18-10-2022, 23:14
Bu şəxslər viza tələbindən azad edilir
Azərbaycan və Əlcəzair qarşılıqlı olaraq diplomatik və xidməti pasportlara pasportlara malik şəxsləri viza tələbindən azad edir. Bu, Milli Məclisin Beynəlxalq münasibətlər və və parlamentlərarası əlaqələr komitəsinin bu gün keçirilən iclasında müzakirə edilən “Azərbaycan Respublikası Hökuməti ilə Əlcəzair Xalq Demokratik Respublikası Hökuməti arasında diplomatik və xidməti pasportlara malik şəxslərin qarşılıqlı viza tələbindən azad edilməsi haqqında” Sazişin təsdiq edilməsi barədə” qanun layihəsində əksini tapıb. Qanun layihəsi müzakirələrdən sonra parlamentin plenar iclasına tövsiyə edilib.
18-10-2022, 23:11
Ukrayna İranla diplomatik əlaqələri kəsir
Ukrayna ilə İran arasında diplomatik münasibətlər kəsilir. Bu barədə Ukraynanın xarici işlər naziri Dmitri Kuleba bildirib."İran pilotsuz təyyarələrinin Ukraynanın mülki infrastrukturuna çoxsaylı dağıntıları, xalqımıza vurduğu ölüm və iztirabları, habelə İranın Rusiyaya silah tədarükünün mümkün davam etməsi ilə bağlı yayılan xəbərləri nəzərə alaraq, Prezidentə İranla diplomatik münasibətləri kəsmək təklif edilib", - XİN rəhbəri bildirib. Kuleba, həmçinin əlavə edib ki, Ukrayna heç vaxt İran əleyhinə mövqe tutmayıb: "İran təcavüz cinayətinin iştirakçısına çevrildikdən sonra bu gün biz çox aydın və dürüst mövqe tutacağıq. Əgər İran Rusiyanı silahla təmin etməyi dayandırarsa, biz münasibətlərin bərpasından danışacağıq".
18-10-2022, 23:09
Qaydaları pozan şagirdlər belə cəzalandırılacaq
Məktəblərdə nizam-intizam qaydalarını pozan şagirdlərə qarşı tətbiq ediləcək inzibati tədbirlər müəyyənləşib. Bu barədə Elm və Təhsil Nazrliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev bildirib. Onun sözlərinə görə, inzibati tədbirlər şagirdlərin davranış səviyyələri nəzərə alınmaqla tətbiq ediləcək. Davranış səviyyələrinə görə, tətbiq olunacaq inzibati tədbirlər aşağıdakılardır:
- müəllim baxışı, qeyri-verbal münasibət
- şagirdlərlə sakit söhbət
- xəbərdarlıq
- uzaqlaşdırma
- valideyn ilə əlaqə saxlamaq
- dərsdən sonra şagirdin məktəbdə saxlanması
- psixoloqa yönləndirmə
- sarı xəbərdarlıq məktubu
- narıncı xəbərdarlıq
- qırmızı xəbərdarlıq
18-10-2022, 23:06
Ermənistan ATƏT-dən sərhədə müşahidəçi göndərməyi istədi
Ermənistan hakimiyyəti Azərbaycanla sərhədə müşahidəçi göndərmək üçün ATƏT-ə müraciət edib. Bunu Ermənistanın xarici işlər naziri Ararat Mirzoyan norveçli həmkarı Anniken Huitfeldtlə keçirdiyi brifinqdə deyib."ATƏT müşahidəçilərinin Ermənistan ərazisində yerləşdirilməklə Ermənistan-Azərbaycan sərhədinə göndərilməsi mövzusu müzakirə olunur. Biz bu məsələyə yaxın vaxtlarda aydınlıq gətirəcəyik". Hazırda 40 müşahidəçinin daxil olduğu Avropa İttifaqının mülki missiyasına gəlincə, Mirzoyanın sözlərinə görə, Ermənistan Cənubi Qafqazda sülhün bərqərar olması məsələsində beynəlxalq müdaxiləni gözləyir."Bu missiya sabit sülhün bərqərar olmasına töhfə verməlidir", - nazir vurğulayıb. Xatırladaq ki, oktyabrın 17-də Avropa İttifaqının xarici işlər nazirləri Lüksemburqda keçirilən görüşdə Azərbaycanla sərhəddə Ermənistana 40 müşahidəçinin göndərilməsini rəsmən təsdiqləyiblər. Bundan əlavə, Rusiyanın xarici işlər naziri Sergey Lavrov bildirib ki, Azərbaycan, Ermənistan və Rusiya liderləri arasında imzalanmış sazişlərin həyata keçirilməsinə əlverişli şəraitin yaradılmasına kömək məqsədilə, xüsusilə Ermənistan-Azərbaycan sərhədinin delimitasiyası və ümumiyyətlə, Bakı ilə İrəvan arasında münasibətlərin normallaşdırılması, o cümlədən müvafiq sazişin imzalanması üçün KTMT müşahidəçilərindən istifadə imkanları müzakirə olunur.
18-10-2022, 23:04
Yağış Binəqədini bu vəziyyətə saldı
Bakıya günorta saatlarında yağan qısamüddətli yağış paytaxt küçələrində müəyyən çətinliklərə səbəb olub. Butov.az xəbər verir ki, Binəqədinin bəzi küçələrində yolları su basıb. Görüntülərdə Baş Dövlət Yol Polisi İdarəsindən kənd Binəqədi istiqamətində gedən yol əks olunub.“Azərsu” ASC-dən isə məsələ ilə bağlı bildirilib ki, ərazidə yağış-kanalizasiya infrastrukturu yoxdur.
