16-12-2025, 16:03
Ərdoğan Ermənistanla normallaşma prosesindən danışdı
"Azərbaycan və Ermənistan sülh müqaviləsi imzalamağa yaxındırlar. Azərbaycanla dialoq apararkən, eyni zamanda Ermənistanla normallaşma proseslərimizi də irəlilədirik".
Bunu Türkiyə Prezidenti Rəcəb Tayyib Ərdoğan 16-cı Səfirlər Konfransında çıxışında deyib.
O vurğulayıb ki, illərdir sülhə həsrət qalan Cənubi Qafqaz bu gün tarixi bir dövrdən keçir və Ermənistanla münasibətlərdə gələn ilin əvvəlindən etibarən bəzi simvolik addımlar atılacaq.
15-12-2025, 22:13
Türkiyəyə naməlum dron yaxınlaşdı - Qırıcılar havada vurdu - TƏCİLİ
Türkiyənin Milli Müdafiə Nazirliyi (MSB) Qara dəniz üzərində nəzarətdən çıxdığı müəyyən edilən pilotsuz uçuş aparatının (PUA) vurularaq məhv edildiyini açıqlayıb.
Nazirliyin yaydığı açıqlamada bildirilib ki, Qara dəniz istiqamətindən Türkiyənin hava məkanına yaxınlaşan bir hava vasitəsi aşkar edilib və mövcud prosedurlar çərçivəsində nəzarətə götürülüb.
Hava məkanının təhlükəsizliyini təmin etmək məqsədilə NATO və milli nəzarətdə olan F-16 qırıcılarına “xəbərdarlıq reaksiyası” tapşırığı verilib.
Açıqlamada qeyd olunub ki, aparılan yoxlamalar zamanı sözügedən hava vasitəsinin nəzarətdən çıxmış bir pilotsuz uçuş aparatına aid olduğu müəyyən edilib. Hər hansı təhlükəli vəziyyətin yaranmasının qarşısını almaq üçün PUA yaşayış məntəqələrindən kənarda, təhlükəsiz ərazidə vurularaq yerə endirilib.
15-12-2025, 16:46
Ərdoğanın oğlundan atasına dəstək çağırışı
Türkiyə prezidenti Rəcəb Tayyib Ərdoğanın oğlu Bilal Ərdoğan İstanbulda Ərzincanlı iş adamları ilə keçirilən görüşdə çıxış edib və iştirakçıları prezidentin ətrafında birləşməyə çağırıb.
O bildirib ki, Türkiyənin dünyanın ən böyük beş iqtisadiyyatından birinə çevrilmək potensialı var və bunun üçün əsas şərt birlik və həmrəylikdir.
Bilal Ərdoğanın sözlərinə görə, Türkiyə böyük enerji və imkanlara malikdir, lakin bu potensialın tam reallaşması üçün daha geniş düşünmək, ümumi məqsədlər ətrafında toparlanmaq lazımdır. O, atasının beynəlxalq arenada Türkiyəni təmsil etdiyini vurğulayaraq, prezident haqqında mənfi danışılmasına yol verilməməsinin vacibliyini qeyd edib.
“Ölkəni dünyada təmsil edən prezidentin arxasında durmağın nəyi pisdir? Nə itirərik ki? Bu ölkə üçün bu qədər iş görmüş, Türkiyəni yeni mərhələyə çıxarmış və dünyada hörmət qazanan bir liderin ətrafında birləşmək lazımdır”, - deyə Bilal Ərdoğan bildirib.
O əlavə edib ki, prezident Ərdoğanın gördüyü işlərin dəyəri gec-tez mütləq şəkildə qəbul ediləcək, lakin bunun daha tez baş verməsi daha yaxşı olardı. Bilal Ərdoğanın fikrincə, əgər son 23 il ərzində dəstək daha güclü olsaydı, Türkiyə bu gün daha da qüdrətli ola bilərdi. Onun sözlərinə görə, daxili çəkişmələr və “xainlər” prezidentin enerjisinin boşa xərclənməsinə səbəb olub və bu da ölkənin mövqelərini zəiflədib.
15-12-2025, 16:33
Tramp Belarusdakı ABŞ səfirliyini yenidən açır
Belarus və ABŞ arasında münasibətlər tədricən yaxınlaşır.
Bu barədə "Nyu-York Tayms" qəzeti analitik məqaləsində yazıb.
Nəşrin məlumatına görə, bunu Amerika-Belarus danışıqları zamanı Belarus həbsxanalarında cəza çəkən 100-dən çox siyasi məhbusun azadlığa buraxılması faktı da sübut edir.
