13-08-2025, 22:46
Şairin küçədə meyiti tapıldı
Şair, nasir, jurnalist Kəramət Şükürovun küçədə meyiti aşkarlanıb.
Bu barədə “Qobustan” dərgisinin əməkdaşı, yazıçı Oqtay Əhmədov sosial şəbəkədəki hesabında bildirib.
K.Şükürovun vəfat səbəbi məlum deyil.
Faktla bağlı araşdırmalar aparılır.
Qeyd edək ki, Kəramət Rza oğlu Şükürov 1 dekabr 1957- ci ildə Masallı rayonunun Göyçöl kəndində anadan olub.
Əmək fəaliyyətinə Göyçöl kənd orta məktəbində Azərbaycan dili və ədəbiyyatı müəllimi kimi başlayıb. 1987-ci ildən "Yazıçı" və "Elm" nəşriyyatlarında çalışıb, Azərbaycan Yazıçılar Birliyinin Natəvan adına klubunun direktoru olub. Bir müddət "Novruz", "Oğuz eli" qəzetlərində əməkdaşlıq edib. "Nəfəs", "Yeni quruluş" qəzetlərinin baş redaktoru, "Məqam" qəzetinin şöbə müdiri olub.
Tələbəlik illərindən hekayə və şeirləri dövri mətbuatda, "Ulduz" jurnalında və "Yaşıl budaqlar" almanaxında dərc olunub.
13-08-2025, 22:37
Özgür Özəl haqqında istintaq başladı
CHP sədri Özgür Özəl haqqında istintaq başladılıb.
Bu haqda Türkiyənin ədliyyə naziri Yılmaz Tunç sosial şəbəkə hesabında paylaşım edib.
Nazir bildirib ki, istintaqa səbəb onun ölkə prezidenti Rəcəb Tayyib Ərdoğana qarşı söylədiyi sözlərdir:
“CHP sədrinin prezidentimizin ünvanına söylədiyi təhqiramiz ifadələrlə bağlı Ankara Respublika Baş Prokurorluğu tərəfindən araşdırma başlanıb. Hörmət həddini bu sözlər 86 milyon vətəndaşımızı təmsil edən iradəyə açıq-aşkar hücumdur.
Siyasət ədəb və əxlaq çərçivəsində aparılır. CHP sədrinin istifadə etdiyi bu yersiz dil artıq sadəcə üslub məsələsi deyil.
Millətimiz əvvəllər də olduğu kimi böhtanla məşğul olanlara yol verməyəcək”.
13-08-2025, 22:01
Dağda yıxılaraq köməksiz qalan qadın xilas edildi
Fövqəladə Hallar Nazirliyinin “112” qaynar telefon xəttinə Qəbələ rayonunun Duruca kəndində mürəkkəb relyefli dağlıq ərazidə bir nəfərin köməksiz vəziyyətdə qalması barədə məlumat daxil olub.
Məlumatla əlaqədar dərhal FHN-in Şimal-qərb Regional Mərkəzinin xilasediciləri əraziyə cəlb olunub.
Hadisə yerində əməliyyat şəraiti qiymətləndirilərkən, Bakı şəhər sakini olan 1959-cu il təvəllüdlü qadının dağlıq ərazidə yıxılaraq müxtəlif dərəcəli bədən xəsarətləri aldığı və köməksiz vəziyyətdə qaldığı müəyyən edilib.
Xilasedicilər çətin keçidli dağlıq ərazidə köməksiz vəziyyətdə qalan şəxsi xilas edərək təcili tibbi yardım briqadasına təhvil veriblər.
13-08-2025, 17:36
Tramp-Putin görüşü ərəfəsində ruslar ildırımsürətli hücuma keçib
Rusiya qoşunları ABŞ və Rusiya prezidentləri Donald Trampla Vladimir Putinin 15 avqust tarixli görüşü ərəfəsində Ukrayna ərazisində ilin ən böyük 24 saatlıq hücumunu həyata keçirib.
Bu barədə AFP agentliyi Amerika Müharibə Araşdırma İnstitutunun məlumatlarının təhlili əsasında məlumat yayıb.
Rusiya ordusu avqustun 12-də ildırımsürətli hücum zamanı 110 kvadrat kilometr ərazini işğal edib - bu, 2024-cü il may ayının sonundan bəri 24 saat ərzində ələ keçirilən ən böyük ərazidir.