18-10-2022, 23:01
Ukrayna İranı terrorçu dövlət kimi tanımağa hazırlaşır
Ukrayna Ali Radasına İranla diplomatik əlaqələrin kəsilməsini nəzərdə tutan qanun layihəsi təqdim olunub. Bu barədə deputat Aleksey Qonçarenko “Telegram” kanalında bildirib. Məlumata görə, qanun layihəsində İranın terrorizmi maliyyələşdirən dövlət kimi tanınması məsələsi yer alıb.“Sənəddə parlamentə təklif olunub ki, İranın terrorizmi maliyyələşdirən dövlət kimi tanınması və ona qarşı sanksiyaların gücləndirilməsi ilə bağlı BMT, Avropa Parlamenti, AŞPA, NATO və digər beynəlxalq təşkilatlara, həmçinin üçüncü ölkələrin hökumətlərinə müraciətlər etsin”, - deyə Qonçarenko vurğulayıb. Onun fikrincə, qanun layihəsi tezliklə müzakirəyə çıxarılacaq. Qeyd edək ki, Rusiya ordusunun Ukraynaya qarşı döyüşlərdə İran istehsalı PUA-lardan istifadə etməsi Kiyevlə Tehran arasında münasibətlərin gərginləşməsinə səbəb olub.
18-10-2022, 22:58
Qadın diş protezlərindən boğulub öldü
Kolumbiyada diş protezləri qadının ölümünə səbəb olub. Bu barədə “Oddity Central” nəşri yazıb. Belə ki, həkimlərin gecələr diş protezlərinin çıxarılması ilə bağlı tövsiyələrinə baxmayaraq, Mariya Qusman mütəxəssislərin məsləhətinə qulaq asmayıb. Süni dişlərlə yuxuya gedən qadın təsadüfən onu udub və boğulub. Mariyanı təcili xəstəxanaya çatdırsalar da, onun həyatını xilas etmək mümkün olmayıb.
18-10-2022, 22:53
Ukrayna İsraildən hərbi kömək istədi
Ukrayna rəsmi olaraq Kiyevi hava hücumundan müdafiə sistemləri ilə təmin etmək xahişi ilə İsrailə müraciət edəcək. Bunu Ukraynanın xarici işlər naziri Dmitri Kuleba bildirib. "Dünən mən Ukraynanı hava hücumundan müdafiə sistemləri ilə təmin etmək xahişi ilə Avropa İttifaqı ölkələrinə müraciət etdim. Bu mövzunu “Ramşteyn formatı” çərçivəsində Ukrayna prezidenti, müdafiə naziri daim qaldırır. Bu gün Kiyev İsrail hökumətinə Ukraynanı təcili olaraq hava hücumundan müdafiə sistemləri ilə təmin etmək və Ukraynanın müvafiq müdafiə sistemləri alması üçün yüksək keyfiyyətli əməkdaşlığa başlamaq xahişi ilə rəsmi nota göndərəcək”, - o, onlayn brifinq zamanı bildirib. Bundan əvvəl onlayn rejimdə keçirilən G7 sammitində çıxış edən Vladimir Zelenski Ukrayna üçün “hava qalxanı” yaratmağa və Kiyevi kifayət qədər müasir və effektiv hava hücumundan müdafiə sistemləri ilə təmin etməyə çağırıb. Rusiya Silahlı Qüvvələrinin Ukrayna infrastrukturuna hücumları oktyabrın 10-da Krım körpüsündə törədilən partlayışdan iki gün sonra başlayıb. Prezident Vladimir Putin körpüdə baş verən partlayışa görə Kiyevi ittiham edib.
18-10-2022, 22:51
Baş nazir qərar verdi - 4 gün iş olmayacaq
Azərbaycanda iş və istirahət günlərinin yerləri dəyişdirilib. Butov.az xəbər verir ki, Baş nazir Əli Əsədov bununla bağlı Qərar imzalayıb. Qərara əsasən, iş və istirahət günlərinin ardıcıllığını təmin etmək məqsədilə 2022-ci il 7 noyabr iş günü ilə 5 noyabr istirahət gününün yerləri dəyişdirilib. Beləliklə, noyabr ayında ardıcıl 4 gün - 6, 7, 8 və 9 noyabr tarixləri qeyri-iş günü olacaq.
18-10-2022, 22:49
Şahdağa qar yağdı
Şahdağa qar yağıb, Əyriçaydan sel keçib. Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib. Milli Hidrometeorologiya Xidmətinin oktyabrın 18-i saat 18:00-a olan məlumatına əsasən, ölkə ərazisində qeyri-sabit hava şəraiti davam edib, Naxçıvan, Daşkəsən, Gədəbəy, Göygöl, Gəncə, Şəmkir, Tovuz, Ağstafa, Ağdam, Balakən, Oğuz, Qəbələ, Zaqatala, Şəki, Qax, İsmayıllı, Şamaxı, Qobustan, Altıağac, Quba, Qusar, Xaltan, Qrız, Şabran, Bərdə, Mingəçevir, Yevlax, Göyçay, Bakıda və Abşeron yarımadasında (Bakı, Sumqayıt, Maştağa) şimşək çaxıb, arabir yağış yağıb, bəzi yerlərdə leysan xarakterli intensiv olub. Şahdağda saat 11:30-dan arabir qar yağmağa başlayıb. Yağan leysan yağışlar nəticəsində Əyriçay Başdaşağıl (Oğuz) məntəqəsindən saat 14:00-da sel keçməyə başlayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!