26-06-2022, 13:55
NATO şərqdə əsgərlərinin sayını ikiqat artırır
NATO Madrid sammitində Soyuq müharibənin bitməsindən bəri ən böyük hərbi yerləşdirmələr barədə qərar verməyə hazırdır.
Bu barədə İspaniyanın “El Pais” qəzeti yazıb.
Qəzetin yazdığına görə, Alyans ölkələri Şərqi Avropada minlərlə əsgəri və çoxlu silahı olan qala yaratmaq üçün gərgin silahlanma yarışına başlaya bilər.
“NATO öz döyüş hazırlığını göstərmək və istənilən dövlətə qarşı təcavüzə cavab vermək istəyir. Bəzi ölkələr alyansın şərqində döyüş qruplarından ibarət hazırkı formadan briqadalara keçmək istəyirlər. Bu, əsgərlərin sayını ən azı iki dəfə artıracaq və 1600-ə çatdıracaq. Bəzi müttəfiqlər hətta diviziyalar yerləşdirməyə hazırdırlar ki, bu da 15 minə qədər hərbçinin olmasını nəzərdə tutur”, - nəşr bildirib.
26-06-2022, 13:49
Şanlı Ordumuzla qürur duyuruq!
Aparıcı Qərb mətbu orqanlarında, habelə ABŞ-ın “Milli Müharibə” Kollecinin (“National War College”) və “Seton Hall” Universitetinin “Diplomatiya və Beynəlxalq Münasibətlər Məktəbi”nin analitik nəşrlərində Ordumuzun hərbi taktikası öyrənilərkən belə qənaət hasil olub ki, Azərbaycan Ordusunun qarşısında hətta dünyanın aparıcı ölkəsi olsaydı belə, onun da heç bir şansı olmayacaqdı. 44 günlük müharibədə tətbiq edilən döyüş taktikası dünya hərb tarixində yenilik hesab olunur və uyğun ali hərb məktəblərinin proqramlarına, dərsliklərinə salınır. ABŞ Hərbi Akademiyası və Pentaqonun rəsmiləri Azərbaycan Ordusunun hərbi əməliyyatlarının öyrənilməsin vacibliyini vurğulayır.
26-06-2022, 12:34
Şoyqu Donbasda müşavirə keçirdi
Rusiya müdafiə naziri Sergey Şoyqu Ukraynadakı müharibədə iştirak edən qoşunlara baxış keçirib. Bu barədə Rusiya Müdafiə Nazirliyi məlumat yayıb.
“Şoyqu komanda məntəqələrində komandirlərin hazırkı vəziyyət və Rusiya Silahlı Qüvvələrinin əsas əməliyyat bölgələrində hərəkətləri barədə məruzələrini dinləyib”, - məlumatda qeyd olunub.
Şoyqu görüş zamanı bəzi hərbçiləri də mükafatlandırıb.
Müdafiə nazirinin olması ilə bağlı rəsmi məlumat verilməsə də, Rusiya mətbuatı onun Donbasa yollandığını yazıb.
26-06-2022, 12:20
Afina səfərindən imtina edib, Türkiyəyə gəldi
Səudiyyə Ərəbistanı vəliəhdi Məhəmməd bin Salmanın Türkiyəyə rəsmi səfəri iki ölkə arasında yeni dönəmin başladığını göstərir.
Bu sözləri Türkiyə Yaxın Şərq Araşdırmalar Mərkəzinin mütəxəssisi Mehmet Raqiboğlu deyib.
Ekspertin sözlərinə görə, səfərdə bir neçə əhəmiyyətli məqam var:
“Birinci məqam səfərin zamanı ilə bağlıdır. Rəcəb Tayyib Ərdoğan aprel ayının sonunda Səudiyyə Ərəbistanına səfər edib. Aradan çox qısa bir müddət keçdikdən sonra Ərəbistan vəliəhdi və müdafiə naziri, eyni zamanda təmsil etdiyi dövlətin ən nüfuzlu şəxslərindən olan Məhəmməd bin Salmanın Türkiyəyə səfər edərək prezidentlə görüşməsi mühüm faktdır.
