6-08-2025, 15:28
Onlayn mərc və qumar oyunları təşkil edən mütəşəkkil dəstələr ifşa edildi - Əməliyyat görüntüləri
Daxili İşlər Nazirliyi tərəfindən aparılan profilaktik tədbirlərə baxmayaraq sosial şəbəkələrdə onlayn qumar və mərc oyunlarının təşkil edilməsi hallarına rast gəlinməkdədir.
DİN-dən bildirilib ki, qeyd edilən qanunsuz hərəkətlərə qarşı mübarizə istiqamətində Nazirliyin Kibercinayətkarlıqla Mübarizə Baş İdarəsi tərəfindən növbəti dəfə bir-neçə əməliyyat-texniki tədbir hazirlanaraq həyata keçirilib.
Belə ki, Baş İdarəyə sosial şəbəkələrdə açılmış səhifələrdə vətəndaşların onlayn qumar oyunlarına cəlb edilməsi barədə əməliyyat məlumatları daxil olub. Həyata keçirilən tədbirlərlə Aqil Məmmədzadə və onun başçılıq etdiyi dəstənin digər üzvləri - Orxan Gözəlov, Elmar Gözəlov, Tacir Məmmədzadə Emil Əmrahlı, həmçinin digər dəstəyə rəhbərlik edən Ülvi Məmmədov saxlanılıblar. Adları sadalanan şəxslər ölkə hüdudlarından kənarda yaradılmış və qanunsuz fəaliyyət göstərən mərc və digər qumar oyunlarının təşkilatçıları ilə əlaqə saxlayıb onlardan "fastloto.com" və digər internet saytlarında təşkil edilmiş qumar oyunlarında iştirak üçün gizli şifrələr əldə ediblər. Daha sonra onlar sosial platformalarda “Kral Kazino" və digər adlar altında virtual kassa yaradaraq onlarla əlaqə saxlayan şəxsləri pul müqabilində qumar oyunlarına cəlb ediblər. Məhkəmə qərarları əsasında dəstə üzvlərinin istifadə etdikləri gizli ofislər, mənzillər və saxlanc yerlərinə baxış zamanı çoxsaylı elektron sübutlar, bank kartları, xarici ölkələrə məxsus mobil telefon nömrələri və sair maddi sübutlar aşkar olunaraq götürülüb.
Faktla bağlı Baş İdarədə Cinayət Məcəlləsinin müvafiq maddələri ilə cinayət işləri başlanılıb. İfşa edilən hər iki şəbəkənin başçısı Aqil Məmmədzadə, Ülvi Məmmədov və digərləri barəsində həbs qətimkan tədbiri seçilib.
Dəstənin xarici ölkələrdə gizlənən üzvlərinin məsuliyyətə cəlb edilmələri istiqamətində tərəfdaş dövlətlərin hüquq-mühafizə orqanları ilə birgə əməliyyat tədbirləri davam etdirilir.
6-08-2025, 14:49
Çimərliklərdə yoluxucu xəstəlik aşkarlanıb? - RƏSMİ
Hazırda Abşeron yarımadasında, respublikanın şimal və cənub rayonlarında fəaliyyət göstərən çimərliklərdə Mərkəz tərəfindən monitorinqlər davam etdirilir.
Bu barədə Səhiyyə Nazirliyi Respublika Gigiyena və Epidemiologiya Mərkəzindən məlumat verilib.
Bildirilib ki, monitorinqlər kompleks şəkildə Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə dövlət Nəzarəti Xidməti əməkdaşlarının iştirakı ilə həyata keçirilir.
Çimərlik mövsümünün keçən dövrü ərzində hər hansı yoluxucu xəstəlik hadisəsi qeydə alınmayıb, dəniz suyunda bakterioloji çirklənmə aşkarlanan ərazilərdə nəzarət tədbirləri davam etdirilir.
Xatırladaq ki, son günlər uşaqlar arasında bağırsaq infeksiyasına yoluxma hallarının qeydə alındığına dair məlumatlar yayılıb.
6-08-2025, 14:41
Rusiya Azərbaycan qazının nəql olunduğu stansiyaya ZƏRBƏ ENDİRDİ[/size]
Rusiya onlarla dronla Rumıniya sərhədi yaxınlığında Ukraynanın qaz nəqli infrastrukturu obyektinə hücum edib.
