22-10-2025, 17:22
Keçmiş baş nazir öldü
Portuqaliyanın keçmiş baş naziri, aktiv siyasətdən təqaüdə çıxan və milli media imperiyası quran Fransisko Pinto Balsemao vəfat edib.
Bu barədə “Frans-Press”in məlumatında bildirilib.
Onun 88 yaşı var idi. Balsemaonun təsis etdiyi Impresa media qrupu onun ötən axşam saatlarında öldüyünü bildirib, lakin ölüm səbəbini açıqlamayıb.
Pinto Balsemao 1981-ci ildə hakim Sosial Demokrat Partiyası onu Lissabonda təyyarə qəzasında həlak olan baş nazir Fransisko Sa Karneyronun yerinə seçərkən kabinetin üzvü idi.
Pinto Balsemao Sosial Demokrat Partiyasının qurucularından biri idi.
O, Portuqaliyanın səkkizinci hökumətinə rəhbərlik edərək baş nazir postunu tutub.
Pinto Balsemao 1983-cü ilin ortalarında istefa verib.
22-10-2025, 16:23
Şimali Kiprin yeni prezidenti bu tarixdə işə başlayacaq
Şimali Kipr Türk Respublikasında keçirilən 19 oktyabr prezident seçkilərinin qalibi Tufan Erhurman bu həftənin cümə günü vəzifəsinin icrasına başlayacaq.
Bunu Tufan Erhurmanın mətbuat katibi Tunay Mertekçi bildirib.
Mətbuat katibi Azərbaycanla bağlı suala isə belə cavab verib:
"Təəssüf ki, hələlik nəsə deyə bilmərik. Bu barədə gələn həftədən fikirlərimizi açıqlayacağıq".
Qeyd edək ki, oktyabrın 19-da Şimali Kiprdə seçkilər keçirilib. Ali Seçki Komissiyası Tufan Erhürmanın prezident seçildiyini bəyan edib. Türkiyə tərəfindən dəstəklənən Ersin Tatar isə seçkilərdə ikinci yeri tutub.
22-10-2025, 16:11
Azərbaycana getməyə hazıram - Simonyan
“İstisna etmirəm ki, hansısa beynəlxalq formatlar çərçivəsində mən də Azərbaycana gedə bilərəm”.
Bunu oktyabrın 22-də jurnalistlərlə söhbətində Ermənistan parlamentinin sədri Alen Simonyan deyib.
"Amma buna qədər müzakirə edilməli olan məsələlər var”, - deyən A.Simonyan Bakıda mühakimə olunan erməniləri missal göstərib.
Simonyan bildirib ki, Azərbaycan parlamentinin sədri ilə görüşündə ab-hava bir çox beynəlxalq həmkarları ilə müqayisədə daha yaxşıdır.
O, əlavə edib ki, Azərbaycan parlament sədrinin sülhə sadiqliyini görüb.
“İkimiz də münaqişənin birdəfəlik bitməsini istəyirik”.
22-10-2025, 15:20
Xarkovda uşaq bağçası bombalandı
Rusiya ordusu Ukraynanın Xarkov şəhərinə pilotsuz uçuş aparatları ilə zərbə endirib.
Zərbə nəticəsində şəhərdə özəl uşaq bağçasında yanğın baş verib.
Hadisə nəticəsində 1 qadın həlak olub, daha 6 nəfər isə yaralanıb.
Bağçadakı uşaqlar isə təxliyə edilib.
Hücum zamanı bağçanın yaxınlığında yerləşən ofisə də zərər dəyib.
22-10-2025, 15:17
Məsud Pezeşkianın oğlu: “Atamın planı düzgün anlaşılmır”[/color]
İran Prezidenti Məsud Pezeşkianın oğlu Yusif Pezeşkian atasını tənqid edənlərə cavab verib.
O, “Telegram” kanalında paylaşım edərək atasının ölkədəki problemləri açıq şəkildə qəbul etdiyini və islahat yolunun da məhz buradan başladığını bildirib.
“Atam mövcud çatışmazlıqları səmimi şəkildə etiraf edir və hesab edir ki, bu, dəyişikliklərin başlanğıcıdır. Onun planı, gələcəyə baxışı və ümidi var, amma ideyaları bəzən cəmiyyət tərəfindən düzgün anlaşılmır”, - Yusif Pezeşkian qeyd edib.
