5-02-2026, 16:40
Üçtərəfli işçi qrupu 2023-ün iyunundan toplaşmır - Lavrovdan reaksiya
Ermənistan, Rusiya və Azərbaycan arasında üçtərəfli sazişlər Cənubi Qafqazda nəqliyyat problemlərinin həllinə imkan yaradır.
Bunu Rusiya xarici işlər naziri Sergey Lavrov Ermənistan parlamentinin sədri Alen Simonyanla Moskvadakı görüşdə bildirib.
"Cənubi Qafqazda vəziyyətin nə qədər mürəkkəb olduğunu görürük. Rusiya, Azərbaycan prezidentləri və Ermənistanın Baş naziri səviyyəsində 2020-2022-ci illərdə razılaşdırılmış təməl, bizim fikrimizcə, regiondakı bütün iqtisadi, nəqliyyat və logistika problemlərinin həlli üçün aktuallığını qoruyub saxlayır", - deyə rusiyalı nazir bildirib.
Onun sözlərinə görə, Ermənistan bu qərarlardan əhəmiyyətli dərəcədə faydalanacaq və regionun normal fəaliyyətinə mane olan bütün maneələr aradan qaldırılmalıdır.
Lavrov xatırladıb ki, üç ölkənin baş nazir müavinləri liderlərin razılaşmaları əsasında qəbul edilən qərarlar barədə müntəzəm olaraq ünsiyyət qururlar.
Xatırladaq ki, Ermənistan, Rusiya və Azərbaycan baş nazirlərinin müavinləri - Mher Qriqoryan, Aleksey Overçuk və Şahin Mustafayevin həmsədrliyi ilə regionda kommunikasiyaların açılması üzrə üçtərəfli işçi qrupunun son iclası 2023-cü ilin iyun ayında Moskvada keçirilib.
5-02-2026, 16:32
Rusiya və Ukrayna əsirləri dəyişdilər: 157-ni 157-yə
Rusiya və Ukrayna arasında 157 hərbi əsir mübadiləsi aparılıb.
Rusiya Ukrayna əsirliyindən 157 hərbçini geri qaytarıb. Bunun müqabilində Ukrayna Silahlı Qüvvələrinin 157 hərbçisi təhvil verilib.
Bu barədə Rusiya Müdafiə Nazirliyinin mətbuat xidməti 5 fevralda məlumat yayıb.
Müdafiə Nazirliyinin məlumatına görə, BƏƏ və ABŞ mübadilədə vasitəçi kimi çıxış ediblər. Tərəflər Əbu-Dabidə Rusiya, Ukrayna və ABŞ nümayəndə heyətləri arasında danışıqlar zamanı mübadiləni aparmaq barədə razılığa gəliblər. Məsləhətləşmələr 4 və 5 fevral tarixlərində baş tutub və Amerika tərəfi onları məhsuldar adlandırıb. Danışıqların ilk mərhələsi 23 və 24 yanvar tarixlərində baş tutub.
5-02-2026, 15:19
]Lavrov Simonyanı danladı: Qəribə açıqlamalar eşidirik
Rusiya xarici işlər naziri Sergey Lavrov Ermənistan parlanrntinin sədri Alen Simonyanla görüşüb.
Rusiya XİN başçısı İrəvanın hibrid təhdidlər barədə açıqlamalarına toxunaraq qeyd edib ki, Aİ daim Ermənistanı ya Rusiya ilə, ya da onsuz olmaqla bağlı seçimə təşviq edir.
"Şimaldan Ermənistana qarşı hansısa təhdid barədə qəribə açıqlamalar eşidirik", - o deyib.
Lavrov ümid edir ki, Rusiyayanın "strateji məğlubiyyətini" məqsəd kimi elan edən Avropa Birliyinin bu addımları Ermənistan tərəfi üçün aydın bəlli olmalıdır.
"Lakin Moskva heç vaxt tərəfdaşlarının digər sahələrdə xarici əlaqələr qurmasına etiraz etmir. Rusiya həmçinin Ermənistan rəhbərliyinin hazırkı əməkdaşlıq səviyyəsini qorumaqda maraqlı olduğunu bildirən açıqlamalarını da eşidir".
Lavrov Rusiyanın Ermənistanın əsas ticarət tərəfdaşı olaraq qaldığını bir daha təkrarlayıb.
5-02-2026, 15:12
“ABŞ-İran gərginliyini azaltmaq üçün çalışırıq” - AÇIQLAMA
Türkiyə prezidenti Rəcəb Tayyib Ərdoğan Səudiyyə Ərəbistanı və Misirə səfərdən qayıdarkən təyyarədə jurnalistlərin suallarını cavablandırıb.
Ərdoğan "İran-ABŞ gərginliyi başladıqdan sonra prezidentlər Məsud Pezeşkian və Donald Trampla danışıqlarınız oldu və bir proses başladı. Bu prosesin hazırkı vəziyyəti necədir" sualına cavab verib.
