27-01-2023, 00:36
“Neftçi” daha bir futbolçunu transfer etdi
“Neftçi” klubu daha bir futbolçunu transfer edib. Bu barədə klub rəsmi saytı vasitəsilə məlumat yayıb. Bildirilib ki, braziliyalı hücumçu Mateus Saldanyanın heyətə cəlb olunub. “Ağ-qaralar”la müqavilə imzalayan 24 yaşlı forvard son olaraq Yaponiyanın “Cef Yunayted İtixara Tiba” klubunda oynayıb. Qeyd edək ki, “Neftçi” bundan əvvəl qış fasiləsində Höccət Haqverdi və Kilan Lebo ilə heyətini gücləndirib.
27-01-2023, 00:29
Rusiya itkilərinə əhəmiyyət vermir - Zelenski
"Rusiya itkilərinə əhəmiyyət vermir". Bunu "SKY News"a müsahibəsi zamanı Ukrayna prezidenti Volodimir Zelenski deyib. "Son günlər daha güclü hücumlar olub və Ukrayna qüvvələrinin müdafiə gücünə malik olması son dərəcə vacibdir. Hər şey bizim onları nə qədər yerinə oturda biləcəyimizdən asılıdır. Şərqdə onlar irəliləyirlər və çoxlu canlı qüvvə itirirlər. İnanılmaz rəqəmlər var. Onlar buna əhəmiyyət vermirlər. İnsanları saymırlar. Biz onların adamlarını sayırıq. Məlumatımıza görə, onların tərəfində minlərlə ölü var", - deyə Zelenski bildirib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
26-01-2023, 23:59
Ömrünü ömrümüzə çıraq edən müəllimimiz
Professor Cahangir Məmmədlinin doğum gününə
Hər bir insanın həyat kitabında iz qoyan, mənəvi qələmi ilə onu şəxsiyyət kimi formalaşdıran və ən əsası da daşlı-kəsəkli ömür yolunda onu zülmətdən nura çıxaran müəllimi olur. Müəllimlik peşəsi nə qədər müqəddəs və ucadırsa, bu yolu öz şərəfi və ləyaqəti ilə keçən hər bir insan üçün bir o qədər məşəqqətlidir, təlatümlüdür...
Hər kəsin taleyində ona dərs deməklə yanaşı, həyat yolunu işıqlandıran müəlliminin özünəməxsus yeri və rolu var. Məhz bir çox tələbələrinin taleyinə Rəbbi tərəfindən yazılmış və şərəfli bir ömür sürərək bu adı daim uca tutan müəllimlərdən biri də Bakı Dövlət Universitetinin professoru, Azərbaycan mətbuat tarixi kafedrasının müdiri , jurnalistlərin sevimli müəllimi Cahangir Məmmədlidir.
BDU-nun jurnalistika fakültəsinə yenicə qəbul olunmuşdum. Bu ixtisası seçdiyim üçün içimdə bir tərəddüd vardı. Üstəlik də gizlin bir qorxu hissi. Birinci kursun artıq ilk günlərindən Cahangir müəllimi kafedra müdiri kimi tanıyır, mətbuatda işıq üzü görən məqalələrini araşdırıb oxuyurdum. Cahangir müəllimin qələmi mənə ədəbi-mədəni mühitdə işıqlı yol açdı. Mən bu yolda ilk kursun ikinci semestrindən artıq inamlı addımlarla irəliləməyə başladım. Cahangir müəllimin qələmindən axıb gələn hər bir söz xəzinəsindən mən də bəhrələndim. Ustadın ilkin olaraq tələbələrinə məsləhəti belə oldu: "İstər mətbuatda, istərsə də, televiziyada jurnalistin ən kəsərli silahı qələmidir. Hər şey sözdən başlayır".
