2-10-2025, 15:59
İstanbulda 5 bal gücündə zəlzələ
Bu gün İstanbulda 5 bal gücündə zəlzələ olub.
Bu barədə AFAD məlumat yayıb.
Hələlik dağıntı və tələfat barədə məlumat yoxdur.
2-10-2025, 15:39
Ərdoğan uzun illər sonra Davudoğlu və Babacanla bir arada - FOTO
Ötən gün Türkiyə Böyük Millət Məclisinin yeni sessiyası münasibətilə rəsmi qəbul keçirilib.
Tədbirdə ölkə Prezidenti, AK Partiyanın sədri Rəcəb Tayyib Ərdoğan da iştirak edib.
Hökumət üzvləri, siyasi partiya liderləri, incəsənət nümayəndələri və digər rəsmilərin qatıldığı tədbirdə Ərdoğan Gələcək Partiyasının sədri Əhməd Davudoğlu və DEVA Partiyasının sədri Əli Babacanla yanaşı əyləşib.
Bundan başqa, Ərdoğanla Davudoğlu bir müddət səmimi söhbət edib. Uzun illər sonra ortaya çıxan bu görüntülər maraqla qarşılanıb.
Bildirilir ki, rəsmi qəbulda CHP sədri Özgür Özel və bu partiyanın millət vəkilləri həmçinin İYİ Partiyasının lideri Müsavat Dərvişoğlu iştirak etməyib.
Qeyd edək ki, Ə.Davudoğlu və Ə.Babacan Türkiyənin hakim partiyası AKP-nin keçmiş üzvləridir.
1-10-2025, 21:48
Onlar Saakaşvilini hakimiyyətə gətirmək istəyir
“Müxalif Milli Hərəkat Partiyasının əsas planı keçmiş prezident Mixail Saakaşvilini hakimiyyətə qaytarmaqdır. Lakin bu baş tutmayacaq, çünki hökumət bunun qarşısını almaq üçün hər şeyi edəcək”.
Bunu jurnalistlərə açıqlamasında Gürcüstan parlamentin vitse-spikeri Qia Volski bildirib.
Onun sözlərinə görə, hazırda insanları küçələrə, aksiyalara dəvət edən Paata Burçuladze irəli getmək və müxalif hərəkatda populyarlığını qorumaq və bunun üçün fantazmaqorik ssenarilərdən istifadə etmək istəyir. Ümumiyyətlə qeyri-adekvat adam təəssüratı yaradan bu insan açıq şəkildə Milli Hərəkatın vəsiqələrini göstərib, “qan tökmək lazımdır” deyir.
Vitse-spiker bildirib ki, Mixeil Saakaşvilinin lideri olduğu Milli Hərəkat partiyası oktyabrın 4-də Tbilisidə izdihamlı mitinq və küçə yürüşləri elan edib. Eks-prezident vətəndaşlar və tərəfdarlarına müraciət edərək, onları həmin gün fəal olmağa, küçələrə çıxmağa çağırıb.
Oktyabrın 4-də Gürcüstanda yerli seçkilər keçiriləcək. Müxalifət həmin gün kütləvi etiraz aksiyası keçirməyi planlaşdırıb.
1-10-2025, 21:08
Yunanlar 13 saat işləmək istəmir
Yunanıstan paytaxtı Afinada minlərlə insan küçələrə çıxaraq hökumətin əmək qanunvericiliyinə təklif etdiyi dəyişikliklərə etiraz edib.
Dövlət qulluqçuları və həmkarlar ittifaqları ilə yanaşı özəl sektor işçiləri də 24 saatlıq ümummilli tətil elan ediblər.
Qeyd olunur ki, təklif olunan dəyişikliklər iş şəraitinə daha çox “elastiklik” gətirməyi nəzərdə tutur. Yeni qanun layihəsinə görə, bəzi növbələr 13 saata qədər uzadıla bilər. Bundan başqa, həftəlik iş vaxtı 48 saat olaraq müəyyənləşdirilir və illik maksimum 150 saatlıq əlavə işləməyə icazə verilir.
