Laçında mərmi aşkarlanıb

Laçında mərmi aşkar edilib. Bu barədə Daxili İşlər Nazirliyinin (DİN) Mətbuat Xidmətinin Bərdə regional qrupundan bildirilib. Rəsmi məlumata görə, Laçın Rayon Polis Şöbəsinin əməkdaşlarının keçirdikləri tədbirlər nəticəsində rayonun Zerti kəndi ərazisində mərmi aşkar edilərək aidiyyəti üzrə təhvil verilib.

Əməkdar Mədəniyyət işçisi vəfat etdi

"Ədəbiyyat" qəzetinin məsul katibi, Əməkdar mədəniyyət işçisi Atababa İsmayıloğlu vəfat edib. Bu barədə qəzetdən məlumat verilib. Allah rəhmət eləsin!

"Nur ocağı" Aslan Şirəlioğlunun şeirlərini təqdim edir:

Qartlanıb-yalanıb, döyükür əlik,
Dağ-daş eşq tamsınır:- yaza bax, yaza!
Çayda ördək çimir, cülyədə kəklik,
Göldə baş oynadan qaza bax, qaza!

Jalələr çöllərə qığılcım saçıb,
Bülbüllər görünmür, böcəklər qaçıb.
Geyib sırğasını mehə döş açıb,
Şehli çəmənlərdə naza bax, naza!

Dağlar bənövşəni çoxdan qoxuyub,
Sevənlər eşqiylə nələr oxuyub.
Gecənin alvızı qırov toxuyub,
Bulağın üzündə buza bax, buza!

Dumanın zirvəylə sazdı arası,
Ruzi-bərəkətdir ağı-qarası.
Qurtarmır aylarla qaysaq yarası,
Təşnə dodaqlarda duza bax, duza!

Qəlbə eşq odunu təbiət əkir,
Yaz gəldi aşiqlər, eh, nələr çəkir.
Ay Aslan, yerimir, yerində səkir,
Elə bil mələkdir:- qıza bax, qıza!

Qocaldım
Bəxtim qələm çəkdi, ay Cümşüd Əli,
Vaxtsız viran qoydu bağı, qocaldım!
Çatdı tonqalları talemin əli,
Dağladı gözümdə yağı, qocaldım!

Övlad çəmənində gülşəndi yazım,
Kökdən kök alırdı "Cəngi"yə sazım.
Əmin-amanlıqdı eşqim, avazım,
Ömrümün ən gözəl çağı, qocaldım!

Vurub mizrabını həyat ahəstə,
Dağ çəkdi sinəmə dağı dağ üstə.
Dözmədi bu dərdə Aslan tək xəstə,
Göyərtdim sinəmdə dağı, qocaldım!

Yaxşı adamlar
Qoruyun dünyanı alovdan-oddan,
Ay yaxşı adamlar, yaxşı adamlar!
Qoruyun yaxından, qoruyun yaddan,
Ay yaxşı adamlar, yaxşı adamlar!

Ağıllar sapanda çilikdi... bilin,
Nəfislər çəkdiyi ilikdi... bilin.
Hər dərdin dərmanı bilikdi... bilin,
Ay yaxşı adamlar, yaxşı adamlar!

Ocağa su tökün, odu söndürün,
Qanadlı şahmarı görədən endirin,
Allahı sevəni taxta mindirin,
Ay yaxşı adamlar, yaxşı adamlar!

Ömrə zinət bilək haqqın səsini,
Ondan ayırmayaq sülh kəlməsini.
Yığışaq... oxuyaq eşq nəğməsini,
Ay yaxşı adamlar, yaxşı adamlar!

Məhəl qoyan yoxdur doğruya, düzə.
Haqqı şapalaq tək vururlar üzə.
Təbiət əl açıb, yalvarır bizə,
Ay yaxşı adamlar, yaxşı adamlar!

Dünya

Qəti arası yox yaxşılıq ilə,
Yamanlıq etməyə yamandı dünya!
Qəlbən güldürməyib bir kəsi hələ,
Fəryaddı, nalədi, amandı dünya!

İnsanı əridir əzab peçində,
Yenilik axtarır o öz köçündə.
Zülmət qaranlıqdır nurun içində,
Çisəkdi, çisgindi, dumandı dünya!

Düzün qamətinə gəzdirir rəndə:-
Çökür yal verən də, yala hürən də.
Qaçıb-daldeylənir pullu görəndə,
Kasıba dörd əlli cumandı dünya!

Nişanda saxlayır kaman-yayını,
Tülküyə qorxudur şiri, ayını.
İkiqat eyləyib varlı payını,
Yetimin payından umandı dünya!

Aslan, qiymət qoyub daşa-kəsəyə,
Qoymaz özgə əli girsin kisəyə.
Qanmaza seyrangah, qanan kimsəyə,
Arzudu, ümiddi, gümandı dünya!

Gələn keçir bu dünyanın düzündən,
Gələn... keçən... doymur nurlu üzündən.
Bir tamahın umacağı yüzündən,
Di, gəl, sığmır iki qarpız bir ələ!
Gözümüzdə noya dönüb qan Ləki,
Nəfsimizin tutumuna yox çəki.
Bir yürüşə almaq olar, di, gəl ki,
Yemək olmaz bu dünyanı bir ələ!
Taleyinə boyun əymir hər kişi,
İrdələnir, xırdalanmır ər kişi.
A şəmkirli, görəcəyin bir işi,
Ağıl ilə yüz qarışdır, bir ələ!

Vətən
Nərgizlə bənövşə verib əl-ələ,
Bağrımın başını taladı, vətən!
O vətən gülləri təbəssüm ilə,
Gözümün şehini yaladı, vətən!

Çox güllər gül açıb, çox güllər solub,
Bu axar-baxardan çox qəlblər dolub.
Həsrətim könlümdə od-atəş olub,
İçimdə tonqallar qaladı, vətən!

Həsrət çuxasını yoluma sərdi:-
Bax, belə çöysüdür ah-aman mərdi.
Gözümün suyunu el-oba dərdi,
Çay kimi yaxama caladı, vətən!

Bənövşə
"Qaraboyun", "Duzlu bulaq", "Sarı yal",
Çıraq tutur yollarıma, bənövşə!
Kəhər olub o yollarda ta xəyal,
Tez-tez dönnəm ellərimə, bənövşə!

Gildən-qumdan yağış tökmüş xamırdan,
Göl hörürəm, kərpic tutub çamırdan.
Daş üstündə duman doğan mamırdan,
Xına vurram əllərimə, bənövşə!

