11-08-2024, 16:35
Cəlilabadda evdə qadın meyiti tapıldı
Cəlilabad rayonunda evlərdən birində meyit aşkarlanıb.
Hadisə rayonun Səttərxan küçəsində qeydə alınıb.
Meyitin rayon sakini, 1986-ci il təvəllüdlü Aybəniz Əbilovaya məxsus olduğu məlum olub.
Hazırda faktla bağlı araşdırma aparılır.
11-08-2024, 15:54
Paris olimpiadası yekunlaşdı - Azərbaycan 7 medal qazandı
Azərbaycan idmançıları Paris-2024 Yay Olimpiya Oyunlarında çıxışlarını başa vurub. 48 idmançıdan 7-si medal qazanıb.
Azərbaycan idmançıları əldə edilən mükafatlardan sonuncusunu bu gün aktivinə yazdırıb.
Sərbəst güləşçi Maqomedxan Maqomedov (97 kq) üçüncü yer uğrunda görüşdə Ukrayna təmsilçisi Murazi Mçedlidze ilə üz-üzə gəlib və 10:0 hesablı qələbəyə sevinib. Bununla da idmançımız üçüncü bürünc medalı Azərbaycana qazandırıb.
Ümumilikdə 7 medal qazanan idmançıların siyahısı:
Cüdo: Hidayət Heydərov (73 kq) — qızıl
Zelim Kotsoyev (100 kq) — qızıl
Boks: Alfonso Dominges (92 kq) — gümüş
Taekvondo: Qaşım Maqomedov (58 kq) — gümüş
Yunan-Roma güləşi: Həsrət Cəfərov (67 kq) — bürünc
Sərbəst güləş: Giorgi Meşvildişvili (125 kq) — bürünc
Maqomedxan Maqomedov (97 kq) — bürünc
Medal qazana bilməyənlər:
Badminton
Edi Reski Dviçayo (kişilər, fərdi), Keişa Fatimə Zəhra (qadınlar, fərdi)
Bədii gimnastika
Zöhrə Ağamirova
Qrup hərəkətləri komandası (Ləman Əlimuradova, Kamilə Əliyeva, Yelizaveta Luzan, Güllü Ağalarzadə və Darya Sorokina)
Batut gimnastikası
Selcan Maqsudova
Sərbəst güləş
Əliabbas Rzazadə (57 kq), Hacı Əliyev (65 kq), Turan Bayramov (74 kq), Osman Nurmaqomedov (86 kq)
Yunan-Roma güləşi
Murad Məmmədov (60 kq), Sənan Süleymanov (77 kq), Rafiq Hüseynov (87 kq), Sabah Şəriəti (130 kq)
Qadın güləşi
Mariya Stadnik (50 kq)
Atletika
Anna Skidan, çəkicatma
Boks
Nicat Hüseynov (51 kq), Malik Həsənov (63,5 kq), Murad Allahverdiyev (80 kq)
Məhəmməd Abdullayev (+92 kq)
Atıcılıq
Ruslan Lunyov (10 m, pnevmatik tapança)
Basketbol
Qadın yığması, 3×3 növü
Avarçəkmə
Diana Dımçenko, (2000 m, akademik avarçəkmə)
Triatlon
Rostislav Pevtsov
Qılıncoynatma
Anna Başta, (sablya)
Kamandan oxatma
Yaylagül Ramazanova
Üzgüçülük
Məryəm Şeyxəlizadəxangah, Ramil Vəlizadə
Cüdo
Balabəy Ağayev (kişilər, 60 kq), Yaşar Nəcəfov (kişilər, 66 kq), Zelim Tçkayev (kişilər, 81 kq), Elcan Hacıyev (kişilər, 90 kq), Uşanqi Kokauri (kişilər, +100 kq), Leyla Əliyeva (qadınlar, 48 kq), Gültac Məmmədəliyeva (qadınlar, 52 kq)
11-08-2024, 15:18
Mehriban Əliyevadan idmançımıza təbrik
Birinci vitse-prezident Mehriban Əliyeva Parisdə keçirilən XXXIII Yay Olimpiya Oyunlarında bürüncü medal mükafatı qazanmış Azərbaycan sərbəst güləşçisi Maqomedxan Maqomedovu təbrik edib.