Məqalədə bildirilib ki, münasibətlərin yaxınlaşması bir neçə aydır ki, müşahidə olunur və məhbusların azadlığa buraxılması Belarus prezidenti Aleksandr Lukaşenko ilə ABŞ prezidentinin xüsusi nümayəndəsi Con Koul arasında şənbə günü Minskdə keçirilən danışıqlarla mümkün olub. Siyasi məhbuslardan biri olan Mariya Kolesnikova azadlığa buraxılaraq Belarus-Ukrayna sərhədinə köçüb. 2012-ci il Nobel Sülh Mükafatı laureatı, insan haqları fəalı Ales Belyatski də Vilnüsə gedib.
Bütün bunlar göstərir ki, Vaşinqton tədricən, lakin davamlı olaraq Minsklə münasibətlərin yenidən nəzərdən keçirilməsi kursunu qəbul edib və bu, Tramp administrasiyasının avtoritar rejimlərlə münasibətləri yenidən nəzərdən keçirmək üçün ümumi siyasi xətt kontekstində nəzərdən keçirilməlidir.
Məhz bu yaxınlaşma çərçivəsində ABŞ Minskə qarşı sanksiya məhdudiyyətlərini yumşaltmağa başlayıb. Xüsusilə, Vaşinqton Belarus kaliumunun tədarükünə qoyulan məhdudiyyəti aradan qaldırıb.
Vaşinqton həmçinin Belavia şirkətinə qoyulan məhdudiyyətləri aradan qaldırmağa və Minskdəki Amerika səfirliyinin fəaliyyətini bərpa etmək məsələsini nəzərdən keçirməyə hazır olduğunu bildirib.
Məqalədə qeyd olunur ki, bu il Con Koul Belarusa ən azı dörd dəfə səfər edib ki, bu da Vaşinqtonla Minsk arasında diplomatik əlaqələrin intensivləşdiyini göstərir.
14-12-2025, 19:10
Keçmiş sovet ölkələrinə xəbərdarlıq edildi
Almaniya kansleri Fridrix Merts Rusiya prezidenti Vladimir Putinin xarici siyasətinin yalnız Ukraynadakı müharibə ilə məhdudlaşmayacağını və Sovet İttifaqını əvvəlki sərhədlərinə qaytarmağa yönəldiyini bildirib .
Bu barədə Almaniya mətbuatı məlumat yayıb.
Merzin sözlərinə görə, Rusiya lideri "Avropada sərhədlərdə fundamental dəyişiklikdə" maraqlıdır və bu əvvəllər SSRİ-nin tərkibində olan ölkələr üçün ciddi hərbi təhlükə yaradır.
"Putin dayanmayacaq. Əgər Ukrayna süqut etsə, dayanmayacaq", - deyə Almaniya kansleri hesab edir.
Merz qeyd edib ki, Ukraynaya davamlı yardım, eləcə də Avropa birliyi və Birləşmiş Krallıqla strateji əməkdaşlıq Almaniyanın xarici və müdafiə siyasətinin prioritetləridir. O, həmçinin NATO-nun qorunub saxlanılmasının vacibliyini vurğulayıb və bunun effektivliyi əvvəllər ABŞ prezidenti Donald Tramp tərəfindən şübhə altına alınıb.
14-12-2025, 16:36
Sudanda kütləvi məzarlıq salındı
Sudanın paytaxtı Xartumda ordunun və silahlı birləşmələrin qarşıdurmasından sonra kütləvi məzarıqlarla bağlı ən son fotolar yayılıb.
Bu barədə "Aljazeera" məlumat yayıb.
Şiddətli döyüşlər getdiyi zaman insanlar cənazələri evinin həyətində dəfn edirdi.
Agentliyin verdiyi məlumata görə, döyüşlər səbəbindən qəbiristanlıqlara çıxış mümkün olmayıb.
Hazırda Xartum Vilayəti müvəqqəti şəkildə dəfn edilmiş insanların qalıqlarının çıxarılaraq qəbiristanlıqlara köçürülməsi üçün genişmiqyaslı kampaniyaya start verilib.
Məzarlıqların qazılması prosesini həyata keçirmək üçün dövlət və yerli komitələr yaradılıb. Bu komitələrə məhkəmə-tibbi ekspertiza, Mülki Müdafiə, Sudan Qızıl Hilalı, həmçinin məhəllə idarəetmə və xidmət komitələrinin nümayəndələri daxildir.
Proses mərhələli şəkildə aparılacaq. İlk mərhələ müvəqqəti dəfn yerlərinin müəyyən edilməsindən ibarətdir.
Bundan sonra ailələr məlumatlandırılır və onlara qazılmadan tutmuş yenidən dəfnə qədər bütün mərhələlərdə iştirak edəcək bir nümayəndə təyin etmək imkanı verilir.
