6-06-2025, 14:43
Kremldən Tramp-Mask qarşıdurmasına reaksiya
"Kreml Trampla Maskın davasına qarışmaq fikrində deyil, bu, ABŞ-ın daxili işidir".
Bunu Rusiya Prezidentinin sözçüsü Dimitri Peskov bildirib.
“Biz buna heç bir şəkildə qarışmaq və ya hər hansı şərh vermək fikrində deyilik”.
Peskov vurğulayıb ki, Maskla mübahisə Trampı Ukrayna mövzusundan yayındırmayacaq:
"Maskla mübahisə çətin ki, Trampı Ukrayna mövzusundan yayındırsın. Dövlət başçılarının hər şey üçün kifayət qədər vaxtı var”.
6-06-2025, 14:40
Paşinyan Matviyenko ilə görüşdü
Rusiya Federasiya Şurasının sədri Valentina Matviyenko Ermənistana səfəri çərçivəsində baş nazir Nikol Paşinyanla görüşüb.
Bu barədə Ermənistan KİV-i məlumat yayıb.
Bildirilir ki, Matviyenko ilə Paşinyan arasında görüş planlaşdırılmış vaxtdan daha çox davam edib.
Danışıqlar əvvəlcə təkbətək, daha sonra geniş tərkibdə davam etdirilib.
6-06-2025, 00:23
Mirzoyanın arvadına vəzifə verildi
Ermənistanın xarici işlər naziri Ararat Mirzoyanın həyat yoldaşı Qohar Abajyan “Təşəbbüslərə Dəstək Mərkəzi”nin (“Enterprise Armenia”) direktoru təyin edilib.
Bu barədə Ermənistan Nazirlər Kabinetinin mətbuat xidməti məlumat yayıb.
Baş nazirin müavini Tiqran Xaçatryan fondun əməkdaşlarına yeni direktoru təqdim edib.
O, Abajyanın fondun missiyasını həyata keçirmək üçün özəl sektorda topladığı təcrübə və biliklərdən istifadə edəcəyinə ümid etdiyini bildirib.
5-06-2025, 23:50
İlon Mask "bombanı partlatdı"
ABŞ Prezidenti Donald Trampla münasibətləri pozulan milyarder İlon Mask qalmaqallı açıqlama verib.
Bu barədə o, sosial şəbəkə hesabında paylaşım edib.
"Böyük bombanı partlatma zamanı gəldi", – deyə o, bildirib və əlavə edib: “Epşteyn dosyalarında Donald Tramp da var. Dosyaların ictimaiyyətə açıqlanmamasının əsl səbəbi də budur.”
Xatırladaq ki, məşhur milyarder Ceffri Epşteynin ABŞ elitası ilə əlaqələrini əks etdirən sənədlər illərdir ciddi mübahisələrə səbəb olur. Uşaqların cinsi istismarı və insan alveri kimi ağır ittihamlarla üz-üzə qalan Epşteynin ölümündən sonra onun əlaqədə olduğu tanınmış şəxslərlə bağlı çoxsaylı materialların gizli saxlandığı bildirilir. Maskın bu açıqlaması həmin sənədlərin arxasında siyasi motivlərin olduğunu bir daha gündəmə gətirib.
5-06-2025, 22:41
"Bəli, mən Ukraynanın yanındayam!" - Tramp
Ağ Evdə jurnalistlərin ABŞ-ın Ukraynaya dəstəyini davam etdirib-etməyəcəyi ilə bağlı suallarını cavablandıran prezident Donald Tramp müsbət cavab verib. Tramp deyib:
"Bəli, mən Ukraynanın yanındayam. Biz Ukrayna ilə nadir torpaq elementlərinə dair böyük bir müqavilə imzaladıq və... Bilirsiniz ki, mənim istədiyim şey qətliamın dayandırılmasıdır, mən yenə də bunun tərəfdarıyam, əslində müharibə başlamamalı idi".