Lakin Yunanıstanın Ümumi Həmkarlar Konfederasiyası bunun əksinə olaraq iş həftəsinin 37,5 saat müəyyən edilməsini tələb edir. İttifaq nümayəndələri bəyan ediblər ki, uzunmüddətli iş rejimi insanları tükəndirir: “Biz 13 saatlıq növbəyə qarşıyıq. İşçilərin dözümünün də bir həddi var.”
Tətil çərçivəsində Afinada ictimai nəqliyyat, taksilər və dövlət idarələri ya fəaliyyətini dayandırıb, ya da qısa iş qrafiki ilə işləyib.
1-10-2025, 20:22
Paşinyan da İlham Əliyevin qatıldığı sammitə getdi
Ermənistanın Baş naziri Nikol Paşinyan oktyabrın 2-də Kopenhagendə keçiriləcək Avropa Siyasi Birliyinin 7-ci sammitində iştirak etmək üçün Danimarkaya yola düşüb.
Bu barədə Ermənistan hökumətinin mətbuat xidməti məlumat yayıb.
Paşinyan sammit çərçivəsində beynəlxalq tərəfdaşlarla bir sıra ikitərəfli görüşlər də keçirəcək.
Xatırladaq ki, Azərbaycan Prezidenti İlham Əliyevin də zirvə toplantısında iştirak etmək üçün Kopenhagenə gedib.
Sammitdə Avropada təhlükəsizlik, Ukraynaya dəstək və regional əməkdaşlıq əsas mövzular olacaq.
1-10-2025, 20:07
Paşinyanla daşnaklar arasında sərt polemika
Ermənistanın Baş naziri Nikol Paşinyan parlamentdə keçirilən hökumət saatında müxalif “Ermənistan” fraksiyasının deputatı, “Daşnaksutyun” partiyasının üzvü Geqam Manukyanla kəskin mübahisə edib.
Mübahisəyə səbəb deputatın 8 avqustda Vaşinqtonda Azərbaycan və Ermənistan liderləri tərəfindən imzalanmış bəyannamənin məzmununa şübhə ilə yanaşması olub.
Manukyan, həmçinin Paşinyanın rəhbərlik etdiyi “Vətəndaş müqaviləsi” partiyasının maliyyə mənbələri barədə suallar qaldırıb. Buna cavab olaraq Paşinyan deputatı yalançılıqda ittiham edib və onu inqilaba çağırışlardan imtina etməkdə qınayıb:
“Son 7 ildə 87 dəfə inqilaba çağırış etmisiniz. Amma Vaşinqton Bəyannaməsindən sonra susmusunuz. Əgər hər şey bu qədər pisdirsə, niyə hələ də parlamentdəsiniz? Gedin, küçələrdə inqilab edin. Burada yumşaq kreslolarda oturmağa utanmırsınızmı?” – deyə Paşinyan bildirib.
Baş nazir daha sonra “Daşnaksutyun” partiyasını gizli fəaliyyət aparmaqda və xarici ölkələrdən maliyyə dəstəyi almaqda ittiham edib:
“Mən düşünürəm ki, bəzi ölkələrin büdcəsindən sizə çamadanlarla vəsait gətirilir. Siz yalnız Ermənistan Respublikasından maaş almırsınız”, – deyə o vurğulayıb.
1-10-2025, 16:34
Ukraynaya daha 4 milyard avro verildi
Avropa Komissiyası Ukraynaya 4 milyard avro dəyərində makromaliyyə yardımının doqquzuncu tranşını ayırıb.
Müharibə başlayandan bəri Aİ-nin ümumi dəstəyi 178 milyard avroya yaxınlaşır.
Ukraynanın baş naziri Yuliya Svırıdenko bildirib ki, ödənişin bu gün, Ukraynanın Müdafiəçiləri Günündə edilməsi simvolikdir.
