17-10-2024, 15:45
Elza ilə Roza arasında növbəti məhkəmənin tarixi
Əməkdar artist Elza Seyidcahan və müğənni Roza Zərgərli arasında ötən gün keçirilməli olan məhkəmə iclası təxriə salınıb. Məlumata görə, Elza
Seyidcahanın vəkili məhkəmə iclasında iştirak etsə də, Roza Zərgərlinin vəkili məhkəməyə müraciət edərək, iclasın başqa günə təyin edilməsini istəyib. Vəkilin müraciəti təmin olunub və məhkəmə təxirə salınıb.
Sənətçilər arasında növbəti məhkəmə iclası 23 oktyabr saat 11:05-ə təyin edilib.
İş Yasamal rayon məhkəməsində hakim Rəşad Cavadzadənin icraatındadır.
Xatırladaq ki, Əməkdar artist Elza Seyidcahan xüsusi ittiham qaydasında məhkəməyə müraciət edib və müğənni Roza Zərgərlinin ona böhtan atdığını bildirib. Roza Zərgərli haqqında iddia Cinayət Məcəlləsinin 147-ci (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, mediada və ya kütləvi nümayiş etdirildiyi halda internet informasiya ehtiyatında yayma) maddəsi üzrə icraata götürülüb.
16-10-2024, 19:10
Bakıda 2 ev yandı
Bakı şəhərinin Nizami rayonunda 2 evdə yanğın olub.
Fövqəladə Hallar Nazirliyindən verilən xəbərə görə, ümumi sahəsi 60 m² olan birmərtəbəli 3 otaqlı evin mətbəxində 9 paq.m mebel, 3 ədəd məişət avadanlığı və evə bitişik, ümumi sahəsi 54 m² olan birmərtəbəli 3 otaqlı evin dam örtüyünün taxta atmaları 45 m² sahədə yanıb.
Hər iki evin qalan hissəsi və bitişik evlər yanğından mühafizə olunub. Yanğın yanğından mühafizə bölmələri tərəfindən söndürülüb.
16-10-2024, 17:57
Elza ilə Roza çəkişməsində yenilik: Məhkəməni təxirə salan səbəb
Müğənnilər Roza Zərgərli və Elza Seyidcahanın bu günə təyin olunan məhkəmə prosesi təxirə salınıb.
Məlumata görə, Elza Seyidcahanın vəkili məhkəmə iclasında iştirak etsə də, Roza Zərgərlinin vəkili məhkəməyə müraciət edərək, iclasın başqa günə təyin edilməsini istəyib. Vəkilin müraciəti təmin olunub və məhkəmə təxirə salınıb.
Xatırladaq ki, Əməkdar artist Elza Seyidcahan xüsusi ittiham qaydasında məhkəməyə müraciət edib və müğənni Roza Zərgərlinin ona böhtan atdığını bildirib. Roza Zərgərli haqqında iddia Cinayət Məcəlləsinin 147-ci (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, mediada və ya kütləvi nümayiş etdirildiyi halda internet informasiya ehtiyatında yayma) maddəsi üzrə icraata götürülüb.
Qeyd edək ki, iş Yasamal rayon Məhkəməsində hakim Rəşad Cavadzadənin icraatındadır.
16-10-2024, 16:43
Casusluğu sübuta
yetirildi - 16 il cəza aldı
Xarici xüsusi xidmət orqanlarına casusluq etməkdə ittiham olunan Mirhafiz Cəfərzadənin cinayət işi üzrə məhkəmə araşdırması başa çatıb.
Bakı Ağır Cinayətlər Məhkəməsində keçirilən sonuncu iclasda hökm oxunub.
Səbinə Məmmədzadənin sədrlik etdiyi məhkəmə tərkibi belə qənaətə gəlib ki, təqsirləndirilən şəxsə elan edilmiş ittiham kifayət qədər dəlil və sübut, həmçinin şahid ifadələri ilə öz təsdiqini tapıb.
