3-08-2025, 13:40
Fransadan HAMAS-a çağırış - SİLAHI YERƏ QOYUN
Fransanın Avropa və xarici işlər naziri Jan-Noel Barro HAMAS-ı tərksilah olmağa çağırıb.
Jan-Noel Barro bu barədə X-da paylaşım edib.
Fransa XİN başçısı bildirib ki, HAMAS israilli girovları hər hansı şərt irəli sürmədən azad etməli, tərksilah olmalı və Qəzzanın idarə edilməsindən kənarlaşdırılmalıdır.
Jan-Noel Barro Qəzza sakinlərinə böyük həcmdən humanitar yardım göstərilməsinə də çağırış edib.
3-08-2025, 13:05
Sabahın havası
Avqustun 4-də gözlənilən hava proqnozu açıqlanıb.
Bu barədə Milli Hidrometeorologiya Xidmətindən xəbər verilib.
Bakıda və Abşeron yarımadasında hava şəraitinin günəşli keçəcəyi gözlənilir. Şimal-qərb küləyi səhər cənub-şərq küləyi ilə əvəz olunacaq.
Havanın temperaturu gecə 23-28, gündüz 35-40 dərəcə isti olacaq. Atmosfer təzyiqi normadan aşağı 758 mm civə sütunu, nisbi rütubət gecə 70-75 %, gündüz 35-40 % təşkil edəcək.
Azərbaycanın rayonlarında havanın əsasən yağmursuz keçəcəyi gözlənilir. Mülayim şərq küləyi əsəcək.
Havanın temperaturu gecə 24-28, gündüz 35-40, bəzi yerlərdə 41 dərəcəyədək isti, dağlarda gecə 21-26, gündüz 29-34 dərəcə isti olacaq.
3-08-2025, 12:55
Rusiya Donetski vurdu - 5 ölü, 11 yaralı
Avqustun 2-də Rusiyanın Ukraynanın Donetsk vilayətində zərbələri nəticəsində beş mülki şəxs həlak olub, daha 11 nəfər yaralanıb.
Bu barədə Donetsk Regional Hərbi Administrasiyasının rəhbəri Vadim Filaşkin bildirib.
"Avqustun 2-də Rusiya hərbçiləri Donetsk vilayətinin 5 sakinini öldürdülər: 2 nəfər Konstantinovkada, 1 nəfər Severskdə, Pokrovsk və Rayskda. Bir gündə daha 11 nəfər yaralanıb", - Filaşkin bazar günü səhər deyib.
3-08-2025, 12:00
Rusiya və Çin təlimlərə başladı
Rusiya və Çin Hərbi Dəniz Qüvvələrinin gəmiləri Yapon dənizində hərbi təlimlərə başlayıb.
Bu barədə Rusiya Sakit okean Donanmasından məlumat verilib.
“Rusiya Hərbi Dəniz Qüvvələrinin və Çin Xalq Azadlıq Ordusunun gəmiləri “Dənizdə qarşılıqlı fəaliyyət - 2025” birgə təliminin praktiki hissəsini keçirmək üçün Yapon dənizinə daxil olub”, - məlumatda qeyd olunub.
3-08-2025, 10:21
Xersonda körpü dağıldı - Sakinlər təxliyə olunur
Ukraynanın Xerson şəhərinin Korabel mikrorayonunun sakinlərinə təxliyə olunmaq çağırışı edilib.
Bu barədə "RBK-Ukrayna" dövlət orqanlarına istinadən xəbər verir.
Məlumata görə, Rusiyanın zərbəsi nəticəsində rayonu şəhərin qalan hissəsi ilə birləşdirən körpünün zədələnməsi səbəbindən insanların zəruri ehtiyaclarla təmin edilməsində problemlər var.
"Korabel mikrorayonuna gedən körpünün zədələnməsi səbəbindən yerli sakinləri təxliyə olunmağa təkidlə çağırıram. Düşmənin hava hücumu nəticəsində logistika çətinləşib. Bu səbəbdən ərzaq və digər şeyləri gətirmək hələlik çətin olacaq. Bundan əlavə, qaz kəməri də zədələnib. Korabeldə qalanlar bir müddət qazsız qalmalı olacaqlar. Məhz buna görə də mikrorayon sakinləri Xersonun digər rayonlarına təxliyə olunmalıdırlar. Orada onlar bütün lazımi yardımı, o cümlədən mənzil ala biləcəklər", - Xerson vilayətinin administrasiyasının rəhbəri Aleksandr Prokudin öz "Telegram" kanalında yazıb.
Xerson şəhər hərbi administrasiyasının rəhbəri Yaroslav Şankonun sözlərinə görə, zədələnmiş körpü nəqliyyat əlaqəsini təmin edə bilən yeganə körpüdür. O qeyd edib ki, körpünün özü dağılmayıb, yalnız yol örtüyü zədələnib. "Lakin məhz örtüyün zədələnməsi səbəbindən logistikada bəzi problemlərimiz var, bu ərzaq, dərman təchizatına, təcili tibbi yardımın və ümumiyyətlə bütün digər xidmətlərin çıxışına aiddir. Məhz buna görə də biz (insanların - red.) Korabel mikrorayonundan təxliyə məsələsini nəzərdən keçirmələrində israr edirik", - Şanko izah edib.
