31-01-2023, 16:46
Avroviziya mahnı müsabiqəsinin loqo və şüarı açıqlandı
Bu il Britaniyanın Liverpul şəhərində keçiriləcək Avroviziya mahnı müsabiqəsinin loqo və şüarı açıqlanıb. Müsabiqənin loqosu ürəklərin birlikdə döyünməsini əks etdirir. "United by Music" müsabiqənin rəsmi şüarı olaraq seçilib. Qeyd edək ki, ötən il müsabiqədə Ukrayna qələbə qazansa da, müharibə səbəbindən yarışın Britaniyada keçirilməsinə qərar verilib. Hər iki ölkənin bayrağı rəng sxemi üçün loqoda ilham mənbəyi kimi istifadə edilib. Xatırladaq ki, mayın 9-u və 11-də Avroviziya mahnı müsabiqəsinin yarımfinal mərhələsi keçiriləcək. Mayın 13-də isə final baş tutacaq.
28-01-2023, 23:37
Mədəniyyət Nazirliyinin kollegiya dəyişikliyiylə bağlı qərar imzalandı
Mədəniyyət Nazirliyinin kollegiyasının tərkibində dəyişiklik edilib. Bu barədə Baş nazir Əli Əsədov qərar imzalayıb. Qərara əsasən, M.F.Axundzadə adına Azərbaycan Milli Kitabxanasının direktoru kollegiyadan çıxarılıb. Respublika Kino Agentliyinin Baş direktoru nazirliyin kollegiyasına daxil edilib.
28-01-2023, 17:40
Mədəniyyət Nazirliyinin kollegiya dəyişikliyiylə bağlı qərar imzalandı
Mədəniyyət Nazirliyinin kollegiyasının tərkibində dəyişiklik edilib. Bu barədə Baş nazir Əli Əsədov qərar imzalayıb. Qərara əsasən, M.F.Axundzadə adına Azərbaycan Milli Kitabxanasının direktoru kollegiyadan çıxarılıb. Respublika Kino Agentliyinin Baş direktoru nazirliyin kollegiyasına daxil edilib.
28-01-2023, 16:20
Mədəniyyət Nazirliyinin kollegiya dəyişikliyiylə bağlı qərar imzalandı
Mədəniyyət Nazirliyinin kollegiyasının tərkibində dəyişiklik edilib. Bu barədə Baş nazir Əli Əsədov qərar imzalayıb. Qərara əsasən, M.F.Axundzadə adına Azərbaycan Milli Kitabxanasının direktoru kollegiyadan çıxarılıb. Respublika Kino Agentliyinin Baş direktoru nazirliyin kollegiyasına daxil edilib.
19-01-2023, 17:05
20 Yanvar zamanı dənizçilərin şücaətinə həsr olunan filmin təqdimatı keçirildi
“Azərbaycan Xəzər Dəniz Gəmiçiliyi” QSC-də (ASCO) 20 Yanvar faciəsi zamanı dənizçilərin göstərdiyi şücaət və birliyə həsr olunmuş “20 yanvarda doğulanlar” bədii-sənədli filminin təqdimat mərasimi keçirilib. Mərasim Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin rəhbəri, millət vəkilləri, veteran dənizçilər, kino xadimləri və media nümayəndələrinin iştirakı ilə baş tutub. ASCO-nun sədri Rauf Vəliyev çıxış edərək 1990-cı ildə SSRİ ordusunun Bakıda törətdiyi cinayətlərin yalnız Azərbaycan xalqına deyil, ümumbəşəri dəyərlərə qarşı olduğunu bildirib. O, qeyd edib ki, o dövrdə nəinki hadisələrə siyasi qiymət verilməyib, əksinə, səbəbkarlar və günahkarların adları belə xalqa açıqlanmayıb. Yalnız Ümummilli lider Heydər Əliyevin ölkə rəhbərliyinə qayıdışından sonra - 1994-cü ildə 20 Yanvar hadisələrinə siyasi-hüquqi qiymət verilib. ASCO-nun sədri