Bəli, hər şey sözdən başlayır. Söz xəzinəsi bitib-tükənməyən xəzinədir. Ustadımız üçün hər tələbə yazılmamış bir hekayədir. Biz müəllimimizin qələmi ilə püxtələşir, elmə yiyələnirik... Cahangir müəllim daxilində işıq gördüyü tələbələrə xüsusi olaraq yanaşır, onlara yazı üsullarını ən incə detalları ilə öyrədirdi. Mən də özümü bu şanslı tələbələrdən hiss edirəm. Cahangir müəllim mənə yazmağı öyrətdi. Konfutsidən misal çəkərək deyirdi: "Biliyə gedən yolun sayı üçdür: təqlid ən asanı, təcrübə ən çətini, düşüncə isə ən şərəflisidir". Sonra da əlavə edirdi ki, "Çalışın təqliddən qaçın, özünüzün üslubu olsun".
Cahangir müəllim bizə illərlə qazandığı peşəkarlıq təcrübəsindən böyük səxavətlə pay verdi. Sağlam düşünməyi, öyrənərək anlamağı anlatdı. Buradaca Cahangir Məmmədlinin "Anlamaq dərdi"ni anlamaq dərdi" adlı essesinə tələbə Əsgər İsmayılovun "Anlamaq dərdini anlamaq səadətinə çevirən adam" başlığı ilə yazılmış nəzirəsindən bir hissəyə nəzər yetirək: "Cahangir müəllim leksikomunda "anlamaq" sözünü hər zaman tez-tez işlədir. O, mühazirələrində "Vətəni sevməyi anlamaq lazımdır", "Xalqın istiqlalının, müstəqilliyinin nə qədər qiymətli olduğunu anlamaq lazımdır", "Müstəqil ölkənin azad vətəndaşı olmağı anlamaq lazımdır" ifadələri bir tərəfdən Cahangir Məmmədlinin vətən sevdalısı olmağından irəli gəlirsə, digər tərəfdən zənnimcə, anlamaq sözü USTADI olmuş Şirməmməd Hüseynovdan xatirə qalıb. Çünki Şirməmməd müəllim anlamaq hissi ilə alışıb yanan, daxilində müstəqil Azərbaycanı sevə-sevə yaşadan böyük alim idi".
Müəllimimizin qayğısı hesabına jurnalistikanın nəzəri və praktiki tərəfini, janrlarını öyrəndik. Biz onun mühazirələrində müasir mətbuatın ən dolğun çalarlarını, klassika və müasirliyin vəhdətini, milli yazıçılarımızın yaradıcılığındakı incə çalarları öyrəndik... Ustadın hər söz-söhbəti bizdə həyata baxış tərzimizi genişləndirir və öz üslubumuzu formalaşdırırdı. Axı hər şey sözdən başlayır. Bəşər bina olan gündən söz öz sözünü demişdi. Onun publisistikasından bəhrələnən hər bir tələbənin öz üslubu formalaşdı.
Bu gün qələmi ilə mətbuatda iz qoymuş bir sıra publisistlər məhz Cahangir müəllimin ədəbi məktəbinin məzunudur. O, mehriban və qayğıkeş davranışı ilə rəhbərlik etdiyi kafedranın, jurnalistika fakültəsinin, eləcə də Bakı Dövlət Universitetinin sevgi və rəğbətini qazanıb.
Çağdaş Azərbaycan jurnalistikasının ağsaqqalı, elmimizin inkişafında mühüm xidmətləri olan sevimli müəllimimiz professor Cahangir Məmmədlini doğum günü münasibətilə ürəkdən təbrik edir, şərəfli ömür kitabının hər səhifəsinin uğurlu olmasını diləyirik.