Hökmə əsasən, M.Cəfərzadə casusluq formasında dövlətə xəyanətdə təqsirli bilinərək 16 il müddətinə azadlıqdan məhrumetmə cəzasına məhkum edilib.
İş materiallarından görünür ki, Mirhafiz Cəfərzadənin əməlləri Dövlət Təhlükəsizliyi Xidməti (DTX) tərəfindən terrorçuluqla mübarizə tədbirləri zəminində əməliyyat-istintaq hərəkətləri həyata keçirilən zaman üzə çıxıb.
Müəyyən edilib ki, Cəfərzadə Mirhafiz Mirisaq oğlu xarici xüsusi xidmət orqanları ilə məxfi əməkdaşlıq edərək Azərbaycanın dövlət təhlükəsizliyi və müdafiə qabiliyyətinin zərərinə verilmiş tapşırıqların yerinə yetirilməsi istiqamətində fəaliyyət göstərmiş, hərbi təyinatlı obyektlərin yerləşdiyi əraziləri dəqiqləşdirməklə onların lokasiyasını və digər məlumatları “Telegram” tətbiqi sistemi vasitəsilə göndərib.
Qeyd olunan əməllərinə görə, M.Cəfərzadə istintaqa cəlb edilib və ona qarşı Cinayət Məcəlləsinin 274-cü (dövlətə xəyanət) maddəsi ilə ittiham elan olunub.
16-10-2024, 16:30
"Qərbi Azərbaycan" prospekti, "İrəvan" meydanı yaradılsın!
Qərbi Azərbaycana, tarixi torpaqlarımıza - Zəngəzur və İrəvana qayıdışla bağlı planlarımız var və işlər görülür. Bu istiqamətdə görülən işlərin bir parçası olaraq, Bakıda böyük prospekt və küçələrdən birinə "İrəvan" adının verilməsi təklif olunur.
Qərbi Azərbaycan İcmasının Qadınlar Şurasının rəhbəri, deputat Məlahət İbrahimqızı bildirib ki, İrəvan tarixi Azərbaycan yurdudur və ermənilər də bunu yaxşı bilir:
“Hesab edirəm ki, dövlətimizin və ictimaiyyətimizin ən vacib, aktual məsələlərindən biri məhz Qərbi Azərbaycana qayıdışla bağlıdır. Qərbi Azərbaycandan təkcə 1987-91-ci illərdə erməni vandalları tərəfindən 400 minə yaxın insan deportasiyaya məruz qalıb. Ermənilər nə qədər tarixi saxtalaşdırsalar, saxta monoqrafiyalar yazsalar da, Qərbi Azərbaycanı ermənilərin tarixi torpaqları adlandırmaq mümkün deyil. Cənab Prezidentimiz İrəvanın Azərbaycanın tarixi şəhərlərindən biri olduğunu bildirib. Tarixçilər bu istiqamtdə böyük tədqiqatlar aparıblar. Rəvanqulu xanın şəhəri inşa etdiyi və daha sonra bura onun adının verilidiyi təsdiqlənib.Bu günə qədər ermənilər orada klassik erməni mədəniyyətinə, tarixinə məxsus nəsə ortaya qoymayıblar. Orada Ermənistana məxsus nə var ki? Üçmüədzin belə onlara məxsus deyil. Albanlardan, eləcə zərdüştlərdən qalan Anahida məbədlərinin üzərində qurulmuş saxta kilsədir. Ermənilər buna görə də hansısa əsərlərində İrəvanda olan bir məbəd, abidə göstərə bilmirlər ki, hansısa erməniyə məxsus olsun. İrəvan şəhərinin markası İrəvan xanlığının qalası, Göy məsciddir".