Prezidentin oğlu vurğulayıb ki, problemlərin həlli üçün hökumət, parlament, məhkəmə sistemi, dini strukturlar və xalq arasında birgə əməkdaşlıq vacibdir.
“Yeni nəticələr əldə etmək üçün köhnə üsulları təkrarlamaq olmaz. Bəzən hərəkətə başlamaq üçün sistemi silkələmək lazımdır”, - o yazıb.
22-10-2025, 14:57
Simonyan Sahibə Qafarova ilə görüşü barədə: “Çox müsbət oldu”
Ötən gün Cenevrədə Parlamentlərarası İttifaqın 151-ci Assambleyası çərçivəsində Azərbaycan və Ermənistan parlament sədrlərinin ikitərəfli görüşü keçirilib.
Spikerlər Vaşinqton sammitində əldə olunmuş razılaşmaları və münasibətlərin normallaşması üzrə görülən tədbirləri alqışlayıblar. Onlar konstruktiv dialoqun davam etdirilməsinin vacibliyini qeyd edərək, parlamentlər səviyyəsində etimadın möhkəmləndirilməsi tədbirlərini dəstəkləməyə hazır olduqlarını bildiriblər.
Simonyan Sahibə Qafarova ilə görüşü barədə açıqlama verib.
O, görüşün məzmumundan danışıb: "Sahibə Qafarova ilə söhbətimiz oldu, məsələn, hərbi təcavüz haqqında danışdıq. Kimlərsə deyir ki, belə bir şey ola bilər, o mənə dedi ki, bu mümkün deyil, bu qədər addım atmışıq".
Erməni spikerin sözlərinə görə, tərəflər görüşdə çox işlər gördüklərini bildiriblər: "Öz üzərimizə beynəlxalq öhdəliklər götürmüşük. Belə bir fikir var ki, parlamentlər cəmiyyətləri hazırlamaq, onları bir-birinə daha da yaxınlaşdırmaq, sülh reallığında yaşamaq, bir-birinə doğru addımlar atmaq məntiqini öz üzərinə götürməlidir. Çox müsbət, isti görüş oldu".
21-10-2025, 17:20
Ərdoğan Körfəz ölkələrinə üç günlük səfərə çıxıb
Türkiyə prezidenti Rəcəb Tayyib Ərdoğan həmkarlarının dəvəti ilə Küveyt, Qətər və Omana səfər edəcək.
Bu gün onun Fars körfəzinə üç günlük səfərinin ilk dayanacağı Küveyt olacaq.
Ərdoğan Küveytdə əmirlə görüşəcək.
Ərdoğanın səfərinin ikinci dayanacağı Qətər olacaq. O, sabah Dohada Qətər əmiri Şeyx Təmim bin Həməd Al Tani ilə görüşəcək. Görüş zamanı ikitərəfli münasibətlərdən tutmuş regional problemlərə qədər geniş mövzular müzakirə olunacaq. Qəzzada atəşkəs prosesi və bölgənin yenidən qurulması liderlərin əsas gündəm bəndləri olacaq.
Səfərinin üçüncü günündə Ərdoğan Omana gedəcək və Maskatda Omanın Sultanı Heysəm bin Tariq ilə ikitərəfli görüş keçirəcək. İqtisadi əməkdaşlıqla yanaşı, regional hadisələr də müzakirə olunacaq.
Bu səfərlərin məqsədi müdafiə sənayesi, enerji və investisiya sektorlarında əməkdaşlığın dərinləşdirilməsi üçün yeni addımların atılmasıdır. Əlaqələrin daha da möhkəmləndirilməsi üçün ikitərəfli sazişlərin imzalanması da nəzərdə tutulub.
21-10-2025, 17:07
Gürcüstanla Ermənistanın müdafiə nazirləri görüşdü
Gürcüstanın müdafiə naziri İrakli Çikovaninin İrəvanda erməni həmkarı Suren Papikyanla keçirdiyi görüşdə regional təhlükəsizlik məsələləri müzakirə olunub.
Bu barədə Gürcüstanın Müdafiə Nazirliyi məlumat yayıb.
İrakli Çikovani Gürcüstan tərəfinin regional əməkdaşlığın inkişafına töhfə verməyə hazırlığını təsdiqləyib. O, Azərbaycanla Ermənistan arasında Vaşinqtonda imzalanmış birgə bəyannamənin tarixi əhəmiyyətini vurğulayıb və bildirib ki, saziş Cənubi Qafqazda uzunmüddətli sülh və sabitliyin möhkəmləndirilməsinə əhəmiyyətli töhfə verəcək.