O, ABŞ və Avropanın Ukraynaya dəstəyindən də danışıb.
"Bu, bir az puldur ki, xərclənir, amma əsas deyil. Ən əsası ölümdür", - ABŞ prezidenti fikrini yekunlaşdırıb.
5-06-2025, 17:00
Tramp Çin lideri ilə danışıqlar apardı
ABŞ prezidenti Donald Tramp və Çin lideri Si Cinpin arasında telefon danışığı olub.
Nəşrin məlumatına görə, söhbət Amerika tərəfinin təşəbbüsü ilə baş tutub.
Söhbətin təfərrüatları hələlik açıqlanmayıb.
Bundan əvvəl Ağ Ev bildirib ki, liderlər tezliklə tarif sazişi və digər ticarət məsələlərini müzakirə edəcəklər.
5-06-2025, 16:47
Pezeşkianı İrəvanda gözləyirik - Mirzoyan
İran prezidenti Məsud Pezeşkianın İrəvana səfəri gözlənilir.
Bunu iyunun 5-də Ermənistanın xarici işlər naziri Ararat Mirzoyan parlamentin daimi komitələrinin birgə iclaslarında deyib.
O, İran İslam Respublikası ilə əlaqələrin hazırkı səviyyəsindən danışaraq, yüksək səviyyəli ikitərəfli səfərlərin davam etdiyini qeyd edib.
"Biz İrəvanda prezident Pezeşkianı gözləyirik", - XİN rəhbəri qeyd edib.
5-06-2025, 16:42
Müsəlmanları təhqir edən erməni “bloger”ə cinayət işi açıldı
İstintaq Komitəsi Moskvadakı Yaroslavski dəmir yolu vağzalında saxlanmış erməni bloger Areq Şepixinə qarşı cinayət işi açıb.
Komitənin mətbuat xidmətinin məlumatına görə, linqvistik araşdırmalar zamanı onun ifadələrində milli/etnik əlamətlərə görə müəyyən edilmiş bir qrup şəxsə qarşı zorakılıq hərəkətləri etməyə təhrik əlamətləri, habelə onların alçaldılması aşkarlanıb.
Cinayət işi internet vasitəsilə ekstremizmə açıq çağırışlar (Rusiya Federasiyası Cinayət Məcəlləsinin 280-ci maddəsinin 2-ci hissəsi) və nifrətə çağırış (Rusiya Federasiyası Cinayət Məcəlləsinin 282-ci maddəsinin 2-ci hissəsinin "a" bəndi) maddələri ilə açılıb.
"Yaxın vaxtlarda onun barəsində həbs qətimkan tədbiri seçiləcək", - İstintaq Komitəsidnən əlavə ediblər.
Şepixin özü bildirib ki, onu şəhərdən çıxarıblar və “qulaqları tapança qundağı ilə sındırılıb”, amma “ona ağır işgəncə verməyiblər, daha çox dindiriblər”, xüsusən də Ukrayna ilə əlaqəsinin olub-olmadığı soruşulub.
Çeçenistan hakimiyyəti bildirib ki, Şepixin oğurlanmayıb, saxlanılıb. Çeçenistanın milli siyasət naziri Əhməd Dudayev xatırladıb ki, “bloger” öz videolarında çeçenləri və İslamı təhqir edib.
"Həbsi həyata keçirən hüquq-mühafizə orqanlarının əməkdaşları onun həyatını və ya ən azı, sağlamlığını mahiyyət etibarı ilə xilas etdilər. Onun din, Allah, millətlər haqqında qəbuledilməz, təhqiramiz ifadələrini eşidən yüz minlərlə müsəlmanda sözün əsl mənasında hiddət yaranıb.
5-06-2025, 00:53
Rusiyanın təqdim etdiyi memoranduma Zelenskidən reaksiya
Rusiyanın İstanbulda keçirilən danışıqlarda Ukraynaya təqdim etdiyi “memorandum” “aşağı səviyyəli insanlar” tərəfindən hazırlanıb.