Vətən... deyib, həsrətimdən pörtürəm,
Nəyi varsa gözlərimə dürtürəm.
Amalımla çöl-çəməni örtürəm,
Yad baxmasın güllərimə, bənövşə!

Qoşa yandı könlümüz də eşq sacı,
Onun tamı gah dərd daddı, gah acı.
Gənclik adlı həm anasan, həm bacı,
O sevdalı illərimə, bənövşə!

Məətdələm çən toxumuş çərtinə,
İstəyirsən:- Aslan ölsün xətrinə.
Könlüm-gözüm heyran qalıb ətrinə,
Yaraşıqsan çöllərimə, bənövşə!

Eşitmişəm ki
Var-dövlət, şan-şöhrət, mal-mülk sarıdan,
Bəxtinə gün düşüb... eşitmişəm ki!
Adlayıb o üzə ömür yarıdan,
Saçına dən düşüb... eşitmişəm ki!

Vara meyilliydin o vaxtdan hələ,
Eşqə yox, çatmısan qızıla, lələ.
Hər saat gəlməyir arzu-kam ələ,
Qismətin tən düşüb... eşitmişəm ki!

Deyirlər:- evdə bir, yataqda yadsız...
Belə sevgi olar? Vüsalı dadsız...
Səni hayıf etdi bir könlü odsuz,
Eşqinə çən düşüb... eşitmişəm ki!

Özünü yandırır içindəki köz,
Əriyir o odda arzular göz-göz.
Xoşbəxtlik... deyilən o uydurma söz,
Evindən gen düşüb... eşitmişəm ki!

Biz sevişən zaman talemiz yardı,
Hayıf o günlərə... nə günlər vardı.
Aslanla olsaydı, xoşbəxt olardı:-
Ellərə ün düşüb... eşitmişəm ki!

İnsan oğlu! Salam olsun...xoş gördük..
Söylə,hanı bu dünyanı quranlar?
Taxtı-tacı muzeylərdə boş gördük,
İtib-batıb keşiyində duranlar!
Xurcun edib yaqut-lələ qoynunu,
De kim pozub Əzrayılın oynunu?
Verib çərxin qılıncına boynunu,
Bir zərbəyə yeddi boyun vuranlar!
Çox ağıllar tamahlara sarıldı,
Çox tamahlar yeddi yerə cırıldı.
Saxsı qabtək məqamında qırıldı,
At oynadıb, millətləri qıranlar!
Boran demə haray çəkən hər yelə,
Duruşundan qürur verir dağ selə.
Bir geri dön, keçmişə bax, qəşş elə,
Zamanına xəcalətdir fironlar!
A Şəmkirli, tutduğumuz nə yoldu?
Ah-amanla bu yolumuz hey doldu.
Dar məzarda ilanlara yem oldu,
Haqq-divanın üz-gözünü cıranlar!

Gözüm baxır gözünə,
Gözümdə duman köçü!
Üzüm dəyir üzünə,
Üzümdə iman köçü!

Sevgimizdə yox uğur,
Məni göz yaşım boğur.
Ahdan arzular doğur,
Arzular güman köçü!

Xəyalım sənə qaçır,
"Bəlkələr" şölə saçır.
Ümidim çiçək açır,
Qımışır zaman köçü!

Tuta
Yasamala qonaq olam,
Zirvə məni yelə tuta!
İldırımlar od-alova,
Ağ buludlar selə tuta!

Heyran qalam bağça-bağa,
Sevincimdən dönəm dağa.
Yal-yamaclar quzqulağa,
Göy çəmənlər gülə tuta!

Hər yan bülbül, hər tərəf qu,
Möcüzədir duyana bu.
Elə biləm Leylidi su:-
Əllərimdən elə tuta!

Xatirimdə nələr, nələr,
Duyan könül səssiz mələr.
Səhər tezdən al lalələr,
Gözlərimi lələ tuta!

Arzularım aşıb daşa,
Fərəhindən ürək coşa,
Aslan dönüb cavanlaşa,
Bənövşəni dilə tuta!

Mübariz
Qeyrət təcəssümü, kişilik rəmzi,
Babəklər başlamış yoldu Mübariz!
Sanki, aldadırlar nağıllar bizi,
Koroğlu timsallı qoldu Mübariz!

Kim deyir:- o ulduz əbədi söndü?
Gəncliyin önündə nur saçan yöndü!
Göylərin bağında şəfəqə döndü,
Şərəftək qəlblərə doldu Mübariz!

Dünyanı mat qoydu o, biliyiylə:-
Sağaltdı vətəni öz iliyiylə!
Dönüb tarixləşdi ölməzliyiylə,
Torpağa yeni gen saldı Mübariz!

Tərki silah etdi, dağı:- düşməndən,
Aldı zor gücünə, bağı:- düşməndən!
Nanəcib... naxələf... yağı düşməndən,
Qisası birə yüz aldı Mübariz!

Aslan, o igidin yox daha dərdi,
Uçub səmalara, göylərdə ərdi!
Bu tarix deyilən gəldi gedərdi,
Zamanın yadında qaldı Mübariz!

Eşq
(Nizami Qəribə)
Məndən başlamışdı, məndə də öldü,
Di, gəl, kimliyimi bilmədi ha eşq!
Çənli ürəklərdə qəşş edib güldü,
Bircə yol üzümdə gülmədi ha eşq!

Ayrılığı əzab, həsrəti quduz,
Sevilən qəlblərə buz bağladı, buz.
Sevənin gözündə cilalandı duz,
Kiminsə gözünü silmədi ha eşq!

Çökdü var-dövlətə, əyildi taca,
Heç meyil salmadı Aslantək aca.
Odlunu odladı öz odundaca,
Odsuz ürəklərə gəlmədi ha eşq!

Demirəm
Yasamalın yoxuşu var, bərki var,
Qayasının dağalını demirəm!
Palıdının əzəməti, ərki var,
Moruğunun cığalını demirəm!

Zatdan bəlli övladının kimliyi,
Arxaclara yaraşıqdır əmliyi.
Can dərmanı qulançarı, yemliyi,
Zırnıcını, zoğalını demirəm!

Dəmyə bitir yolotusu, çüyüdü,
Həyat dərsi ahılının öyüdü.
Elə bil ki, ağ gəlindi söyüdü,
Göyrücünün sığalını demirəm!

"Dəlisi" var, "dolusu" var, nayı yox,
Dağ jaləsi gözəlinin tayı yox.
Toy-düyündə yeməyinin sayı yox,
Kətəsini, qoğalını demirəm!