vurğulayıb ki, Prezident, Ali Baş Komandan İlham Əliyevin və Azərbaycan Ordusunun sayəsində həm 20 Yanvar, həm də Qarabağ müharibəsi Şəhidlərinin qisası alınıb: “44 günlük Vətən müharibəsi Azərbaycanın böyük Qələbəsi ilə başa çatdı, torpaqlarımızın Ermənistan tərəfindən işğalına son qoyuldu, 30 illik həsrət bitdi və biz doğma yurd yerlərimizə qovuşduq. Bu Zəfərlə biz sonsuz qürur yaşadıq, ən əsası isə Şəhidlərimizin qisası alınmış oldu”. 20 Yanvar faciəsinin xalqımızın azadlıq mübarizəsinin rəmzi olduğunu deyən R.Vəliyev həmin günlərdə dənizçilərin böyük fədakarlıq nümayiş etdirdiyini bildirib: “Hadisələrdən 30 ildən çox vaxt keçsə də, hələ də dənizçilərin qəhrəmanlığından danışılır. Məhz, təqdimatına toplaşdığımız “20 yanvarda doğulanlar” bədii-sənədli film faciəni ilk dünya ictimaiyyətinə çatdıran, sovet imperiyasının törətdiyi qırğın və vəhşiliyin qarşısını almağa çalışan dənizçilərimizə həsr olunub. Bədii-sənədli filmin məqsədi 20 Yanvarda dənizdə yaşanan hadisələri, dənizçilərin göstərdiyi qəhrəmanlıqları geniş auditoriyaya çatdırmaq, bu tarixi gələcək nəslə doğru-düzgün ötürməkdir”. Sədr çıxışının sonunda ekran işinin ərsəyə gəlməsində əməyi olan hər kəsə, o cümlədən yaradıcı heyətə təşəkkürünü bildirib. Sonra 20 Yanvar hadisələrinin canlı şahidi, veteran dənizçi Ağalar İbrahimov həmkarlarının şücaətindən iftixarla danışıb. O, bildirib ki, 20 Yanvar hadisələri zamanı xalqımızla həmrəy olan dənizçilərin göstərdiyi qəhrəmanlıqlar daim yüksək qiymətləndirilib. O, ASCO-nun təşəbbüsü ilə çəkilən bədii-sənədli filmin buna bariz nümunə olduğunu deyib və filmin çəkilməsində rolu olan hər kəsə minnətdarlığını bildirib. Ekran işinin quruluşçu rejissoru, Əməkdar incəsənət xadimi Elxan Cəfərov filmin istehsalat prosesindən danışıb, bildirib ki, ssenari tarixi araşdırmalar nəticəsində üzə çıxan arxiv sənədlər, şahidlərin və ekspertlərin söylədiyi faktlar əsasında hazırlanıb, filmin ssenarisinin yazılmasına, çəkilişlərinə ölkəmizlə yanaşı, xaricdən dəvət olunmuş görkəmli kino işçiləri cəlb edilib. E.Cəfərov 20 Yanvar hadisələrinə işıq salmaq, tariximizi qorumaq, dənizçilərin qəhrəmanlıqlarını gələcək nəslə çatdırmaq məqsədilə çəkilən filmə dəstək göstərdiyi üçün ASCO rəhbərliyinə təşəkkürünü bildirib. Çıxışlardan sonra “20 yanvarda doğulanlar” bədii- sənədli film nümayiş edilib. Təqdimat mərasimindən sonra qonaqlar 20 Yanvar hadisələrini özündə əks etdirən nadir fotolardan ibarət sərgiylə tanış olublar.
15-01-2023, 16:52
Gürcüstanın məşhur incəsənət nümayəndəsi vəfat etdi
Məşhur gürcü müğənnisi və aktyoru Vaxtanq Kikabidze dünyasını dəyişib. Kikabidze uzun sürən xəstəlikdən sonra 84 yaşında vəfat edib. O, Gürcüstanın xalq artisti, eləcə də bir müddət parlamentin deputatı olub. Qeyd edək ki, V.Kikabidze 1938-ci ildə Tbilisdə anadan olub.
