26-12-2025, 17:12
Ukrayna müharibəsi Azərbaycanın gələcək addımlarına təsir edəcək
Bizim istəyimiz ondan ibarətdir ki, Rusiya-Ukrayna müharibəsi tez zamanda başa çatmasıdır.
Bunu Azərbaycanın xarici işlər naziri Ceyhun Bayramov 2025-ci ilin yekunlarına dair jurnalistlərin sorğusuna cavab olaraq bildirib.
Nazir qeyd edib ki, müharibədən sonrakı prosesləri proqnozlaşdırmaq və həmin proqnozlar konteksində Azərbaycanın nə edəcəyi müharibənin hansı şərtlərlə başa çatmasından aslıdır.
Ceyhun Bayramov qeyd edib ki, Azərbaycanın hansı istiqamətdə addım atacağı bir çox məsələrdən ibarətdir:
“Müharibə başa çatdıqdan sonra Ukrayna–Rusiya münasibətlərinin hansı istiqamətdə inkişaf edəcəyi, eləcə də Rusiyanın Qərblə münasibətlərinin “soyuq müharibə” formatında davam edib-etməyəcəyi kimi bir çox amillər Azərbaycanın gələcək davranışını, iştirakı və siyasətini müəyyən edəcək”.
26-12-2025, 17:04
Rusiya AZAL təyyarəsi ilə bağlı cinayət işinə xitam verib - Bakıdan CAVAB
AZAL təyyarəsi ilə bağlı Rusiya İstintaq Komitəsi tərəfindən cinayət işinə xitam verilməsi çox ciddi suallar doğurur.
Bunu 2025-ci ilin yekunlarına dair mətbuat konfransında çıxışı zamanı xarici işlər naziri Cehyun Bayramov bildirib.
"Rusiya İstintaq Komitəsi tərəfindən imzlanan məktub əldə edilmişdir. Burada sual doğuran məqamlar var. Məqamlardan biri Komitə sədri Aleksandr Bastrıkinin cinayət işinə xitam verilməsini vurğulamasıdır. Bu təəccüb doğurur. Digər detallara getmək istəməzdim. Bizim gözləntimiz prosesin iki ölkə lideri arasında aparılan danışıqlara uyğun olaraq başa çatdırılmasıdır. Güman edirəm ki, bu məsələyə də aydınlıq gətiriləcək”, - nazir deyib.
26-12-2025, 16:59
Azərbaycan minaların xəritəsini Ermənistandan israrla tələb edəcək
"Azərbaycan işğaldan azad olunmuş ərazilərdəki minaların xəritəsini Ermənistandan 2026-cı ildə də israrla tələb edəcək".
Bu sözləri Azərbaycanın xarici işlər naziri Ceyhun Bayramov 2025-ci ilin yekunlarına həsr olunan mətbuat konfransında söyləyib.
"Ermənistan iddia edir ki, onların əlində mina xəritəsi yoxdur, hamısını veriblər. Bu səbəbdən də minalarla bağlı vəziyyət kifayət qədər mürəkkəbdir. Belə ki, bir sıra ərazilərdə minalar 2021-2023-cü illər ərzində basdırılıb. Həmçinin ərazilərimizdə 2020-ci ildən sonra ümumilikdə yüz minlərlə mina basdırılıb. Bu minaların tam təhlükəsiz şəkildə çıxarılması qısa müddətdə mümkün görünmür və uzunmüddətli, planlı əməliyyatlar tələb edir”, - deyə nazir bildirib.
26-12-2025, 15:46
Bəşər Əsəd Azərbaycana qarşı qeyri-dost hərəkətlər etmişdi - Nazir
1 il əvvəl Suriyada baş verən dəyişikliklər Azərbaycan və Suriya münasibətini də inkişaf etdirib.
Bunu Azərbaycanın xarici işlər naziri Ceyhun Bayramov 2025-ci ilin yekunlarına dair hesabatı təqdim edərkən deyib.
Nazir qeyd edib ki, Suriyada baş verən dəyişikliklər Azrbaycan üçün müsbət hal idi.
“2012-ci ildən Azərbaycan ilə Bəşər-Əsəd rejimi arasında heç bir münasibət qalmadı. Bunun səbəbi Bəşər-Əsəd rejiminin Azərbaycana qarşı qeyri-dost hərəkətləri idi. Lakin Suriyada baş verən dəyişikliklərdən sonra iki ölkə arasında münaisbətlər normallaşıb”.
Nazir avqust ayından etibarən Suriyaya verilən qaz ixracının önəmindən də danışıb.
“Bu Suriyanın enerji elektrik asıllığını ciddi şəkildə azaldır” – deyə o vurğulayıb.
26-12-2025, 15:40
Cənubi Qafqazda yeni mühit formalaşır
Bu gün Cənubi Qafqazda artıq yeni mühitin ilkin elementlərini görürük.
Bunu xarici işlər naziri Ceyhun Bayramov nazirliyin 2025-ci ilin yekunlarına dair hesabatında deyib.
“İllər öncə Azərbaycan-Ermənistan arasında hər hansısa bir mübadiləni təsəvür belə etmək mümkün deyildi. Bunun səbəbi, əlbəttə ki, işğal faktı idi. Bu gün nail olunan bu böyük nəticə on illər ərzində Prezident ilham Əliyevin yürütdüyü siyasət və suverenliyimizin bərpası ilə əldə olunub. Əminəm ki, proses 2026-cı ildə davam etdiriləcək”- deyə nazir qeyd edib.