Bu barədə birinci xanım sosial şəbəkədə yazıb:
"Azərbaycanın sərbəst güləşçisi Maqomedxan Maqomedovu bürünc medal qazanması münasibətilə təbrik edirəm! İdmançımıza yeni qələbələr və nailiyyətlər arzulayıram!".
11-08-2024, 14:03
Diasporumuzdan erməni lobbisinə zərbə - ERMƏNİSTAN TƏŞVİŞDƏ
“Gənclər Yaşıl Dünya Naminə” Diaspor Gənclərinin V Yay Düşərgəsində görüşlərdən birinin mövzusu Qərbi Azərbaycana həsr olunduqdan sonra ermənilər yenidən təşvişə düşüblər. Bu hadisə ilə əlaqədar Ermənistan mediasında narahatlıq dolu materiallar dərc edilib.
Azərbaycanın Laçında keçirilən “Gənclər Yaşıl Dünya Naminə” Diaspor Gənclərinin V Yay Düşərgəsində Qərbi Azərbaycana həsr olunan görüşdən sonra erməni mediası çox absurd bir şəkildə Azərbaycanın Ermənistan və İran ərazilərinə iddia etməsi ilə bağlı narahatlığını ifadə edib. Məqalələrdə Azərbaycanın "Qərbi Azərbaycan" termini və mədəni irsə aid iddialarının təhrif edildiyi və bu siyasətin Ermənistanın ərazi bütövlüyünə qarşı yönəldiyi vurğulanır (//armenpress.am/ru/article/1197456 ).
Ermənistan tərəfi bu tədbirlərin gənc nəsillərə təsir edərək ermənilərə qarşı neqativ münasibət formalaşdırmaq məqsədi daşıdığını iddia edir (//ru.aravot.am/2024/08/10/437631/).
Lakin, həqiqət budur ki, Azərbaycanın Qərbi Azərbaycan konsepsiyası, tarixi həqiqətlərin və tarixi ədalətin bərpasına yönəlib, qonşu dövlətlərin ərazi bütövlüyünü sual altına almır. Azərbaycanın məqsədi, öz torpaqlarına və məcburi köçkünlərin yurdlarına qayıdışını təmin etməkdir. Ermənistanın bu cür təxribat xarakterli ittihamları, regionda gərginlik yaratmaq və beynəlxalq aləmdə yanlış təsəvvürlər yaratmaq məqsədi güdür.
Azərbaycan isə beynəlxalq hüquq çərçivəsində öz ərazi bütövlüyünü təmin etməyə və tarixi ədaləti bərpa etməyə davam edəcək. Ermənilərin narahatlığına baxmayaraq, Azərbaycan regionda sülh və sabitliyin təminatçısı olmağa çalışır və qonşu dövlətlərin ərazi bütövlüyünə hörmətlə yanaşır.
Bu məsələnin təxribat məqsədi ilə manipulyasiya edilməsi regionda sülh və stabilliyə zərər vurmaqdan başqa bir nəticə verməyəcək. Azərbaycanın mövqeyi aydındır: Ölkəmiz tarixi ədaləti bərpa etməyə yönəlmiş fəaliyyətlərini davam etdirəcək və bununla bağlı heç bir təxribat cəhdinə icazə verməyəcək.
Qeyd edək ki, avqustun 1-dən 7-dək davam edən və diaspor tarixinin möhtəşəm layihələrindən biri hesab olunan Diaspor Gənclərinin V Yay Düşərgəsində dünyanın 60 ölkəsindən 115 gənc iştirak edib. Onların sırasında həm dünyanın müxtəlif ölkələrində yaşayan azərbaycanlılar, həm də Azərbaycana dost münasibəti bəsləyən xalqların nümayəndələri yer alıb.
11-08-2024, 13:57
Sabahkı hava meteohəssas insanlar üçün əlverişsiz olacaq
Avqustun 12-də isti hava meteohəssas insanlarda narahatlıq yarada bilər.
Bu barədə Milli Hidrometeorologiya Xidmətindən məlumat verilib.