Torpağında həm gül bitir, həm çayır,
Aslan onsuz saat güdür, gün sayır.
Yetimi də ağa kimi yaşayır,
Dədəlini, qağalını demirəm!

Uzaqda
Gözlərimdən neçə qızın baxışı,
Od götürüb... odu məndən uzaqda!
Ürəyimi viran qoymuş gözəl də,
Ev-eşikdir, odu... məndən uzaqda!

Boy-buxunmu, ərk-ədamı öyən qız,
Vücudumu nəzəriylə yeyən qız.
Sənsiz mənə həyat yoxdur, deyən qız,
Xoşbəxt edib yadı məndən uzaqda!

Nadan dərdi bəhrəsini budağın,
Ahlar qopdu ağrısından bu dağın.
Mən öpməyə qıymadığım dodağın,
Ağız büzür dadı məndən uzaqda!

Hoqqasına mat qalmışam fələyin,
Ürəyimdə düyünlədi kələyin.
Mən:- Leyli tək tanıdığım mələyin,
Ana candır... adı məndən uzaqda!

Zülüm-zillət içindəyəm mən düzü,
Gəlmir, Aslan, bu zillətin gündüzü.
Mənimlədir ömrün-günün bəd üzü,
İtgin düşüb şadı məndən uzaqda!

OLA BİLMƏZ
Arzu mənbəyidir eşqin, həvəsin,
İnsanın ürəyi boş ola bilməz!
Xalqın taleyini düşünən kəsin,
Güzarı bircə gün xoş ola bilməz!

Hər qamçı tutana verilmir yüyən,
Olmur ev qonağı hər qapı döyən.
Namərdlər önündə özünü öyən,
Kişi məclisində baş ola bilməz!

Ərənlər yoludu Aslanın yolu,
Zaman da bəyənmir savadsız qulu.
Qəlbi bədxaqlıqla,nifrətlə dolu,
Haqqın dərgahına tuş ola bilməz!

Özümün özümə məktubum...
Gözlünü kor gördüm, duyğulunu lal,
Cəmiyyət yolunu azanda, Aslan!
Tamlı ağızlarda zəhər oldu bal,
Pul eşq dastanını yazanda, Aslan!

Başlara yük olur idrakın vədi,
Bax, onda axtarır insanlar bədi.
Nəfislər dünyanı talayıb-yedi,
Ağıllar qaynadı qazanda, Aslan!

Tutduğun bir işin öyrən içini,
Qoyun qiymətinə satma keçini,
Yoxla yaxşı-yaxşı ölçü-biçini,
Yada dərin quyu qazanda, Aslan!

Reallaşa ürəyimin gümanı:-
Haraylıya Yasamalım məni... offf!
Sis kürkümə əl gəzdirə dumanı,
Kipriyimə muncuq düzə çəni... offf!

Sığırçını döşü ağlı, qaralı,
"Şur" başlıya kəklik xeyli aralı.
Dərəsində bürkülənə maralı,
Düzənində dalğalana dəni... offf!

Məhəbbətlə qarşılaya o bizi,
Didib-tökə kol əyini, daş dizi.
Ay şəmkirli, sinə aça nərgizi,
Bənövşəsi naza tuta səni... offf!

Kəlağayım! Mat qoymusan dünyanı,
Tarixlərə güzgü tutan dilimsən!
Zövqün ilə üz ürəyi, al canı,
Daş üstündə çəmənimsən, gülümsən!
Tarixlərə güzgü tutan dilimsən!

Ay belində "at oynatmaq"... qeyrətin,
Əllər çatmaz vüqarındır heyrətin.
Türk qızını bəzəməkdi niyyətin,
Könül açan, göz oxşayan ləlimsən!
Tarixlərə güzgü tutan dilimsən!

Xalqımıza əmanətsən Qorquddan,
Adlamısan çox alovdan, çox oddan,
Yurdlarını kim çıxarar, kim... yaddan?
Oğuz-türkmən, nanay-qaşqay elimsən!
Tarixlərə güzgü tutan dilimsən!

Üzülmədin Araz səni böləndə,
Vətən... deyib, Babəklərin öləndə.
Nə də yadlar:- qəşş eliyib, güləndə,
Uzanırsan Təbriz-Bakı:- çölümsən!
Tarixlərə güzgü tutan dilimsən!

Örpəklərin sultanısan, xanısan,
Tomrislərin qan oynadan qanısan.
Türk qızının canlar alan canısan,
Qoynu büllur... Xəzər adlı gölümsən!
Tarixlərə güzgü tutan dilimsən!

Aslan Şirəlioğlu.

"Nur ocağı"ədəbi məclisi Brilyant Atəşin şeirlərini təqdim edir:

Oğulların var olsun!
Vətən, bərk dur, dar ayaqdır, deyəsən,
Allah sənə kömək olsun, yar olsun.
Əzəl gündən səni Pirtək qoruyan,
Başda tutan Oğulların var olsun!
Yağı düşmən baş qaldırıb yenə də,
Özgə qanın şirin sorar gənə də,
Od dəyəndə düçar olur qəmə də,
Dartıb atan Oğulların var olsun!
Yağıları yuvasında yox edən,
Quzğuntəki ovunun ətin didən,
Əzəl-axır İrəvanadək gedən,
Haya çatan Oğulların var olsun!

Könlümün.
Bəxtim əzəl gündən qarə gəlibdi,
Dilim bu ağzımda parə gəlibdi,
Təsəllim, təmkinim çarə gəlibdi,
Görən qurtararmı dərdi könlümün.
*
Bəxtəvər günümün sayı çox azdı,
Zülümü, zilləti mənəcə yazdı,
İçərim şaxtadı, çölüm ayazdı,
Qış, boran payını verdi könlümün.
*
Ümid qanadında uçuram hər vaxt,
Səhəri obaşdan açıram hər vaxt,
Atəşəm, od-alov saçıram hər vaxt,
Taleyi bundaca vurdu könlümün.

Gözəldir.
Bir yarğanam- ləpirləri tökülən,
Bir nəqqaşam - naxışları sökülən,
Bir çiçəyəm- qönçəikən bükülən,
Açılasan, solmayasan, gözəldi.

Bu həyatın hər növrağı, çağı var,
Bəxt yolunda qarası var, ağı var,
Hər insanın sinəsində dağı var,
Dərdlə həmdəm olmayasan, gözəldi.