Bunu Ukrayna Prezidenti Volodimir Zelenski mətbuat konfransında söyləyib.
Onun sözlərinə görə, bu “memorandum” 1969-cu il Vyana Konvensiyasını, xüsusilə də beynəlxalq danışıqlar hüququnu pozur. Axı həmin “sənəd”in üçüncü bəndində gələcəkdə beynəlxalq danışıqlardan imtina nəzərdə tutulur.
“Bir daha vurğulayıram ki, bu sənəd aşağı səviyyəli insanlar tərəfindən hazırlanıb. Rusiya tərəfindən Ukrayna ilə dialoq aparan komanda lazımi səviyyədə deyil. Onlar nəinki qərar qəbul etmirlər, həm də beynəlxalq hüquqda və Ukrayna qanunvericiliyində baş verənlərdən xəbərsizdirlər”, – deyə Zelenski bildirib.
Onun fikrincə, əgər Rusiya Ukraynadan istənilən ittifaqdan çıxmağı tələb edirsə, o zaman Rusiya da Kollektiv Təhlükəsizlik Müqaviləsi Təşkilatından çıxmalıdır.
Rusiya “memorandumu”nda yer alan bəndlərdən biri də Ukraynanın nüvə silahına malik olmayan ölkə olması və bu silahdan istifadə etməsinə qadağa qoyulmasıdır.
“Bu sadəcə spam kimidir, elə də ki var. Məqsəd spamlaşaraq özlərini göstərməkdir. Bu, təcrübəsiz daxili elektorata və siyasi piara yönəlib. Hamı bilir ki, biz öz ərazimizdə heç bir nüvə silahı yerləşdirmirik, çünki bizdə belə silah yoxdur. 1994-cü ildən Budapeşt Memorandumu çərçivəsində nüvə silahlarının yayılmaması haqqında müqavilənin tərəflərindən biriyik. Bizim statusumuz tamamilə aydındır”, – deyə Zelenski vurğulayıb.
O, əksinə, Rusiyanın “nüvə silahını Belarus ərazisində yerləşdirməməsinin vacib olduğunu” qeyd edib.
“Rus dili məsələsinə gəldikdə isə hamı bilir ki, bizdə bir dövlət dili var ki, o da Ukrayna dilidir. Onların rusdilli əhalinin “təhlükəsizliyi” ilə yenidən “narahat olmaları” qəribə görünür, çünki əsasən rusdilli olan bölgələr məhv edilir. Bu da bir daha göstərir ki, bu, Rusiyanın qanlı piar kampaniyasıdır”, – deyə Prezident vurğulayıb.
Xatırladaq ki, iyunun 2-də İstanbulda Ukrayna və Rusiya arasında sülh danışıqlarının ikinci raundu keçirilib. Görüşdən əvvəl tərəflər öz sülh memorandumu layihələrini təqdim etməli idilər. Lakin Rusiya nümayəndə heyəti öz sənədini yalnız danışıqlar zamanı təqdim edib.
5-06-2025, 00:35
ABŞ Qəzza ilə bağlı qətnaməyə veto qoydu
ABŞ BMT Təhlükəsizlik Şurasının Qəzza zolağında dərhal atəşkəs tələb edən qətnamə layihəsinə veto qoyub.
Qətnamə layihəsini BMT Təhlükəsizlik Şurasının on qeyri-daimi üzvü hazırlayıb.
Birləşmiş Ştatlar Təhlükəsizlik Şurasında qətnaməni dəstəkləməyən yeganə ölkə olub.
ABŞ BMT Təhlükəsizlik Şurasının Qəzza zolağında dərhal atəşkəs tələb edən qətnamə layihəsinə veto qoyub.
Qətnamə layihəsini BMT Təhlükəsizlik Şurasının on qeyri-daimi üzvü hazırlayıb.
Birləşmiş Ştatlar Təhlükəsizlik Şurasında qətnaməni dəstəkləməyən yeganə ölkə olub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!