2-08-2025, 22:27
Pirşağıda dənizdə batan var
Fövqəladə Hallar Nazirliyinin (FHN) "112" qaynar telefon xəttinə, Bakı şəhəri, Sabunçu rayonu, Pirşağı qəsəbəsində, dənizdə (ən yaxın sularda xilasetmə məntəqəsindən təqribən 2 km aralı, nəzarətsiz ərazi) 1 nəfərin batması barədə məlumat daxil olub.
Məlumatla əlaqədar, FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Həyata keçirilən tədbirlər nəticəsində meyit sudan çıxarılaraq aidiyyəti üzrə təhvil verilib.
2-08-2025, 21:06
Azərbaycan Qazaxıstandan taxıl idxalını 120 dəfə artırıb
2024-cü ilin sentyabrından 2025-ci ilin iyuluna qədər Qazaxıstan xarici ölkələrə taxıl ekvivalentində 12,4 milyon ton taxıl və un ixrac edib ki, bu da 2023-2024-cü ilin analoji dövrü ilə müqayisədə 34 faiz (9,3 milyon ton) çoxdur.
Yeni məhsul olan taxıl və unun Azərbaycana tədarükü 120 dəfə - 6 min tondan 723 min tona qədər artıb.
Qeyd edilir ki, Qazaxıstanın taxıl tədarükçüləri Azərbaycan, Gürcüstan və Türkiyəyə son 5 il ərzində dayandırılan ixracı bərpa ediblər.
2-08-2025, 20:46
4 ölkə Azərbaycan qazı ilə bağlı bəyanat yaydı
Azərbaycan, Qətər, Suriya və Türkiyə Azərbaycan qazının Türkiyə ərazisindən Suriyaya nəqlinə başlanılması ilə bağlı birgə açıqlama yayıb.
Türkiyənin Enerji və Təbii Sərvətlər Nazirliyinin yaydığı birgə açıqlamada bu hadisə sözügedən 4 ölkə arasında əlaqələrin dərinləşdirilməsində mühüm addım kimi dəyərləndirilib.
Qeyd olunub ki, rekord müddətdə həyata keçirilən bu layihə Suriyanın münaqişədən sonra yenidən qurulması və normallaşması prosesi üçün mühüm əhəmiyyət kəsb edir:
“Türkiyənin Kilis əyaləti ilə Suriyanın Hələb şəhəri arasında uzanan və gündəlik 6 milyon kubmetr qaz ötürmə qabiliyyətinə malik bu yenilənmiş boru kəməri avqustun 22-də rəsmi olaraq fəaliyyətə başlayıb. Qətər Dövləti Qətər İnkişaf Fondu vasitəsilə bu təşəbbüs çərçivəsində elektrik enerjisi istehsalına dəstək verməklə Suriya Ərəb Respublikasının bərpası və sabitləşməsi prosesinə sadiqliyini bir daha təsdiqləyir.
Hələb Elektrik Stansiyasına təbii qaz axınının başlanması ilə Suriyada elektrik təchizatı əhəmiyyətli dərəcədə artacaq. Bu təşəbbüs Suriya iqtisadiyyatının canlanmasına və insanların həyat şəraitinin yaxşılaşmasına bilavasitə töhfə verən mühüm humanitar addımdır.
Bundan başqa, ölkələrimiz regionda sülhün, sabitliyin və rifahın möhkəmləndirilməsinə sadiq olduqlarını bir daha təsdiqləyirlər”.
2-08-2025, 20:17
Şahin Şıxlinski saxlanıldı - Yekaterinburqa aparılır
"Azərbaycan-Ural" ictimai təşkilatının və Yekaterinburqdakı
Azərbaycan diasporunun rəhbəri Şahin Şıxlinski Moskvada saxlanılıb.
Bu barədə E1.RU portalı məlumat yayıb.
Bildirilib ki, Şıxlinski Yekaterinburqa aparılıb.
Nəşrin yazdığına görə, Şıxlinski hazırda istintaq prosesində iştirak edir.
Qeyd edək ki, Şahin Şıxlinski bir müddət əvvəl Rusiya Daxili İşlər Nazirliyi tərəfindən federal axtarışa verilib.
2-08-2025, 19:41
Türkiyədə növbədənkənar seçki? - Nazir tarix AÇIQLADI
Türkiyədə növbədənkənar prezident seçkiləri keçirilə bilər.
Bu barədə ölkənin nəqliyyat və infrastruktur naziri Abdulkadir Uraloğlu danışıb.
“Qarşıdan prezident seçkiləri gəlir. Seçkilər 2027-ci ildə olacaq. Mən belə düşünürəm”, - nazir qeyd edib.
Xatırladaq ki, Türkiyə Prezidenti Rəcəb Tayyib Ərdoğan daha əvvəl seçkilərin öz vaxtında - 2028-ci ildə keçiriləcəyini bildirmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!