31-07-2022, 18:30
Bakı erməni təxribatlarına hansı cavabı hazırlayır...
"Ermənilərin həm Ermənistan-Azərbaycan sərhədində, həm də Rusiya sülhməramlılarının müvəqqəti nəzarət etdiyi ərazilərdən atəşkəsi intensiv pozması, müxtəlif təxribatlara əl atması təbii olaraq, Azərbaycanı da adekvat və təsirli addımlar atmağa vadar edir". Bu ifadəni erməni təxribatlarından və müharibə vəziyyətinin bərpa olunacağı haqqında iddialardan danışan hərbi ekspert Ədalət Verdiyev bildirib. O qeyd edib ki, 21 ay 22 gün əvvəl rus sülhməramlılarının nəzarətindəki ərazilərdən çıxarılmalı olan ermənilərin hələ də həmin ərazilərdə qalması, üstəlik döyüş mövqeləri hazırlayıb, oradan Azərbaycan ordusunun birbaşa nəzarətindəki ərazilərə, hərbçilərimizə atəş açması tərəfimizdən separatçı rejimin daha təsirli və səmərəli şəkildə cəzalandırılmasını şərtləndirir: "Zəngəzur dəhlizinin bu günə qədər açılmaması, rusların nəzarətində olan ərazilərdən erməni silahlılarının çıxarılmaması, həmçinin Azərbaycanlı əhalinin doğma yurd-yuvalarına qayıtmaması Ermənistanın birgə bəyanatda üzərinə götürdüyü məsələləri yerinə yetirməməsi kimi də dəyərləndirilə bilər. Bu isə Azərbaycanın da həmin birgə bəyanatdan imzasını geri çəkməsinə, başqa sözlə desək, vəziyyətin 9 noyabr 2020-ci il tarixinə qayıtmasına səbəb ola bilər. Baş verən hadisələr bir daha onu göstərir ki, Ermənistan və rusların müvəqqəti nəzarətində olan Azərbaycan torpaqlarında hələ də mövcud olan qanunsuz rejim təxribat fəaliyyətlərindən əl çəkmək niyyətində deyil. Onlar bu əməllərində ən qısa müddətdə dəyişiklik etməsələr, ciddi şəkildə Azərbaycan tərəfindən cəzalandırılacaqlar". Qeyd edək ki, son günlər Azərbaycan ordusunun mövqeləri müxtəlif istiqamətlərdə atəşə tutulub. Qarşı tərəf cavab tədbirləri nəticəsində susdurulsa da, erməni təxribatları davam etdirirlər.
29-07-2022, 13:55
29-07-2022, 12:09
28-07-2022, 12:08
28-07-2022, 07:27
"İran məsulları Azərbaycana ögey bölgə kimi baxırlar”
Şərqi Azərbaycan əyalətinin keçmiş valisi Məhəmmədəli Sübhanullahinin İran hökumətinin Azərbaycan bölgələrinə bağlı münasibəti barədə danışdığı video sosial mediada geniş yayılıb.
"Bir sıra məsullar Azərbaycana başqa gözlə, ögey bölgə kimi baxırlar"-deyən sabiq vali bildirib ki, onlar bölgəyə sərmayə qoyulmamasını "Azərbaycanın İran tərkibində qalacağının şübhə altında olması" ilə izah edirdilər.
Şərqi Azərbaycan əyalətinə önəmli sərmayə qoyulmadığını, başqa bölgələrə nisbətdə ayrı-seçkiliyə məruz qaldığını deyən Subhanullahi bildirib ki, bu günə kimi əldə edilənlərə Azərbaycan özü nail olub, bunun mərkəzə aidiyyatı yoxdur.
"Bir zamanlar Təbrizdə 10 xarici ölkənin baş konsulluğu var idi. Bu gün bu say ikiyə enib"-deyə, keçmiş vali Azərbaycan və Təbrizin geri saxlanıldığını qeyd edir.