Abşeron yarımadasında zəif küləklərin üstünlüyü fonunda isti temperatur rejimi gözlənilir ki, bu da meteohəssas insanlar üçün əsasən əlverişsizdir.
11-08-2024, 13:25
Deputat olmaq istəyən jurnalistlər - Onlar kimlərdir?
Sentyabrın 1-də keçiriləcək Milli Məclisə növbədənkənar seçkilərdə iştirak üçün 1052 nəfərin deputatlığa namizədliyi qeydə alınıb. Onlar 125 seçki dairəsində mübarizə aparacaqlar.
Deputatlığa namizədliyi qeydə alınanlar sırasında xeyli KİV nümayəndəsi də var.
Mərkəzi Seçki Komissiyasının məlumatları (MSK) əsasında deputatlığa namizədliyi qeydə alınmış jurnalistlərin kimlər olduğunu və hansı dairələrdə onların mandat uğrunda mübarizə aparacaqlarını araşdırmışıq.
Beləliklə, deputatlığa namzədliyi qeydə alınmış KİV nümayəndələrilə tanış olaq.
6 saylı Ordubad-Culfa seçki dairəsində Yeni Azərbaycan Partiyasının namizədi tanınmış jurnalistdir – “İki sahil” qəzetinin baş redaktoru Vüqar Rəhimzadə. O bu dairədə əsas namizəd sayıldığından seçkilərdə qalib gələcəyi də şübhə doğurmur.
8 saylı Binəqədi Birinci seçki dairəsində Müsavat Partiyasından olan jurnalist Mustafa Hacılı (Basta.info saytının rəhbəri) deputatlığa namizəddir. Mustafa Hacılı bu dairədə güclü namizəd - 6-cı çağırış Milli Məclisin deputatı Azay Quliyevlə mübarizə aparacaq.
9 saylı Binəqədi İkinci seçki dairəsində deputatlığa namizədliyi qeydə alınmış iki jurnalist var: "Azərbaycan Milli Ensiklopediyası" Elmi Mərkəzinin böyük elmi redaktoru, bitərəf Səfər Alışarlı və “Millət” qəzetinin baş redaktoru, AMİP-çi Əli Orucov. Onlar bu dairədə 6-cı çağırış Milli Məclisin deputatı Kəmaləddin Qafarovla yarışacaqlar.
11 saylı Binəqədi-Qaradağ seçki dairəsində də deputatlığa namizədliyi qeydə alınmış jurnalist var – “Xalq Cəbhəsi” qəzetinin müxbiri Əli İbrahimov (Zülfüqaroğlu). O, Ədalət, Hüquq, Demokratiya Partiyasını təmsil edir. Burada əsas namizəd 6-cı çağırış Milli Məclisin deputatı, YAP-çı Səbinə Xasayevadır.
12 saylı Xəzər Birinci seçki dairəsində "CBC Sport" telekanalında çalışan Əli Əliyev 6-cı çağırış Milli Məclisin deputatı Soltan Məmmədov və Bakı Dövlət Universitetinin müəllimi, müsavatçı Almaz Məmmədova (Əliqızı) ilə mübarizə aparacaq.
17 saylı Yasamal Üçüncü seçki dairəsində “Ədəbiyyat qəzeti”nin redaktoru Aydın Əbilov namizədliyi qeydə alınanlar sırasındadır. Bu dairədə BDU-nun dosenti, müsavatçı Nüşabə Sadıxova güclü rəqib sayılır. Dairədə YAP-ı Torpaqşünaslıq və Aqrokimya İnstitututunun laboratoriya müdiri Zaman Məmmədov təmsil edir. Ədalət Partiyasının sədr müavini, Bakı Avrasiya Universitetinin dekanı Mütəllim Rəhimli də burada mübarizə aparacaq.
19 saylı Nərimanov Birinci seçki dairəsində mübarizə aparan Elm və Təhsil Nazirliyinin İqtisadiyyat İnstitutunda çalışan jurnalist Mahir Zeynalov (Həmzəoğlu) Ədalət, Hüquq, Demokratiya Partiyasını təmsil edəcək. Bu dairədə ən güclü namizəd də jurnalistdir - 6-cı çağırış Milli Məclisin deputatı, “Yeni Azərbaycan” qəzetinin keçmiş baş redaktoru Hikmət Məmmədov (Babaoğlu).
