Dünya » Səhifə 966

7-11-2022, 15:52

Etirazçılar İran bayrağını zibil qutusuna atıb yandırdılar

İranın Mərivan şəhərində etirazçılar ölkənin dövlət bayrağını zibil qutusuna ataraq yandırıblar. Bu barədə “Azad İran” teleqram kanalı məlumat yayıb. Görüntülərdə molla rejiminə etiraz edən sakinlərin “Xameneiyə ölüm olsun!” və “Diktatora ölüm olsun!” şüarları ilə bayrağı yandırması anı əks olunub. Qeyd edək ki, İranda sentyabrda başlayan etiraz aksiyaları bütün ölkə üzrə davam edir.

Etirazçılar İran bayrağını zibil qutusuna atıb yandırdılar

7-11-2022, 15:47

Yaponiyadan İrana etiraz - Bu addımı pisləyirik

Yaponiya hökuməti İranın Rusiyaya pilotsuz uçuş aparatları (PUA) göndərməsini pisləyir. Bunu Yaponiya Nazirlər Kabinetinin baş katibi Hirokazu Matsuno bildirib. O, İranı regionda sülhün və sabitliyin təmin edilməsi üçün konstruktiv rol oynamağa çağırıb. “Biz İranın Rusiyaya pilotsuz uçuş aparatları göndərməsini kəskin şəkildə pisləyirik”, - deyən baş katib vurğulayıb. “Biz İranı regionda və ümumiyyətlə, dünyada sülhün və sabitliyin təmin olunması üçün konstruktiv rol oynamağa çağırırıq. Bu hərəkəti gələcəkdə də davam etdirəcəyimizi bildiririk”, - deyə Yaponiya rəsmisi əlavə edib. Xatırladaq ki, noyabrın 5-də İranın xarici işlər naziri Hüseyn Əmir Abdullahian “Fars” xəbər agentliyinə müsahibəsində Ukraynada əməliyyatlar başlayandan bəri İranın hər ay Moskvaya az sayda PUA-lar göndərdiyini bildirib.

Yaponiyadan İrana etiraz - Bu addımı pisləyirik

6-11-2022, 23:19

Daha bir qəza - 17 nəfər yaralandı

Türkiyənin paytaxtı Ankara şəhərində ağır yol-nəqliyyat hadisəsi baş verib. Butov.az xəbər verir ki, Nevşehirdə mikroavtobusun aşması nəticəsində 17 nəfər xəsarət alıb. Yaralılar Nevşehir və ətraf vilayətlərdəki xəstəxanalara çatdırılıb. Qəza səbəbindən magistral yolda nəqliyyatın hərəkəti müvəqqəti dayandırılıb.

Daha bir qəza - 17 nəfər yaralandı

6-11-2022, 23:15

Rusiya Suriyanın şəhərini bombaladı - Ölənlər var

Rusiya təyyarələri Suriyanın şimal-qərbində yerləşən İdlib şəhəri yaxınlığındakı düşərgələri bombalayıb. Bu barədə "Reuters" agentliyi yerli rəsmilərə istinadən məlumat yayıb. Bəşəd Əsəd rejiminə müxalif qüvvələrin yerləşdiyi şəhərə endirilən zərbələr nəticəsində 9 nəfərin öldüyü bildirilir. Şahidlərin sözlərinə görə, hücum Suriya ordusuna məxsus artilleriyanın köməyi ilə həyata keçirilib. Hadisə ilə bağlı Rusiya və Suriya ordusu tərəfindən hələlik heç bir açıqlama verilməyib. Müxalifət təmsilçiləri bildiriblər ki, hücumlarda 70-dən çox adam yaralanıb. Yaralılar səhra xəstəxanalarına çatdırılıb.

Rusiya Suriyanın şəhərini bombaladı - Ölənlər var

6-11-2022, 23:09

Avropadan Ukraynaya 18 milyardlıq yardım

Gələn həftə Avropa İttifaqı (Aİ) Ukraynaya 2023-cü il üçün 18 milyard avro məbləğində yardım planını təsdiqləyəcək. Bu barədə Avropa Komissiyasının Prezidenti Ursula fon der Lyayen özünün "Twitter" hesabında məlumat yayıb. “Prezident Volodimir Zelenski ilə telefon danışığı olub. Hadisələrin müsbət inkişafı: gələn həftə biz Ukraynaya 2023-cü il üçün maliyyə dəstəyi planını təklif edəcəyik”, - deyə Lyayen bildirib.