Xatırladaq ki, İranın rəhbəri Əli Xameneyinin indiki baş müşaviri, keçmiş xarici işlər naziri Əliəkbər Vilayəti və başqa bir neçə aparıcı məsul Azərbaycan bölgələrinə sərmayə qoyuluşunun yanlış olduğunu demişdilər. Onlar bunu Azərbaycan bölgələrinin İran tərkibində qalıb-qalmayacağının şübhə altında olması ilə əlaqələndirirdilər.
27-07-2022, 19:55
Moskva Arayikə ümid verir - Terrorçuları məhv etməyin vaxtı çatıb
“Azərbaycan ərazisində Ermənistana məxsus separatçı, işğalçı, terrorçu silahlı birləşmələr qaldıqca, sərhəddə təxribatlar şiddətlənəcək, daha böyük təhlükələrə səbəb olacaq”. Bu sözləri erməni silahlı birləşmələri tərəfindən törədilən təxribatlar haqqında danışan Xocalıdan olan deputat Elman Məmmədov deyib. Parlament üzvü qeyd edib ki, təxribat törədənlər ərazilərimizdə hələ də qanunsuz şəkildə mövcudluğunu saxlayan qondarma rejimin tör-töküntüləridir: “Baxmayaraq ki, qələbə ilə başa vurduğumuz Vətən müharibəsindən artıq 2 il keçir, işğalçıya məxsus qanunsuz birləşmələr gündən-günə daha çox silahlanır. Ermənilər sentyabrın 2-də cinayətkar-separatçı qurumun 31 illiyini qeyd etməyə hazırlaşırlar. Qondarma qurum mövcud olduqca, dünyanın bir sıra ölkələri, həmçinin bizimlə əməkdaşlıq şəraitində olan, vasitəçilik missiyasını üzərinə götürən Rusiya dövləti belə rəhbərlərini qəbul edir, Arayiklər vaxtaşırı Moskvaya səfər edib, görüşlər keçirirlər. Bütün bunlar ermənilər üçün ümidverici hal hesab edilir. Düşünürlər ki, başqa ölkələr tərəfindən qəbul olunublar. Bunların ümidlərini birdəfəlik kəsmək lazımdır”. Deputat vurğulayıb ki, Azərbaycanın tarixi torpaqlarında qalan erməni terrorçularının hamısı məhv edilməlidir: “Azərbaycan torpaqları işğalçılardan, separatistlərdən, terrorçulardan tamamilə təmizlənməlidir. Dinc, sıravi vətəndaşlarla heç kimin işi yoxdur. Azərbaycan qanunlarına tabe olsunlar, vətəndaşlığı qəbul edib, torpaqlarımızda yaşasınlar”. Qeyd edək ki, Azərbaycan Müdafiə Nazirliyinin yaydığı məlumata əsasən, iyulun 25-26-da bir sutka ərzində erməni silahlı birləşmələri ümumilikdə 9 dəfə təxribat xarakterli silahlı insident törədib. Bunlardan 2-si Azərbaycan-Ermənistan dövlət sərhədinin Qarakilsə rayonunun Saybalı yaşayış məntəqəsi istiqamətində yerləşən mövqelərdən Ordumuzun Laçın rayonunun Minkənd yaşayış məntəqəsi istiqamətində yerləşən mövqelərini atəşə tutmaqla baş verib. Digər 7 insident isə Rusiya sülhməramlılarının müvəqqəti yerləşdiyi Azərbaycan ərazisindəki qanunsuz erməni silahlı dəstəsinin üzvləri tərəfindən Azərbaycan Ordusunun Tərtər, Ağdam, Xocavənd və Xocalı rayonları istiqamətlərində yerləşən mövqelərini fasilələrlə müxtəlif çaplı silahlardan atəşə tutmaqla qeydə alınıb. Bütün hallarda Ordumuzun bölmələri tərəfindən görülən adekvat cavab tədbirləri nəticəsində qarşı tərəf susdurulub.