Ukrayna hərbçilərinin hesablamalarına görə, təxminən 110 min rusiyalı hərbçi Pokrovsk istiqamətində irəliləyir ki, bu da Vladimir Putin üçün böyük sıçrayış ola bilər.
Ukrayna əsgərləri zirehli personal daşıyıcısını pilotsuz təyyarələrin zərbələri ilə məhv etməzdən əvvəl hava kəşfiyyatı Rusiya taqımının sürətli irəliləyişini qeydə alıb.
13-08-2025, 17:21
Azərbaycan əleyhinə qətnamə layihəsi rədd edildi
Cenevrə kantonunun parlamentinin bir sıra ermənipərəst üzvü tərəfindən 2024-cü il noyabrın 5-də irəli sürülmüş “Dağlıq Qarabağın ilhaqı və Azərbaycanın siyasi məhbuslarının azadlığa buraxılması” adlı 24.321 saylı qətnamə layihəsi
Azərbaycanın İsveçrədəki səfirliyinin apardığı məqsədyönlü fəaliyyət nəticəsində avqustun 11-də bu ölkənin parlamentinin yuxarı palatası olan Kantonlar Şurasının Xarici Əlaqələr Komitəsi tərəfindən rədd edilib.
Azərbaycanın İsveçrədəki səfirliyindən bildirilib ki, bununla yanaşı, həmin Komitənin vitse-prezidenti, Azərbaycana qarşı qərəzli mövqeyi ilə seçilən Karlo Sommaruga tərəfindən irəli sürülmüş, yalnız “məhbuslara” və “erməni mədəni irsinin mühafizəsinə” istinad edən yeni qərar layihəsi 5 əleyhinə, 4 lehinə və 3 bitərəf səslə Komitənin gündəliyindən çıxarılıb.
Qeyd edək ki, İsveçrə parlamentinin yuxarı palatasının Xarici Əlaqələr Komitəsinin mətbuat məlumatında Cenevrə kantonal parlamentinin təxribat xatakterli məlum təşəbbüsünün birtərəfli olduğu, yalnız Azərbaycan tərəfinə tələblər irəli sürdüyü vurğulanıb və bu cür yanaşmaya etiraz ifadə olunub.
İsveçrə parlamentinin sözügedən qərarı bir daha radikal erməni qrupları tərəfindən dəstəklənən parlamentarilərin uğursuzluğunu nümayiş etdirib.
13-08-2025, 17:06
Zelenski Almaniyaya gedib
Ukrayna prezidenti Vladimir Zelenski avqustun 13-də Berlinə gedib. Almaniyada o, ABŞ prezidenti Donald Tramp və Avropa liderləri ilə onlayn görüşlər keçirəcək.
Bu barədə RBC-Ukrayna Zelenskinin ofisinə istinadən məlumat yayıb.
Berlin hava limanında Zelenskini bir sıra rəsmi şəxslər, o cümlədən Ukraynanın Almaniyadakı səfiri Aleksey Makeyev qarşılayıb.
Ukrayna prezidentinin mətbuat katibi Sergey Nikiforov jurnalistlərə bildirib ki, Vladimir Zelenski Berlində Almaniya kansleri Fridrix Merts ilə görüş keçirəcək.
13-08-2025, 16:54
BDU-da yeni ixtisas açılıb - “Xüsusi pedaqogika”[/color]
Yeni tədris ilindən Bakı Dövlət Universitetinin (BDU) Sosial elmlər və psixologiya fakültəsində bakalavriat səviyyəsində «Xüsusi pedaqogika» ixtisası üzrə kadr hazırlığına başlanılacaq.
Bu barədə BDU-nin Mətbuat xidmətindən bildirilib.
Xüsusi pedaqogika (defektologiya) fiziki və əqli cəhətdən qüsuru olan uşaqların (həm də yaşlıların) inkişafının psixoloji xüsusiyyətlərini, onların təhsilinin nəzəri əsaslarını, prinsiplərini, üsullarını, təşkili formalarını və vasitələrini işləyib hazırlayır.
Bu ixtisas müxtəlif istiqamətləri əhatə edir:
Surdopedaqogika — eşitmə və danışma məhdudiyyətli uşaqların təlim-tərbiyyəsindən bəhs edən;
Tiflopedaqogika — görmə məhdudiyyətli uşaqların təlim-tərbiyyəsindən bəhs edən;
Oliqofreno pedaqogika — əqli cəhətdən qüsurlu olan şəxslərin təlim-tərbiyyəsindən bəhs edən;
Loqopediya — nitq qüsurlu şəxslərin təhsil məsələlərini bəhs edən nəzəri və praktiki məsələləri öyrənir.