1-10-2025, 15:27
Ərdoğan Trampı təriflədi
Türkiyə prezidenti Rəcəb Tayyib Ərdoğan sosial şəbəkədəki paylaşımında Ağ Evin rəhbərini tərifləyib. Ərdoğan deyib:
“ABŞ prezidenti cənab Trampın Qəzzada axan qanın dayandırılması və atəşkəsin yaradılması istiqamətində göstərdiyi səylər və liderlik təqdirə layiqdir”.
Ərdoğan öz yazısında Türkiyənin tərəflər üçün qarşılıqlı məqbul, ədalətli və davamlı sülhün bərqərar olmasına yönəlmiş prosesə töhfə verməyə davam edəcəyini də qeyd edib.
30-09-2025, 20:20
Putindən çox məyus oldum
Prezident Putindən çox məyus oldum.
Bu barədə ABŞ Prezidenti Amerika hərbi rəhbərliyi ilə görüşündə bildirib.
“Mən dedim ki, düşünürəm o, buna son qoyacaq. O, bu müharibəni bir həftəyə başa vurmalı idi. Mən isə ona dedim: “Bilirsən, o qədər də yaxşı görünmürsən. Sən bir həftə çəkməli olan müharibəni dörd ildir aparırsan. Sən, “kağız pələng”sən?”.
30-09-2025, 20:15
İş adamından rüşvət alan general SAXLANILDI
Sentyabrın 30-da səhər saatlarında Rusiya Federasiyası Daxili İşlər Nazirliyinin İqtisadi Təhlükəsizlik Baş İdarəsinin əməkdaşları Fövqəladə Hallar Nazirliyinin Kabardin-Balkar Respublikası üzrə Baş İdarəsinin rəisi, general-mayor Mixail Nadejini saxlayıblar.
Bu barədə TASS-a hüquq-mühafizə orqanlarındakı mənbə bildirib. General 2 milyon rublu mənimsəməkdə (Rusiya Cinayət Məcəlləsinin 290-cı maddəsinin 6-cı hissəsi – xüsusilə külli miqdarda rüşvət alma) şübhəli bilinir. Axtarışlar Nadejinin mənzilində və iş yerində aparılıb.
İstintaqın məlumatına görə, general iş adamı Anzor Noqmovdan rüşvət alıb, bundan sonra heç bir yoxlama aparmadan yanğın təhlükəsizliyi ilə bağlı sənədləri təsdiqləyib. Mənbənin bildirdiyinə görə, şübhəli şəxs sənaye və yanacaq-energetika müəssisələrində qəza-xilasetmə əməliyyatlarının aparılması üçün müqavilələr imzalayıb. Reallıqda isə Fövqəladə Hallar Nazirliyi tərəfindən binada heç bir yoxlama aparılmayıb.
Mash-ın məlumatına görə, hüquq-mühafizə orqanlarının əməkdaşları Nadejinin evindən kompüter və 2022-2024-cü illərə aid sənədləri götürüblər. Kanalın bildirdiyinə görə, adı çəkilən iş adamı Noqmov Nalçikdə kommersiya daşınmaz əmlakında işləyir, xüsusən də anbarlar və pərakəndə satış yerləri tikir. İş adamı bu layihələrdən birini həyata keçirərkən bu məmura rüşvət verib ki, Nadejin hadisə yerinə getmədən yanğın təhlükəsizliyinə dair yoxlama aktlarını imzalasın.
Nadejin 2015-ci ildə Kabardin-Balkar Fövqəladə Hallar Nazirliyinin rəhbəri olub. 2019-cu ildə ona daxili xidmət general-mayoru rütbəsi verilib.
Bir gün əvvəl Rusiya Milli Qvardiyasının Şimali Osetiya departamentinin rəisi, 58 yaşlı general-mayor Valeri Qolota rüşvətxorluq maddəsi ilə cinayət işi üzrə (Rusiya Cinayət Məcəlləsinin 290-cı maddəsinin 6-cı hissəsi) həbs edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!