İkincisi, bildiyimiz kimi, Türkiyə və Yunanıstan arasında münasibətlər gərgindir. Vəliəhdin əslində təxminən bir ay əvvəl Yunanıstan, Cənubi Kipr, Misir və İordaniya səfərindən sonra ölkəmizə gəlməsi planlaşdırılırdı. Lakin o, Yunanıstan və Cənubi Kipr səfərini qeyri-müəyyən vaxta təxirə saldı, Misirə, İordaniyaya, oradan isə Türkiyəyə gəldi. Səudiyyə Ərəbistanı Türkiyənin təhlükəsizliklə bağlı narahatlığını başa düşdüyünü göstərərək həm də ölkəmizə jest etmiş oldu. Digər tərəfdən, Misir və İordaniya ilə əlaqələr Ər-Riyad üçün xüsusi önəm kəsb edir. Məhəmməd bin Salmanın həmin dövlətlərdən sonra Türkiyəyə səfəri Ankaranı da bölgənin vacib aktoru kimi gördüklərinin təzahürüdür.
Üçüncüsü isə ABŞ-la bağlıdır. Belə ki, Co Bayden bir ay sonra Yaxın Şərqə səfər edəcək və o, yenə də sözügedən səfər zamanı vəliəhdlə görüşməyəcəyi haqqında açıqlamalar verir. Ankaranın da Vaşinqtonla hazırki münasibətlərinə baxdığımız zaman səfərin həm də ABŞ-dan narazılığın nəticəsi olduğunu ifadə etmək mümkündür”.
Raqiboğlu Ər-Riyadın hazırda təhlükəsizlik və iqtisadi sahədə də Türkiyə kimi güclü tərəfdaşa ehtiyac duyduğunu vurğulayıb:
26-06-2022, 12:13
ABŞ Prezidenti Co Bayden G7 ölkələrinin sammitində iştirak etmək üçün Münhenə gəlib.
Bu barədə “Amerikanın Səsi” məlumat yayıb.
Məlumata görə, Bayden Münhendən helikopterlə sammitin keçiriləcəyi Elmau şəhərinə yollanıb.
Baydenin üçgünlük səfəri ərəfəsində ilk görüşü sabah Almaniya kansleri Olaf Şoltsla olacaq.
Qeyd edək ki, G7 – ABŞ, Böyük Britaniya, Kanada, Fransa, Almaniya, İtaliya və Yaponiya dövlət başçıları Elmaudakı görüşdən sonra NATO-nun Madriddəki sammitinə yollanacaqlar.
26-06-2022, 00:05
Prezidentin general rütbəsi verdiyi polkovniklər
Prezident İlham Əliyev “Azərbaycan Respublikası Müdafiə Nazirliyinin hərbi qulluqçularına ali hərbi rütbələrin verilməsi haqqında” sərəncam imzalayıb.Sərəncamla 6 polkovnikə general-mayor rütbəsi verilib. Onlardan biri tibb xidməti polkovniki Firudin İsaxan oğlu Nəbiyevdir. Digərləri isə polkovnik Nicat Kamandar oğlu Qarayev, polkovnik Akif Səməndər oğlu Pirverdiyev, polkovnik Zaur Zeynalabdul oğlu Rüstəmov, polkovnik Eldəniz Telman oğlu Yəhyayev və polkovnik Zaur İlham oğlu Zeynalovdur.
“Tibb xidməti general-mayoru” hərbi rütbəsi ilə təltif olunan Firudin Nəbiyev Müdafiə Nazirliyinin Tibb Baş İdarəsinin rəisi vəzifəsini icra edir.
Genera-mayor rütbəsi alan Eldəniz Yəhyayev xidmət rəisidir. O, Müdafiə Nazirliyinin Maddi-Texniki Təminat Baş İdarəsi Arxa Cəbhə İdarəsinin Ərzaq Xidməti rəisi vəzifəsində çalışır.
Generar-mayor rütbəsinə yüksələn 46 yaşlı Zaur Zeynalov Xüsusi Təyinatlı Qüvvələrin mənsubudur. O, Aprel döyüşlərində və Vətən müharibəsində iştirak edib. Z.Zeynalov Vətən Müharibəsi Qəhrəmanı fəxri adına, “Cəbrayılın azad olunmasına görə”, “Şuşanın azad olunmasına görə”, “Kəlbəcərin azad olunmasına görə” medallarına layiq görülüb.
