23-11-2025, 20:24
"Neftçi" öz meydanında məğlub oldu
Futbol üzrə Misli Premyer Liqasında XII tura yekun vurulub.
Son oyun günündə 2 qarşılaşma keçirilib.
Günün ilk matçında "Sabah" evdə "Şamaxı"nı qəbul edib. Görüşdə qapılara qol vurulmayıb.
Turun bağlanış oyununda isə "Neftçi" öz meydanında "İmişli" ilə qarşılaşıb və gözlənilmədən rəqibinə uduzub - 2:3.
Qeyd edək ki, turun əvvəlki oyunlarında "Kəpəz" "Karvan-Yevlax"a 2:1, "Qarabağ" "Sumqayıt"a 4:2, "Zirə" "Qəbələ"yə 1:0 hesabı ilə qalib gəlib, "Araz-Naxçıvan" - "Turan Tovuz" matçında isə heç-heçə qeydə alınıb - 1:1.
23-11-2025, 20:10
Gürcüstan mövqeyini açıqladı
Orta Dəhliz layihəsi həm Gürcüstan, həm də bütün region üçün strateji əhəmiyyət daşıyır. Eyni zamanda, Orta Dəhlizin açılması infrastruktur və iqtisadiyyat baxımından ciddi üstünlüklər yaradacaq.
Bu sözləri jurnalistlərə açıqlamasında Gürcüstan parlamentinin sədri Şalva Papuaşvili söyləyib.
Onun sözlərinə görə, dəhliz ətrafında infrastruktur layihələrinin inkişafı ilə yanaşı, ümumilikdə regiona investisiyaların artması gözlənilir.
"Bu, həm dəhliz ətrafında infrastruktur investisiyalarını, həm də ümumilikdə regiona investisiyaları artıracaq. Biz bu təşəbbüsü yalnız alqışlayırıq", - deyə Papuaşvili vurğulayıb.
Parlament spikeri bəzi tənqidçilərin Orta Dəhlizin Gürcüstanın maraqlarına zidd olması barədə fikirlərini əsassız adlandırıb: "Bu tənqidin müəlliflərinin kim olduğuna baxmaq maraqlıdır. Məqsəd regionun inkişafını ləngitmək, ölkəni təzyiq altında saxlamaqdır. Halbuki bu layihə bütün region üçün yeni perspektivlər açır. Bu, təkcə nəqliyyat dəhlizi funksiyası deyil, bəzi ölkələrə əlavə yük deyil, bu, əksinə infrastrukturun inkişafı və daşıyıcılar üçün daha cəlbedici şəraitin yaradılması deməkdir”.
Papuaşvili əlavə edib ki, rəqabətin artması dəhlizin cəlbediciliyini daha da yüksəldəcək və bu, regionda sabitlik siqnalı kimi çıxış edəcək.
23-11-2025, 20:00
Bakı-Qazax yolunda sıxlıq yarandı - Polisdən açıqlama
"Bakı-Qazax yolunun 104-cü kilometrində, Bakı istiqamətində aparılan təmir işləri ilə əlaqədar yaranmış sıxlığın aradan qaldırılması istiqamətində zəruri bütün tədbirlər görülür".
Bu barədə Daxili İşlər Nazirliyindən (DİN) məlumat verilib.
Qeyd olunan yol sahəsinə əlavə naryad qrupları ayrılıb. YPX əməkdaşları hərəkətin tənzimlənməsi və təhlükəsizliyin təmin edilməsi məqsədilə gücləndirilmiş rejimdə xidmət aparırlar.
23-11-2025, 19:43
Azərbaycan Qəzzaya əsgər göndərməkdən imtina etdi
Azərbaycan Qəzzaya beynəlxalq sabitləşdirmə qüvvələri çərçivəsində hərbi kontingent göndərməkdən imtina edən növbəti ölkə olub.
Bu barədə İsrailin “Israel Hayom” qəzeti yazıb.
Xatırladaq ki, 17 noyabrda BMT Təhlükəsizlik Şurası Trampın planını dəstəkləyən qətnamə qəbul edib. ABŞ rəsmiləri Azərbaycandan bu missiyaya qoşulmağı gözləsə də, Bakı tam atəşkəs təmin olunmadan Azərbaycan əsgərini Qəzzaya göndərməyəcək. Qəzzada isə atəşkəs demək olar ki, təmin olunmur.
“Israel Hayom”un məlumatına görə, qətnamədən sonra indiyədək heç bir ölkə Qəzzaya kontingent göndərməyə hazır olduğunu bildirməyib. Azərbaycan da bir neçə həftə əvvəl tərəfdaşlarına açıq şəkildə bəyan edib ki, əsgərlərinin həyatını riskə ata bilməz.
İsraildə keçirilən təhlükəsizlik müşavirəsində isə bildirilib ki, HƏMAS silahı təhvil vermir, əksinə atəşkəs dövründən istifadə edərək yenidən silahlanır. Baş nazir Binyamin Netanyahu ABŞ-a demilitarizasiya tam təmin olunmadan Qəzzada bərpa işlərinin aparılmaması tələbini çatdırıb.