Autizm, daun sindromlu, hiperaktivlik, davranış dayaq hərəkət aparatı pozulmaları ilə bağlı uşaqlarla pedaqoji iş də «Xüsusi pedaqogika» ixtisas sahəsinə daxil olmaqla gələcək mütəxəssisləri praktik iş üzrə hazırlayır.
«Xüsusi pedaqogika» ixtisasını uğurla bitirən məzunlar respublikada sağlamlıq imkanları məhdud olan uşaqlar üçün olan xüsusi dövlət internat məktəbləri, sağlamlıq mərkəzləri, eləcə də özəl psixologiya və tibb mərkəzlərində fəaliyyət göstərə bilərlər.
13-08-2025, 16:11
Avropa Tramp-Putin görüşündən NARAHATDIR
ABŞ Prezidenti Donald Tramp və Rusiya Prezidenti Vladimir Putin cümə günü Alyaskada baş tutacaq sammitdə Ukraynada müharibəyə son qoya biləcək razılaşmanı müzakirə edəcəklər.
Görüşün həm də Avropanın təhlükəsizlik arxitekturasına ciddi təsir göstərəcəyi gözlənilir.
Avropa liderləri və Ukrayna Prezidenti Volodimir Zelenski bu gün Trampla danışıqlar aparmağı planlaşdırır. Onlar indiyədək Ukraynanın əsas silah tədarükçüsü olan ABŞ-ın Kiyevə əlverişsiz sülh şərtləri diktə edə biləcəyindən ehtiyatlanırlar.
Tramp ötən həftə bəyan edib ki, “hər iki tərəfin xeyrinə bəzi ərazilərin dəyişdirilməsi” gündəmdə ola bilər.
Bu bəyanat Kiyev və Avropa paytaxtlarında narahatlıq yaradıb.
Hazırda Rusiya Ukrayna ərazisinin təxminən 19 faizinə nəzarət edir, Ukrayna isə beynəlxalq səviyyədə tanınmış Rusiya ərazisinə sahib deyil.
ABŞ-ın keçmiş diplomatı Daniel Frid xəbərdarlıq edib ki, Tramp Putinin “aldadıcı” təkliflərinə uyarsa, Ukraynanın ziyanına pis razılaşma baş verə bilər. O, "reuters"ə bildirib ki, alternativ olaraq, tərəflər yalnız “de-fakto” tanınan atəşkəs xəttinə razılaşa, amma Rusiya işğalının hüquqi tanınmasından yayınmış ola bilərlər.
Sabit sülh üçün həm də Ukraynanın NATO-ya üzvlük arzusu, ordusunun ölçüsü ilə bağlı Moskvanın tələbləri, təhlükəsizlik zəmanətləri və Qərbin Rusiyaya qarşı sanksiyalarının gələcəyi kimi məsələlər həll edilməlidir.
Zelenski vurğulayıb ki, Ukrayna Konstitusiyası ərazi güzəştlərinə yalnız referendum yolu ilə icazə verir. Analitiklər hesab edirlər ki, Kiyev hüquqi tanınmadan, faktiki olaraq döyüş xəttinin dondurulması variantına daha çox meylli ola bilər.
Əgər Tramp Kiyevi razı salmaqda çətinlik çəksə, silah və kəşfiyyat dəstəyini dayandırmaqla təzyiq göstərə bilər. Avropa rəsmiləri isə ABŞ kəşfiyyat imkanlarının itirilməsini Ukrayna üçün ən böyük boşluq kimi qiymətləndirirlər.
ABŞ-ın Kiyevdəki keçmiş səfiri Con Herbst hesab edir ki, Trampın Ukraynanı “tərk etməsi” onu Putinə güzəştə gedən lider kimi göstərə bilər və bu, daxildə siyasi zərbə olar.
Avropa İttifaqı ölkələri bəyan edib ki, Ukrayna öz gələcəyini sərbəst müəyyən etməlidir və onlar Kiyevə təhlükəsizlik zəmanətləri verməyə hazırdırlar. NATO-nun keçmiş sözçüsü Oana Lunkesku avropalıları Ukraynaya silah yardımını sürətləndirməyə və sentyabrda Aİ-yə üzvlük danışıqlarına başlamağa çağırıb.