Generar-mayor rütbəsi ilə təltif edilən 47 yaşlı Zaur Rüstəmov İsmayıllıda anadan olub. Azərbaycan Hərbi Hava Qüvvələrinin zabiti olan Rüstəmov Türkiyədə də hərbi təhsil alıb. 1996-cı ildə Azərbaycanın ilk milli hərbi təyyarəçiləri olaraq vətənə qayıdanlardan biridir. Azərbaycan Ordusunun 100 illiyinə həsr olunmuş paradda və 8 noyabr Zəfər paradında təyyarəçilərə öndərlik edib.
O, Aprel döyüşlərində və Vətən müharibəsində iştirak edib. "Qarabağ" ordeni, "Vətən uğrunda", “Cəbrayılın azad olunmasına görə”, “Füzulinin azad olunmasına görə”, “Ağdamın azad olunmasına görə” medalları ilə təltif olunub.
25-06-2022, 09:03
“QƏLƏMİNİ SİLAHA DƏYİŞƏN MƏDƏT”
Şəhid Mədət Qəmbərov 26 sentyabr 1995-ci ildə ailəsinin məskunlaşdığı Bərdədə, “Çadır şəhərciyi”ndə dünyaya gəlib. O, 2013-cü ildə İmamqulubəyli Qəsəbə Tam Orta Məktəbini bitirib. Elə həmin ildə Gəncə Dövlət Universitetinin Azərbaycan dili və Ədəbiyyat fakültəsinə daxil olub. 2017-ci ildə ali məktəbi bitirib hərbi xidmətə yollanıb. 2019-cu ildə 69 saylı köçkün məktəbinə müəllim təyin olunub. Mədətin bir arzusu da vardı – tarixçi olmaq. Ona görə də, həmişə öz üzərində çalışırdı. Ona “Evlənmək vaxtındır,” - deyəndə, o, “Kəndimizi alacağıq, toyu da orada edəcəyik. İndi ermənyə toy tutmaq vaxtıdır,”- deyirmiş.
2020-ci ilin iyulunda baş verən Tovuz hadisələri və general Polad Həşimovun şəhid olması Mədətə çox təsir edir. Odur ki, İkinci Qarabağ Müharibəsi başlayan kimi o, özünü cəbhədə hiss edir. Mədət müharibə başlayandan bir gün sonra könüllü olaraq cəbhəyə yollanır. Onun döyüş yolu Ağdərədən başlayıb elə orada da bitir. Oktyabrın 16-da Mədət Qəmbərov qəhrəmanlıqla şəhid olur. Ölümündən sonra “Vətən uğrunda” medalı ilə təltif olunur. Onun məzarı Ağdam Şəhidlər Xiyabanındadır.
Şəhidin atası Ağdamın Mollalar kəndindən olan, Birinci Qarabağ Müharibəsinin iştirakçısı, Əzim Qəmbərovun xatirə yazısı da çox kövrəkdi,
“Mən aşiq qanlı qala,
Qanlı yol, qanlı qala,
Rəvadırmı görəsən
Biz ölək, qanlı qala?!
Qanlı qalmadı, onu qanına bələdik. Oğlum, bu xatirəm üçün məni bağışla,”- deyərək, yeganə təsəllimizin Qələbəmiz olduğunu yazır.
Bu məlumatları istedadlı şairə Tahirə İmanovanın ötən il çap edilmiş “Qələmini silaha dəyişən Mədət” adlı kitabından əldə etmişik. Kitaba Tahirə xanımın “Bu millətin dərya tutmaz dərdi var” adlı yazısı ilə yanaşı şəhidin doğmaları, müəllimləri, dostları və şagirdlərinin xatirə yazıları da daxil edilib.
Mina RƏŞİD
24-06-2022, 15:57
QHT Agentliy “Şuşa ili”nə dair müsabiqə haqqında qərar verdi
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib.
İclasda, Agentliyin 2022-ci il kiçik qrant müsabiqəsi çərçivəsində texniki seleksiyadan keçən layihələrin qiymətləndirilməsi haqqında, Agentliyin İcraçı direktorunun səfər qrantları üçün müraciət olunan layihələr haqqında təqdimatı və cari məsələlərlə bağlı qərarlar qəbul edilib.
