15-05-2025, 00:13
Putin İstanbula getməyəcək - RƏSMİ
Rusiya prezidenti Vladimir Putin Ukrayna ilə danışıqlar aparmaq üçün İstanbula gedəcək nümayəndə heyətinin tərkibini təsdiqləyib.
Siyahıya prezidentin köməkçisi Vladimir Medinski rəhbərlik edəcək. Sənəd Kremlin saytında dərc olunub.
Həmçinin nümayəndə heyətinin üzvləri arasında Rusiya Federasiyası xarici işlər nazirinin müavini Mixail Qaluzin, Silahlı Qüvvələri Baş Qərargahının Baş İdarəsinin rəisi İqor Kostyukov, müdafiə nazirinin müavini Aleksandr Fomin var.
Bundan əlavə, prezident danışıqlar üçün ekspertlərin tərkibini təsdiqləyib. Siyahıda Rusiya Federasiyası Silahlı Qüvvələri Baş Qərargahı rəisinin birinci müavini Aleksandr Zorin Prezidentin Humanitar sahədə Dövlət Siyasəti İdarəsinin rəis müavini Yelena Podobreevskaya, Rusiya Xarici İşlər Nazirliyinin MDB ölkələri üzrə ikinci departamentinin direktoru Aleksey Polişçuk, Müdafiə Nazirliyinin Beynəlxalq Hərbi Əməkdaşlıq Baş İdarəsinin rəis müavini Viktor Şevtsov.var.
Putinin özü siyahıda yoxdur. Qeyd edək ki dnışıqların mayın 15-də keçirilməsi planlaşdırılır. Ukrayna Prezidenti Volodimir Zelenski Ukrayna nümayəndə heyətinə özü rəhbərlik edəcəyini bildirib. O, İstanbulda Putini gözləyəcəyini qeyd edib.
14-05-2025, 22:43
Tramp 1,2 trilyon dollarlıq saziş imzaladı
Qətərdə səfərdə olan ABŞ Prezidenti Donald Tramp bu ölkənin əmiri Şeyx Təmim bin Həməd Əl-Tani ilə 1,2 trilyon dollar dəyərində iqtisadi mübadiləyə dair müqavilə imzalayıb.
Həmçinin iki ölkə arasında ümumi dəyəri 243,5 milyard dollardan çox olan iqtisadi müqavilələrə imza atılıb. Bu çərçivədə Qətər ABŞ istehsalçısı “Boeing”dən “Qatar Airways” üçün 200 milyard dollar dəyərində 160 təyyarə alacaq.
Həmçinin müqaviləyə əsasən Qətər və ABŞ arasında təhlükəsizlik sahəsində tərəfdaşlıq daha da gücləndirilir. “Raytheon” şirkəti ilə imzalanan bir milyard dollarlıq razılaşma Qətəri pilotsuz uçuş aparatları, “General Atomics” ilə bağlanmış 2 milyard dollarlıq müqavilə isə MQ-9B pilotsuz uçuş aparatları ilə təmin edəcək.
14-05-2025, 22:06
Zelenski Nəriman Cəlalı səfir təyin etdi
Nəriman Cəlal Ukraynanın Türkiyədəki səfiri təyin edilib.
Müvafiq sərəncamı Ukrayna Prezidenti Volodimir Zelenski imzalayıb.
Ukrayna lideri qərarı ötən il dekabrın sonunda çıxışı zamanı elan edib. Cəlalın bu vəzifəyə təsdiqlənməsi Rusiya və Ukrayna arasında İstanbulda gözlənilən danışıqlar fonunda baş verir.
Cəlal Krım tatar xalqı Məclisinin sədr müavinidir. O, 2021-ci il sentyabrın 4-də Rusiya Federasiyası tərəfindən həmin il avqustun 23-də Simferopol yaxınlığında Perevalnoye yaxınlığında baş vermiş qaz kəmərinin bir hissəsini partlatmaqda ittiham edilərək həbs edilib və 17 il müddətinə azadlıqdan məhrum edilib. Cəlal 2024-cü il iyunun sonunda rus əsirliyindən azad edilib.