Məlahət İbrahimqızı söyləyib ki, Bakıda küçə və ya prospektlərdən birinə "İrəvan" adının verilməsi təqdirəlayiq təşəbbüs olar:
"Biz mötərəm Prezidentimizin, dövlətimizin siyasətində də toponimlərin, tarixi mirasımızın qorunması istiqamətində işlərin getdiyini görürük. Bu baxımdan hazırda müəyyən rayonlarda eşitdiyimə görə Qərbi Azərbaycana aid toponimlərdən ibarət küçələr var. Vaxtilə Bakıda İrəvan küçəsi və ya prospekti vardı. Göyçəni, Zəngəzuru doğma tutub, İrəvanı ögey tuta bilmərik. Göyçə bizə nə qədər əzizidirsə, İrəvan da bizə o qədər əzizdir. Biz Göyçəyə, Zəngəzura ləyaqətli şəkildə, sülh şəraitində qayıdacağıq, həmçinin İrəvana da. Düşünürəm ki, "Göyçə", "Qərbi Azərbaycan" prospekti, "İrəvan" meydanı olsa, əla olar. Bu, təşəbbüs çox gözəldir. Həm İrəvanın, həm Göyçənin, həm də Zəngəzurun Azərbaycanda haradasa yer adlarına verilməsi təqdirəlayiqdir. Bu yaxınlarda Aşıq ələsgərin Bakının ən mötəbər, mərkəzgörünüşlü yerində abidəsi qoyulub. Dədə Qorqud və Koroğlu kimi Aşıq Ələsgər də türk dünyasının ortaq mirasıdır. Aşıq Ələsgərə abidə qoyulması Qərbi Azərbaycanın, Göyçə, Zəngəzur və İrəvanın Azərbaycanın tarixi mirası, torpağı olduğunun göstəricisidir. Lakin gənc nəsil tərəfindən unudulmaması üçün bu adların küçələrə, meydanlara verilməsini təqdirəlayiq hesab edirəm".
Məlahət İbrahimqızı hansı küçəyə və ya prospektə İrəvan adının verilə biləcəyindən də danışıb:
“Bakıda hazırda İrəvan teatrı var. Eləcə də vaxtilə İrəvan prospekti olub. Səhv etmirəmsə, bu, prospekt Nəsimi rayonu ərazisində yerləşir. Həmin ərazinin keçmiş adı bərpa oluna, “İrəvan” prospekti adlandırıla bilər”.
16-10-2024, 16:26
Mübariz İbrahimovun atası dəfn edildi - FOTO
Milli Qəhrəman Mübariz İbrahimovun atası Ağakərim İbrahimov dəfn olunub.
Mərhum Biləsuvar rayonu Əliabad kənd qəbiristanlığında torpağa tapşırılıb.
Dəfn mərasimində ailə üzvləri, rayon rəsmiləri, ictimaiyyət nümayəndələri iştirak edib.
Qeyd edək ki, A.İbrahimov bu gün infarkt keçirib və Biləsuvar Rayon Mərkəzi Xəstəxanasına çatdırılıb. Lakin həkimlərin səylərinə baxmayaraq, onun həyatını xilas etmək mümkün olmayıb.
16-10-2024, 16:15
Subasmaya məruz qalan Hacıqabulda son vəziyyət açıqlandı
Xəbər verdiyimiz kimi, oktyabrın 12-də saat 11:00 radələrindən yağan güclü yağışlar Hacıqabul şəhərində fəsadlar törədib.
Rayon İcra Hakimiyyətindən bildirilib ki, yağışlar nəticəsində 500-dən artıq ev sel sularının təsirinə məruz qalıb, 2 ev qəzalı vəziyyətə düşdüyü üçün orada yaşayan ailələr köçürülüb, 16 nəfər (1 xəstə, 4 uşaq və 9 digər ailə üzvləri) təxliyə edilib.
