5-03-2026, 14:11
Paşinyan Ermənistandakı Rusiya bazasından danışdı
Gümrüdə yerləşən 102-ci Rusiya hərbi bazası Ermənistanın Qərbə baxışına maneə yaratmayıb.
Bunu Ermənistanın Baş naziri Nikol Paşinyan bildirib.
O, İrəvandakı brifinqdə bazanın Ermənistanın Qərbə gedən yoluna mane olub-olmadığı ilə bağlı suala cavab verib.
Baş nazir sualı səhv ifadə edilmiş hesab edərək deyib: "Ermənistan heç yerə getmir".
"Sözlərimi təhrif edirsiniz. Mən heç vaxt Ermənistanın Qərbə doğru irəlilədiyini deməmişəm. Avropa İttifaqına üzvlüyə gəldikdə isə mən bu barədə Avrasiya İqtisadi İttifaqı kontekstində danışmışam. Hələ ki Rusiya hərbi bazasının Qərbə baxışımıza maneə törədəcəyi mərhələsində deyilik. Əgər görsək ki, bu, baxışımıza maneə törədir, onda düşünəcəyik: əgər heç bir problem yoxdursa, necə hərəkət etməliyik?",- Paşinyan deyib.
Baş nazir bir daha təkrarlayıb ki, Ermənistanın Rusiya ilə münasibətləri pisləşdirmək və ya onun maraqlarına zidd bir şey etmək məqsədi yoxdur. O deyib ki, Ermənistanın vəzifəsi yalnız öz maraqları ilə idarə olunmaqdır.
Xatırladaq ki, 102-ci Rusiya hərbi bazası 1995-ci ildə Moskva ilə İrəvan arasında bağlanmış dövlətlərarası müqaviləyə uyğun olaraq Ermənistanda yerləşir. 20 avqust 2010-cu ildə Rusiya və Ermənistan bazanın yerləşdirilməsi ilə bağlı müqaviləni 2044-cü ilə qədər uzadıblar.
4-03-2026, 18:35
İran-Türkiyə sərhədində məhdudiyyət
İran öz vətəndaşlarının Türkiyə istiqamətində sərhədi keçməsinə müvəqqəti məhdudiyyət tətbiq edib.
Vunu Türkiyənin daxili işlər naziri Mustafa Çiftçi açıqlayıb.
Nazir bildirib ki, hazırda İran-Türkiyə sərhədində Türkiyə vətəndaşlarının və üçüncü ölkə vətəndaşlarının keçidinə icazə verilir.
Onun sözlərinə görə, Türkiyə tərəfi də İran vətəndaşlarının öz ölkələrinə qayıdışına maneə yaratmır. Mövcud vəziyyətin sabit olduğu vurğulanıb. Sərhəd-keçid məntəqələrində hər hansı fövqəladə sıxlıq və ya gərginlik müşahidə edilmir və narahatlıq doğuran durum yoxdur.
4-03-2026, 18:14
ABŞ İrana qarşı əməliyyatları dərinləşdirir
İran müharibənin ilk günləri ilə müqayisədə daha az raket atır.
Bu barədə ABŞ Baş Qərargah Rəisləri Komitəsinin sədri Dan Caine deyib.
O, İranın hərbi imkanlarının ciddi şəkildə zəiflədiyini vurğulayıb.
ABŞ zərbələri bundan sonra İran ərazisinin daha dərin hissələrinə doğru genişləndiriləcək. Bu addımın ABŞ qüvvələri üçün əlavə əməliyyat imkanları yaratdığı qeyd olunur.
ABŞ-ın müdafiə naziri Pete Hegseth müharibədə üstünlüyün Vaşinqtonun tərəfində olduğunu bildirib. Münaqişə başlayandan indiyədək 6 amerikalı hərbçi həlak olub.
4-03-2026, 17:22
İranı əslində o idarə edir
İranda ali lideri Ayətullah Seyid Əli Xameneinin ölümündən sonra müvəqqəti liderlər şurasının yaradılacağını elan edən veteran siyasətçi Əli Laricani yenidən ölkə gündəminin mərkəzinə çıxıb. O, rejimin təhlükəsizlik iyerarxiyasında ən nüfuzlu fiqurlardan biri kimi təqdim olunur və hazırda İranın faktiki idarəedicisi sayılır.