Dağ başında çiskin, duman baş tacı,
Aman Fələk, baxma bizə qıyğacı,
Xəstə olub çəkməyəsən heç acı,
Ölüm gələ, bilməyəsən, gözəldi.

Məqsədimdir ancaq yazıb-yaratmaq,
Öləziyən bir ocağa köz atmaq,
Ömür qatıb neçə ömrü yaşatmaq,
Yaşayasan, ölməyəsən, gözəldi.

Mən Atəşəm, məkanımdı bu torpaq,
Düşür hər gün ömrümüzdən bir yarpaq,
Son qismətim bir qaranlıq buz otaq,
Ağlayasan, gülməyəsən, gözəldi?

Bayraq gördüm...
Bayraq gördüm bayraqların içində,
Qəlbim coşdu, dağa döndü, ucaldı.
Bayraq gördüm bayraqların içində,
Ruhum uçdu, dalğasından güc aldı.

Ulu babam bərk saxladı əlində,
Azərbaycan-xalq kəlməsi dilində,
Azadlığın, səadətin selində,
Dağa, daşa dəyə-dəyə qocaldı.

Qoca dövlət, qoca millət, al bayraq,
Cüt yaşayaq, gələcəyə kök ataq,
Aramıza nəzər salaq, bir baxaq,
Odlar yurdum daşdan doğuldu gəldi.

Hər bir millət arxalanar geninə,
Quranına, imanına, dininə,
Türk milləti bu dünyanın önünə,
"Turan" adlı böyük xəritə saldı.

Qoy yaşasın, qoy ucalsın birliyim,
Xoş a gəlsin hər bir ayım, hər ilim,
Ay Brilyant, "azadlıq" - deyən dilim,
Bala döndü, eldə, ağızda qaldı.

Kəlağay.
Nənəmin, anamın qeyrət boğçası,
Elimin, obamın qızıl axçası,
Üstündə cənnətin eşqi, butası,
Göylü, qırmızılı, yaşıl kəlağay.

Tarixin qatında göründü çıxdı,
Od-alov içindən süründü çıxdı,
Müqəddəs adına büründü çıxdı,
Göylü, qırmızılı, yaşıl kəlağay.

Atəşdi göylərdə ulduzlu, aylı,
Olubsan bizlərə tarixdən paylı,
Gur axan bulaqsan çeşməli, çaylı,
Göylü, qırmızılı, yaşıl kəlağay.

Zeynəb Anaya
Zeynəb ana, vüqarlı tut başını,
Vaqif, Mehman torpaq, elə bağlıdı,
Şəhid ölməz, şəhid yaşar - deyirlər,
Hərəsi bir qönçə gülə bağlıdı.

Gecə- gündüz yanındadı ruhları,
Qəmgin olar, qəmli durma, sən, barı,
Gözlərinlə suvardığın gülzarı,
Xəzan vurmaz, güclü selə bağlıdı.

Dünya varsa, bu oğullar da yaşar,
Boylaırıa Atəş dastanlar qoşar,
Ağızda dil, sinə üstə saz çoşar,
Barmaq qola, mizrab telə bağlıdı.
Vaqif, Mehman bizə belə bağlıdı.

Xarıbülbül.
Şuşam gözlərini açıb,
Döydü "qışı" Xarıbülbül.
Otuz ildi sinəsini,
Əzdi naşı, Xarıbülbül.

Əlim gəlmir səni dərəm,
Dərd üstünə bir dərd verəm.
Bağlamışdı sənsiz vərəm,,
Bağrım başı, Xarıbülbül.

Oğulların cəngə girdi,
Hərəsi bir İgid, ərdi,
Gözəllərin buta verdi, ,
Dəmlə aşı, Xarıbülbül.

Sən çöllərdə bir ətirdin,
Ağır günə tab gətirdin,
Özünü mənə yetirdin,
Zümrüd qaşı, Xarıbülbül.

Cıdır düzü, boş saraylar,
Gəzib Vaqifi haraylar,
Heç çəkmədi illər, aylar,
Atdıq "daşı", Xarıbülbül.

Yıxdım.
Hərdən çeşmə oldum, hərdən çay oldum,
Hərdən cuşa gəldim, gah sakit axdım.
Hərdən haray oldum, hərdən hay oldum,
Gah alova döndüm, şımşəktək çaxdım.

Hərdən qəm yorğanı məni bürüdü,
Kədər arxasınca çəkdi, sürüdü,
Təbiət əl atdı, dərdim kürüdü,
Dolmuş duman təki dağlara çıxdım.

Gah seçdim həyatın qəmli notunu,
Mənə ləzzət etdi işin çətini,
Quştək yardım göyün yeddi qatını,
Allah kömək oldu, hər səddi yıxdım.

Olum.
Gedən karvan ağır bir yük çəkərmiş,
Yollar boyu qəm sarayı tikərmiş,
Göz yaşıyla gül-çiçəklər əkərmiş,
Bu karvanın qoy sarvanı mən olum.

Yük əyibdi, taqətim yox dizimdə,
Dil dolaşır, düzgün çıxmır sözüm də,
Dalğalar tək qırış düşüb üzümdə,
Hərdən dolub duman, çiskin, çən olum.

Bu dünyanın kefindən kef almışam,
Dəryasında batmaz lövbər salmışam,
Vətənimin hər qeydinə qalmışam,
Qucağında sevinc olum, dəm olum.

Olarmı?
Bu həyatın qaynağından çıxanın,
Gedişində əyri yolu olarmı?
Öz ömrünü oda-közə yaxanın,
Dik durmağa tabı, halı olarmı?

Gül-çiçəkdən şirə çəksə hər arı,
İş adamı əgər dursa sübh yarı,
Dülgər əmi düzgün vursa mismarı,
Heç başının qeylü-qalı olarmı?

Atəş sevir bu dünyanın gərdişin,
Çalışır ki, düzgün görsün hər işin,
Əzəl gündən aldığın pis vərdişin,
Nəticəsi xoş havalı olarmı?

Axtarıram.
Bağımı, bağçamı su basıb, ellər,
Düşüb bataqlıqda gül axtarıram.
Haqqı car etməyir, bağlanıb dillər,
Qıfılın açmağa əl axtarıram.

Girmişəm dünyanın odlu qoynuna,
Odu söndürməyə sel axtarıram.
Qəmi yalmanlayıb minib boynuna,
Dərdi sovurmağa yel axtarıram.

Dünyanın özü də, sözü də yalan,
Çəkib aparmağa kəl axtarıram.
Şəhidlər məskəni, qazisi kalan,
Başı qara şallı el axtarıram.
Dərdimi çalmağa tel axtarıram.

