30-12-2025, 14:30
Benzinin qiyməti 5 qəpik artırıldı
Azərbaycanda benzinin qiyməti 5 qəpik artırılıb.
Bununla bağlı Tarif (Qiymət) Şurası qərar qəbul edib.
Məlumata görə, Aİ-92 markalı benzinin və dizelin tarifləri müəyyənləşdirilib.
Son illərdə iri şəhərlərin artan əhalisi və şəhərətrafı ərazilərdə məskunlaşanların çoxalması nəqliyyat sistemləri və mobilliklə bağlı yeni çağırışların ortaya çıxmasına səbəb olmuşdur.
Avtomobil nəqliyyatı ilə müntəzəm sərnişin daşınmalarının dayanıqlılığının, sərnişinlərə göstərilən xidmətlərin keyfiyyətinin və təhlükəsizliyinin təmin olunması, qabaqcıl beynəlxalq tələblər və təcrübə nəzərə alınmaqla bu sahədə fəaliyyət göstərən daşıyıcıların işinin səmərəli təşkili məqsədilə 2025-ci ilin sentyabr ayında müvafiq Fərmanla "İctimai nəqliyyat" Məqsədli Büdcə Fondu yaradılıb.
Fondu formalaşdıran mədaxil mənbələrindən biri kimi, avtomobil benzininin, dizelin və maye qazın hər litrinə görə yol vergisinin Fonda köçürülən hissəsi müəyyən edilib.
Qanunvericiliyə edilən dəyişikliyə əsasən, yanacağın hər litrinə görə yol vergisi 7 qəpik müəyyənləşdirilib.
Bununla bağlı, Tarif (qiymət) Şurasının müvafiq qərarı ilə Aİ-92 markalı benzinin 1 litrinin qiyməti 1 manat 10 qəpikdən 1 manat 15 qəpiyə, dizelin 1 litrinin qiyməti isə 1 manatdan 1 manat 10 qəpiyə dəyişdirilib.
Yanacaq tariflərinin müəyyən hissəsi "İctimai nəqliyyat" Məqsədli Büdcə Fonduna yönəldilməklə, əhaliyə daha keyfiyyətli nəqliyyat xidmətlərinin göstərilməsinə, ərazinin perspektiv inkişafı nəzərə alınmaqla yol hərəkətinin bütün iştirakçılarının təhlükəsizliyinin təmin edilməsinə, ümumi istifadədə olan nəqliyyat xidmətlərinin keyfiyyətinin, dayanıqlılığının və əlçatanlığının artırılması məqsədləri üçün istifadə olunacaqdır.
Tarif dəyişikliyindən sonra da Aİ-92 markalı avtomobil benzininin və dizel yanacağının pərakəndə satış qiymətləri əksər ölkələrlə müqayisədə yüksək deyil.
Qərarlarla Tarif (qiymət) Şurasının rəsmi saytının (www.tariff.gov.az) "Şuranın qərarları" bölməsində tanış olmaq olar.
30-12-2025, 14:02
Polisdən asayişin təhlükəsizliyi üçün addım - VİDEO
31 Dekabr – Dünya Azərbaycanlılarının Həmrəyliyi Günü və Yeni il bayramları ilə əlaqədar Daxili İşlər Nazirliyi tərəfindən ölkədə, o cümlədən işğaldan azad olunmuş ərazilərdə ictimai asayişin təmini məqsədilə bütün təhlükəsizlik tədbirləri həyata keçirilir.
Bu barədə DİN-dən bildirilib.
"Polis əməkdaşları insanların sıx toplaşdığı məkanlarda və avtomobil yollarında təhlükəsizliyin təmin olunması üçün xidmətlərini gücləndirilmiş rejimdə davam etdirirlər. Polisin gördüyü tədbirlər və qanunvericiliyin tələbləri vətəndaşların təhlükəsizliyinin təmin olunmasına xidmət edir. Hər kəsi qaydalara riayət etməyə və ictimai asayişin qorunmasına dəstək göstərməyə çağırırıq. Bayramınız təhlükəsiz keçsin!", DİN-in məlumatında deyilir.
30-12-2025, 13:44
Sərnişin taksi sürücüsünün pulunu oğurladı
Paytaxtın Qaradağ rayonunda oğurluq hadisələri baş verib.
Ələt qəsəbəsi ərazisində taksi fəaliyyəti ilə məşğul olan şəxsin “Mitsubishi” markalı avtomobilindən 1060 manat pulu talanıb. Bu barədə zərərçəkmiş polis orqanına məlumat verib.