13-01-2023, 19:43
Tanınmış rejissorun ölkədən çıxışı məhdudlaşdırıldı
Tanınmış rejissor və aktyor Aqil Quliyev məhkəməyə verilib. Onun barəsində İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi xüsusi icraat qaydasında iddia qaldırıb. İddia Bakı Kommersiya Məhkəməsinə göndərilib. İddiaya əsasən, aktyor Aqil Quliyev vergi borcunu bir müddətdir ödəmir. Bu səbəbdən adı çəkilən dövlət qurumu məhkəməyə müraciətində onun ölkədən çıxışına müvəqqəti qadağa qoyulmasını tələb edir. Şikayətə Bakı Kommersiya Məhkəməsində baxılacaq. Aqil M.Quliyev isə açıqlamasında məsələdən xəbərdar olduğunu bildirib: “Sənədləşmə işlərində problem yaranıb. İllərdir işləmirəm. Vergi borclarım toplanıb. Bu barədə başqa söz demək istəmirəm”.
7-01-2023, 23:50
Dilruba Camalova - 85
Dilruba xanım Camalovanın əmək fəaliyyətinin əsas hissəsi Cənub diyarının paytaxtı Lənkəranla bağlıdır. Lənkəran şəhər 2 saylı orta məktəbində fizika-riyaziyyat müəllimi kimi fəaliyyətə başlayan Dilruba Camalova sonralar müxtəlif vəzifələrdə çalışıb.Lənkəran şəhər maarif şöbədinin metodisti və müdiri, Lənkəran Şəhər Partiya Komitəsinin ikinci, sonra birinci katibi, Azərbaycan Pedaqoji Kadrlarının İxtisasartırma İnstitutu Lənkəran filialının direktoru, Lənkəran Dövlət Universitetinin prorektoru, Cənub regionunda Yeni Azərbaycan Partiyasının təşkilatçısı, Lənkəran Şəhər İcra Hakimiyyətinin başçısı olaraq məsul və şərəfli vəzifələrdə çalışıb.Sonra Dilruba xanım yeni yaranmış Azərbaycan Respublikası Qadın Problemləri üzrə Dövlət Komitəsi sədrinin birinci müavini vəzifəfəsinə təyin edilib.
Bu vəzifədə ölkədə gender siyasətini fəal təbliğ edir, qadınların maariflənməsində səyini əsirgəmirdi.
Dilruba xanım son dərəcə ciddi, eyni zamanda səmimi və xeyirxah insan idi. Dövlətə və dövlətçiliyimizə sadiq idi. Ulu öndər Heydər Əliyev ordusunun ən sadiq əsgərlərindən idi.Ulu öndərin də Dilruba xanıma münasibəti birmənalı idi.Çıxışlarında "Dilruba Camalova minlərlə kişidən qeyrətli çıxdı" deyibən onu yüksək dəyərləndirirdi. Prezidentin fərdi təqaüdüylə işdən azad olunan Dilruba xanım ictimai işlərdə fəallıq göstərirdi.Respublika Ağsaqqallar Şurasında və Veteranlar Təşkilatında sədr müavini idi.Həyata keçirəsi arzuları , planları çox idi.
Dilruba Camalova bir vətənpərvər ziyalı olaraq yağı tapdağı altında inləyən Qarabağ torpaqlarının nisgillərindən idi.Azərbaycanlı olaraq torpaq həsrəti bir yana, bu nisgil həm də qan qohumluğundan gəlirdi.Dilruba xanım Demokratik Azərbaycanın ilk hərbi naziri Səməd bəy Mehmandarovun doğmaca bacısının nəvəsidir, nəticəsidir. Bu gün bütün nigaran ruhlar kimi Dilruba xanımın da ruhu şaddır.Ali Baş Komandan İlham Əliyevin rəhbərliyilə müzəffər ordunun qələbə sevincindən rahatlıq tapanlardan biri də Dilruba Camalovanın ruhudur.
Dilruba Camalovanın 85 yaşını qeyd edirik. Aramızda 14 illik ayrılıq məsafəsi olsa da, işıqlı xatirəsi hər zaman qəlbimizdədir.