Nə var ki?
Yaxşılığı bacarmayan, ay insan,
Gendən-genə hal sormağa nə var ki?.
Sınmış könül yamaq tutmaz ömürlük,
Ev yıxmağa, qəlb qırmağa nə var ki?

Gen günündə hayla basıb-bağlayan,
İşin düşsə on göz ilə ağlayan,
Fərsizliyi ürəkləri dağlayan,
Hazır yeyib, dik durmağa nə var ki?

Kim olsan da etibardan düz ol sən,
Bu torpağa, el-obaya göz ol sən,
Əməlinlə dillərdə xoş söz ol sən,
Hörümçəktək tor qurmağa nə var ki?

Qaldı.
Qova-qova gəldim ayı, ili mən,
Məhəbbətin coşub daşan seli mən,
Xoş ətirli zərif, qönçə gülü Sən,
Dərmədin, çəməndə dərənə qaldı.
*
Mən könlümü verdim, sənsə vermədin,
Çox cəfasın çəkdim, səfa sürmədim,
Səni Fələk bildim, insaf görmədim,
Ümid haqdan payı, verənə qaldı.
*
Məhəbbət bağında Atəş çiçək, yaz
O şərbətdən içən olarmı dayaz?
Nə kamına çatdı, nə aldı muraz
Dünya kef eyləyib sürənə qaldı.

Vallah.
Kərə yeyən, tərə yeyən,
Bir çıxacaq yaza, Vallah.
Hamı xoşbəxt, şən yaşayar,
Qane olsa aza, Vallah.

Torpağımız dövlət, vardı,
Kim qazandı, kim apardı,
Tufan gəldi, sel qopardı,
Heç nə yoxdu təzə, Vallah.

Həyatımız bir oyunçaq,
Pul da oldu bizdən qaçaq,
Tapılarmı gör bir qoçaq,
Olanları yoza, Vallah.

Biz görmüşük azı, çoxu,
Göstərməsin Allah yoxu,
Ovçu sərrast atar oxu,
Şübhə yoxsa gözə, Vallah.

Atəş, fəxr et Vətəninlə,
Dildə "Şərqi" ötəninlə,
Harayına yetəninlə,
Düz çıxasan sözə, Vallah.

Gülərmiş.
Səsdən, küydən uzaq olan insanın,
Başı sakit, canı sağlam olarmış.
Ürəyi saf, kin-küdurət bilməyən,
Hər bir kəsi özü kimi bilərmiş.

Gözdə düzlük, dildə saflıq qalmayır,
Ac-yalavac zülüm çəkir, ölməyir,
Sanki, aləm yasa batıb, gülməyir,
Ağlar gözü sonda kiprik silərmiş.

Bu dünyanın çərxi dönür geriyə,
Kim qazana, kim yeyə kim, səyriyə,
Düz də dönüb, havadardı əyriyə,
Pul dəyişər, dost da dosta gülərmiş.

Qəsrini.
Gecə-gündüz bağça-bağı qoxlaram,
Alammaram təkcə sənin ətrini.
Məndən uzaq gəzsən, inan, neylərəm?
Uçuraram mənsiz olan qəsrini.
*
Çox qorxuram, birdən səni itirəm,
Sənlə olan xoş günümü bitirəm,
Sənsiz, Vallah, dərdlə qoşa yatıram,
Tapmayanda biləcəksən qədrimi.
*
Əlin üzmə əllərimdən, amandı,
Tənha canım eşq odunda yanandı,
Demə Atəş görən niyə yubandı?
Gəlləm gecə Ay çəkəndə bədrini.

Əzizim.
Ağladım-gözümün qarası oldun,
Vuruldum-dərdimin çarəsi oldun,
Sinəmdə qəlbimin parası oldun,
Sənsiz dözülməzdi həyat, əzizim.
*
Çatmadı bu fəğan, bu haray sənə,
Ömrümü bələdin dumana, çənə,
Çıxmaq istəsən, gər, gözəl gülşənə,
Yenə qayıt mənə, naz sat, əzizim.
*
Səsim çatıb əlim yetmir boyuna,
Bu Atəşi yaman saldın oyuna,
Heç olmasa hərdən girib yuxuma,
Tumarlayıb məni oyat, əzizim.

Çətin.
Həyat məni döndərib,
Bir alova, bir oda.
Dərya gəlsə üstümə,
Söndürə bilməz o da.
Tufanların qoynundan,
Burulmuşam, çıxmışam.
Günəş kimi parlayıb,
Bu dünyaya baxmışam.
Yarımçıq qoymamışam
Nə işimi, sözümü.
Həyat məni bərkidib,
O veribdi dözümü.
Çox dolaqlar görmüşəm,
Çox yamaclar keçmişəm.
Çox başı qarlı dağlar,
Sıldırımlar ötmüşəm..
Gah Nəfəsim təngiyib,
Gah dizlərim tutulub.
Gözlərimə tor gəlib,
Həyat gözümdə solub.
Dünya-aləm qaralıb,
Gözlərimin önündə.
Bir varlıq hiss etmişəm,
Ürəyimdə, özümdə.
Gücümü toplayaraq,
Ona ümid etmişəm.
Üzümə düşən nurun,
Arxasınca getmişəm.
Ruhumu candan alıb,
Səmalara aparıb.
Bu zülmlər içindən
Məni çəkib qoparıb.
Odur ki, mənim qüvvəm,,
Dəmir, poladdan mətin,
Gücüm "Ona" bağlıdır,
O da tükənə... çətin!
Mənim yazılarımdır.
Mənim varim, dövlətim,
El içində hörmətim,
Haqdan gələn sərvətim,
Saf eşqim, məhəbbətim,
Xoş arzum, xoş Niyyətim,
Bu günüm, əbədiyyətim,
Mənim yazılarımdır.
Halımı soruşanım,
Dərdimə alışanım,
Ürəyimin atəşi,
Dörd yana dağılanda,
Dizim taqətdən düşüb, büdrəyib yıxılanda.
Əllərimdən tutanım,
Hər sözü, kəlməsiylə,
Dərdə məlhəm olanım
Qaralan gözlərimə,
Parlaq işıq salanım.
Mənim yazılarımdır.
Darıxıb təntiyəndə,
Təklikdən qəm yeyəndə,
Gözüm qapıya baxıb,
Kipriyimdən qəm axıb,
Sinəmə töküləndə,
Qamətim büküləndə
Gözlərimi güldürən,
Axan yaşım sildirən,
Həmi oğlum, həm qızım,
Həm bacım, həm qardaşım,
Mənim yazılarımdır.
Tez-tez başımı qatan,
Dərdi belimdən atan,
Baxışıyla dan sökən,
Məni nuruna bükən.
Yaxın, doğma, əzizim,
Göyərən, bitən sözüm
Atəşəm sönməz közüm
Arxada qalan izim,
Mənim yazılarımdır.
Bir cavab gəldi-xeyr!
Könlüm çəmən güllüdü,
Ömrüm çınqıl yolludu,
Hamımı yığvallıdı?
Bir cavab gəldi-xeyr!
*
Bu həyatın gözü kor,
Hara baxsan qoru gör,
Bu dünyamı qurur tor?
Bir cavab gəldi-xeyr!
*
Dünyanın bir ağası
Yoxdu onun darğası,
Məzluma gün doğası?
Bir cavab gəldi-xeyr!
*
Brilyantın sərt sözü,
Heç kəs sevməyir düzü,
Günahkardımı özü?
Bir cavab gəldi-xeyr!
Bənzəyir.
Dəryanın üzü cəhənnəm,
Dibi cənnətə bənzəyir.
Ləl, cəvahir, mərcan kolu,
Xali-xilqətə bənzəyir.
*
Qələmimə qiymət verən,
Yaxşı, pisimi düz deyən,
Səhfim üstə məni döyən,
Elə hörmətə bənzəyir.
*
Etdiyini qaxma başa,
Atəş çönüb dönər daşa,
Yaxşı övlad, pisdən haşa,
Vara-dövlətə bənzəyir.