Bu barədə Ukraynanın Energetika Nazirliyi məlumat yayıb.
Qeyd edilir ki, bu stansiya vasitəsilə ABŞ və Azərbaycandan Ukraynaya qaz tədarük olunur.
Bildirilib ki, 6 avqust 2025-ci ildə Rusiya Ukraynanın Odessa regionunda Qaz Nəqli Sistem Operatorunun stansiyasında məqsədyönlü şəkildə hücum edib.
Diqqətə çatdırılıb ki, sözügedən stansiya Yunanıstanın maye qaz terminallarını Trans-Balkan boru xətti vasitəsilə Ukraynanın qaz ehtiyatı təsisatları ilə birləşdirən marşrutun bir hissəsidir. Hansı ki, ABŞ maye qazı və Azərbaycan qazı buradan təmin olunur.
Məlumata görə, stansiyaya dronlar vasitəsilə hücum edilib.
Hadisə yerinə mütəxəssislər cəlb olunub və onlar dəyən ziyanın həcmi ilə bağlı hesablamalar aparırlar.
Ukrayna Energetika Nazirliyi Rusiyanın enerji təsisatlarını hədəf almasından sonra heç bir nəticə ilə üzləşməyəcəyi təqdirdə, Avropadakı infrastrukturun da təhlükədə olacağı ilə bağlı xəbərdarlıq edib.
6-08-2025, 14:34
Qarabağa getmək istəyənlər üçün yenilik - Şərtlər sadələşdirildi
Bu gündən Azərbaycan vətəndaşları “biletim.az” portalı və ya mobil tətbiqi üzərindən bilet əldə edərkən işğaldan azad edilmiş ərazilərə buraxılış üçün icazələr avtomatik qaydada təqdim olunur.
Bu barədə Rəqəmsal İnkişaf və Nəqliyyat Nazirliyini məlumat yayıb.
Məlumata görə, bu funksionallığın təmin edilməsi qurum və Daxili İşlər Nazirliyinin idarələrarası informasiya sistemləri arasında yaradılmış inteqrasiya nəticəsində mümkün olub.
“Biletim.az” portalı üzərindən işğaldan azad edilmiş ərazilərə bilet alınarkən təqdim olunan icazənin müddəti 5 gün təşkil edir.
Bu dəyişikliklər vətəndaşlar üçün prosedurların sadələşdirilməsi və səfərlərinin daha rahat keçməsi məqsədilə tətbiq olunur.
6-08-2025, 14:28
“Qarabağ”ın qələbəsi Azərbaycana xal qazandırdı
“Qarabağ”ın Çempionlar Liqasının təsnifat mərhələsinin 3-cü mərhələsində Şimali Makedoniyanın “Şkediya” klubuna qarşı ilk oyunu ölkəyə UEFA reytinqində növbəti xalları qazandırıb.
Ağdam təmsilçisinin qələbəsi (1:0) sayəsində Azərbaycanın balansını 0,250 xalla tamamlayıb. Beləliklə, Azərbaycanın 19.000 xalı var və 28-ci yerdədir. Ukrayna bir mövqe irəlidədir (19,225), Rusiya isə (18,299) geridədir.
Xatırladaq ki, Azərbaycan Avropa mövsümünə 17,125 xalla başlayıb.
6-08-2025, 14:18
Azərbaycanda minatəmizləmə prosesi - Necə gedir?
Hazırda humanitar minatəmizləmə əməliyyatları tam gücü ilə davam etdirilir. Bu prosesə ANAMA, Fövqəladə Hallar Nazirliyi, Müdafiə Nazirliyi və kommersiya qurumları yaxından cəlb olunub. Təmizləmə işləri həm əl üsulu ilə, həm də texnikanın köməyi ilə aparılır.
Bu barədə “Minalar Əleyhinə Azərbaycan Kampaniyası” İctimai Birliyinin sədri Hafiz Səfixanov açıqlama verib.
