28-07-2022, 11:26
28-07-2022, 11:16
28-07-2022, 10:40
28-07-2022, 10:25
29-31 iyul ikinci yaylaq festivalında kəlağayımızı təbliğ edəcəm
“Cavad xan” Tarix və Mədəniyyət fondunun təşəbbüsü, Azərbaycan Respublikası Mədəniyyət Nazirliyinin və bir sıra dövlət qurumlarının təşkilatçılığı ilə keçirilən II Milli Yaylaq Festivalında 22 xarici ölkədən 300-ə yaxın qonağın iştirakı gözlənilir.
Xan yaylağında baş tutacaq bu el bayramı böyük sevincdi, birliyimizdi, diriliyimizdi, duruluğumuzdu. Mən özümü çox xoşbəxt sanıram ki, mən də bu möhtəşəm festivalda kəlağayımızı, milliliyimizi, toxuduğum əl işlərimi təbliğ edəcəm və təqdim edəcəm. Kəlağayımız keçmişimizdi, bizə nənələrdən ərmağandı. Bunu sevərək təbliğ edirəm və bu festivala da 150 kəlağayıyla gedirəm. Uzun illərdi bu kolleksiyanı yığmışam, saxlamışam, qorumuşam. Satmaq fikrim qətiyyən yoxdu. Yalnız istəyirəm ki, hər kəs kəlağayımızı sevsin, keçmişimizə güzgü tutsun. O kəlağayılara sevgiylə gənclərimizin tamaşa etməsi, kəlağayıda şəkil çəkdirməsi, naxışları haqqında, tarixi haqqında, istehsalı haqqında soruşmalarına sevgiylə cavab verirəm.
Festivalda 70 mindən artıq tamaşaçı olacaq. Kəlağayılara baxışları, düşüncələri yetərlidi. Festival iştirakçılarına 3 gün milliliyimiz, kəlağayımız haqqında da danışacam. Milli nə var dəyərdi, dəyərlidi. Kəlaayımızı qürurla, məhəbbətlə təbliğ edəcəm.
Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin 2022-ci il kiçik qrant müsabiqəsində Elm, Təhsil, Mədəniyyət və Azərbaycançılıq ideyasının təbliği məsələləri üzrə Mirvarid Dilbazi Poeziya Məclisi İctimai Birliyi olaraq "Azərbaycan kəlağayısı min illərin yadigarı" layihəmiz qalib elan olunub. Qürurvericidi, sevindiricidi, milli mənəvi dəyərlərimizə dövlətimizin qayğısıdı. Buna görə QHT Agentliyinin icraçı direktoru Aygün Əliyevaya, agentliyin bütün əməkdaşlarına təşəkkürümü bildirirəm. Kəlağayı mədəniyyətimiz, tariximiz, yaraşığımızdır.
'Kəlağayı sənəti və simvolizmi, ipək baş ötüklərinin hazırlanması və istifadə olunması' başlığı altında kəlağayımız Azərbaycan respublikasının birinci vitse prezidenti Mehriban xanım Əliyevanın təşəbbüsü ilə 2014 -cü ildə Uneskonun Qeyri maddi mədəni irs üzrə Reprezantativ siyahısına daxil edilmişdir. Beləliklə, 26 noyabr Azərbaycan kəlağayısı günü kimi qeyd olunur. Mirvarid Dilbazi Poeziya Məclisi olaraq bu yolda planlarımız, işlərimiz çoxdur. Qoy dünyanın hər yerinə yayılsın ki, saz bizim olduğu kimi, kəlağayı da bizimdi. Təbliğ etmək isə boynumuzun borcudu. Arzu edirəm ki, kəlağayılarımız sandıqlarda qalmasın. Qız -gəlinlərimiz baş tacı kimi istifadə etsinlər.
Güllü Eldar Tomarlı,
Mirvarid Dilbazi Poeziya Məclisinin sədri, Azərbaycan Yazıçılar Birliyinin üzvü.
28-07-2022, 10:14
28-07-2022, 07:43
Qərbi Azərbaycanda silah qaçaqmalçıları ələ keçirilib
Qərbi Azərbaycan əyalətində silah qaçaqmalçılığı ilə məşğul olan şəxs və qruplara qarşı əməliyyat keçirilib. Bu barədə Sərhəd Qoşunlarının Komandanı Yəhya Hüseynxani açıqlama verib. Yəhya Hüseynxani deyib ki, əməliyyat nəticəsində 18 ədəd döyüş silahı aşkar edilərək götürülüb.