Beynəlxalq münasibətlər üzrə ekspert Jana Kobzova isə vurğulayıb ki, əgər Alyaskadan “qəbuledilməz” razılaşma çıxarsa, Avropa paytaxtları Trampla yeni diplomatik “cazibə hücumuna” keçəcək. Onun sözlərinə görə, Avropa liderləri anlayır ki, Ukraynanın təhlükəsizliyi Avropanın ümumi təhlükəsizliyindən ayrılmazdır.
13-08-2025, 15:32
Rusiyadan Zəngəzur dəhlizi ilə bağlı reaksiya - RƏSMİ
Rusiya Xarici İşlər Nazirliyi (XİN) "Tramp Marşrutu" layihəsinin (Zəngəzur dəhlizi) detallarını öyrənmək niyyətindədir.
Bunu Rusiya Xarici İşlər Nazirliyinin nümayəndəsi Aleksey Fadeyev “Tramp marşrutu” ilə bağlı açıqlamasında bildirib.
O qeyd edib ki, layihənin detallarını öyrənənədək və hələ açıqlanmayan sənədi nəzərdən keçirənədək nazirlik rəsmi mövqeyini bildirməyəcək.
Diplomatın sözlərinə görə, Ermənistanın Sünik vilayəti üzərindən kommunikasiya xətlərinin açılması zamanı Rusiyanın sərhədçilərinin mövcudluğu nəzərə alınmalıdır.
Fadeyev qeyd edib ki, Rusiya 2020–2022-ci illərdə Rusiya, Ermənistan və Azərbaycan liderləri arasında əldə olunan üçtərəfli razılaşmaları aktuallığını saxlayan sənədlər hesab edir və tərəflərin heç biri bu razılaşmalardan çıxmaq niyyətini açıqlamayıb.
13-08-2025, 15:12
Qarabağ iqtisadiyyatın yeni inkişaf drayverinə çevriləcək
"İşğaldan azad olunmuş ərazilərimizin ümumi iqtisadi potensialı yüksək qiymətləndirilir".
Bunu Milli Məclisin deputatı Vüqar Bayramov deyib.
“Nəzərə alsaq ki, hər bir rayon üzrə iqtisadi potensial ayrıca dəyərləndirilir, görürük ki, bəzi rayonlarda sənaye, digərlərində aqrar sahə, bəzilərində isə turizm və nəqliyyat sektoru ön plana çıxır. Bu da onu göstərir ki, işğaldan azad olunmuş hər bir rayon kifayət qədər böyük və müxtəlif iqtisadi imkanlara malikdir.
Təbii ki, bu potensialdan tam istifadə olunması üçün genişmiqyaslı yenidənqurma və bərpa işləri aparılır. Artıq biz Qarabağ və Şərqi Zəngəzurun iqtisadi potensialının tədricən bərpa olunduğunu və bu ərazilərin Azərbaycan iqtisadiyyatına reinteqrasiya prosesinin getdiyini müşahidə edirik. Bu, bir tərəfdən ölkə iqtisadiyyatına əlavə dəyər yaradırsa, digər tərəfdən həmin bölgələrdə məskunlaşma prosesini də sürətləndirir”.
Millət vəkili bildirib ki, artıq 50 mindən çox vətəndaşımız işğaldan azad olunmuş ərazilərdə yaşayır və çalışır:
“İlkin qiymətləndirmələrə əsasən, Qarabağ və Şərqi Zəngəzur bölgələri Azərbaycan iqtisadiyyatına 15 milyard manata yaxın əlavə dəyər qazandıra bilər.
Konkret sektorlar üzrə aparılan qiymətləndirmələr isə göstərir ki, hər bir rayonun özünəməxsus müqayisəli üstünlüyü mövcuddur. Məsələn, Ağdam rayonunun sənaye sahəsində önə çıxacağı gözlənilir. Füzuli rayonu isə nəqliyyat-logistika baxımından strateji əhəmiyyət daşıyır. Şərqi Zəngəzur bölgəsində aqrar sahə və turizm inkişaf etdiriləcək. Xankəndi və Şuşa şəhərlərində isə həm turizm, həm də sənaye sektorunun inkişafı nəzərdə tutulur”.
Son olaraq V.Bayramov əlavə edib ki, işğaldan azad olunmuş rayonlarımızın iqtisadi potensialı kifayət qədər böyükdür. Bu potensial isə yaxın gələcəkdə Qarabağın Azərbaycan iqtisadiyyatının yeni inkişaf drayverinə çevrilməsinə imkan verəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!