27-01-2026, 15:19
Sabiq prezident ABŞ-də işə düzəldi
Polşanın sabiq prezidenti Andjey Duda Amerika Birləşmiş Ştatlarında iş tapıb.
O, xaricdə suverenlik və milli müdafiə ideyalarını təşviq edən konservativ liderlərlə əməkdaşlığı ilə tanınan “Heritage” (İrs) Fondunun sıralarına qoşulub.
“Mənim üçün "Heritage" Fonduna qoşulmaq böyük şərəfdir,”- deyə Duda bildirib.
O, prezident vəzifəsində olarkən azadlığın qorunması üçün qarşısını alma, müdafiəyə investisiya və möhkəm alyansların əhəmiyyətini gördüyünü qeyd edib.
Duda öz yeni postunda Avropada mühafizəkar siyasətin təşviqinə töhfə verəcəyinə ümidvar olduğunu bildirib.
Qeyd edək ki, sabiq prezident fondda dəvətli elmi işçi vəzifəsində çalışacaq.
27-01-2026, 15:11
ABŞ Rusiya-Ukrayna danışıqlarından çıxmağa hazırlaşır
ABŞ Rusiya-Ukrayna danışıqları nəticə verməsə, mayın 15-də prosesi tərk edəcək.
Bu barədə Ukrayna Radasının deputatı Aleksey Qonçarenko bildirib.
"Əgər razılığa gəlməsək, onlar danışıqlar prosesindən çəkiləcək və bu məsələdən tamamilə imtina edəcəklər", - deyə deputat yazıb.
Onun sözlərinə görə, bunun əsas səbəbi 2026-cı ilin noyabrında ABŞ-da keçiriləcək aralıq seçkiləridir.
Tramp administrasiyasının bu seçkilərə həll olunmamış münaqişə ilə yaxınlaşması, Respublikaçıların Demokratlar üçün hədəfə çevrilə biləcəyi ilə bağlıdır.
26-01-2026, 23:36
Tramp hərbi komandanlıqla görüşdü
ABŞ prezidenti Donald Tramp ABŞ Hərbi Hava Qüvvələrinin komandanı ilə görüşüb.
Bu barədə İsrail müdiası məlumat yayıb.
ABŞ-ın Bağdaddakı səfirliyi veb saytında ərəb və ingilis dillərində bir mesaj yerləşdirib. "Trampın dediyi kimi, biz İranı yaxından izləyirik. Prezident Tramp isə hərəkətə keçən prezidentdir", - mesajda deyilir.
Bu fonda Böyük Britaniya Xarici İşlər Nazirliyi vətəndaşlarını İraqa səyahət etməməyə çağırıb.
26-01-2026, 22:02
Bu şəhərdə dilənçilik qadağan edildi
Türkiyədə Şanlıurfa valiliyi ictimai asayişin, təhlükəsizliyin və rifahın qorunması məqsədilə vilayət ərazisində dilənçilik və qanunsuz müştəri cəlbetmə fəaliyyətlərinin qadağan edildiyini açıqlayıb.
Bu məlumatı "Haber Global" yayıb.
Bildirilib ki, Şanlıurfa valiliyi tərəfindən dərc edilən ümumi əmr çərçivəsində küçə, prospekt, meydan, park və bağçalar, avtomobil dayanacaqları, tarixi və mədəni ərazilər, ibadət yerləri, bankomatlar, körpü altları, işıqforlar və yolayrıcıları başda olmaqla, ictimai açıq ərazilərdə dilənmək qadağan olunub.
26-01-2026, 21:57
İmamoğlu ilə sevgili olmağım yalandır - AÇIQLAMA
İstanbul Böyükşəhər Bələdiyyəsinə qarşı açılan işdə adı hallanan peşəkar voleybolçu Derya Çayırqan Əkrəm İmamoğlu ilə bağlı maliyyə əməliyyatları və şəxsi həyatı ilə bağlı iddiaları qəti şəkildə təkzib edib.