24 saylı Nizami Birinci seçki dairəsində də jurnalist namizəd var – “Hürriyyət” qəzetinin müxbiri Ülviyyə Şükürova. Burada əsas namizəd 6-cı çağırış Milli Məclisin deputatı Könül Nurullayeva sayılır.
32 saylı Suraxanı Üçüncü seçki dairəsində Mediatv.az saytının baş redaktoru Əfqan Quliyev YAP-ın namizədi, 6-cı çağırış Milli Məclisin deputatı Afət Həsənovaya qarşı mübarizə aparacaq.
33 saylı Xətai Birinci seçki dairəsində müstəqil jurnalist Fuad Abbasovun deputatlığa namizədliyi qeydə alınıb. Onun əsas rəqibləri 6-cı çağırış Milli Məclisin deputatı Zahid Oruc və REAL Partiyasının icra katibi Natiq Cəfərli olacaq.
41 saylı Gəncə-Samux-Goranboy seçki dairəsində "Novosti Qyandji" qəzetinin baş redaktor müavini Ceyhun Əliyev qeydə alınıb. O, 6-cı çağırış Milli Məclisin deputatı Müşfiq Cəfərovla yarışacaq. Təbii ki, dairənin başqa namizədləri də var.
46 saylı Sumqayıt Beşinci seçki dairəsində “365-ci qəzet”in müxbiri Rəşid Məmmədov deputatlığa namizəddir. Burada YAP-ın namizədi AMEA Nizami Gəncəvi adına Ədəbiyyat İnstitutunun əməkdaşı Elnarə Akimovadır.
50 saylı Abşeron Üçüncü seçki dairəsində bir neçə jurnalist var: “Dünya” TV-nin aparıcısı İbrahim Allahverdiyev, “Space” TV-də çalışan Nuranə Axundova, “Avrasiya” və “Bu gün” qəzetlərinin keçmiş jurnalisti Ağaşirin Məmmədov.
Bu dairədə əsas namizəd Prezident Administrasiyasının sektor müdiri Ramid Novruzovdur. O, YAP-ı təmsil edir.
58 saylı Xaçmaz Kənd seçki dairəsində bitərəf namizəd, “Trend” İnformasiya Agentliyinin rəhbərliyində təmsil olunan Sevil Mikayılova həm də 6-cı çağırış Milli Məclisin deputatıdır. O bu dairədə yenidən mandat almağa çalışır.
69 saylı Biləsuvar seçki dairəsində hərbi jurnalist, “Xalq qəzeti”nin əməkdaşı Rahib Qəribov mandat uğrunda yarışacaq. Onun əsas rəqibi də jurnalistdir - 6-cı çağırış Milli Məclisin deputatı, bitərəf Bəhruz Məhərrəmov.
YAP buradan bir o qədər də tanınmayan Elməddin Əliyevuin namizədliyini irəli sürüb.
77 saylı Lənkəran Şəhər seçki dairəsində də jurnalist var – “Lənkəran” qəzetinin baş redaktoru Əlimərdan Əliyev. Bu dairənin favoriti ADA Universitetinin prorektoru Fariz İsmayılzadə hesab olunur.
81 saylı İmişli seçki dairəsi "Tehsilmedia.az" saytının baş redaktoru Sakit Muradovun deputatlığa namizədliyi qeydə alınıb. Burada ən güclü namizəd 6-cı çağırış Milli Məclisin deputatı, Milli Cəbhə Partiyasının sədri Razi Nurullayevdir.
85 Saylı Füzuli-Ağcabədi seçki dairəsində tanınmış jurnalist, “Ədalət” qəzetinin sahibi Aqil Abbas yenidən mandat almaq istəyir. O, 6-cı çağırış Milli Məclisin deputatıdır.