Polis əməkdaşları tərəfindən keçirilən əməliyyat-axtarış tədbiri nəticəsində 24 yaşlı R.Hacıyev şübhəli şəxs qismində saxlanılıb. Araşdırmalarla onun sərnişin qismində taksiyə əyləşdiyi və yolda sürücünün avtomobili saxlayıb marketə getməsindən sui-istifadə edərək saxlanc yerində olan pul kisəsindən oğurluq etdiyi məlum olub.
Rayon ərazisində keçirilən digər tədbir zamanı isə Lökbatan qəsəbəsində yerləşən mağazaların birindən müxtəlif tarixlərdə oğurluq etməkdə şübhəli bilinən 24 yaşlı F.Babaxanov da müəyyən olunaraq saxlanılıb.
Faktlarla bağlı araşdırmalar aparılır.
30-12-2025, 13:02
Bakının bəzi küçələri təmirə bağlanır
Bayram tətili günlərində Bakının bəzi ərazilərində qısamüddətli təmir işləri icra olunacaq.
Qarşıdan gələn bayram tətili günlərində Bakı şəhərində nəqliyyat vasitələrinin hərəkət intensivliyinin azalması səbəbindən aparılacaq cari təmir işləri çərçivəsində 2 yanvar saat 00:00-dan dan etibarən Xətai prospekti ilə Əbdüləzəl Dəmirçizadə küçələrinin kəsişməsindən Heydər Əliyev prospektinin başlanğıcına kimi olan hissədə nəqliyyat vasitələrinin hərəkəti hissə-hissə qismən məhdudlaşdırılacaq (yol bağlanmır).
Məlumata görə, hərəkətin məhdudlaşdırılması işlər bitənədək, qısa müddət ərzində qüvvədə olacaq.
30-12-2025, 12:55
“Euronews” “Bakı Ağ Şəhər”dən reportaj hazırladı - VİDEO
“Euronews” telekanalı “Bakı Ağ Şəhər” (Baku White City) barədə reportaj hazırlayıb.
Reportajda Bakı şəhərində inşası davam edən “Bakı Ağ Şəhər” layihəsi “insan mərkəzli şəhər planlaşdırması” konsepsiyasının uğurlu tətbiqi kimi təqdim edilib.
Bildirilib ki, bu layihə keçmiş sənaye zonalarının modern, davamlı və piyadalar üçün əlverişli şəhər məhəlləsinə çevrilməsini əks etdirir.
“Bakı Ağ Şəhər” göstərir ki, insan mərkəzli planlaşdırma, davamlılıq və piyadalar üçün əlverişli dizayn keçmiş sənaye zonasını gündəlik şəhər həyatına uyğun müasir məhəlləyə çevirə bilər. Layihə çərçivəsində tikilən məkanlar yalnız müasir yaşayış binaları deyil, həm də ticarət və ictimai funksiyaları birləşdirən məkandır”, - “Euronews”ün süjetində vurğulanır.
Reportajda bildirilir ki, buradakı şəhərsalma yanaşması avtomobil mərkəzli dizayndan uzaqlaşaraq insan ehtiyaclarını önə çəkir və küçələr, parklar ilə ictimai məkanlar arasında harmoniya yaradır.
Materialda qeyd edilir ki, bu tip planlaşdırma şəhər həyatının keyfiyyətini artırmağı, yaşayış mühitini daha əlverişli və rahat etməyi hədəfləyir. Reportajda layihənin tərtib olunmasında davamlı memarlıq, geniş yaşıl sahələr və mədəni məişət məkanlarının ön planda tutulduğu vurğulanır.
Reportajda həmçinin vurğulanır ki, layihənin icrası şəhərdə daha sağlam və sosial baxımdan aktiv həyat tərzini təşviq edir və bu, Bakı şəhərini gələcəyə hazırlayan müasir şəhərsalma yanaşmasının nümunəsi kimi göstərilir.
Sözügedən video dünya miqyasında tanınmış "World Urban Forum"un tərəfdaşlığı ilə yayımlanıb və "Baku White City"nin şəhərsalmanın inkişafı sahəsində qabaqcıl təcrübələrdən biri olaraq təqdim edilir.
30-12-2025, 12:40
Milli Məclisin payız sessiyasının yekunları AÇIQLANDI
Milli Məclisin nümayəndə heyətləri 17 ölkəyə səfər etmiş, bunlardan 4-ü rəsmi, 13-ü işgüzar xarakter daşıyır. Həm Milli Məclisin rəhbərliyinin, həm də deputatların bu səfərləri zamanı dövlətimizin xarici siyasətinin parlament səviyyəsində dəstəklənməsi məqsədilə parlament diplomatiyasının imkanlarından istifadə olunub.
Bunu Milli Məclisin spikeri Sahibə Qafarova ilin və parlamentin payız sessiyasının sona çatması ilə bağlı çıxış edərkən bildirib
Spiker bildirib ki, deputatlarımız Belarus və Rumıniyada keçirilmiş prezident seçkilərini, Tacikistan, Moldova və Qırğızıstanda keçirilmiş parlament seçkilərini müşahidə ediblər.