"Pirsaat qəsəbəsinin, Navahı, Qızılburun , Atbulaq və Birinci Udullu kəndlərinin bağ sahələri və boş ərzailəri də sel sularının təsirinə məruz qalıb. Sel sularının gəlməsi səbəbindən işıq enerjisinin verilməsində də fasilələr yaranıb, lakin, qısa müddət ərzində enerjinin verilməsi bərpa olunub. Hal-hazırda 150-dən artıq evdən sel suları çəkilib. Hacıqabul Rayon Fövqəladə Hallar Komissiyasının və Fövqəladə Hallar Nazirliyinin köməkliyi ilə sel sularının ərazidən çıxarılması işləri davam etdirilir", - açıqlamada qeyd olunub.
16-10-2024, 15:55
Polis əməliyyat keçirdi: 28 kq narkotik aşkarlandı
Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən narkotiklərin qanunsuz dövriyyəsinə qarşı mübarizə tədbirləri davam etdirilir.
DİN-dən bildirilib ki, paytaxtın Binəqədi, həmçinin İmişli rayonları ərazisində keçirilən növbəti əməliyyatlar zamanı 1997-ci il təvəllüdlü İzzət Əliyev və 1981-ci il təvəllüdlü Rəşad Ağayev saxlanılıblar. Onlardan ümumilikdə 28 kiloqramdan artıq tərkibi psixotrop maddələrlə zənginləşdirilmiş marixuana, metamfetamin və 400 ədəd narkotik tərkibli həb aşkarlanıb.
Saxlanılan şəxslər şəxsiyyətləri istintaqla araşdırılan İran vətəndaşları vasitəsilə əvvəlcədən müəyyənləşdirilmiş yerdən narkotik vasitələri götürərək maddi qazanc müqabilində ayrı-ayrı ünvanlara çatdırmağı planlaşdırıblar.
Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib. İzzət Əliyev və Rəşad Ağayevlə əlbir olan digər şəxslərin də saxlanılması istiqamətində tədbirlər davam etdirilir.
16-10-2024, 15:42
Gürcüstan yenə “3+3” formatlı görüşdən imtina etdi
Gürcüstan tərəfi İstanbulda keçiriləcək “3+3” regional məsləhət platformasının üçüncü iclasında təmsil olunmayacaq.
Bu barədə Türkiyənin xarici işlər naziri Hakan Fidan açıqlayıb.
Nazir iclasın oktyabrın 18-də keçiriləcəyini deyib.
Qeyd edək ki, Gürcüstan bundan əvvəlki iclaslara da Rusiyaya etiraz əlaməti olaraq qatılmayıb.
16-10-2024, 15:35
Baş məşqçi: "Digər ölkələr çox yaxşı inkişaf edir, biz yerimizdə qalmışıq"
Azərbaycan Milli Yığmasındakı mövcud vəziyyət üzücüdür.
Bunu "Şamaxı" futbol klubunun baş məşqçisi Ayxan Abbasov deyib.
“Digər müsahibələrimdə də demişəm, biz geriyə gedirik. Bəlkə də digər ölkələr çox yaxşı inkişaf edir, biz yerimizdə qalmışıq. Ümumi futbola baxış dəyişilməlidir. Futbolumuzun inkişafı üçün addımlar atmalıyıq. İnanıram ki, rəhbərlik bunun üzərində çalışır və yaxın zamanlarda bu istiqamətdə müvafiq addımlar atılacaq”.
A.Abbasov qeyd edib ki, milli komandada Azərbaycan dilini bilən məşqçinin olmaması bəhanədir:
“Milli komandada yerli məşqçilər mütləq olmalıdır. Estoniyaya baxaq, bir vaxtlar baş məşqçinin köməkçisi olmuş şəxsə bu mövsüm komanda etibar edildi. Bu çox gecikmiş addımdır. Demək olar ki, millətlər liqası bitəndən sonra hansısa məşqçinin nəyisə dəyişə biləcəyi inandırıcı gəlmir. Əgər belə bir problem görünürdüsə, əvvəlcədən addım atılmalı idi".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!