5-11-2024, 18:00
Rusiyada son bir sutkada 3 qubernator istefa verib
Rusiya Federasiyası Komi Respublikasının rəhbəri Vladimir Uyba istefa verdiyini açıqlayıb.
Vladimir Uyba prezident Vladimir Putinin ona federal səviyyədə “yeni iş cəbhəsi” tapşırdığını bəyan edib. Lakin o, yeni şi barədə açıqlama verməyib.
Adı açıqlanmayan mənbənin mətbuata bildirdiyinə görə isə Prezident Administrasiyası qubernatordan narazı idi, çünki o, dəfələrlə konflikt vəziyyətlərində nə əhali, nə də yerli elita ilə dialoq qura bilib.
Vladimir Uyba 2020-ci ildən Komi Respublikasına rəhbərlik edirdi. Bundan əvvəl o, səhiyyə nazirinin müavini olub, eyni zamanda 15 il Federal Tibbi və Bioloji Agentliyinə rəhbərlik edib. Onun dövründə bu qurumun adı dəfələrlə korrupsiya qalmaqallarında çəkilib.
V.Uyba Rusiyada son 24 saat ərzində vəzifəsindən istefa verən üçüncü qubernator olub. Bir gün əvvəl Rostov və Tambov vilayətlərinin rəhbərlərinin dəyişdirilməsi ilə bağlı xəbər yayılıb. 67 yaşlı Vasili Qolubev və 47 yaşlı Maksim Eqorov istefa verdiklərini elan edərək, bu qərarı başqa işə keçməsi ilə də izah ediblər.
Rostov vilayətinə müvəqqəti olaraq Birləşmiş Aviasiya Korporasiyasının (UAC) keçmiş baş direktoru Yuri Slyusar, Tambov vilayətinə isə Krasnodarın keçmiş meri və Ukrayna ilə müharibənin iştirakçısı Yevgeni Pervışov rəhbərlik edir.
5-11-2024, 17:38
"Rusiya Azərbaycanı tələsdirmir" - Lavrov
Rusiya tərəfi Azərbaycanı sülh sazişi imzalamağa tələsdirmir.
Bu barədə ölkənin xarici işlər naziri Sergey Lavrov bildirib.
"Azərbaycan-Ermənistan sülh prosesi çərçivəsində əldə edilmiş əhəmiyyətli irəliləyişi alqışlayırıq. Qərbin saxta vasitəçilərindən fərqli olaraq, tərəfdaşlarımızı tələsik sülh sazişi imzalamağa sövq etmirik", - S.Lavrov bildirib.
Onun sözlərinə görə, Rusiya Cənubi Qafqazda dayanıqlı sülh və sabitliyin bərqərar olmasında maraqlıdır
4-11-2024, 20:47
Gürcü müxalifəti mitinqlərə başladı
Tbilisidə müxalif partiyalar 26 oktyabr parlament seçkiləri ilə əlaqədar parlament binası qarşısında etiraz aksiyası keçirir.
Mitinqi "Birlik-Milli Hərəkat", "Dəyişiklik Koalisiyası" və "Güclü Gürcüstan" koalisiyaları təşkil ediblər.
Aksiya ilə əlaqədar Rustaveli prospektində avtomobillərin hərəkəti məhdudlaşdırılıb, əraziyə çox sayda polis və təcili yardım maşınları cəlb edilib.
Mitinq çərçivəsində müxalifət partiyalarının fəaliyyət planı bəyan ediləcək.
4-11-2024, 15:59
ABŞ-da 78 milyon seçici erkən səsverməyə gedib
ABŞ-da keçirilən prezident seçkilərinin ilkin səsverməsində 78 milyondan çox seçici iştirak edib.
Bu barədə Florida Universitetinin Seçki Prosesi Laboratoriyasının məlumatında bildirilib.
Məlumata görə, ABŞ-da 42,6 milyon nəfər şəxsən səs verib, 35,3 milyon seçici poçtla bülleten göndərib.
Erkən səs verənlər arasında hazırkı prezident Co Bayden, həmçinin Demokratlar Partiyasından prezidentliyə namizəd Kamala Harris də var.
ABŞ-da prezident seçkiləri sabah noyabrın 5-də keçiriləcək. Seçkilərdə Demokratlar Partiyasını vitse-prezident Kamala Harris, Respublikaçılar Partiyasını isə keçmiş prezident Donald Tramp təmsil edir.
4-11-2024, 14:26
Rusiya ABŞ-dakı seçkidən nə gözləyir? - Medvedev açıqladı
Rusiya Təhlükəsizlik Şurasının sədr müavini Dmitri Medvedev noyabrın 5-də ABŞ-da keçiriləcək prezident seçkilərinə toxunaraq vurğulayıb ki, rəsmi Moskvanın hər hansı böyük gözləntilərə əsası yoxdur.
Medvedev bu haqda Telegram kanalında yazıb.
Onun fikrincə, seçkilər Rusiya üçün heç nəyi dəyişməyəcək, çünki namizədlərin mövqeləri Rusiyanı məğlub etməyin zəruriliyi ilə bağlı ikipartiyalı konsensusu tam əks etdirir.