H.Səfirxanov əlavə edib ki, bu sahədə problemlər hələ də mövcuddur:
“Beynəlxalq təşkilatların yardımları olsa da, təəssüf ki, bu dəstək Azərbaycanın üzləşdiyi real ehtiyaclara tam cavab vermir. Biz istərdik ki, beynəlxalq ictimaiyyət Azərbaycana minatəmizləmə sahəsində yardımını daha da artırsın”.
O eyni zamanda qeyd edib ki, 10 noyabr 2020-ci il tarixli üçtərəfli bəyanatdan sonra rəsmi məlumatlara əsasən, mina partlayışları nəticəsində 400-dən çox insan xəsarət alıb. Verilən məlumata görə, onların böyük əksəriyyəti mülki şəxslərdir.
“İndiyədək 70 nəfər mina qurbanı həlak olub və onlardan 55-i mülki şəxslərdir. Əfsuslar olsun ki, bu hadisələr ara-sıra hələ də baş verir. Bütün maarifləndirmə və təhlükəsizlik tədbirlərinə baxmayaraq, mina partlayışları insanların həyatına və sağlamlığına ciddi təhlükə yaratmaqda davam edir”.
Hafiz Səfirxanov həmçinin vurğulayıb ki, Azərbaycandakı mina qurbanlarının sayı bütün Cənubi Qafqaz regionunda qeydə alınan mina qurbanlarının sayını üstələyir və bu rəqəm artmaqda davam edir:
“Əhalini mina təhlükəsinə qarşı aparılan maarifləndirmə tədbirlərində verilən təlimatlara ciddi şəkildə əməl etməyə, yalnız icazə verilmiş ərazilərə daxil olmağa və naməlum əşyalara toxunmamağa səsləyirik”.
5-08-2025, 22:42
İki nazirlik əhaliyə birgə müraciət etdi
Fövqəladə Hallar və Daxili İşlər nazirlikləri yanğın təhlükəsizliyi ilə bağlı birgə müraciət ediblər.
Daxili İşlər Nazirliyindəm (DİN) verilən məlumatda qeyd olunub ki, ölkə ərazisində, o cümlədən işğaldan azad olunan ərazilərdə ekoloji təhlükəsizliyin qorunması fonunda hər iki nazirlik tərəfindən yanğınla bağlı məsuliyyət tədbirlərinin görülməsi və profilaktikası sahəsində fasiləsiz xidmət aparılır.
"Yay mövsümündə havaların isti və quraq keçməsi, meşəlik və açıq sahələrdə yanğın təhlükəsinin artdığını nəzərə alaraq hər kəsi təbiətə səfərlər zamanı müvafiq təhlükəsizlik qaydalarına ciddi əməl etməyə çağırırıq.
Təəssüf ki, aparılan təhlillərin nəticəsində məlum olur ki, meşə massivlərində qeydə alınan yanğınların mütləq əksəriyyəti insan səhlənkarlığı ucbatından baş verir. Tam söndürülməmiş tütün məmulatının təbiətə atılması, yandırılan kol-kos, eləcə də odla ehtiyatsız davranış yanğınlara və yaşıllıqların məhvinə gətirib çıxara bilər.
Gəlin, təbiət qoynunda keçirəcəyimiz istirahətimizi hamılıqla elə təşkil edək ki, özümüzdən sonra ətraf-mühitə bərpası illər tələb edən sağalmaz yaralar vurmayaq, yanğın təhlükəsizliyi qaydalarına əməl edək. Unutmayaq ki, ekoloji təhlükəsizliyi və meşə massivlərini qorumaq bizim vətəndaş kimi başlıca öhdəliklərimizdən biridir", - müraciətdə vurğulanıb.
5-08-2025, 21:20
Klintonlar məhkəməyə çağırıldı
ABŞ-nin keçmiş prezidenti Bill Klinton və onun həyat yoldaşı, sabiq dövlət katibi Hillari Klinton mərhum maliyyəçi Cefri Epşteynin məhkəmə işi üzrə dindirilməyə çağırılıb.
Bu barədə "New York Post" məlumat yayıb.
Qeyd edək ki, bir çox rəsmilər, o cümlədən ABŞ prezidenti Donald Tramp da Epşteynlə əlaqələrdə ittiham olunur.
Maliyyəçi yetkinlik yaşına çatmayanların cinsi istismarı üzrə ittiham olunaraq 2019-cü ildə həbs edilib və öz məhkəməsini gözləyərkən həbsxanada ölü tapılıb.