Məlumata görə, Laricani nüvə danışıqlarından tutmuş Tehranın regional əlaqələrinə və daxili etirazların yatırılmasına qədər geniş spektrdə məsələlərə nəzarət edir. Vaşinqtonun yanvar ayında hökumət əleyhinə etirazların yatırılmasındakı roluna görə ona qarşı sanksiyalar tətbiq etməsindən qısa müddət sonra Laricani İranın ABŞ ilə nüvə sazişi istiqamətində səylərinə rəhbərlik edib.
1958-ci ildə İraqın Nəcəf şəhərində anadan olan Laricani tanınmış ruhani ailəsində böyüyüb. Atası Ayətullah Haşimi Mirzə Amoli şah dövründə sürgün edilib. 1979-cu il inqilabından sonra ailə İrana qayıdıb. Laricani fəlsəfə üzrə doktorluq dərəcəsi alıb, qardaşları isə məhkəmə və diplomatik strukturlarda yüksək vəzifələr tutublar.
Karyerası ərzində o, İslam İnqilabı Keşikçiləri Korpusunun üzvü olub, həmçinin dövlətə məxsus IRIB teleradio şirkətinə rəhbərlik edib. 2005–2007-ci illərdə İranın baş nüvə danışıqçısı kimi çıxış edən Laricani Tehranın uran zənginləşdirmə hüququnu qətiyyətlə müdafiə edib.
2008–2020-ci illərdə parlamentin sədri vəzifəsini tutan siyasətçi 2015-ci ildə İranla altı dünya dövləti arasında imzalanmış nüvə sazişi prosesində də fəal rol oynayıb. Həmin sazişdən ABŞ 2018-ci ildə, prezident Donald Trampin qərarı ilə geri çəkilmişdi.
2021-ci ildə Xamenei Laricanini Çinlə 25 illik strateji əməkdaşlıq sazişi üzrə danışıqlara məsul şəxs təyin edib. Son aylarda onun həm Omana, həm də Moskvaya səfərləri, eləcə də ABŞ ilə mümkün danışıqlarla bağlı praqmatik açıqlamaları diqqət çəkib. Laricani fevral ayında Oman televiziyasına müsahibəsində ABŞ-ın nüvə silahı ilə bağlı narahatlığının danışıqlar yolu ilə aradan qaldırıla biləcəyini bildirib. Bununla yanaşı, o, İranın nüvə proqramının “heç vaxt məhv edilə bilməyəcəyini” də vurğulayıb.
2025-ci ilin dekabrından başlayan və 1979-cu ildən bəri hakimiyyət üçün ən ciddi çağırış sayılan etirazlar fonunda Laricaninin rolu xüsusi diqqət çəkib. ABŞ-ın sanksiya qərarına əsasən, o, yanvar etirazlarının yatırılmasında əsas fiqurlardan biri olub. Hadisələrdən sonra onun təhlükəsizlik strukturları və SEPAH komandirləri ilə əlaqələrini gücləndirdiyi bildirilir.
Mənbələr iddia edirlər ki, yanvar hadisələrindən sonra Laricani böhranı nəzarətə götürərək seçilmiş hökumətin səlahiyyətlərini faktiki olaraq məhdudlaşdırıb və prezident Məsud Pezeşkianı prosesdən kənarlaşdırıb. Beləliklə, o, ölkənin həm müttəfiqləri, həm də rəqibləri ilə münasibətləri birbaşa idarə edən əsas fiqura çevrilib.
Ruhani olmadığı üçün Laricani formal olaraq ali lider postuna namizəd ola bilməz. Lakin analitiklər hesab edirlər ki, Xameneinin vəfatı halında ölkədə ruhani rejimin davamlılığı sual altına düşə bilər və Laricani kimi daha dünyəvi, sərt xətt tərəfdarı olan siyasətçi hakimiyyəti ələ ala bilər. Bu isə İran siyasətinin daha militarist və proqnozlaşdırılması çətin mərhələyə keçməsi ilə nəticələnə bilər.
4-03-2026, 16:58
Hakan Fidan Abbas Əraqçıyə etiraz etdi
Türkiyənin xarici işlər naziri Hakan Fidan iranlı həmkarı Abbas Əraqçı ilə İrandan Türkiyə istiqamətinə atılan ballistik raketin zərərsizləşdirilməsinə dair telefon danışığı aparıb.
Türkiyənin "Hürriyet" qəzetinin məlumatına görə, Fidan İranı münaqişəni gərginləşdirə biləcək addımlardan çəkinməyə çağırıb.
