qurbanı sayır.
21-12-2025, 10:28
Macarıstan Ukraynanın parçalanmasında maraqlı deyil - Orban
Macarıstan Rusiya ilə münaqişə nəticəsində Ukraynanın parçalanmasında maraqlı deyil və qonşu ölkədə sabitliyin bərqərar olmasını istəyir.
Bunu Macarıstanın Baş naziri Viktor Orban Seqeddə keçirilən görüşdə hakim Fidesz-Macarıstan Vətəndaş Birliyi partiyasının fəallarının suallarını cavablandırarkən bildirib.
O qeyd edib ki, Ukraynanın parçalanması Macarıstan üçün böyük problem olacaq: "Bunun baş verməməsi üçün çox iş görməliyik. Kəndli yaxşı başa düşür ki, onun torpağının dəyərinə qonşusunun sərvəti də təsir edir", - deyə Baş nazir bildirib.
Orban Macarıstanın sabit Ukraynaya ehtiyacı olduğunu vurğulayıb.
21-12-2025, 10:03
Netanyahu Trampa İrana yeni hücum planını təqdim edəcək
İsrailin Baş naziri Binyamin Netanyahu ABŞ-yə planlaşdırılan səfəri zamanı Prezident Donald Trumpa İrana yeni mümkün hücum planını təqdim edəcək.
Bu barədə “NBC News” telekanalı anonim mənbələrə istinadən məlumat yayıb.
İsrailin əsas narahatlığı İranın ballistik raket istehsalını artırmasıdır. Tehranın ballistik raket istehsalının ildə 3000 ədədə çatacağı proqnozlaşdırılır.
İsrail İranın uran zənginləşdirmə proqramını yenidən bərpa etdiyini də bildirir. İsrail İranın nüvə proqramını qlobal təhlükə olaraq qiymətləndirir, lakin bu proqramın yaxın zamanda tamamilə bərpa olunacağını gözləmir.
Qeyd edək ki, bu ilin iyun ayında 12 günlük müharibə zamanı İran İsrailin zərbələri nəticəsində 1000-dən çox insanın öldüyünü açıqlayıb. İran İsrailə 500-dən çox ballistik raket atıb, 1100-dən çox pilotsuz uçan aparat göndərib. Bu hücumla nəticəsində İsraildə 32 nəfər ölüb, 3000-dən çox insan isə yaralanıb.
ABŞ da sonradan İranın yeraltı nüvə obyektlərinə zərbə endirib.
21-12-2025, 09:20
Qırğızıstan prezidenti Rusiyada səfərdədir
Qırğızıstan prezidenti Sadır Japarov Ali Avrasiya İqtisadi Şurasının (AİİŞ) iclasında və MDB üzv dövlətlərinin dövlət başçılarının Sankt-Peterburqda keçirilən qeyri-rəsmi görüşündə iştirak etmək üçün Rusiyaya işgüzar səfərə gəlib.
Bu barədə Qırğızıstan liderinin mətbuat xidmətinin açıqlamasında deyilir.
"Prezident Sadır Japarov Rusiyaya işgüzar səfərə gedib. Səfər zamanı Qırğızıstan və Rusiya liderləri arasında görüş planlaşdırılır. Sadır Japarov həmçinin Ali Avrasiya İqtisadi Şurasının iclasında və Müstəqil Dövlətlər Birliyi dövlət başçılarının qeyri-rəsmi görüşündə iştirak edəcək", - məlumatda qeyd edilib.
Bildirilir ki, Japarovu Pulkovo hava limanında Sankt-Peterburq qubernatoru Aleksandr Beqlov və digər rəsmi şəxslər qarşılayıblar.
Mətbuat xidməti tədbirlərin Avrasiya inteqrasiyası, ticarət, iqtisadi və maliyyə əməkdaşlığının dərinləşdirilməsi və enerji əməkdaşlığı ilə bağlı müzakirələri əhatə edəcəyini açıqlayıb: "Səfərdən sonra Ali Avrasiya İqtisadi Şurasının iclasının gündəliyinin bir hissəsi olaraq müvafiq qərarların və sənədlərin qəbul edilməsi gözlənilir".
20-12-2025, 20:48
Putinin növbəti hədəfi keçmiş Sovet ölkələridir - ŞOK İDDİA
Rusiyanın prezidenti Vladimir Putinin Ukraynanın bütün ərazisini ələ keçirməyi planlaşdırır.