5-08-2025, 20:37
Hindistanla Pakistan arasında atəşkəs pozuldu
Pakistan Cammu və Kəşmirdə Hindistanla Nəzarət Xətti boyunca atəşkəsi pozub, itki yoxdur.
Bu barədə Hindistan mediası yazıb.
"Pakistan Poonç sektorunda əsassız atəş açaraq Cammu və Kəşmirdə Nəzarət Xətti boyunca atəşkəsi pozub. Hindistan Ordusu Pakistanın atəşkəsi pozmasına cavab verib. Atışma 15 dəqiqə davam edib. İtki yoxdur", - deyə məlumatda bildirilir.
5-08-2025, 20:16
Bu nekroloqu oxumaq çox ağır idi...
Mədəniyyət Nazirliyinin səhifəsindən oxudum. Azərbaycanın mədəni ictimaiyyətinə ağır itki üz vermişdir. Müasir Azərbaycan ədəbiyyatının görkəmli nümayəndəsi, Xalq yazıçısı, tanınmış dramaturq, tənqidçi və ədəbiyyatşünas, ictimai-siyasi xadim, filologiya elmləri doktoru professor Elçin İlyas oğlu Əfəndiyev 2025-ci il avqustun 3-də ömrünün 83-cü ilində vəfat etmişdir. Bu nekroloqu oxumaq çox ağır idi.
Hələ məktəbli ikən Elçin-i oxuyurdum. Amma İlyas Əfəndiyevin oğlu olduğunu bilmirdim. Nədən bu müəllif soyadsızdır? Bir gün müəllimə sual vermişdim ki, niyə Elçin? Müəllimim mənə həm verdiyim sualın cavabını, həm də müəllif haqqında bilmədiyim çox geniş məlumatlar vermişdi.
Artıq təsəvvürümdə yaranan obrazı haqqında düşünürdüm ki, görəsən İlyas müəllimə oxşayırmı? İlyas müəllimin çöhrəsindəki nur Elçində də var? İlyas müəllimdən anamın kitabxanasından ilk dəfə “Sarıköynəklə Valehin nağılı”nı oxumuşdum Şəkidə. Sonra kənd kitabxanamızdan müəllifin bütün kitablarını götürüb oxudum. Bizim qonşu Qızılcıq kəndində Əfəndilər soy kökündən İdris babanı tanıyırdım. Azarlayanda uşaqları aparardılar əlin çəkərdi, başlarına. Əlini əsgərə gedənlərin çiyinlərnə qoyar, xeyir-dua verərdi. Ruhu şad olsun!
İlk dəfə Elçin müəllimi görəndə simasında elə o nuru, duruşunda əfəndiliyi gördüm. Alicənablığı, səmimiyyəti, incə təbəssümü ilə yaddaşımda əbədiləşən hörmətli Elçin müəllim, ruhunuz şad olsun! Çox vaxt elə əsərlərinin premyeralarında görüşürdük. Tamaşa öncəsi gərginliyini hiss edərdim. Tamaşa bitəndən sonra təmkinlə səhnəyə qalxardı. Bir-bir aktyorlara öz xoş sözlərini, təşəkkürünü bildirərdi. Əsərlərinin qəhrəmanlarını oynayan aktrisalar Hüsniyyə xanıma, Zülfiyyə xanıma söylədiyi xoş sözlər qulaqlarımda cingildədi. Sizi həmişə Akademik Milli Dram Teatrının lojasında görəndə İlyas müəllim gəlib keçərdi gözümün önündən. Nekroloqunuzu oxuyub, susdum. Elə bil ildırım çaxmışdı. Bu halı sevimli şairimiz Bəxtiyar Vahabzadə dünyasını dəyişəndə yaşamışdım. Hələ də inanmıram. İnanmaq istəmədiyim xəbər oldu, bu acı xəbər də. Axı Siz göy adamı idiniz?! Göy adamları həmişə vardılar. Siz varsınız, yerdə, göydə, qəlblərdə! Xalqımızın qəlblərdə həmişə var olacaq ELÇİNi!
Ruhunuza ehtiramla: Azadə NOVRUZOVA
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!