Bildirilib ki, hesabat dövründə 61 ölkə və 20 beynəlxalq təşkilatın nümayəndə heyətləri olmaqla, ümumilikdə 1.283 xarici qonaq Milli Məclisdə olub. Milli Məclisin rəhbərliyi 4 ölkənin dövlət başçıları, 27 ölkənin parlament rəhbərləri və sədr müavinləri, 5 beynəlxalq təşkilatın rəhbərləri, 6 ölkənin icra hakimiyyəti nümayəndələri, 9 ölkənin ombudsmanları və 16 ölkənin Azərbaycandakı səfirləri ilə görüşlər keçirilib.
Qeyd olunub ki, Qoşulmama Hərəkatının 4-cü Parlament Konfransında bu hərəkatın üzvü olan ölkələrin parlamentlərindən və beynəlxalq təşkilatlardan 48 nümayəndə heyəti, 280-dən çox iştirakçı, Qara Dəniz İqtisadi Əməkdaşlıq Təşkilatının tədbirində isə 10 üzv ölkənin parlamenti və 8 beynəlxalq təşkilatdan 115 nəfərə yaxın nümayəndə iştirak edib.
Sonda o da vurğulanıb ki, Milli Məclisin beynəlxalq fəaliyyəti və 2025-ci ildəki uğurları parlament diplomatiyasının gücləndirilməsi baxımından önəmli mərhələ olub.
30-12-2025, 00:38
ABŞ Venesuelaya hücum etdi
ABŞ Prezidenti Donald Tramp Venesuelada narkotik qaçaqmalçılığı ilə əlaqəli olduğu iddia edilən əraziyə zərbə endirildiyini təsdiqləyib.
Bu barədə o, İsrailin Baş naziri Binyamin Netanyahu ilə görüşdən əvvəl jurnalistlərin suallarını cavablandırarkən bildirib.
“Gəmilərə narkotik yüklədikləri liman ərazisində böyük bir partlayış baş verdi. Bütün qayıqları partlatdıq və indi həmin əraziyə də zərbə endirdik”, – deyə Amerika lideri qeyd edib.
Donald Tramp hadisə ilə bağlı əlavə təfərrüat açıqlamayıb və zərbə endirilən ərazinin dəqiq yerini göstərməyib.
30-12-2025, 00:19
Türkiyədəki Azərbaycan vətəndaşlarının nəzərinə
Azərbaycanın Türkiyədəki səfirliyi Dünya Azərbaycanlılarının Həmrəyliyi Günü və Yeni il bayramı ilə əlaqədar konsulluq bölməsinin iş rejimində dəyişiklik edib.
Bu barədə diplomatik nümayəndəlikdən bildirilib.
Qeyd olunub ki, bayramlarla əlaqədar səfirliyin konsulluq bölməsi 31 dekabr 2025-ci il - 4 yanvar 2026-cı il tarixlərində fəaliyyət göstərməyəcək.
29-12-2025, 23:42
Ramiz Mehdiyev yenidən dindirildi
Prezident Administrasiyasının sabiq rəhbəri Ramiz Mehdiyev Dövlət Təhlükəsizlik Xidmətinin İstintaq Baş İdarəsində aparılan cinayət işi üzrə növbəti dəfə təqsirləndirilən şəxs qismində ifadə verib.
Məlumata görə, müstəntiqlər bu dəfə Ramiz Mehdiyevi yaşadığı evində dindirib.
Buna səbəb isə onun səhhətindəki problemlər olub.
Bildirilir ki, Ramiz Mehdiyev bu dəfə AXCP sədri Əli Kərimli və baş nazirin sabiq birinci müavini Abbas Abbasovla bağlı suallara cavab verib.
Xatırladaq ki, Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
Onun barəsində Səbael Rayon Məhkəməsinin qərarı ilə 4 ay müddətinə ev dustaqlığı qətimkan tədbiri seçilib.
29-12-2025, 23:29
İrana qarşı növbəti hüdumu dəstəkləyəcəyik - Tramp
ABŞ Prezidenti Donald Tramp İranın ballistik raket proqramını yenidən qurmağa çalışacağı təqdirdə, ona qarşı başqa bir zərbəni dəstəkləyəcəyini bəyan edib.
Bu barədə o, İsrailin Baş naziri Benyamin Netanyahu ilə görüş zamanı jurnalistlərin suallarına cavabında deyib.
"Eşitdiyimə görə, İran yenidən güclənməyə çalışır və əgər belədirsə, biz onları məhv etməli olacağıq", - deyə Tramp bildirib.
O, İrana ABŞ ilə razılaşma əldə etməyi məsləhət görüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!