14-05-2025, 20:40
Mirzoyan Kallasla sülhdən danışdı
Ermənistanın xarici işlər naziri Ararat Mirzoyan Aİ-nin xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallasla görüşüb.
Bu haqda Ermənistan XİN məlumat yayıb.
Tərəflər regionda sabitliyin bərqərar edilməsi, Azərbaycan və Ermənistan arasında sülh sazişinin imzalanması və dövlətlərarası əlaqələrin qurulması ətrafında müzakirələr aparıblar.
Görüşdə Ermənistan və Avropa İttifaqı arasında tərəfdaşlığın dərinləşdirilməsi də müzakirə olunub.
14-05-2025, 19:20
Rusiya Hüseyn Həsənovu axtarışa verdi
Rusiya Azərbaycanəsilli bloger Hüseyn Həsənovu axtarışa verib.
O, çirkli pulların yuyulmasında ittiham edilir.
Hüseyn Həsənovun barəsində qiyabi həbs qərarı çıxarılıb. Blogeri 7 ilə qədər həbs cəzası gözləyir.
14-05-2025, 16:21
Tramp Qətərdə səfərdədir
ABŞ prezidenti Donald Tramp Dohaya (Qətər) gəlib.
Bu barədə Ağ Ev "X" sosial şəbəkəsində məlumat yayıb.
Hava limanında onu Qətər əmiri şeyx Təmim bin Həməd Əl Tani qarşılayıb.
14-05-2025, 16:01
ABŞ, Suriya, Türkiyə və Səudiyyə liderləri görüşdülər
ABŞ prezidenti Donald Tramp və Suriya prezidenti Əhməd əl-Şara Ər-Riyadda görüşüb.
Görüş zamanı onlara onlayn rejimdə Türkiyə prezidenti Rəcəb Tayyib Ərdoğan və Səudiyyə Ərəbistanının vəliəhdi Məhəmməd ibn Salman da qoşulub.
Prezident Ərdoğan onlayn görüş zamanı Trampın Suriyaya qarşı sanksiyaları ləğv etmək qərarının tarixi əhəmiyyət kəsb etdiyini və Türkiyənin terror təşkilatları, xüsusilə də İŞİD-lə mübarizəsində Dəməşq rəhbərliyinə dəstəyini davam etdirəcəyini bildirib.
Ərdoğan ABŞ-ın Suriyaya qarşı sanksiyaları ləğv etmək qərarının digər sanksiyalar tətbiq edən ölkələrə də nümunə olacağına inandığını bildirib.
14-05-2025, 14:44
Sabiq müdafiə naziri həbs edildi
Tbilisi Şəhər Məhkəməsi Gürcüstanın sabiq müdafiə naziri İrakli Okruaşvili barəsində əvvəl təyin edilmiş 20 min lari məbləğində girovu ləğv edərək, onu həbs qətimkan tədbiri ilə əvəz edib.
İ.Okruaşvili məhkəmə zalında həbs edilib.
İttihamçı tərəfin nümayəndəsi, prokuror Natia Tatiaşvilinin sözlərinə görə, Okruaşvilinin istintaq və məhkəmə orqanlarına münasibəti, həmçinin onun qanuni tələblərə əməl etməməsi bu qərarın verilməsində əsas rol oynayıb. Prokuror bildirib ki, sabiq nazir təyin olunmuş girovu müəyyən edilmiş müddət ərzində ödəməyib və zaminliyin şərtlərini pozub:
“Təqsirləndirilən şəxs məhkəmənin qərarını və hakimin qanuni tələbini nəzərə almayıb. Girov şərtlərinin pozulması ilə yanaşı, Okruaşvili digər müttəhimləri də girov məbləğini ödəməməyə və məhkəmə qərarlarına əməl etməməyə təşviq edib”, - deyə Tatiaşvili bildirib.