Qoca Aslan.
Bir səhər qoca Aslan,
Yuxusundan ayıldı.
Gərnəşərək əsnəyib,
Elə bil ki, bayıldı.
Bərkdən nərə çəkərək,
Uca zirvəyə qalxdı.
Gözlərini qıyaraq,
Yaşıl meşəyə baxdı.
Ha baxdısa, meşədə,
Heç nə dəymədi gözə.
Bir dovşanı çağırıb,
Aslan başladı sözə.
-Dovşan, hanı heyvanlar?
Gözümə dəyən yoxdur?
Onların bu yoxluğu,
Sinəmə dəyən oxdur.
Dovşan qulaqlarını,
Sallayaraq söylədi.
-Cənab Aslan, baş verən
hadisələr belədir:
Bu gün səhər çakkalı,
Meşəyə şah qoydular.
Elə bil ki, hamının gözlərini oydular.
Aslan fikrə gedib,
Xeyli xəyala daldı.
Sonra yazıq dovşanı,
Çəkib köksünə aldı.
Elə bil dodaqaltı,
Pıçıldadı nə isə.
Dovşan geriyə dönüb,
Qulaq asdı bu səsə.
-Bir meşəyə ki, yoluq
Çakkal hökmran oldu.
Meşədə yaşayanlar diriykən öldü, öldü.

Alsan.
Axtarıram səni kiprik-qaşımda,
Sənsə gəzdin gözlərimin yaşında,
İzin qaldı ürəyimin başında,
Əl uzatdım, gördüm qəmli xəyalsan.
*
Nəfəsində xumar-xumar yatmadım,
Tellərinin arasında batmadım,
Saf eşqinin sorağına çatmadım,
Dilim üstə nə zəhərsən, nə balsan.
*
Yoxluğundan artıq giley etmirəm,
Kölgöyünün arxasınca getmirəm,
Vüsalının həsrətiylə yatmıram,
Mənə bəsdi, xəyalınla can alsan.

"Nur ocağı" Yüsif Dumanın şeirlərini təqdim edir

Dünya
Vicdanın var isə xoş rəftar eylə,
Daş kimi sərt olub bərkimə, dünya.
Kim salıb bilmirəm, amma dəqiqdi,
Düşmüsən qaranlıq tilsimə, dünya.

Hökmran sonuna inan az qalib,
Tükənir saatlar zaman az qalıb,
Axirət vaxtına yaman az qalıb,
Bax artıq başlayıb kim kimə, dünya.

Mən mənəm olmasın bir an dilində,
Dərd, əzab saxlama kasıb belində,
Haqq-hesab günündə Allah əlində,
Boyunun bənzəyər bir simə, dünya.

Verdiyin neməti başlara qaxma,
Dar olub Yusifin qəlbini sıxma,
Alırsan, zalım, al amandı baxma,
Məzlumlar tərəfdən heç kimə, dünya.

Heç Vaxt
Mən elə bir həyat istəyirəm ki,
Arzular boş yerə çıxmasın heç vaxt.
Yaşayım ömrümü gözəl Firavan,
Hansısa dələduz yıxmasın heç vaxt.

Olmasın bir anım sağ ikən zülüm,
Zamansız gəlməsin haqq olan ölüm
Nə qədər ömür var sevinim, gülüm,
Gözümdən qəm yaşı axmasın heç vaxt.

Dərd, əzab yoluma gələndə yansın.
Birinə qəlb açım, sevsin, inansın,
Verdiyim eşqimə sadiq dayansın,
Barmağa yad üzük taxmasın heç vaxt.

Yusifin sözlərin saxla yadigar,
Hər uca zirvəyə mütləq yağır qar,
Gözəl də yaşasan, sonda ölüm var,
Göz əcəl görəndə qorxmasın heç vaxt.

Tapılmaz
Bəlkə də məhəbbət bir insan olsa,
Dərdini dinləyən adam tapilmaz.
Bəlkə də sevənlər düzgün sevsələr
Bir damla cahanda haram tapılmaz.

Məhəbbət yoxdusa neynim dövləti?
İnanın, bu sözüm qətidir qəti.
Yigilsa bir yerə dünya neyməti
Yenə də sevgitək təam tapılmaz.

Gedənin dalinca xeyli su atdim,
Vuruldum birinə qəlbi oyatdim,
Tək mənəm bir belə sevgi yaşatdim,
Ölərsəm dübarə davam tapilmaz.

İstərəm daima könlünü sarım,
Çünki mən bu eşqin içində varım.
Bitərəf məhəbbət qalacaq yarım,
Heç yerdə, heç zaman o tam tapılmaz.

Can ölür əzabdan duy, eşit səsin,
Fərz elə günəşdi üşüdün, isin.
Gundə bir xanıma baxan bir kəsin
Qəlbində məhəbbət qram tapılmaz

Öz gülün varikən yad gül iyləsən,
Başqa bir afətə sevirəm desən,
A Yusif, bir dəfə xəta eyləsən
Ölüncə sevginə inam tapilmaz.