Sevda Əlibəyli
23-12-2022, 16:00
AYB-nin sədri Anar Rzayevə yazıçı Miraslan Bəkirlidən
AÇIQ MƏKTUB
Çoxhörmətli Anar Rzayev, qurultay qabağı “Sözə təmənnasız xidmət ucalıqdır” məqaləm çap olunandan sonra məni qurultayda iştirak etmək imkanından məhrum etdiniz. Bu təbii haldı, mən qurultayda da deyə bilərdim ki, ədəbiyyatımızın inkişafı naminə AYB-nin rəhbərliyinə cavan, enerjili, yeni kadr gəlməlidi və Anarın artıq istlrahət vaxtıdır... amma o məqalədən sonra nəinki qurultay mandatından məhrum etdiniz, “Ədəbiyyit qəzeti”ndə, “Azərbaycan”, “Ulduz” jurnallarında əsərlərimin çap olunmasına qadağa qoydunuz.., bu, təkcə mənə-yazıçıya qarşı qərəzli münasibət yox, həm də söz müqəddəsliyinə, oxucuya, tariximizə, ədəbiyyatımıza olan biganəlik və hörmətsizlikdir.
“Ədəbiyyat qəzeti”ndə qeyrətli, savadlı, cəsarətli bir qadının – Qabulə xanımın qəhrəmanlığından, qorxmazlığından söz açılır və bu mövzu, bu qadın orta və ali məktəb dərsliklərinə salına biləcək tarıxı şəxsiyyətdir. Sizin məndən xoşunuz gəlməyə bilər, bunun bədii sözə bir aidiyyatı olmamalıdır. O yazının çapa qadağa olunması mənə yox, bədii sözə, tariximizə və tarixi şəxsiyyət Qabulə xanımın ruhuna hörmətsizlikdir.
“Azərbaycan” jurnalına “Acaloğlu” əsərinin də çap olunmasına mənim o məqaləm əngəl oldu. Burda da tarixi bir şəxsiyət – Borçalı mahalından olan tarixi şəxsiyyət İstafil Acaloğlundan, ötən əsrin əvvələrində erməni-bolşevik məzalimindən can qurtarıb Türkiyəyə pənah gətirən minlərlə insanlardan biri – Nazlıdan və Azərbaycan-Türkiyə qardaşlığından söz açılır (Bu romanın birinci hissəsi – “Bir gecənin gəlini” “Azərbaycan”jurnalında çap olunmuşdur).
“Ulduz” jurnalına göndərdiyim esse və mənsur şeirlərin aqibəti də...
Çoxhörmətli Anar Rzayev, AYB-nin rəhbəri olduğunuz bir yana, siz ölkəmizin üzdə olan ağsaqqal yazıçısı və ağsaqqalı kimi tanınırsınız... Yazıçının, ağsaqqalın tənqidə, gerçəkliyə münasibəti budursa, vay bizim ədəbiyyatımızın da, ağsaqqal-qarasaqqal münasibətinin də halına.
Sizin bu mövqeniz demokratik, azad söz olan ölkəmizin daxilində diktatura qurumu (AYB-də) yaratmaq deyilmi? Mən, yazıçı kimi, çağdaş ədəbiyyatımızın bu günü, sabahı ilə bağlı narahatçılıq keçirir, çatıb-çatmayanlarını deyirəm və bu, mənim yazıçı, ziyalı mövqeyimdi. (Görünür atalar məsələsi burda yerinə düşür: – Doğru söz acı olur). Buna görə mənim əsərlərimin çapına qadağa qoymaq ədəbiyyatımıza olan qəsd, hörmətsizlikdir və mənim bir vətəndaş kimi də, yazıçı kimi də hüququmun tapdanmasıdır. Sabah beynəlxalq insan hüquqları təşkilatlarına müraciət etsəm ki, AYB-nin rəhbərliyi tərəfindən mənim hüquqlarım pozulur, bu nə bizim ziyalı, yazıçı adımıza, nə də dövlətimizə, ölkəmizin imicinə üzağlığı gətirməz. Bir də, Anar müəllim, el, xalq malına çevrilə biləcək bədii sözə biganəlik, hörmətsizlik milli sərvətimizə, milli mənliyimizə hörmətsizlikdir...
15.12.22
"Bütöv Azərbaycan" qəzeti
23 dekabr 2022-ci il
22-12-2022, 18:05
Mədəniyyət naziri vəzifədən azad olundu
Mədəniyyət naziri Anar Kərimov tutduğu vəzifədən azad olunub. Bununla bağlı Prezident İlham Əliyev sərəncam imzalayıb. Xatırladaq ki, Anar Kərimov Azərbaycan Prezidentinin 5 yanvar 2021-ci il tarixli Sərəncamı ilə mədəniyyət naziri vəzifəsinə təyin edilmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!