Qeyd edək ki, 2025-ci il aprelin 8-də Tbilisi Şəhər Məhkəməsi İrakli Okruaşvilinin parlamentin müvəqqəti istintaq komissiyasının iclasında iştirak etmədiyi üçün onun barəsində 20 min lari məbləğində girovla həbs qətimkan tədbiri seçmişdi. Lakin mayın 8-də girovla bağlı müddət başa çatsa da, sabiq nazir bu öhdəliyi yerinə yetirməyib.
14-05-2025, 14:03
Ermənistan parlamentində əlbəyaxa dava - VİDEO
Ermənistan parlamentinin bugünkü iclasında dava düşüb.
Parlament sədrinin müavini Akop Arşakyan müxalifətdən olan deputat Levon Köçəryanın çıxışını bəyənməyib.
Vitse-spiker, hakim “Mülki müqavilə” fraksiyasının nümayəndəsi Akop Arşakyanın “Hayastan” müxalifət blokundan olan deputat Köçəryanın baş nazir Nikol Paşinyan haqqında sərt çıxışına kəskin reaksiya verməsindən sonra vəziyyət gərginləşib.
"Levon Köçəryan, öz yerini, həddini bil!", - deyə Arşakyan Köçəryanın ünvanına kobud ifadə işlədib.
“Ara Levon, otur və sənə deyilənlərə qulaq as!”, - Arşakyan onun üstünə qışqırıb.
Daha sonra o, hətta Köçəryanı iclas zalından qovmaqla hədələyib.
Bunun ardınca zalda gərgin mübahisə başlayıb və bu, tez bir zamanda fiziki toqquşmaya çevrilib: deputatlar bir-birini itələməyə başlayıb və bunun ardınca əlbəyaxa dava düşüb.
Xatırladaq ki, eks-prezident Robert Köçəryanın deputat oğlu Levon Köçəryan baş nazir Nikol Paşinyanı real siyasi müzakirələrdən yayınmaqda suçlayıb.
O, atası, Ermənistanın ikinci prezidenti Robert Köçəryanla Paşinyan arasında debat ideyasını da şübhə altına alıb:
“Ciddi fikirləşirsiniz ki, 2008-ci ildən prezident olmayan atam gəlib onunla 2023-cü ildə "Artsax"ı kimin təslim etdiyi barədə mübahisə etməlidir? Bu absurddur!"
Köçəryanın sözlərinə görə, Qarabağ yalnız Paşinyan onu Azərbaycanın bir hissəsi kimi rəsmən tanıdıqdan sonra əldən gedib.
"Paşinyan deyir ki, hər kənddə soruşurlar ki, Köçəryan niyə həbsdə deyil. Bəs bilirsiniz bizə nə deyirlər? "Necə olur ki, bu satqınlar hələ də azadlıqda qalırlar və hətta hakimiyyəti saxlamaqda davam edirlər?"
"Nikol Paşinyan bu zalda mənim həmkarlarımı "hambal" adlandırdı və ertəsi gün Moskvaya getdi. Bəs indi əsl hambal kimdir?", - Köçəryan deyib.
14-05-2025, 13:31
Tramp Suriya lideri ilə görüşdü
ABŞ prezidenti Donald Tramp bu gün Suriyanın keçid dövrünün prezidenti Əhməd Əl Şaraa ilə görüşüb.
Görüş Səudiyyə Ərəbistanının paytaxtı Ər-Riyadda baş tutub.
Bu, Suriya ilə ABŞ arasında son 25 ildə ilk rəsmi təmas olub. Söhbət Trampın Fars Körfəzi Əməkdaşlıq Şurasının liderləri ilə görüşləri çərçivəsində gerçəkləşib.
Tramp görüşdən bir gün əvvəl verdiyi açıqlamada Suriyaya qarşı iqtisadi sanksiyaların götürüləcəyini də açıqlamışdı.
ABŞ 1979-cu ildən Suriyanı terrorizmə sponsorluq edən dövlətlər siyahısında saxlayır. Tramp deyib ki, Suriyada sülhə şans verilməlidir və bu, Əhməd Əl Şaraanın rəhbərliyi ilə mümkün olacaq.
Görüş bağlı qapılar arxasında davam edib. Heç bir şəkil və ya iştirakçıların siyahısı mətbuata təqdim edilməyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!