Şəms HÜSEYNLİ
BDU-nun Jurnalistika fakültəsinin tələbəsi
26-01-2023, 21:07
Rusiya itkilərinə əhəmiyyət vermir - Zelenski
"Rusiya itkilərinə əhəmiyyət vermir". Bunu "SKY News"a müsahibəsi zamanı Ukrayna prezidenti Volodimir Zelenski deyib. "Son günlər daha güclü hücumlar olub və Ukrayna qüvvələrinin müdafiə gücünə malik olması son dərəcə vacibdir. Hər şey bizim onları nə qədər yerinə oturda biləcəyimizdən asılıdır. Şərqdə onlar irəliləyirlər və çoxlu canlı qüvvə itirirlər. İnanılmaz rəqəmlər var. Onlar buna əhəmiyyət vermirlər. İnsanları saymırlar. Biz onların adamlarını sayırıq. Məlumatımıza görə, onların tərəfində minlərlə ölü var", - deyə Zelenski bildirib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
26-01-2023, 13:28
Rusiya itkilərinə əhəmiyyət vermir - Zelenski
"Rusiya itkilərinə əhəmiyyət vermir". Bunu "SKY News"a müsahibəsi zamanı Ukrayna prezidenti Volodimir Zelenski deyib. "Son günlər daha güclü hücumlar olub və Ukrayna qüvvələrinin müdafiə gücünə malik olması son dərəcə vacibdir. Hər şey bizim onları nə qədər yerinə oturda biləcəyimizdən asılıdır. Şərqdə onlar irəliləyirlər və çoxlu canlı qüvvə itirirlər. İnanılmaz rəqəmlər var. Onlar buna əhəmiyyət vermirlər. İnsanları saymırlar. Biz onların adamlarını sayırıq. Məlumatımıza görə, onların tərəfində minlərlə ölü var", - deyə Zelenski bildirib. Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
26-01-2023, 13:26
Zelenski: “Mənə onunla görüşmək, danışmaq maraqlı deyil..”
Ukrayna prezidenti Volodimir Zelenski Rusiya prezidenti Vladimir Putinlə görüşməkdə və onunla sülh danışıqlarında maraqlı deyil. Zelenski bu fikri “Sky News”a müsahibəsində deyib. Ukrayna lideri bildirib ki, bu gün Putin onun üçün “heç kimdir”. V.Zelenskinin sözlərinə görə, o, Rusiyada kimin qərar verdiyini də anlamır. Zelenski “Putinlə görüş müharibənin həllinə kömək edəcəkmi” sualına cavab olaraq deyib ki, buna inanmır. Çünki Moskva daim sülh haqqında bəyanat verir, amma Ukraynaya raketlərlə hücum edərək, öz yalanını ortaya qoyur. Ukraynanın ali baş komandanı bildirib ki, bu gün Moskvada kimin qərarlar verdiyini başa düşmədiyi üçün Kremlin sahibi ilə görüşməkdə və onunla mümkün sülhü müzakirə etməkdə maraqlı deyil. "Mənə onunla görüşmək, danışmaq maraqlı deyil... Çünki Rusiyada kimin qərar verdiyini həqiqətən başa düşə bilmirəm". Eyni zamanda, Zelenski qeyd edib ki, ukraynalıların həyatını xilas etmək Putin rejiminin başlatdığı ədalətsiz müharibədə onun bir nömrəli prioritetidir. "Rusiya ərazisində döyüşmək istəmirəm. Sadəcə istəyirəm ki, müharibəni tez dayandırsınlar və ölkəmizi tez tərk etsinlər. Sizə dəqiq deyə bilərəm ki, ərazimizi tərk etsələr, müharibə dayanacaq”, - deyə Zelenski bildirib.
26-01-2023, 13:22
Rusiyadan Kiyevə növbəti raket zərbəsi
Rusiyanın Ukrayna paytaxtı Kiyevə raket zərbəsi endirməsi nəticəsində 1 dinc sakin həyatını itirib. Bu barədə şəhərin meri Vitali Kliçko "Telegram" kanalında yazıb. Bildirilib ki, daha 2 mülki şəxs isə xəsarət alıb.
26-01-2023, 13:17
Sabahın hava proqnozu
Sabah Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Milli Hidrometeorologiya Xidmətindən verilən məlumata görə, gün ərzində bəzi yerlərdə çiskinli ehtimalı var. Gecə və səhər ara bir duman olacaq, cənub küləyi əsəcək. Havanın temperaturu gecə 1° şaxtadan 2°-dək isti, gündüz 7-9° isti olacaq. Atmosfer təzyiqi normadan yüksək, 770 mm civə sütunu olacaq. Nisbi rütubət 65-75 % olacaq. Azərbaycanın rayonlarında sabah hava əsasən yağmursuz keçirəcək. Lakin gecə və səhər bəzi şərq rayonlarında az çiskinli yağış yağacağı gözlənilir. Bəzi yerlərdə arabir duman olacaq. Şərq küləyi əsəcək. Havanın temperaturu gecə 2° şaxtadan 3°-dək isti, gündüz 7-11° isti, dağlarda gecə 9-14° şaxta, gündüz 0-5° şaxta olacaq. Gecə və səhər dağlıq rayonlarda yollar buz bağlayacaq.