Çayırqan sosial media hesabında ona qarşı irəli sürülən ittihamların həqiqəti əks etdirmədiyini bildirib.
Voleybolçu qeyd edib ki, gəlir və sponsorluq müqavilələri ilə qazandığı uzun peşəkar idman karyerası onun öz maliyyə sabitliyini yaradıb və belə bir xarici maliyyəyə ehtiyacı yoxdur:
“Son günlərdə sosial media platformalarında və bəzi digər media orqanlarında haqqımda yalan, əsassız və tamamilə uydurma iddialar yayılır.
Bütün bu iddialar əxlaqsız, böhtan xarakterlidir və açıq şəkildə şəxsi hüquqlarımı hədəf alır. Buna görə də, həm mən, həm də ailəm bu prosesdən dərin təsirləndik. Lakin, illərlə zəhmətlə qurduğum həyatım və peşəkar karyeram haqqında ictimaiyyətdə yalan təsəvvür yaratmaq cəhdi üzündən ilk dəfə yazılı açıqlama vermək ehtiyacı duydum.
Uzun illərdir peşəkar idmançıyam. Klub gəlirim və bonuslarımla yanaşı, sponsorluq və reklam əməkdaşlığım da olub. Buna görə də, hesabıma daxil olan və gedən pulun miqdarı peşəmin və gəlir strukturumun təbii nəticəsidir. Bu səbəbdən, iddia edildiyi kimi, hər hansı bir şəxsdən və ya siyasətçidən pul aldığım doğru deyil və bunu etməyimi tələb edən heç bir vəziyyət də yoxdur. Əkrəm İmamoğlu ilə şəxsi münasibətim və ya onun sevgilisi olduğumla bağlı bütün iddialar tamamilə böhtandır. Belə bir vəziyyət heç vaxt baş verməyib.
Bu cür ciddi böhtan qarşısında susmağım mümkün deyil. Bu iddiaları irəli sürənlərə və yayanlara qarşı cinayət işi açılıb və mənəvi ziyanın ödənilməsi üçün məhkəmə iddiası qaldırılıb. Çünki bu vəziyyət təkcə məni şəxsən hədəf alan hücum deyil, həm də bir qadının işinə, nüfuzuna və həyatına yönəlmiş açıq bir ədalətsizlikdir”.
26-01-2026, 17:38
Rubinyan AŞPA-nın vitse-prezidenti seçildi
Ermənistan parlamentinin sədr müavini və ölkənin Avropa Şurası Parlament Assambleyasındakı (AŞPA) nümayəndə heyətinin rəhbəri Ruben Rubinyan AŞPA-nın vitse-prezidenti seçilib.
Rubinyan bu barədə Facebook səhifəsində yazıb.
"Mən Ermənistana ayrılan kvota çərçivəsində AŞPA-nın vitse-prezidenti seçildim", - deyə o qeyd edib.
26-01-2026, 17:20
AŞPA-nın yeni prezidenti seçildi
Avropa Şurası Parlament Assambleyasının (AŞPA) yeni prezidenti seçilib.
Bu barədə AŞPA məlumat yayıb.
Məlumata görə, Avstriyadan olan deputat Petra Bayr Avropa Şurası Parlament Assambleyasının 36-cı prezidenti seçilib.
Qeyd edək ki, bundan əvvəl Assambleyanın prezidenti vəzifəsini Teodoros Rusopulos tuturdu.
25-01-2026, 20:10
İsrailin XİN başçısı Azərbaycana yola düşdü
İsrail xarici işlər naziri Gideon Saarın rəhbərlik etdiyi 40 iş adamından ibarət nümayəndə heyəti Azərbaycan və Qazaxıstana yola düşüb.
Səfər ikitərəfli siyasi və iqtisadi əlaqələrin gücləndirilməsi məqsədi daşıyır.