Burada daha bir jurnalistin deputatlığa namizədliyi qeydə alınıb – “Vergilər” qəzetinin redaktoru Anar Əliyev
90 saylı Ağsu seçki dairəsində yarışan “Xalq Cəbhəsi” qəzetinin baş redaktoru Elçin Mirzəbəyli həm də Ədalət, Hüquq, Demokratiya Partiyasını təmsil edəcək.
YAP burada Ağsu RMX PHŞ-nin direktoru Əli Hüseynovu qabağa verib.
92 saylı Göyçay-Ağdaş seçki dairəsində müstəqil jurnalist Anar Nağıyev YAP-ın təmsilçisi - Göyçay şəhəri 4 nömrəli tam orta məktəbin müəllimi Firəngiz Məmmədyarovaya qarşı mübarizə aparacaq. Amma burada ən güclü namizəd 6-cı çağırış Milli Məclisin deputatı Məzahir Əfəndiyevdir.
93 sayli Ağdaş seçki dairəsində də jurnalist namizəd var – bitərəf, 6-cı çağırış Milli Məclisin deputatı Sahib Alıyev yenidən mandat uğrunda yarışacaq.
Bu dairədə daha bir jurnalist var – “Zəfəryolu.az” saytının rəhbəri Jalə Eminova.
YAP burada Ağdaş rayon təşkilatının məsləhətçisi Anar Şahmuradova güvənir.
96 saylı Goranboy-Naftalan seçki dairəsində “Elçi” qəzetinin rəhbəri Əli Həziquliyev YAP-ın namizədi Bədəl Bədəlovla mübarizə aparmalı olacaq. Əli Həziquliyev Ədalət, Hüquq, Demokratiya Partiyasının sədr müavinidir, Bədəl Bədəlov isə SOCAR-ın keçmiş vitse-pprezidentidir.
118 Saylı Ağdam-Xocalı Seçki dairəsində "Yeni Zaman-Novoye Vremya" qəzetinin baş redaktor müavini Musa Ağayevin əsas rəqibi 6-cı çağırış Milli Məclisin deputatı Elman Məmmədov olacaq. Jurnalist kimi qeydə alınmış Musa Ağayev həm də "Yeni Zaman” Partiyasının sədridir.
119 saylı Ağdam seçki dairəsində “Təzadlar” qəzetinin baş redaktoru Asif Mərzili 6-cı çağırış Milli Məclisin deputatı Bəxtiyar Əliyevə qarşı mübarizə aparacaq. Azərbaycan Ordusunun məşhur zabiti Ramil Səfərovun xanımı, BDU rektorunun müşaviri Şəbnəm Səfərova da bu dairədə yarışır.
123 saylı Kəlbəcər seçki dairəsində “Kəlbəcər harayı” qəzetinin baş redaktoru Zahid Muxtarov da qeydə alınan namizədlər sırasındadır. YAP burada Kəlbəcər rayon 56 saylı tam orta məktəbin direktoru Aidə Əhmədovanın namizədliyini irəli sürüb. Amma deyilənə görə, əsas namizəd “Bakı Məişət Maşınları” ASC-nin sədri Mircəlil Qasımlıdır.
124 saylı Şuşa-Ağdam-Xocavənd seçki dairəsində BDU-nun Jurnalistika fakültəsinin Milli Mətbuat kafedrasının dosenti Aygün Əzimova da deputat mandatı uğrunda mübarizə aparacaq namizədlərdəndir. Buranın favoriti Azərbaycanın Rusiyadakı səfiri Polad Bülbüloğlu sayılır. Azad Vətən Partiyasının sədri Akif Nağğıda həmin dairədə yarışacaq.
125 saylı Zəngilan-Qubadlı seçki dairəsinində də jurnalist namizəd var. Bu, əslən Qubadlıdan olan müstəqil jurnalist İntiqam Alıyevdir (Valehoğlu).
Amma onun işi çox çətindir, çünki bu dairədə uzun illərdir deputat mandatı daşıyan YAP-çı İmamverdi İsmayılova qalib gəlmək müşkül məsələdir. Yeri gəlmişkən, İmamverdi İsmayılov da uzun illər aktiv jurnalistikada olub. Zəngin siyasi təcrübəyə malik olan İsmayılovun publisistik yazıları indi də ölkə mətbuatında dərc olunur.