Kəlağayımız
Ta qədim vaxtlara uzanır yolu,
Qocadan qocadır, uludan ulu.
Əzəldən nur üzlü Ana simvolu,
Qadına bəzəkdi kəlağayımız.

Üzərində namus, qeyrət, ar qalan,
Nənələrdən gözəl sərvət,var qalan.
Nəsildən nəsilə yadigar qalan,
Bir tarix deməkdir kəlağayımız.

Qədimdən pak olub, parlayan ocag,
Daima yaddaşa hopub qalacag.
Kişiyə buxara gözəl bir papag,
Xanıma gərəkdir kəlağayımız.

Allahın verdiyi qələm qaşında,
Yazı,yayı payızında, qışında.
Məgrurluq nişanı xanım başında,
Solmayan çiçəkdir kəlağaymız.

Yaz Yusif, oxusun durmadan hər dil,
Min illər keçsə də o itən deyil,
Əyani şahidi olsun hər nəsil,
Qüsursuz örpəkdir kəlağayımız.

Nə Fayda
Fikirlər muxtəlif, xəyallar dərin,
Olanda yalandan olsa, nə fayda?!
Ürəyin qədərsiz sevdiyi canan
Bir əğyar yanında qalsa, nə fayda?!

Sevirəm deyilən misra umarkaən,
Sevgidən yaranmış dərya umarkən,
Sən ondan möhtəşəm sevda umarkən,
O səni dərdlərə salsa, nə fayda?!

Sevgi var zəhərdi,sevgi var şirin,
Sevgi var bu dünya verməyir yerin,
Sən Mənim Canımsan Dediyin birn
Yad gəlib əlindən alsa nə fayda?!

Yenə də varağa yazıram nəsə,
İstəməm ömürdə tufanlar əsə,
Geden yar gedecek, qalan yar isə,
Saçların yüz dəfə yolsa, nə fayda?!

Bilmədim bu əzab, bu kədər nədən,
Dən düşür saçlara sanma heç nədən,
Cox da bel baglama məzara gedən
Bu dünya əzablı yolsa, nə fayda?!

Gəilrdən çox olur həyatda itki
Ölənlər geriyə gəlməyir bil ki,
Kiməsə bir ümman versən də sevgi
O səni ilantək çalsa, nə fayda?!

Dünyada
Daima dilində ədalət olsun,
Çünkü o aşılmaz səddi dünyada.
Sərvətsiz yaşamag deyil, ey insan,
İmansız yaşamaq dərddi dünyada.

Çalışma ömrünün sayı yüz olsun,
Az olsun eybi yox, sözün söz olsun,
Hər saat hər anın düzə düz olsun,
Düz olmaq ən böyük şərtdi dünyada.

Nəfsini ram elə, gözü saxla tox,
Yetəcək qədər al, nəyə yarar çox,
Kiminsə yanında gəzən kimsə yox,
Əlləri qabarlı mərddi dünyada.

Ay Yusif, dil susar danışa bilməz,
Danışsa söz sözə uyuşa bilməz,
Öləndə cənnətə qovuşa bilməz
Hər kim ki malı mülk güddü dünyada.

DƏRDİMİ
Yıığıln bir yerə, arif adamlar,
Mən deyim birbəbir yazın dərdimi.
Sonra da oturub təhlil eyləyib
Nədəndi, bir yerə yozun dərdimi.

Mən tapa bilmədim barı siz tapın,
Bir qəmin dərmanın mənə yüz tapın,
İfadə etməyə ya bir söz tapın,
Ya da ki tamamən üzün dərdimi.

Nə qədər çəkim mən ah daliyca ah,
Qüssələr içində açılır sabah,
Bu cavan canıma yazıgdı VALLAH
Gücünüz catırsa pozun dərdimi.

Qəmim çox dərindir sevincim dayaz,
Ya deyin ömür sür ya deyin gor qaz,
Əlləşin, vuruşun qısaldın bir az,
Boyumdan qatbaqat uzun dərdimi.

Dəyməsin qəlbimə qəmli ox yenə,
Bu gündən olmasın dərdim çox yenə,
Sinəmdən qoparın eybi yox yenə,
Gözümün önünə düzün dərdimi.

Mən belə dünyaya Söz tapammıram
Zülmətə nur saçan yanan şəm azdı,
Sanma ki insana kədər qəm azdı,
Savadım çatmayır dərrakəm azdı,
Mən belə dünyaya söz tapammıram.

Heç xoşum gəlməyir bizim cahandan,
Dogrunun üstünü örtür yalandan,
Saxtalıq baş alıb yeriyən andan
Mən belə dünyaya söz tapammıram.

Yatanlar çəkmədən xəcalət yatır,
Varagda kəlamlar, məsləhət yatır,
Bir halda xəstətək həqiqət yatır,
Mən belə dünyaya söz tapammıram.

Başıma cavankən qəm əliyirsə,
Haqzlar haqlını bükdəliyirsə,
Güclülər gücsüzü üstələyirsə
Mən belə dünyaya söz tapammıram.

Yusifəm edirəm yalnız seirlər,
Çatmayır dadıma sözlər, şeirlər,
Baxmayın adıma şair deyirlər
Mən belə dünyaya söz tapammıram.

Kimi
Gün batanda dolur gözüm
Aglayiram uşag kimi.
Ürək olur gündüz yanıb,
Gecə sönən çırag kimi.

İnsanlıq üçün kömək ol,
Arxasında dur dirək ol,
Calış ki, sən gül çiçək ol,
Olma dibdə alaq kimi.

Qəm olmasın əhvalatın,
Gözəl kecsin hər saatın,
Düşməni yox bu həyatın,
Hər gün keyfi damag kimi.

Düzlükdü ən şirin təam,
Haqqa salam, haqqa salam,
Kaş biləydi hər bir adam,
Yaranmışıq qonag kimi.

Kədər bir an azalmadı,
Kimsə mənimlə qalmadı,
Vallah bir dostum olmadı,
Qələm kimi , vərəq kimi.

Vəfasız dosta vəfa
Dar günüm olanda atdı daş mənə,
Bir zaman süfrəmə dəvət etdiyim.
Lağı lağ dalinca eylədi güldü,
Dost deyib qüsursuz hörmət etdiyim.

Dost sözün cirkaba buladı getdi,
İcimdə dərd odun qaladı getdi,
Nəyim var, nəyim yox taladı getdi,
Cəhənnəm anını cənnət etdiyim.