Qeyd edək ki, Çikovani Ermənistanda rəsmi səfərdədir. O, səfər çərçivəsində Ermənistanın Baş naziri Nikol Paşinyanla da görüşəcək.
21-10-2025, 17:03
Bu ölkədə fövqəladə vəziyyət uzadıldı
Macarıstan parlamenti qonşu Ukraynadakı silahlı münaqişə ilə əlaqədar ölkədə fövqəladə vəziyyət rejimini daha altı ay uzadıb.
Bu barədə TASS məlumat dərc edib.
Fövqəladə vəziyyətin 180 gün uzadılmasının lehinə 127 deputat, əleyhinə isə 56 deputat səs verib. Fövqəladə vəziyyət ilk dəfə 2022-ci ilin mayında Ukraynadakı münaqişə ilə əlaqədar tətbiq edilib və o vaxtdan altı dəfə uzadılıb.
21-10-2025, 16:39
Gürcüstanda aranı qatanlar kimlərdir?
Gürcüstanda etiraz aksiyaları davam etməkdədir. Etirazçılar əsasən bələdiyyə və parlament seçkilərinin nəticələrinə öz etirazlarını bildirirlər. Sonuncu dəfə oktyabrın 18-də etiraz aksiyaları keçirilib. Nəticədə, ümumilikdə 27 nəfər aksiya iştirakçısı müəyyən edilərək, onlardan 14-ü inzibati qaydada saxlanılıb, 13 nəfər barəsində isə inzibati icraat aparılır.
Milli Məclisin Azərbaycan-Gürcüstan Parlamentlərarası İşçi Qrupunun sədri Arzu Nağıyevin sözlərinə görə, əvvəllər parlament seçkiləri ilə bağlı aksiyalar keçirirdilər ki, seçkilər düzgün keçirilməyib və qanun pozuntuları olub:
"Lakin birmənalı olaraq, sübuta yetirildi ki, bu belə deyil. Hazırda parlament öz fəaliyyətini davam etdirməkdədir. İkinci məsələ bələdiyyə seçkiləri ilə bağlıydı. 64 bölgədə bələdiyyə seçkiləri keçirilib. Bu zaman da qanun pozuntuları olduğunu iddia edib küçələrə axışdılar. Lakin Mərkəzi Seçki Komissiyası bir daha öz qərarını elan edərək bildirdi ki, "Gürcü Arzusu" partiyası 70% səs toplayaraq qalib gəlib. Bunun əleyhinə olaraq, Qərbin atdığı addımlar nəticəsində, əvvəlki prosesləri yenə də davam etdirirlər. Buna görə də Gürcüstan hökuməti bu qanunsuz etiraz aksiyalarına qarşı addımlar atır".
Komitə sədri sonda qeyd edib ki, burada əsas məsələ siyasidir:
"Avropa İttifaqı, istərsə də digər qurumların rəhbərlərinin mitinqlərdə iştirakı bunu göstərir ki, əsas məram-məqsəd siyasidir".
Gürcüstanda yaşayan azərbaycanlı fəal Elvin Tağıyev isə bildirib ki, etirazçılar Avropayönümlü fəallardan ibarətdir:
"Aksiyalarda iştirak edənlər Avropayönümlü siyasi partiyaların üzvləridir. Təbii ki, hər kəs hər hansı bir partiyanın dəstəkçisi olmaya bilər. Ancaq buna baxmayaraq, indiki “41” hökumətini("Gürcü Arzusu" Partiyası-red) dəstəkləmədikləri üçün etiraz edirlər. 2020-ci ildə etirazçılar parlament seçkilərinin nəticələrini leqal saymadılar. 300 gündən artıq etirazlarını davam etdirirlər ki, yenidən növbədənkənar parlament seçkiləri keçirilsin. Demokratik bir seçkinini keçirilməsi tələbi ilə çıxış edirlər. Ölkədəki iqtsiadi, siyasi böhranın qarşısının alınması üçün hazırki rejimin dəyişməsini tələb edilir".
E.Tağıyev söyləyib ki, etirazçılar arasında azərbaycanlı gənclər də var: "Bu, kütləvi hal almasa da, proseslərlə fəal maraqlanan gənclərimiz də olur".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!