26-01-2023, 13:14
Prezident yeni təyin olunan Fransa səfirini qəbul etdi
Azərbaycan Respublikasının Prezidenti İlham Əliyev yanvarın 26-da Fransa Respublikasının ölkəmizdə yeni təyin olunmuş fövqəladə və səlahiyyətli səfiri xanım Ann Buayonun etimadnaməsini qəbul edib. Səfir etimadnaməsini Prezident İlham Əliyevə təqdim edib. Sonra dövlət başçısı səfirlə söhbət edib. Prezident İlham Əliyev Azərbaycan ilə Fransa arasında diplomatik əlaqələrin qurulmasının keçən il 30 illiyinin qeyd olunduğunu vurğulayıb. Dövlət başçısı ötən müddət ərzində iki ölkə arasında diplomatik əlaqələrin zəngin tarixinin olduğunu diqqətə çatdırıb. Azərbaycan Prezidenti qarşıdakı dövrün ikitərəfli əlaqələrin inkişafı və beynəlxalq təşkilatlar çərçivəsində ölkələrimiz arasında əməkdaşlıq baxımından daha da səmərəli olacağına ümidvarlığını ifadə edib. Səfir Ümummilli Lider Heydər Əliyevin 1993-cü ildə Fransaya səfərini xatırladı, ölkəmizdə səfir kimi fəaliyyəti dövründə Azərbaycan ilə Fransa arasında münasibətlərin inkişafına töhfə vermək üçün səylərini əsirgəməyəcəyini bildirib. Söhbət zamanı regional məsələlərə də toxunulub. Dövlət başçısı son dövrlərdə Azərbaycan ərazisində Laçın-Xankəndi yolunun guya bağlanması barədə Ermənistanın əsassız iddialar irəli sürdüyünü qeyd edərək, bu iddiaların tamamilə yalan və cəfəng olduğunu dedi. Prezident İlham Əliyev bildirdi ki, Rusiya sülhməramlılarının və Beynəlxalq Qızıl Xaç Komitəsinin xətti ilə mülki təyinatlı yüklərin və mülki şəxslərin bu yolla daşınması təmin edilir. Dekabrın 12-dən etibarən 1000-ə yaxın nəqliyyat vasitəsinin bu yol ilə hər iki istiqamətdə keçidi təmin olunub. Dövlətimizin başçısı Rusiya sülhməramlılarının müvəqqəti yerləşdirildiyi Azərbaycan ərazilərində faydalı qazıntı yataqlarının qanunsuz istismarının dayandırılmasının və ölkəmizin bu yataqlar üzərində daimi monitorinqinin təmin edilməsinin vacibliyini vurğuladı. Prezident İlham Əliyev səfirə Azərbaycandakı diplomatik fəaliyyəti dövründə uğurlar arzuladı.
26-01-2023, 13:11
Rus qoşunları Ukraynanın daha bir şəhərinə daxil oldu
Rusiya qoşunları Donetsk ətrafında yerləşən Uqledar şəhərinə daxil olub. Bu barədə qondarma Donetsk Xalq Respublikası (DXR) rəhbərinin müşaviri İqor Kimakovski bildirib. Onun sözlərinə görə, hazırda şəhərin kənarında döyüşlər gedir. "Əks-hücuma keçməyə çalışan düşmənə qarşı Rusiya artilleriyası istifadə olunur", - Kimakovski deyib. Rusiyanın işğal etdiyi Xerson vilayətinin fövqəladə hallar xidmətinin nümayəndəsi isə qeyd edib ki, artilleriyaçılar Dnepr çayının sağ sahilində Ukrayna ordusunun anbarını məhv ediblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!