"Əvvəla, regionu yeni bir münaqişəyə və xaosa sürükləmədən Amerika ilə İran arasındakı gərginliyi azaltmaq üçün əlimizdən gələni edirik. Bildiyiniz kimi, ABŞ prezidenti Donald Trampla telefon danışığım oldu və ertəsi gün də İran prezidenti Məsud Pazeşkianla danışdım. Həmçinin, İstanbulda İranın xarici işlər naziri Abbas Arakçi ilə xarici işlər nazirimlə birlikdə üçtərəfli görüş keçirdik. Məsələni aktual saxlayırıq. İrana hərbi müdaxiləyə qarşı olduğumuzu açıq şəkildə bildirmişik və bunu həmkarlarımıza çatdırmışıq. İndiyə qədər tərəflərin diplomatiyaya yol açmaq istədiyini görürəm. Bu, müsbət bir inkişafdır. Problemlərin həlli münaqişə deyil, ortaq zəmində görüşmək və danışıqlar aparmaqdır. Proses qırılmayıb. Dialoq və diplomatiya üçün zəmin hələ də açıqdır. Düşünürəm ki, aşağı səviyyəli görüşlərdə irəliləyiş əldə edildikdən sonra liderlər səviyyəsində danışıqlar da faydalı olacaq. Hərbi gərginliyin artması nəzərə alınmaqla, danışıqlar masası qurulması da vacibdir. Ümid edirik ki, problemlər dialoq yolu ilə həll olunacaq və regionumuzda yeni bir münaqişə yaranmayacaq. Biz həm lider diplomatiyası, həm də digər səviyyələrdə görüşlər, danışıqlar yolu ilə işləyirik... Biz bu təməli gücləndirmək üçün çalışacağıq. Bu təməlin nə qədər genişlənəcəyini və digər ölkələrin də iştirak edib-etməyəcəyini görəcəyik”.
5-02-2026, 12:33
Ermənistan müxalifəti dalaşdı - pulu bölüşdürə bilməyiblər
Ermənistanda Qərbyönlü siyasi qüvvələr 2026-cı ilin iyununda keçiriləcək parlament seçkilərində vahid formatda iştirak məsələsində razılığa gələ bilməyiblər.
Bu barədə Past qəzeti mənbələrə istinadən yazır.
Nəşrin məlumatına görə, tərəflər arasında Avropa İttifaqının Ermənistana ayırdığı 15 milyon avronun bölüşdürülməsi ilə bağlı fikir ayrılıqları səbəbindən partiyalar seçkilərdə ayrı-ayrı siyahılarla iştirak edəcəklər.
Qeyd olunur ki, “Respublika” Partiyasının lideri Aram Sarkisyan və “Respublika naminə” Partiyasının sədri Arman Babacanyan bu vəsaitlərin idarə olunmasında iştirak uğrunda mübarizə aparmaq niyyətindədirlər. Məhz bu amil onların qarşılıqlı münasibətlərinə mənfi təsir göstərib.
Bundan əlavə, Past yazır ki, “Ermənistanın Avropa Partiyası”nın lideri Tiqran Xzmalyan özü tərəfindən yaradılmış blokdan kənarda qalıb və o da seçkilərdə müstəqil şəkildə iştirak etməyi planlaşdırır.
5-02-2026, 00:40
Tramp yenidən Xameneini hədələdi
ABŞ prezidenti Donald Trump İranın Ali Dini Lideri Əli Xameneini “hədələyib. Tramp İranın nüvə proqramını yenidən bərpa etməyə cəhd göstərəcəyi təqdirdə Tehranın ciddi problemlərlə üzləşəcəyini bildirib.
O, bu açıqlamanı İranın nüvə dosyesi ətrafında yaranmış vəziyyəti şərh edərkən verib.
Trampın sözlərinə görə, əvvəllər İranın nüvə infrastrukturu tamamilə məhv edilib və onun yenidən qurulmasına yönələn istənilən cəhd sərt şəkildə qarşısı alınacaq.
ABŞ prezidenti deyib ki, Tehran ölkənin başqa bir bölgəsində yeni nüvə layihəsinə başlamağı nəzərdən keçirib, lakin Vaşinqton bu planlardan xəbər tutaraq İran tərəfini ağır nəticələr barədə əvvəlcədən xəbərdar edib. “Əgər yenidən cəhd etsələr, onlarla çox pis şeylər edəcəyik”, – Tramp bildirib.
O, eyni zamanda İranda baş verən etirazlara da toxunaraq, Vaşinqtonun etiraz hərəkatını dəstəklədiyini deyib və ölkədəki mövcud qeyri-sabitliyi bununla əlaqələndirib.