11-08-2024, 12:46
Sabahın hava proqnozu
Avqustun 12-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir.
Bu barədə Milli Hidrometeorologiya Xidmətindən məlumat verilib.
Şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 20-25° isti, gündüz 31-36° isti olacaq. Atmosfer təzyiqi 755 mm civə sütunu olacaq. Nisbi rütubət gecə 60-70 %, gündüz 45-50 % olacaq.
Azərbaycanın rayonlarında bəzi yerlərdə fasilələrlə yağış yağacağı, şimşək çaxacağı gözlənilir. Əsasən dağlıq və dağətəyi rayonlarda qısamüddətli leysan xarakterli olacağı, dolu düşəcəyi ehtimalı var. Gecə və səhər bəzi yerlərdə arabir duman olacaq. Mülayim şərq küləyi əsəcək.
Havanın temperaturu gecə 21-26° isti, gündüz 32-37° isti, dağlarda gecə 12-17° isti, gündüz 19-24° isti olacaq.
11-08-2024, 11:42
Boksçularımızdan Avropa birinciliyində 9 medal
Azərbaycan millisi Bosniya və Herseqovinanın Banya Luka şəhərində məktəbli qız və oğlan boksçular arasında keçirilən Avropa birinciliyini 9 medalla başa vurub.
Boksçularımızdan Aysel Fərəcova (40 kq), Cəmilə Muradlı (48 kq), Səma Abbasova (60 kq) və Nurlan Müseyibli (60 kq) yarışda ikinci yeri tutublar.
Kəmalə Həsənova (51 kq), Şükar Əliyev (63 kq), Mehran Rəsulov (75 kq), Yusif Ağakişiyev (80 kq) və Uğur Həsənov (90 kq) isə birincilikdə bürünc medal qazanıblar.
10-08-2024, 22:49
MSK-nın bugünkü iclasında bu məsələlər müzakirə edildi
Avqustun 10-da Məzahir Pənahovun sədrliyi ilə Mərkəzi Seçki Komissiyasının növbəti iclası keçirilib.
Əvvəlcə Komissiyanın avqustun 8-də keçirilən iclasının protokolu təsdiq edilib. Sonra 2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar seçkilərlə əlaqədar Mərkəzi Seçki Komissiyasına daxil olmuş müraciətlərə baxılıb. Seçki qanunvericiliyi ilə müəyyən olunmuş müddətdə və qaydada iclasa çıxarılan müraciətlər, beynəlxalq müşahidə missiyası təmsilçiləri, media mənsubları və maraqlı subyektlərin də iştirakı ilə Komissiya üzvləri tərəfindən geniş müzakirə edildikdən sonra müvafiq qərarlar qəbul olunub.
İclasın sonunda avqustun 9-dan start götürən seçkiqabağı təşviqatla bağlı proseslərin gedişi, təşviqat subyektləri üçün yaradılmış hərtərəfli geniş imkanlar və Mərkəzi Seçki Komissiyası tərəfindən ardıcıl, sistemli şəkildə reallaşdırılan layihələr diqqətə çatdırılıb, deputatlığa namizədlər və müşahidəçilərə dair statistik göstəricilər elan olunub, həmçinin cari məsələlərə baxılıb.
10-08-2024, 18:58
YAP ödənişsiz efir vaxtından imtina etdi
Yeni Azərbaycan Partiyası 1 sentyabr tarixində Milli Məclisə keçiriləcək növbədənkənar seçkilərdə siyasi partiyalar üçün nəzərdə tutulmuş ödənişsiz efir vaxtından imtina edib.
Bu barədə MSK sədrinin müavini Rövzət Qasımov məlumat verib.
O bildirib ki, 60-dan çox namizədi olan siyasi partiyalar bu hüquqa sahib olur: “Qanunvericiliyə əsasən ödənişsiz efir vaxtından yalnız Yeni Azərbaycan Partiyası istifadə edə bilər. Onlar da rəsmi müraciət edərək ədalətli seçki mühitinin təmin edilməsi məqsədilə bu hüquqdan imtina ediblər”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!