ABŞ kəşfiyyatı belə qənaətə gəlib. Məlumatı "Reuters" agentliyi altı mənbəyə istinadən yayıb.
Ancaq Putin bununla kifayətlənmək istəmir. Kəşfiyyat Putinin vaxtilə Sovet imperiyasına məxsus olmuş Avropanın bəzi hissələrini yenidən nəzarətə götürməyi hədəflədiyi qənaətindədir.
Məlumata görə, ABŞ xüsusi xidmət orqanlarının hesabatları ABŞ prezidenti Donald Tramp və onun Ukrayna üzrə sülh danışıqlarını aparan komandası tərəfindən səsləndirilən mövqedən ciddi şəkildə fərqlənir. Tramp administrasiyasının nümayəndələri Vladimir Putinin münaqişəni bitirmək istədiyini iddia etsə də, kəşfiyyat məlumatları bunun əksini göstərir.
"Reuters"in mənbələrindən biri bildirib ki, bu hesabatlardan ən sonuncusu ötən ilin sentyabr ayının sonlarına aiddir və orada Putinin Avropa üçün təhlükə olmadığına dair iddiaları da təkzib olunur.
ABŞ kəşfiyyatının qiymətləndirmələri Rusiyanın 2022-ci ildə Ukraynaya qarşı müharibəyə başlamasından bəri dəyişməz qalır. Mənbələrin bildirdiyinə görə, bu nəticələr Avropa liderləri və Avropa kəşfiyyat qurumlarının mövqeyi ilə də üst-üstə düşür. Onlar Rusiyanın yalnız Ukrayna ilə kifayətlənməyərək keçmiş sovet respublikalarının ərazilərinə, o cümlədən NATO üzvü olan ölkələrə də iddia edə biləcəyini düşünürlər.
ABŞ Konqresinin Nümayəndələr Palatasının Kəşfiyyat Komitəsinin demokrat üzvü Mayk Kvikli Reuters-ə açıqlamasında “Kəşfiyyat həmişə Putinin daha artığını istədiyini deyib” ifadəsini işlədib. Onun sözlərinə görə, Avropa ölkələri bu təhlükəyə tam əmindir, Polşa bu məsələdə xüsusilə qəti mövqedədir, Baltik ölkələri isə özlərinin növbəti hədəf ola biləcəyindən narahatdır.
20-12-2025, 19:08
İran-İsrail müharibəsi yenidən başlayır?
İranın ballistik raket istehsalını sürətləndirməsi fonunda yaranan narahatlıqlar İsrailin yeni hərbi planları gündəmə gətirib.
İsrailin baş naziri Beniyamin Netanyahu ABŞ prezidenti Donald Trump ilə planlaşdırılan görüş zamanı İrana qarşı mümkün yeni hücum planını təqdim etməyi planlaşdırır.
Bu barədə NBC telekanalı məsələ ilə tanış olan bir mənbəyə və dörd keçmiş amerikalı rəsmiyə istinadən məlumat yayıb.
Məlumata görə, İsrail rəsmiləri hesab edirlər ki, İran ballistik raketlərin istehsalı ilə bağlı obyektləri bərpa edir və 2025-ci ilin iyun ayında endirilmiş zərbələr zamanı zədələnmiş hava hücumundan müdafiə sistemlərini təmir edir. İsrail üçün İranın nüvə proqramı hələ də ciddi təhlükə olaraq qalır, lakin Təl-Əvivdə raket potensialının bərpası daha təcili və konkret risk kimi qiymətləndirilir.
NBC-nin mənbələrinin bildirdiyinə görə, Donald Trampın mümkün yeni hücumu əsaslandırmaq üçün istifadə edəcəyi arqumentlərdən biri İranın fəaliyyətlərinin təkcə İsrail üçün deyil, bütövlükdə region və ABŞ-ın maraqları üçün də təhlükə yaratması ola bilər. Bu yanaşmanın Vaşinqtonda qərarvermə prosesinə təsir göstərə biləcəyi istisna edilmir.
Məsələ ilə bağlı rəsmi açıqlama verilməsə də, yayılan məlumatlar Yaxın Şərqdə təhlükəsizlik vəziyyətinin yenidən gərginləşə biləcəyinə dair narahatlıqları artırır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!