23-11-2025, 19:24
Ukraynanın taleyi Cenevrədə müzakirə edilir
Ukrayna Prezidenti Volodimir Zelenski Cenevrədə keçirilən ilkin danışıqlardan sonra açıqlama verib. Dövlət başçısı qeyd edib ki, ABŞ-ın sülh planına Ukrayna üçün kritik elementlər daxil ola bilər.
Bu barədə Ukrayna Prezidenti Volodimir Zelenski teleqram səhifəsində məlumat verib.
Zelenski qeyd edib ki, Ukrayna nümayəndə heyəti hazırda Cenevrədə müharibəni dayandırmaq, sülhü bərpa etmək və davamlı təhlükəsizliyi təmin etmək üçün işlək həllər tapmaq üçün çalışır.
"Komanda artıq ilkin görüşlərin və müzakirələrin nəticələrinə dair qısa hesabatlar təqdim edib. İndi belə bir anlayış var ki, Amerikanın təklifləri Ukraynanın baxışına əsaslanan və Ukraynanın milli maraqları üçün mühüm əhəmiyyət kəsb edən bir sıra elementləri özündə birləşdirə bilər", - deyə Prezident vurğulayıb.
Dövlət başçısı əlavə edib ki, ukraynalıların axtardığı əsas məqsədə çatmaq üçün bütün elementlərin həqiqətən də səmərəli olmasını təmin etmək üçün gələcək işlər davam etdirilir.
23-11-2025, 19:09
3 nəfərin öldüyü yanğın buradan başlayıb - VİDEO
Yasamalda 3 nəfərin ölümü, 27 nəfərin xəsarət alması ilə nəticələnən yanğın hadisəsi baş verib.
“İctimai TV” yanğının başlandığı yerdən görüntülər yayımlayıb.
Həmin videonu təqdim edirik:
23-11-2025, 18:56
Gədəbəydə dağlıq ərazidə yanğın
Gədəbəy rayonunun Şahdağ kəndində bələdiyyəyə aid dağlıq ərazidə 60 ha sahədə quru ot, kol-kos və qurumuş ağac kötükləri yanıb.
Ətraf ərazilər yanğından mühafizə olunub.
Yanğın yanğından mühafizə bölmələri tərəfindən söndürülüb.
23-11-2025, 18:24
Xameneiyə sui-qəsd hazırlanır - İran kəşfiyyatı
Xarici düşmənlər İranın Ali Rəhbəri ayətullah Seyid Əli Xameneiyə qarşı sui-qəsd və ya hücum hazırlanır.
Bunu İranın kəşfiyyat naziri Seyid İsmayıl Xətib bildirib.
Seyid İsmayıl Xətibde deyib ki, məqsəd İranda qeyri-sabiq vəziyyətə nail olmaqdır.
Bununla belə, İranın kəşfiyyat naziri əlavə detalları açıqlamayıb.
23-11-2025, 18:13
"Hizbullah"ın Baş Qərargah rəisi öldürüldü
"Hizbullah" Hərəkatının Baş Qərargah rəisi Abu Əli Tabtabaui İsrail pilotsuz uçuş aparatının zərbəsi nəticəsində Beyrutda öldürülüb.
Bu barədə "Al Hadath" telekanalı məlumat yayıb.
Abu Gli Tabtabaui Naim Qasimdən sonra Hizbullahın ikinci şəxsi statusunda olub.
“The Times of Israel” İsrail Baş naziri Binyamin Netanyahunun ofisinin Beyrutda Abu Əli Tabtabauinin ofisinə zərbə endirildiyini təsdiqlədiyini yazıb. Qeyd edilib ki, Binyamin Netanyahu müdafiə naziri və İsrail Ordusunun Baş Qərargah rəisinin tövsiyəsi ilə Beyrutun mərkəzində Abu Əli Tabtabauinin məhv edilməsi üçün əmr verib.
23-11-2025, 17:22
Türkiyədə 266 məhkum qidadan zəhərləndi
Türkiyənin Sakarya şəhərinin Ferizli rayonunda yerləşən Açıq Tipli Cəzaçəkmə Müəssisəsində kütləvi qida zəhərlənməsi baş verib.
Zəhərlənmə şübhəsi ilə 266 məhkum təcili yardım maşınları ilə ətrafdakı şəhər xəstəxanalarına yerləşdirilib.
Bildirilib ki, axşam yeməyində məhbuslara balıq konservi verilib. Yeməkdən sonra bir çox məhkum qusma və ürəkbulanma şikayətləri ilə müəssisənin xəstəxanasına müraciət edib.
Hadisədən sonra axşam menyusundakı qidalardan nümunələr götürülərək laboratoriyalara göndərilib.
Rəsmi mənbələr məhkumların ümumi sağlamlıq vəziyyətinin yaxşı olduğunu, həyatlarına təhlükə olmadığını və ambulator müalicənin davam etdirildiyini açıqlayıb.
Hadisə ilə bağlı araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!