25-02-2023, 15:51
Türkiyədə güclü zəlzələ baş verib
Türkiyənin Niğde bölgəsində 5.3 bal gücündə zəlzələ olub. Bu barədə AFAD məlumat yayıb.
25-02-2023, 15:48
Qarabağla bağlı gizli sənəd erməniləri təşvişə saldı
Münhen görüşündə Azərbaycan və Ermənistan arasında razılıq əldə olunduğu bildirilir. Ermənistan mətbuatı Bakı ilə İrəvan arasında razılaşdırıldığı iddia edilən gizli sənəd yayıb. Erməni jurnalist Armen Aşotyan sosial şəbəkə hesabında sənədin mətninin əks olunduğu görüntüləri paylaşıb. Mətndə iki ölkənin bir-birinin ərazi bütövlüyünü tanıyacağı qeyd olunub. Həmçinin sənəddə Qarabağ məsələsinin Azərbaycanın daxili işi olduğu və oradakı işlərin Azərbaycan konstitusiyasına uyğun olaraq həyata keçiriləcəyi vurğulanıb. Sosial şəbəkələrdə paylaşılan sənəd Ermənistanda ciddi müzakirələrə yol açıb. Erməni mətbuatı və müxalifət nümayəndələri sözügedən sənədi İrəvan hakimiyyətinin Azərbaycan qarşısında məğlubiyyəti kimi qiymətləndiriblər.
25-02-2023, 15:45
Hazırda Ukraynanın F-16 qırıcılarına ehtiyacı yoxdur - Bayden
Hazırda Ukraynaya F-16 qırıcıları lazım deyil və bu səbəbdən yaxın zamanlarda onlar Kiyevə verilməyəcək. Bunu ABŞ Prezidenti Co Bayden ABC telekanalına müsahibəsində bildirib. Onun sözlərinə görə, hazırda Ukraynaya tanklar, artilleriya qurğuları, hava hücumundan müdafiə vasitələri, o cümlədən HIMARS yaylım atəş sistemləri lazımdır. “Biz yazda, yayda və payızın əvvəlində uğur qazanması üçün Kiyevi lazım olan hər şeylə təmin edirik”, - deyə Co Bayden söyləyib.
25-02-2023, 15:42
İlham Əliyev Türkiyədə işgüzar səfərdədir
Azərbaycan Respublikasının Prezidenti İlham Əliyev fevralın 25-də Türkiyəyə işgüzar səfərə gedib. Hər iki ölkənin dövlət bayraqlarının dalğalandığı İstanbulun Atatürk Hava Limanında Azərbaycan Prezidentinin şərəfinə fəxri qarovul dəstəsi düzülüb. Prezident İlham Əliyevi Türkiyənin xarici işlər naziri Mövlud Çavuşoğlu və digər rəsmi şəxslər qarşılayıblar.
25-02-2023, 15:38
Kiyevə silah tədarükü sülhə nail olmağın yeganə yoludur - Stoltenberq
Ukrayna münaqişəsi danışıqlar masası arxasında başa çatacaq. Bu barədə NATO-nun Baş katibi Yens Stoltenberq bildirib. Onun fikrincə, Kiyevə silah tədarükü sülhə nail olmağın yeganə yoludur. “Müharibə çox güman ki, danışıqlar masası arxasında bitəcək. Lakin bu, döyüş meydanındakı vəziyyətdən asılıdır”, - deyə baş katib vurğulayıb. Stoltenberq Ukrayna müharibəsində Rusiyanın qələbəsinin faciə olacağını və NATO üçün ciddi təhlükə yaradacağını düşünür.
25-02-2023, 15:35
“Qarabağ” UEFA-da dəyişməz mövqeyini qoruyub saxlayıb
Avrokubokların növbəti oyun həftəsi başa çatıb. Çempionlar Liqasında 1/8 finalın ilk oyunları, Avropa Liqası və Konfrans Liqasında pley-off mərhələsinə yekun vurulub. Matçlardan sonra UEFA-nın klub reytinqi açıqlanıb. Azərbaycan çempionu “Qarabağ” Belçikada “Gent”ə uduzaraq (0:1, pen. 3:5) mübarizəni dayandırıb. Bu səbəbdən Qurban Qurbanovun komandası xal hesabını artıra bilməyib. Aktivində 25,000 xal olan Ağdam klubunun mövqeyi də dəyişməz qalıb. “Qarabağ” Avropada 66-cı yerə şərikdir. Ağdamlılar bu mövqeni PAOK və “Krasnodar”la bölüşür. Qeyd edək ki, cədvələ hərəyə 132,000 xal yığan “Bavariya” və “Mançester Siti” başçılıq edir.