26-07-2022, 21:21
İsrail İranı güclü zərbə endirməklə hədələdi
İsrail İranın nüvə proqramının qarşısını almaq üçün zərbə endirə bilər. Butov.az xəbər verir ki, bunu İsrailin müdafiə naziri Benni Qantz deyib. O bildirib ki, İsrail İranla gözlənilən yeni nüvə sazişindən narazıdır. Yerli "Kanal 13" adlı televiziya kanalına müsahibəsində Qantz vurğulayıb ki, İran İsrail üçün qlobal və şəxsi problemdir. Birgə Hərtərəfli Fəaliyyət Planının (JCPOA) bərpası üçün aparılan müzakirələrdən danışan Benni Qantz İsrailin razılaşmadan çox narazı olduğunu vurğulayıb. O qeyd edib ki, bu, sanksiyaların müvəqqəti gecikdirilməsini nəzərdə tutur, bunun sayəsində İran iqtisadiyyatı güclənə biləcək. Nazir yaxın bir neçə gün ərzində razılığın əldə oluna biləcəyini etiraf edib. Xatırladaq ki, 2015-ci ildə İran ABŞ, Rusiya, Çin, Böyük Britaniya, Almaniya, Fransa ilə JCPOA sazişini imzalayıb. Plan nüvə proqramını məhdudlaşdırmaq müqabilində Tehrana qarşı iqtisadi sanksiyaların mərhələli şəkildə ləğvini nəzərdə tutur. 2018-ci ildə ABŞ-ın o vaxtki Prezidenti Donald Tramp sazişdən çıxdığını elan edib və İrana qarşı sanksiyaları təzələyib. Bu səbəbdən Tehran JCPOA-ya əməl etməkdən imtina edib. 2021-ci ilin dekabrında Vyanada JCPOA üzrə danışıqların səkkizinci raundu keçirilib, bundan sonra iştirakçılar fasilə veriblər. 2022-ci ilin iyununda MAQATE-nin Rəhbərlər Şurası İranı nüvə proqramı ilə bağlı tam məlumat vermədiyinə görə tənqid edib. Elə həmin ay İran Xarici İşlər Nazirliyi nüvə sazişi üzrə danışıqları bərpa etməyə hazır olduğunu açıqlayıb.
25-07-2022, 10:24
24-07-2022, 19:35
Putin Özbəkistan lideri ilə danışdı
Rusiya və Özbəkistan prezidentləri Vladimir Putin və Şavkat Mirziyoyev telefonla danışıblar.
Bu barədə Kremlin mətbuat xidməti məlumat yayıb.
Söhbət zamanı liderlər Şanxay Əməkdaşlıq Təşkilatına (ŞƏT) üzv dövlətlərin Rəhbərləri Şurasının Özbəkistanda keçiriləcək iclasına hazırlıq məsələlərini müzakirə ediblər.
Prezidentlər ikitərəfli əməkdaşlıq məsələlərini müzakirə ediblər.
24-07-2022, 18:04
Ərdoğan Lozanna müqaviləsindən danışdı: "Pozulub..."
"Bildirmək istəyirəm ki, Yunanıstan Lozanna müqaviləsinin şərtlərini pozur". Bunu Türkiyə Prezidenti Rəcəb Tayyib Ərdoğan Lozanna Sülh Müqaviləsi ilə bağlı açıqlamasında deyib. "Lozanna sülh müqaviləsi ilə quru sərhədlərimiz çəkildi, kapitulyasiyalar ləğv edildi. Eyni zamanda, Yunanıstanda qalan türk azlığının hüquqları təmin olundu. Sahillərimizə yaxın olan yunan adalarının qeyri-hərbi statusu təsdiqləndi. Türkiyə Lozanna müqaviləsinin imzalanmasından ötən 99 il ərzində onun icrasını diqqətlə izləyib. Lakin son dövrdə müqavilədə qeydə alınan şərtlər, xüsusilə türk azlığının hüquqları Yunanıstan tərəfindən pozulub", - Ərdoğan əlavə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!