O cümlədən, Agentliyin “Şuşa ili”nə həsr edilmiş xüsusi Qrant müsabiqəsinin nəticələrinin elan edilməsi 28 iyun tarixinə müəyyən edilib.
24-06-2022, 15:53
QHT Agentliyinin rəsmiləri Beynəlxalq Avrasiya Mətbuat Fondunda olublar.
“QHT ziyarətləri” layihəsi davam edir.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəhbərliyi “QHT ziyarətləri” layihəsi çərçivəsində Bakı şəhərində növbəti görüşlər keçiriblər. Layihə çərçivəsində Bakı şəhərində yerləşən Beynəlxalq Avrasiya Mətbuat Fondunun ofisini ziyarət edilib.
“QHT ziyarətləri”ndə Prezident Administrasiyasının Qeyri-hökumət təşkilatları ilə iş sektorunun müdiri Vüsal Quliyev, QHT-lərə Dövlət Dəstəyi Agentliyinin icraçı direktoru Aygün Əliyeva və Agentliyin məsul əməkdaşları iştirak ediblər.
Görüşlər zamanı Beynəlxalq Avrasiya Mətbuat Fondunun rəhbəri Umud Mirzəyev öz fəaliyyətləri haqqında geniş məlumat verib. Görüşdə təklif və problemləri dinlənilib.
24-06-2022, 15:21
Əliyevin Daşkənd səfərinə Türkiyədən baxış
Ankara Böhran və Siyasi Araşdırmalar Mərkəzinin (ANKASAM) sədri, professor Mehmet Seyfəddin Ərolun sözlərinə görə, iki qardaş ölkənin əməkdaşlığı xüsusilə türk dünyası üçün strateji önəm kəsb edir:
“İmzalanan müqavilələr və Bəyannamə Azərbaycan və Özbəkistan aralarındakı əməkdaşlığı regional, beynəlxalq layihələrlə genişləndirmək, strateji şəkildə çoxşaxəli bir səviyyəyə yüksəltmək və dərinləşdirmək məqsədi güdür. Bu baxımdan iqtisadi, turizm, texnologiya, sənaye, yük və sərnişin daşınması, nəqliyyat dəhlizləri və müdafiə sənayesi başda olmaqla, qeyri-qanuni miqrasiya ilə mübarizə, ətraf mühit, neft və qaz kimi sahələrdə əməkdaşlıqdan, kənd təsərrüfatından tekstil sektorlarında əməkdaşlığa qədər olan sahələri özündə əks etdirən müqavilələr güclü inkişafı təmin edəcək önəmli addımlardır. Səfər zamanı xüsusilə logistika, daşınma və dəhlizlər məsələsində Çindən Avropaya Xəzər üzərindən uzanan dəhlizin, Orta Asiya və Qafqaz dövlətlərinin əməkdaşlığının, Orta Dəhlizin inşasının əhəmiyyətinin vurğulanması diqqətçəkən məqamlardandır.
Digər tərəfdən Rusiya-Ukrayna müharibəsi başladıqdan sonra təhlükəsizlik problemləri ilə bağlı narahatlıqların artdığı, geosiyasi zəlzələlərin meydana gəldiyi bir vaxtda hər iki lider qlobal sülhün bərqərar edilməsi üçün regiona çağırış edir və konkret layihələrlə sözügedən istiqamətdə öz mövqelərini sərgiləyirlər. Burada dövlətlərin ərazi bütövlüyü, suverenliyi, unitar quruluşları və müstəqilliklərinin qorunmasını əsas götürən xarici siyasət yanaşması çox əhəmiyyətlidir. Azərbaycan və Özbəkistan imzalanan müqavilələrlə müstəqilliyin qorunması istiqamətində qətiyyətlərini ortaya qoyur, mümkün təhdidlərə qarşı birlik mesajı verirlər. Özbəkistan Qarabağ məsələsində hər zaman Azərbaycanın mövqeyini dəstəkləyib. Cənab Əliyev də Özbəkistanda çıxışları zamanı bunu xüsusi qeyd etdi. Bildirmək istəyirəm ki, bu səfər Qafqaz, Orta Asiya və türk dünyası başda olmaqla, xaos, toqquşma və müharibələrə qarşı çoxtərəfli iqtisadi, ticarət, sosial, mədəni əməkdaşlıqları əsas götürən addım kimi tarixə düşdü”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!