Varlıgım dag idi zirvəli bir dağ,
Heç zaman o qədir bilmədi ancaq,
Gah kələk eylədi, gah da flrıldaq
İnanib dərdimi söhbət etdiyim.

Görəsən mənə daş atdığı zaman,
Sızıltı vermədi qəlb ilə vicdan?
Nə üçün vurarkən ölmədi o an,
Köməksiz halında xidmət etdiyim?

Mən Yusif yıxıldım tutmadım ətək,
Amma sən yıxılsan mənim admı çək,
Yetişib həmin an olaram kömək,
Düşünmə olmusan nifrət etdiyim.

Eylərəm
Sevgilim ömrümə gəlməsə əgər
Həyatın hər anın al qan eylərəm.
Mənim bir canım var ya əcəlindi,
Ya da ki eşqımə qurban eylərəm.

Nə etsəm yolunda bilirəm dəyər,
Dili bal, siması şəkərdir, şəkər,
O mənim yanımda üşüsə əgər,
Sevgimi üstünə yorğan eylərəm.

Sevgisiz bu dünya yamandır, yaman,
Gərəkdir yanında olsun hər zaman,
Subaylıq sultanlıq cumləsi yalan,
Mən onu özumə sultan eylərəm.

Əhdinə vəfasız olsa bu dünya,
Boş yerə boşalıb dolsa bu dünya,
Sevgimi əlimdən alsa bu dunya,
Özümü mən ona düşman eylərəm.

Urəyim şad olar danışsa, gülsə,
Mənimlə sevincin o yarı bölsə,
Hələki virandı ömrüm o gəlsə,
Onunla səliqə, səhman eylərəm.

Həkk olub ruhuma məhəbbət özü,
Bir zaman mən ölsəm yaşayar izi,
Rəhimsiz dünyamız ayırsa bizi,
Aglayıb hər yeri ümman eylərəm.

Bu ölkə Rusiyadan 7 milyardlıq silah almaq istəyir

Əlcəzair Rusiyadan 7 milyard dollar dəyərində yeni silahlar almaq niyyətindədir. Bu barədə "Military Watch" nəşri yazıb. Bildirilir ki, silahların alınması 2021-ci ildən planlaşdırılır. Məlumata görə, 2022-ci ildə neft qiymətlərinin artması nəticəsində dövlət gəlirləri də artıb və ölkə orduya daha çox vəsait ayırmaq istəyir. Əlcəzair silahlı qüvvələri Afrika və ərəb dünyasında döyüşə ən hazır ordu hesab edilir. Ölkə 2010-cu illərin əvvəlindən Rusiya silahlarının aparıcı müştərisidir.

Ermənistan prezidenti kraliçanın dəfnində qaydaları pozdu

Ermənistan prezidenti Vaaqn Xaçaturyan Böyük Britaniya kraliçasının cənazəsi ilə şəkil çəkdirdiyinə görə sərt tənqid edilib. Bu barədə "The Sun" nəşri məlumat yayıb. Nəşrin məlumatına görə, Ermənistan prezidenti hörmətsizlik edərək kraliça II Elizabetin cənazəsini ziyarət zamanı yüksək səslə danışıb, köməkçiləri ilə zarafatlaşıb. Həmçinin cənazə önündə baş əyərkən köməkçisi prezidentin fotolarını çəkib. Kraliçanın cənazəsinin olduğu "Westminster Hall"da şəkil çəkdirmək dövlət rəsmiləri də daxil bütün şəxslərə qəti qadağandır. Hadisə yerində olan şəxslərdən biri "The Sun"a prezidentin hərəkətləri ilə bağlı açıqlama verib: "Həmin zalda yüzlərlə adam var idi - heç kim danışmırdı. Yalnız o danışırdı və açıq-aydın şəklini çəkdirməyi əvvəldən planlaşdırmışdı". Digər bir şəxs isə bildirib ki, hər kəs qaydalara tam şəkildə əməl etməyi bacarsa da, tək bir şəxs bu qaydanı pozub. Qeyd edək ki, Kraliçanın cənazəsinin olduğu "Westminster Hall"da şəkil çəkdirmək bütün şəxslərə qəti qadağandır. Yalnızca media mənsubları foto çəkə bilər. Kraliçanın rəsmi dəfn mərasimi sentyabrın 19-da baş tutacaq.

Bayden fövqəladə vəziyyət elan etdi

ABŞ prezidenti Co Bayden bazar günü tropik “Fiona” qasırğası ilə əlaqədar Puerto Rikoda fövqəladə vəziyyət elan edən sərəncam imzalayıb və ABŞ-la assosiasiya olunmuş bu dövlətə yardım göstərilməsini əmr edib. Bu barədə Ağ Evin mətbuat xidməti məlumat yayıb. Qeyd edək ki, “Fiona” tropik qasırğası sentyabrın 15-də ABŞ Milli Qasırğaya Nəzarət Mərkəzi tərəfindən Atlantik Okeanında qeydə alınıb. Hazırda daxildə küləyin sürəti təxminən 30 m/s təşkil edir.

Ermənilər Fransadakı səfirliyimizə basqın etdilər

Fransada yaşayan ermənilər Azərbaycanın Parisdəki səfirliyinə hücum ediblər. Butov.az xəbər verir ki, bununla bağlı sosial şəbəkələrdə görüntülər yayılıb. Erməni vandalları səfirliyin qarşısındakı dəmir maneələri qıraraq binaya daxil olmağa çalışıblar. Lakin Fransanın hüquq-mühafizə orqanları səfirliyin binasının mühafizəsini lazımınca təşkil etməyiblər. “Amma gəlin erməni barbarlarını bir kənara qoyaq. Cənab Emmanuel Makron, səfirlikləri qorumayan və təhlükəsizliyimizlə bağlı əsaslı istəklərimizə məhəl qoymayan Fransaya ayıb olsun” - Azərbaycanın Fransadakı səfiri Rəhman Mustafayev twitter səhifəsində yazıb.

16 yaşlı qız evdə ölü tapıldı

16 yaşlı qız evində ölü tapılıb. Butov.az xəbər verir ki, hadisə Cəlilabad rayonun Sabirabad kəndində baş verib. Kənd sakini, 2006-cı il təvəllüdlü İlkanə Fətullayevanı, yaxınları halsız vəziyyətdə aşkar ediblər. Onu dərhal rayon xəstəxanasına çatdırıblar. Xəstəxanada onun artıq öldüyü məlum olub. Hazırda hüquq - mühafizə orqanları 16 yaşlı qızın nədən vəfat etdiyi araşdırır.