Qeyd edək ki, Sudanda döyüşlər Sudan ordusu ilə paramilitar Rapid Support Forces (RSF) arasında gedirdi. Bir tərəfdə Sudan Silahlı Qüvvələri (rəsmi ordu), digər tərəfdə Rapid Support Forces (RSF) adlanan silahlı paramilitar qruplaşma halında mübarizə aparırlar. Bu qarşıdurma 2023-cü ildən başlayaraq xüsusilə Xartum, Omdurman və Xartum Şimal kimi şəhərlərdə şiddətli döyüşlərə səbəb olub və ölkədə ağır humanitar böhran yaradıb.
14-12-2025, 16:07
“Bir şərtlə NATO-dan imtina edərik” - Zelenski
Ukrayna Prezidenti Volodimir Zelenski ölkəsinin NATO-ya üzv olmaq ideyasından bir şərtlə imtina etməyə hazır olduğunu bildirib.
Bu barədə yerli media məlumat yayıb.
Ukrayna lideri vurğulayıb ki, Ukraynanın NATO-ya üzvlüyü məsələsində kompromisə getməyə hazırdır:
“ABŞ ilə ikitərəfli razılaşma və Rusiyanın yenidən hücum etməməsi üçün Avropa İttifaqı və digər ölkələrdən zəmanət təmin ediləcəyi təqdirdə, Şimali Atlantika Alyansına daxil olmaqdan imtina edə bilərik”.
14-12-2025, 15:53
Levon Ter-Petrosyan Ermənistan Milli Konqresinin sədri seçildi
Ermənistanın ilk prezidenti Levon Ter-Petrosyan Ermənistan Milli Konqresinin sədri vəzifəsinə yenidən seçilib.
Bu barədə Ermənistan mediasi məlumat yayıb.
Məlumata görə, bu qərar partiyanın bu gün keçirilən qurultayında qəbul edilib.
14-12-2025, 15:44
Avstraliyada yəhudilərə hücum - Ölənlərin sayı 12 nəfər çatdı
Avstraliyanın Sidney şəhərindəki (Yeni Cənubi Uels ştatı) Bondi çimərliyində baş verən atışmada həlak olanların sayı 12 nəfərə yüksəlib.
Atışma terror aktı kimi təsnif edilib.
"Bir polis nəfəri və atıcılardan biri də daxil olmaqla, azı 12 nəfər həlak olub. Digər hücumçu yaralanıb və ağır vəziyyətdə nəzarət altındadır. Şəhər xəstəxanalarına ən azı 25 nəfər aparılıb. Yaralılar arasında iki polis də var", - deyə açıqlamada bildirilir.
Atəş açanlardan birinin şəxsiyyəti də müəyyən olunub – onun Navid Əkrəm olduğu bildirilib.
KİV-in məlumatına görə, ştat polisi hadisə yerində şübhəli əşya aşkarlayıb, bunun kustar üsulla hazırlanmış partlayıcı qurğu olduğu ehtimal edilir və onun zərərsizləşdirilməsi üzərində iş aparılır.
Qeyd edək ki, bayram tədbirinə təxminən yəhudi icmasının 2 min nəfər nümayəndəsi qatılıb.
***
13:45
Avstraliyanın Sidney şəhərindəki Bondi çimərliyində atışma baş verib.
Avstraliyanın Sidney şəhərində terror aktı baş verib.
İlkin məlumatlara əsasən, hücum nəticəsində azı 10 nəfər həlak olub, 60 nəfər yaralanıb.
Hadisə Sidneyin mərkəzi hissəsində, yəhudi icmasının Hanuka bayramını qeyd etdiyi zaman baş verib. İlkin məlumatlara görə hücumu törədən şəxslərin 2 nəfər olduğunu bildirir.
14-12-2025, 14:48
Berlində iğtişaşlar - 18 nəfəri saxlanıldı
Berlin polisi şənbə günü keçirilən nümayişdən sonra ictimai asayişin pozulması ilə bağlı 18 nəfəri saxlayıb.
Bu barədə yerli polisin "X" sosial şəbəkəsindəki açıqlamasında bildirilib.
Məlumata görə, Berlinin Fridrixshayn rayonunda radikal solçu tərəfdarların nümayişi zamanı baş verən iğtişaşlarda səkkiz polis əməkdaşı xəsarət alıb.
"Hazırkı məqamda ictimai asayişin, Almaniya Cinayət Məcəlləsinin 86a maddəsinin (anti-konstitusion təşkilatların simvollarından istifadənin qadağan olunması) və partlayıcı maddələr haqqında qanunun pozulması ilə əlaqədar 18 nəfəri saxlamağa məcbur olduq", – açıqlamada qeyd olunub.
Hüquq mühafizə orqanlarının məlumatına görə, Almaniyanın paytaxtında keçirilən mitinqdə təxminən min nəfər iştirak edib, təhlükəsizliyi isə 500 polis təmin edib. Gecəyə yaxın nümayişçilər aqressiv davranmağa başlayaraq polislərə butulkalar, fişənglər atıb və qadağan olunmuş təşkilatların şüarlarını səsləndiriblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!