Səfər proqramına rəsmi tədbirlər, eləcə də dövlət qurumlarının və ictimai təşkilatların nümayəndələri ilə əlaqələr daxildir. Xüsusilə yəhudi icmalarının nümayəndələri ilə görüşlərə diqqət yetiriləcək.
Qazaxıstana səfər ölkənin İbrahim Sazişlərinə qoşulması ilə əlaqədardır. Bundan əlavə, nazir Astanada Beynəlxalq Holokost Anım Gününü qeyd etmək üçün tədbirlərdə iştirak edəcək.
Saarı 40-dan çox iş adamı və İsrail dövlət qurumlarının nümayəndələrindən ibarət nümayəndə heyəti müşayiət edir. Nümayəndə heyəti su texnologiyaları və kənd təsərrüfatı, kibertəhlükəsizlik, mühəndislik, maliyyə, səhiyyə və digər sektorları təmsil edir.
Saarın təşəbbüsü ilə Bakı və Astanada da biznes forumlarının keçirilməsi planlaşdırılır. Bu forumlara İsrail nümayəndə heyətinin nümayəndələri ilə yerli sahibkarlar və işgüzar dairələr arasında görüşlər də daxil olacaq.
25-01-2026, 19:51
Moskva geri addım atır?
Rusiya nümayəndə heyəti Əbu-Dabidə keçirilən danışıqlarda ərazi məsələləri üzrə ABŞ-ın mövqeyi ilə razılaşmağa məcbur olub və ilkin tələblərindən geri çəkilib.
Bu barədə Britaniyanın "The Times" qəzeti adını açıqlamayan rusiyalı diplomatın sözlərinə istinadən yazır.
Nəşrin məlumatına görə, üçtərəfli məsləhətləşmələrin ilk günü yekunlaşdıqdan sonra Rusiya tərəfi əvvəlcə ərazi güzəştləri ilə bağlı müəyyən öhdəliklər əldə etməyə ümid edib. Lakin nəticədə ABŞ nümayəndələrinin mövqeyi qəbul olunub.
“Biz əvvəlcə ərazi güzəştlərinə dair hansısa öhdəlik almağa ümid edirdik, amma sonda amerikalılarla razılaşmalı olduq”, - mənbə bildirib.
Yanvarın 24-də Əbu-Dabidə Rusiya, ABŞ və Ukrayna nümayəndələrinin iştirakı ilə keçirilən üçtərəfli danışıqların ikinci raundu başa çatıb. TASS-ın mənbələri görüşdə “bufer zonalar” və “müxtəlif nəzarət mexanizmləri”nin müzakirə olunduğunu bildiriblər. Ukrayna mətbuatı isə tərəflərin atəşkəsə dair məsələlərdə müəyyən irəliləyiş əldə etdiyini, lakin ərazilər üzrə kompromisə gələ bilmədiyini yazır.
Ukrayna Prezidenti Vladimir Zelenski danışıqları “konstruktiv” adlandıraraq tərəflərin bir çox mövzunu müzakirə etdiyini deyib. Onun sözlərinə görə, üçüncü raundun gələn həftə keçirilməsi mümkündür.
25-01-2026, 19:10
Əli Laricaninin qızı ABŞ universitetindən qovuldu
ABŞ-nin Corciya ştatında yerləşən Emori Universiteti İranın Ali Milli Təhlükəsizlik Şurasının katibi Əli Laricaninin qızı Fatimə Ərdəşir Laricani işdən çıxarıb.
Bu barədə Universitet məlumat yayıb.
Qərar artan siyasi təzyiqlər, ictimai etirazlar və ABŞ rəsmilərinin narazılığı fonunda qəbul edilib.
O, Emori Universitetinin Hematologiya və Tibbi Onkologiya kafedrasında dosent vəzifəsində çalışıb. Fatimə ilə bağlı məlumatlar artıq universitetin internet səhifəsindən silinib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!