Avropadan Ukraynaya 18 milyardlıq yardım

6-11-2022, 16:15

Ermənistanın silah anbarında partlayış - Hərbçilər yaralandı

Ermənistan ordusunun Yuxarı Şorca yaşayış məntəqəsi istiqamətində yerləşən bölmələrindən birinin döyüş mövqeyində güclü yanğın olub. Butov.az xəbər verir ki, gecə saatlarında silah-sursat saxlanılan “vaqon-konteynerdə” baş verən yanğından bir müddət sonra partlayş müşahidə olunub.Partlayış nəticəsində bir neçə erməni hərbçisi yaralanıb, tikili və silah-sursat yararsız hala düşüb. Hadisədən dərhal sonra döyüş mövqeyinə bir neçə yanğınsöndürən və təcili tibbi yardım maşını gəlib. Xəsarət alan hərbçilər hospitala yerləşdirilib. Faktla bağlı cinayət işi başlanılıb, araşdırma aparılır.

Ermənistanın silah anbarında partlayış - Hərbçilər yaralandı

6-11-2022, 16:14

Dəhşətli qəza: Ölənlər və yaralılar var

Türkiyənin Amasya bölgəsində turist avtobusu inşaat maşınına çırpılıb. Qəza zamanı avtobusun ön şüşəsindən yerə düşən 1 sərnişin ölüb, 10 nəfər yaralanıb. Məlumata görə, xəstəxanada müalicə olunan sərnişinlər arasında vəziyyəti ağır olan avtobus sürücüsü və digər şəxs də tibbi müdaxiləyə baxmayaraq, həlak olub.

Dəhşətli qəza: Ölənlər və yaralılar var

6-11-2022, 16:11

53 nəfərin olduğu təyyarə gölə düşdü

Tanzaniyada sərnişin təyyarəsi hava şəraitinin pisləşməsi səbəbindən Viktoriya gölünə düşüb. Butov.az xəbər verir ki, “Precision Air” şirkətinə məxsus təyyarənin ölkənin şimal-qərbindəki Bukabo şəhərinə eniş etməzdən əvvəl gölə düşdüyü məlum olub. Qəzanın yerli vaxtla saat 10:50-də baş verdiyi deyilir. Bölgənin polis rəisi Uilyam Mvampanqhale bildirib ki, təyyarədə olan sərnişinlərin sayı və qəza nəticəsində ölənlər barədə hələlik təsdiqlənmiş məlumat yoxdur. Yerli mətbuatın məlumatına görə, təyyarədə 49-u sərnişin olmaqla 53 nəfər olub.

53 nəfərin olduğu təyyarə gölə düşdü

6-11-2022, 15:46

3 milyon insanın Kiyevdən təxliyəsi gözlənilir

Kiyevdə 3 milyon sakin evakuasiya oluna bilər. Bu barədə Kiyev administrasiyasının Təhlükəsizlik xidmətinin rəhbəri Roman Tkaçuk bildirib. Buna səbəb elektrik enerjisi tam kəsilməsi olacaq.“Bütün elektrik təchizatı sistemini itirilərsə, əhali köçürüləcək. Bunun qarşısının alınması üçün işlər görürük”,- deyə o vurğulayıb.

3 milyon insanın Kiyevdən təxliyəsi gözlənilir

6-11-2022, 14:47

Miqrantlar iğtişaş törətdilər

Miqrantlar Böyük Britaniyada genişmiqyaslı iğtişaşlara imza atıblar. Butov.az xəbər verir ki, Hitrou yaxınlığındakı Harmondsvort kəndində yerləşən müvəqqəti saxlama məntəqəsində miqrantlar iğtişaş törədiblər. Hadisəyə səbəb bir gün əvvəl, noyabrın 4-də mərkəzdə yaranan problemlər olub. Məlumata görə, düşərgədə elektrik enerjisi və su təchizatı kəsilib. Problemi gün ərzində aradan qaldırmaq mümkün olmayıb. Bunu əsas gətirən bıçaqla silahlanmış 100-ə yaxın miqrant mərkəzin heyətinə hücum edib. Əməkdaşlar hadisə yerinə polis çağırıblar.

Miqrantlar iğtişaş törətdilər