“Kamala Harris axmaq, təcrübəsiz, nəzarət edən və ətrafındakı hər kəsdən qorxandır. Onu dolayı yolla Obama ailəsi idarə edəcək.
“Saziş təklif edəcəm”, “Əla münasibətim var...” deyən yorğun Tramp da sistemin bütün qaydalarına əməl etməli olacaq. O, nə bir günə, nə üç günə, nə də üç aya müharibəni dayandıra bilər. Və həqiqətən də buna cəhd etsə, o, yeni Kennedi (sui-qəsd nəticəsində öldürülmüş ABŞ-ın keçmiş prezidenti Con Kennedi) ola bilər”.
4-11-2024, 13:18
Türkiyədə bələdiyyə sədri öldürüldü
Türkiyədə bələdiyyə sədri güllələnib.
Kırıkkale vilayətinin Balışeyh bölgəsinin bələdiyyə sədri Hilmi Şen ağır yaralanıb.
Həkimləri əylərinə baxmayaraq Şenin həyatını xilas etmək mümkün olmayıb.
Hücum zamanı bələdiyyə sədrinin yanında olan 3 nəfərin də yaralandığı bildirilir.
Qeyd edək ki, H.Şen bu ilin martında keçirilən bələdiyyə seçkilərində qalib gəlib. O, iyulda üzvü olduğu Yenidən Rifah Partiyasından istefa verib.
3-11-2024, 20:05
İbadət zamanı ildırım düşdü, 14 nəfər öldü
Ukraynada şənbə günü kilsəyə ildırım düşüb.
Hadisə nəticəsində azı 14 nəfər ölüb, 34 nəfər yaralanıb.
Yerli polisin məlumatına görə, insident Uqandanın şimalında yerləşən Palabek qaçqın düşərgəsində baş verib. İldırımın ibadət zamanı düşdüyü qeyd olunur.
Polis qurbanların kim olduğunu açıqlamayıb, düşərgə və bölgədəki digərləri əsasən Cənubi Sudandan olan qaçqınları qəbul edir. Polisin bildirdiyinə görə, qurbanlar əsasən yeniyetmələr olub və onların arasında doqquz yaşlı qız da var.
3-11-2024, 18:50
Finlandiyadan Rusiyaya nota
Finlandiya Xarici İşlər Nazirliyi ölkənin Moskvadakı diplomatik nümayəndəliyinin hasarına dəyən ziyanla əlaqədar Rusiya Xarici İşlər Nazirliyinə nota göndərib.
Finlandiyanın Rusiyadakı səfiri Marja Liivalanın STT agentliyinə verdiyi məlumata görə, cümə günü diplomatik nümayəndəliyin hasarına İsveç dilində "Aland adaları bizimdir" yazısı yazılıb, səfirliyin ərazisinə yumurta atılıb.
Liivala polisin tez bir zamanda beş təcavüzkarı saxladığını bildirib. Dərc edilmiş fotoşəkillərə əsasən, yazı kərpic hasarın ən azı üçdə bir hissəsini tutur.
Səfirin sözlərinə görə, Finlandiya Xarici İşlər Nazirliyi bununla bağlı Rusiya Xarici İşlər Nazirliyinə nota göndərib.
3-11-2024, 18:50
Finlandiyadan Rusiyaya nota
Finlandiya Xarici İşlər Nazirliyi ölkənin Moskvadakı diplomatik nümayəndəliyinin hasarına dəyən ziyanla əlaqədar Rusiya Xarici İşlər Nazirliyinə nota göndərib.
Finlandiyanın Rusiyadakı səfiri Marja Liivalanın STT agentliyinə verdiyi məlumata görə, cümə günü diplomatik nümayəndəliyin hasarına İsveç dilində "Aland adaları bizimdir" yazısı yazılıb, səfirliyin ərazisinə yumurta atılıb.
Liivala polisin tez bir zamanda beş təcavüzkarı saxladığını bildirib. Dərc edilmiş fotoşəkillərə əsasən, yazı kərpic hasarın ən azı üçdə bir hissəsini tutur.
Səfirin sözlərinə görə, Finlandiya Xarici İşlər Nazirliyi bununla bağlı Rusiya Xarici İşlər Nazirliyinə nota göndərib.
3-11-2024, 17:51
Qanunlar hüquqa uyğun gəlməsə dəyişdiriləcək - Kobaxidze
Gürcüstan hökuməti lazım gələrsə, istənilən qanuna yenidən baxmağa hazır olduğunu bildirib.
Bu barədə ölkənin Baş naziri İrakli Kobaxidze “Sky TG24” telekanalına müsahibəsində danışıb.
Onun sözlərinə görə, qanunlar hüquqi prinsiplərə uyğun gəlmədiyi təqdirdə dəyişdiriləcək:
“Əgər kimsə bizi konkret qanunun hüquqi prinsiplərə və ya Avropa ruhuna uyğun gəlmədiyinə inandırarsa, biz istənilən qərara yenidən baxmağa hazırıq, baxmayaraq ki, bu, səmimi müzakirələr tələb edir”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!