Daha əvvəl Türkiyə Müdafiə Nazirliyi İrandan Türkiyəyə doğru atılan ballistik raketin Aralıq dənizində NATO hava hücumundan müdafiə qüvvələri tərəfindən zərərsizləşdirildiyini bəyan etmişdi
Raket qalıqları cənubdakı Hatay əyalətinə düşüb.
4-03-2026, 16:50
İran ölənlərin sayını açıqladı - 1045 nəfər dəfn olunub
ABŞ və İsrailin hücumu zamanı İranda ölənlərin sayı açıqlanıb.
Bu barədə İranın Şəhidlər və Veteranlarla İş Fondu məlumat yayıb.
Qeyd olunub ki, hücumlar nəticəsində ölənlərdən indiyə qədər dəfn edilənlərin sayı 1045 nəfərdir.
4-03-2026, 16:44
Xameneinin xələfi nə vaxt elan ediləcək? - AÇIQLAMA
İranın Ekspertlər Şurası İslam Respublikasının yeni ali liderinin seçilməsi prosesinə başlayıb. ABŞ-İsrail hücumu nəticəsində öldürülmüş Ayətullah Əli Xameneinin xələfi ilə bağlı yekun qərar Şuranın katibliyi vasitəsilə elan ediləcək.
Ekspertlər Şurasının üzvü Mahmud Rəcəbi yeni ali liderin müəyyən edilməsi üçün işlərin başlandığını təsdiqləyib.
"İnqilab liderinin seçilməsi prosesi başlayıb və yekun qərar Ekspertlər Şurasının katibliyi vasitəsilə elan ediləcək", - o deyib.
Ekspertlər Şurası dövlətin ali liderinin təyin edilməsindən məsul olan məsləhətçi orqandır. O, səkkiz il müddətinə seçilən 88 ruhanisən ibarətdir.
Ölkə Konstitusiyasının 111-ci maddəsinə əsasən, ekspertlər hazırkı liderin ölümü, istefası və ya vəzifədən kənarlaşdırılması halında mümkün qədər tez yeni lider təyin etməyə borcludurlar.
Siyasi analitiklər mərhum Ayətullah Əli Xameneinin oğlu Müctəba Xameneini ali lider uğrunda mübarizədə ön sıralarda yer alan namizədlərdən biri kimi təqdim edirlər. Hətta onun artıq seçildiyi barədə söz-söhbət də dövriyyəyə buraxılıb.
4-03-2026, 15:50
İrandan Türkiyəyə atılan raket havada vuruldu
İrandan Türkiyənin hava məkanına doğru irəliləyən ballistik raket aşkarlanıb.
Bu barədə Türkiyə Milli Müdafiə Nazirliyi məlumat yayıb.
Qeyd olunub ki, aşkarlanan ballistik raketlər, Şərqi Aralıq dənizində yerləşdirilən NATO hava və raketdən müdafiə qüvvələri tərəfindən zərərsizləşdirilib.
4-03-2026, 01:30
Tramp: Biz hücum etməsəydik, İran edəcəkdi
ABŞ Prezidenti Donald Tramp ABŞ-ı İranla müharibəyə İsrailin sürüklədiyi barədə iddiaları təkzib edib.
Tramp bunu Almaniya kansleri Friedrich Merz ilə Oval Ofisdə görüşü zamanı jurnalistlərin suallarına cavab verərkən bildirib.
O vurğulayıb ki, ABŞ hücum etməsə idi ilk hücumu İran edəcəkdi. Tramp həmçinin bildirib ki, İsrail hücuma hazır idi və ABŞ tərəfindən həyata keçirilən zərbələr Tehranın hava müdafiəsi, donanması və digər silah sistemlərinə ciddi zərbə vurub.
ABŞ lideri əlavə edib ki, ölkənin silah ehtiyatlarında problem yoxdur və müharibədə istədikləri qədər orta və yüksək səviyyəli mərmi istifadə edə bilirlər.
4-03-2026, 00:57
Dubaydakı ABŞ Konsolosluğuna PUA hücumu
Birləşmiş Ərəb Əmirliklərinin Dubay şəhərində ABŞ Konsolosluğuna insansız hava vasitəsi ilə hücum edilib və binada kiçik yanğın baş verib.
Dubay Hökumətinin Mediya Ofisi yanğının nəzarət altına alındığını və hadisə zamanı xəsarət alan olmadığını bildirib.
Hücumda istifadə olunan kamikaze tipli PUA-nın mənşəyi hələ məlum deyil.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!