Y.Hüseynxani silah qaçaqmalçılarının həbs edilməsi üçün axtarış-əməliyyat tədbirlərinin keçirildiyini deyib.
Qeyd edək ki, Qərbi Azərbaycan əyalətində silah-sursat, insan qaçaqmalçıları və narkotik maddə alverçiləri əsasən gəlmə etnik kürdlərdir.
Onlar İraqın şimalında yerləşən muxtar bölgə və PKK terror təşkilatı ilə əlaqəli şəkildə fəaliyyət göstərirlər. İranın Təhlükəsizlik və Kəşfiyyat Nazirliyi, İnqilab Keşikçiləri Korpusunun (SEPAH) nəzarəti altında çalışırlar və ara-sıra adı çəkilən qurumların nəzarətindən qıraqda fəaliyyət göstərən dəstələrə qarşı əməliyyatlar keçirilir.
28-07-2022, 07:37
Təbrizdə tarixi əsər baxımsız qalıb
Güney Azərbaycanda tarixi tikililərə qarşı laqeydlik davam edir.
"Azərəncümən" xəbər saytının yazdığına görə, Təbrizin tarixi "Nobər" hamamı dağılmaq üzrədir. Məlumata görə, Qacarlar dövründə tikilən və 150 il yaşı olan hamam Mədəni İrs, Turizm və Əl İşləri İdarəsinin məsullarının laqeydliyi üzündən dağılır. Hamam Təbriz bələdiyyəsinin balansındadır. Buna baxmayaraq, onun malikiyyət hüququ Mədəni İrs Təşkilatına aiddir. İki qurum arasındakı ixtilaflar tarixi əsərin baxımsız qalmasına səbəb olub.
28-07-2022, 07:32
Həmədanlı gənc beynəlxalq yarışa qatılacaq
Həmədan əyalətinin Stolüstü Tennis Federasiyasının başçısı Zahra Əbutalibiyan tanınmış gənc idmançı, stolüstü tennis üzrə bir neçə dəfə çempion olmuş Şima Səfayinin beynəlxalq yarışda Həmədan əyalətini təmsil edəcəyini deyib. O, 13 ölkənin stolüstü tennis üzrə idmançılarının qatılacağı yarışda həmədanlı idmançının çempion olmaq şansının yüksək olduğunu bildirib.
Həmədanlı idmançı Şima Səfayi bundan öncə yerli və xarici yarışlarda yeniyetmələr, gənclər və böyüklər yaş kateqoriyalarında dəfələrlə birinci yeri tutub.
Qeyd edək ki, yarışlar 8-10 avqust tarixində Türkiyənin Koniya şəhərində keçiriləcək.
28-07-2022, 07:27
"İran məsulları Azərbaycana ögey bölgə kimi baxırlar”
Şərqi Azərbaycan əyalətinin keçmiş valisi Məhəmmədəli Sübhanullahinin İran hökumətinin Azərbaycan bölgələrinə bağlı münasibəti barədə danışdığı video sosial mediada geniş yayılıb.
"Bir sıra məsullar Azərbaycana başqa gözlə, ögey bölgə kimi baxırlar"-deyən sabiq vali bildirib ki, onlar bölgəyə sərmayə qoyulmamasını "Azərbaycanın İran tərkibində qalacağının şübhə altında olması" ilə izah edirdilər.
Şərqi Azərbaycan əyalətinə önəmli sərmayə qoyulmadığını, başqa bölgələrə nisbətdə ayrı-seçkiliyə məruz qaldığını deyən Subhanullahi bildirib ki, bu günə kimi əldə edilənlərə Azərbaycan özü nail olub, bunun mərkəzə aidiyyatı yoxdur.
"Bir zamanlar Təbrizdə 10 xarici ölkənin baş konsulluğu var idi. Bu gün bu say ikiyə enib"-deyə, keçmiş vali Azərbaycan və Təbrizin geri saxlanıldığını qeyd edir.
Xatırladaq ki, İranın rəhbəri Əli Xameneyinin indiki baş müşaviri, keçmiş xarici işlər naziri Əliəkbər Vilayəti və başqa bir neçə aparıcı məsul Azərbaycan bölgələrinə sərmayə qoyuluşunun yanlış olduğunu demişdilər. Onlar bunu Azərbaycan bölgələrinin İran tərkibində qalıb-qalmayacağının şübhə altında olması ilə əlaqələndirirdilər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!