26-12-2025, 15:36
Azərbaycan bu ölkəyə 44 milyon dollar yardım edib
2025-ci ildə Suriyaya 200 ton, Ukraynaya 44 milyon dollardan çox dəyərdə humanitar yardım göndərilib.
Bu sözləri xarici işlər naziri Ceyhun Bayramov XİN-də ilin yekunlarına həsr olunmuş mətbuat konfransında deyib.
"Eləcə də kiçik ada dövlətlərinə, etnik azlıqların yaşadığı ölkələrə təhsil qarntları çərçivəsində vəsaitlər ayrılıb”.
Nazir həmçinin bildirib ki, regiona investisiyaların cəlb edilməsi üçün Azərbaycan xarici ölkələrlə müvafiq təmaslar aparıb: “Ölkəmiz enerji və iqtisadi layihələrin icrasında təşəbbüslər irəli sürüb və əməli addımlar atıb”.
26-12-2025, 15:32
2026-cı ildə sülh prosesini birbaşa dialoq əsasında irəliləyəcək - Nazir
Azərbaycan 2026-cı ildə sülh prosesini daha da irəllətmək məqsədi ilə ikitərəfli, birbaşa və prinsipal dialoq sadiq qalacaq.
Bunu Azərbaycanın xarici işlər naziri Ceyhun Bayramov 2025-ci ilin yekunlarına dair hesabatı təqdim edərkən deyib.
Nazir qeyd edib ki, bu konteksdə artıq paraflanmış sülh sazişinin imzalanması üçün Ermənistan konstitusiyasında Azərbayacana qarşı torpaq iddiası aradan qaldırılmalıdır.
26-12-2025, 15:18
Azərbaycan Yaxın Şərqdə diplomatik təmasları davam etdirir
Azərbaycan Yaxın Şərqdə diplomatik təmasları davam etdirir.
Bunu Azərbaycanın xarici işlər naziri Ceyhun Bayramov ilin yekunlarına dair keçirilən mətbuat konfransında deyib.
“ABŞ və Misir liderlərinin Azərbaycan Prezidentini Şarm əl-Şeyxdə keçirilən sammitə dəvət olunması ölkəmizin sülh təcrübəsinə böyük etimadın göstəricisidir”, - nazir bildirib.
Ceyhun Bayramovun sözlərinə görə, il ərzində Azərbaycan 41 ölkə ilə müxtəlif sənədlər imzalayıb.
Nazir onu da bildirib ki, 2025-ci ildə bir sıra ölkələrdə Azərbaycanın səfirlikləri açılıb: “Suriyada 13 ildən sonra səfirliyimiz fəaliyyəti bərpa edilib. Bu işlər xaricdəki diplomatik nümayəndəliklərimizin genişləndirilməsi işləri çərçivəsində baş verib”.
26-12-2025, 14:39
Xaçmazda yaşayış binasının tikintisinə 2,4 milyon manat ayrıldı
Xaçmaz rayonunun Yeni Həyat qəsəbəsində yeni yaşayış binası inşa ediləcək.
Sifarişçi qurum kimi Fövqəladə Hallar Nazirliyi müəyyənləşib. Artıq Nazirliyin Tikintidə Təhlükəsizliyə Nəzarət Dövlət Agentliyinin Tikilməkdə Olan Obyektlərin Birləşmiş Müdriyyəti bununla bağlı hazırlıq işlərini yekunlaşdırıb.
Tikintisi nəzərdə tutulan yaşayış binası iki girişli, dörd mərtəbəli və 33 mənzildən ibarət olacaq.
Tikinti işlərinin icrası isə "Balacans İnşaat" şirkətinə həvalə edilib və onunla müqavilə bağlanılıb.
Müqavilənin maliyyə dəyəri 2 milyon 415 min 679 manat olaraq müəyyən olunub.
26-12-2025, 14:26
Ölkə başçısı: Bu il 600-dən çox qızıl medal qazanılıb
“Ənənəvi olaraq ilin sonunda görüşürük, ilin yekunlarını müzakirə edirik, idmançıları, idman mütəxəssislərini mükafatlandırırıq. Bu il də istisna deyil”.
Bunu Prezident İlham Əliyev 2025-ci ilin idman yekunlarına həsr olunan mərasimdə deyib.
Dövlət başçısı bildirilib ki, bu il idmançılarımız tərəfindən qazanılan medalların sayı rekord həddə çatıb: “Beynəlxalq yarışlarda idmançılarımız tərəfindən 2000-dən çox medal, təqribən 600-dən çox qızıl medal qazanılıb. Bu, bir daha onu göstərir ki, idmanın inkişafı Azərbaycanda uğurla gedir. Keçən illə müqayisədə medalların sayı daha çoxdur və bu, yəqin ki, təbiidir. Çünki idmanın inkişafına göstərilən diqqət, aparılan dövlət siyasəti, əlbəttə ki, ildən-ilə daha yaxşı nəticələrə gətirib çıxarır”.
Prezident İlham Əliyev qeyd edib ki, Azərbaycanda idmanın inkişafı dövlət siyasətidir və dövlət xətti ilə bir çox proqramlar icra edilmişdir.
“İdman infrastrukturu demək olar ki, sıfırdan qurulmuşdur və bu gün ən yüksək səviyyədədir. Bölgələrdə idmanla məşğul olmaq üçün bütün şərait var. Bu il iki Olimpiya İdman Kompleksinin tikintisi başa çatmışdır - Gəncədə və Yevlaxda. Beləliklə, bölgələrdə Olimpiya İdman komplekslərinin sayı 46-ya çatıb”, - dövlət başçısı vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!