25-02-2023, 15:31
Krım yarımadasında Ukrayna bayrağı ucaldıldı
Krım yarımadasının Sevastapol şəhərində Ukrayna bayrağı ucaldılıb. Ukrayna bayrağı Naximov meydanında yerləşən binalardan birinin üzərində asılıb. Görüntülər sosial şəbəkələrdə yayılıb. Qeyd edək ki, Rusiya 2014-cü ildə Krımı ilhaq edib.
25-02-2023, 15:24
Gürcüstan Türkiyəylə həmrəydir - Qaribaşvili
Gürcüstan Türkiyənin yanındadır. Türkiyə xalqı Rəcəb Tayyib Ərdoğan kimi müdrik və güclü liderlə tarixin bu sınağından da qalib çıxacaq. Bunu Gürcüstanın Baş naziri İrakli Qaribaşvili Türkiyənin Hatay vilayətinin Antakya şəhərində zəlzələnin nəticələri ilə tanış olarkən deyib. O, Türkiyədə baş verən zəlzələni dəhşətli faciə adlandırıb. “Dəstək mesajımı və başsağlığımı ötən gün Prezident Rəcəb Tayyib Ərdoğana çatdırdım. Mən ona həmrəy olduğumuzu bildirdim. Bu, Türkiyənin və qardaş xalqın başına gələn dəhşətli faciədir. Zəlzələ nəticəsində 40 mindən çox insan ölüb, 100 mindən çoxu yaralanıb. Minlərlə insan evsiz qalıb. Prezident Rəcəb Tayyib Ərdoğanla görüşümüzdə o mənə bildirdi ki, artıq müvafiq qərargah yaradılıb, plan hazırlanıb, bir ildə 270 minə yaxın mənzil tikiləcək”, - deyə baş nazir vurğulayıb.
25-02-2023, 15:19
Makron və Şolts Ukraynanı sülh aparmağa çağırıb
Fransa prezidenti Emmanuel Makron və Almaniya kansleri Olaf Şolts Ukrayna prezidenti Volodimir Zelenskini Rusiya ilə sülh aparmağı nəzərdən keçirməyə başlamağa çağırıb. Bu barədə “The Wall Street Journal” (WSJ) nəşri məlumat yayıb. Qəzet yazır ki, sülh çağırışı üç liderin bu ay Parisdə keçirilən görüşündə səsləndirilib. Yelisey sarayında şam yeməyi zamanı Makron Zelenskiyə xatırladıb ki, hətta Fransa və Almaniya kimi “ölümcül düşmənlər” də İkinci Dünya Müharibəsindən sonra sülh bağlamaq məcburiyyətində qalıb.
25-02-2023, 15:14
İran Rusiyanı artilleriya və tank mərmiləri ilə təmin edib - ABŞ
İran Rusiyanı artilleriya və tank mərmiləri ilə təmin edib. Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi məlumat verib. Mərmilərdən Ukraynaya qarşı müharibədə istifadə olunduğu bildirilir. "Rusiya ilə İran arasında münasibətlərin hər iki istiqamətdə inkişaf edəcəyindən qorxurduq. Və bu qorxular, şübhəsiz ki, əsaslıdır. 2022-ci ilin noyabrında İran Ukraynaya qarşı istifadə üçün Rusiyaya artilleriya və tank mərmiləri verib", - Kirbi deyib. Onun sözlərinə görə, bu baxımdan müdafiə sahəsində Rusiya-İran əməkdaşlığı ABŞ administrasiyasının narahatlığına səbəb olur. "Bu, təkcə Ukraynadakı vəziyyəti çətinləşdirməyəcək, həm də tərəfdaşlarımız və dostlarımız üçün Yaxın Şərqdə təhlükəsizlik vəziyyətini çətinləşdirə bilər", - Kirbi vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!