Trampın açıqlamaları fonunda yüksək vəzifəli iranlı mənbə Tehranın ABŞ təzyiqlərinə boyun əymək niyyətində olmadığını bildirib. Onun sözlərinə görə, Vaşinqton artıq danışıqların Omanda keçirilməsinə razılıq verib, görüşün yeri ətrafında aparılan müzakirələr isə ABŞ tərəfindən əvvəlcədən razılaşdırılmış gündəlikdən yayınmaq cəhdi kimi qiymətləndirilir.
Livanın “Al-Mayadin” telekanalına danışan İran mənbələri vurğulayıblar ki, Tehran nüvə məsələsindən kənara çıxan heç bir tələbin irəli sürülməsinə imkan verməyəcək. Bununla belə, İranın ABŞ ilə danışıqlara hazır olduğu da qeyd olunur..
4-02-2026, 23:53
"Görüş əsaslı və məhsuldar keçdi" - Umerov
Ukrayna nümayəndə heyəti Rusiya-Ukrayna müharibəsinin həllinə yönəlmiş Rusiya və ABŞ ilə üçtərəfli danışıqların ilk günündən sonra Prezident Volodimir Zelenski üçün hesabat hazırlayır.
Bu barədə Ukraynanın Milli Təhlükəsizlik və Müdafiə Şurasının katibi Rustem Umerov məlumat verib.
“Görüş əsaslı və məhsuldar idi, konkret addımlara və praktik həllərə yönəlmişdi. Hazırda Prezident Zelenski üçün hesabat hazırlayırıq,” – deyə Umerov bildirib.
O həmçinin qeyd edib ki, danışıqlar 5 fevral, cümə axşamı günü davam etdiriləcək.
4-02-2026, 18:48
İmamoğlu barəsində "casusluq işi" üzrə ittiham aktı hazırlanıb
İstanbul Böyükşəhər Bələdiyyəsinin sabiq sədri Əkrəm İmamoğlu, Necati Özkan, Hüseyn Gün və Merdan Yanardağ barəsində “casusluq işi” üzrə ittiham aktı hazırlanıb.
İttiham aktı İstanbul Baş Prokurorluğunun apardığı istintaq çərçivəsində tərtib edilib.
Əkrəm İmamoğlu barəsində “siyasi casusluq” maddəsi ilə cinayət işi açılıb.
Qeyd olunur ki, ötən ilin oktyabr ayında Əkrəm İmamoğlu, onun seçki kampaniyasının rəhbəri Necati Özkan və jurnalist Merdan Yanardağla bağlı casusluq ittihamı əsasında istintaqa başlanılıb.
Xatırladaq ki, ötən ilin mart ayında İstanbul Böyükşəhər Bələdiyyəsində aparılan araşdırma çərçivəsində Əkrəm İmamoğlu saxlanılıb. Onun evində axtarış aparılıb, daha sonra tibbi müayinəyə aparılıb. Həmin iş üzrə ümumilikdə 100-dən çox şəxs saxlanılıb.
Əkrəm İmamoğlu 2019-cu ildə Cümhuriyyət Xalq Partiyasının namizədi kimi İstanbul Böyükşəhər Bələdiyyəsinin sədri seçilib.
4-02-2026, 18:17
Ermənistanın Baş naziri: "Sülh hər kəsə lazımdır"[/color]
“Zayed İnsan Qardaşlığı Mükafatı” xalqlarımızın əldə etdiyi nailiyyətlərə verilən qiymətdir. Həmçinin bizim iradəmizi, gələcəyə yönələn baxışlarımızı göstərir".
Bunu Ermənistanın Baş naziri Nikol Paşinyan “Zayed İnsan Qardaşlığı Mükafatı”nın təqdimolunma mərasimində bildirib.
“Biz bundan sonra düşünməliyik ki, dəyişikliklər edə və öz xalqlarımız üçün əmin-aman gələcəyi təmin edə bilərik”, - deyən Ermənistanın Baş naziri diqqətə çatdırıb ki, bu istiqamətdə atılan addımlar etimada əsaslanır. “Sülh hər bir kəsə lazımdır”, - deyə o əlavə edib.
3-02-2026, 17:53
Rusiya vədini pozdu, cavabı olacaq - Zelenski
Rusiya vədini pozub və ABŞ-ın Əbu-Dabidəki görüşdən sonra təklif etdiyi gərginliyin azaldılması addımlarını faktiki olaraq pozub.
Bunu Ukrayna prezidenti Volodimir Zelenski bildirib.
"Tramp Putindən bir həftə enerji zərbələrindən çəkinməsini istəyib. Ya Rusiya həftədə yalnız dörd günün olduğunu düşünür, ya da onlar həqiqətən müharibənin davamını istəyir. Ukrayna Rusiyanın hansı güzəştlərə getməyə hazır olduğunu eşitmək istəyir".
Ukrayna prezidenti bildirib ki, zərbə razılaşmaları pozur və nəticələrə səbəb olmalıdır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!