Xəbərlərin siyahısı: 20.02.2023 » Səhifə 2

20-02-2023, 22:10

ABŞ prezidenti 15 ildən sonra Kiyevə səfər edib

Xəbər verdiyimiz kimi, bu gün ABŞ prezidenti Co Bayden Kiyevə gözlənilməz səfər edib. O, ukraynalı həmkarı Volodimir Zelenski ilə görüşüb. Prezidentlər Mixaylovsk dini məbədinə baş çəkib, döyüşlərdə həlak olan ukraynalı hərbçilərin xatirəsini yad ediblər. Baydenin Polşaya səfər edəcəyi gözlənilsə də, onun Kiyevə gəlişi hər kəsi təəccübləndirib. Ekspertlərin fikrincə, ABŞ liderinin Ukraynaya səfərinin gizli saxlanılması təhlükəsizlik tədbirləri ilə əlaqədardır. Onu da bildirək ki, ABŞ prezidentinin Kiyevə tarixi səfəri ortaya bir sıra məqamları çıxarıb. Belə ki, Bayden ABŞ tarixində Amerika əsgərlərinin olmadığı aktiv döyüş meydanına səfər edən ilk ölkə başçısıdır. Həmçinin 15 ildən sonra tarix yenidən təkrarlanıb. Bu, həm də ABŞ prezidentinin son 15 ildə Kiyevə ilk səfərdir. Bundan əvvəl Corc Buş 2008-ci ildə Kiyevə səfər edib və Viktor Yuşşenko ilə görüşüb. Qeyd edək ki, Bayden Zelenski ilə görüşdə bir sıra vacib məsələləri müzakirə edib. O, sosial şəbəkə hesabında Kiyevdən Rusiyaya mesaj göndərərək bildirib ki, Putin Ukraynanın zəif olduğunu, Qərbin isə parçalandığını düşünməklə dərindən səhv edib. ABŞ lideri, həmçinin vurğulayıb ki, Ukraynadakı müharibə əsrin son üç rübündə Avropada ən böyük quru silahlı münaqişəsinə çevrilib. Baydenin sözlərinə görə, ukraynalıların döyüş meydanında bundan sonra da qələbələr qazanacağına şübhə yoxdur.

ABŞ prezidenti 15 ildən sonra Kiyevə səfər edib

20-02-2023, 22:00

Zelenski Baydenlə görüşündən sonra təəssüratlarını bölüşdü

ABŞ Prezidenti Co Baydenin Kiyevə səfəri zamanı aparılan danışıqlar çox səmərəli keçib. Bunu Ukrayna Prezidenti Volodimir Zelenski amerikalı həmkarı Co Baydenlə keçirdiyi mətbuat konfransında deyib. O qeyd edib ki, görüşün nəticələri döyüş meydanında öz əksini tapacaq. “Baydenlə bugünkü danışıqlar səmərəli oldu... Ümid edirik ki, bu il 2023-cü il qələbə ili olacaq”, - deyə Zelenski bildirib. Dövlət başçısının sözlərinə görə, Ukrayna çox çətin dövr qarşısındadır, lakin ABŞ və digər tərəfdaş ölkələrin köməyi ilə “tarixi nailiyyətlər” əldə edəcək: "Bugünkü danışıqlar çox səmərəli, çox vacib və çox həlledici oldu...nəticələr mütləq döyüş meydanına təsir edəcək". Bayden Ukraynaya milyardlarla dollarlıq büdcə yardımı veriləcəyini deyib.

Zelenski Baydenlə görüşündən sonra təəssüratlarını bölüşdü

20-02-2023, 21:36

Avropa İttifaqı Ermənistanda müşahidəçi missiyasına başlayıb

Avropa İttifaqının (Aİ) Ermənistana göndərdiyi müşahidəçi missiyası öz işinə başlayıb. Bu barədə Aİ Şurasının bəyanatında bildirilir. Açıqlamada deyilir ki, missiya Azərbaycan-Ermənistan sərhədində vəziyyətin nizamlanmasına töhfə vermək üçün nəzərdə tutulub. 100 nəfərdən ibarət missiya 2 il müddətində fəaliyyət göstərəcək.

Avropa İttifaqı Ermənistanda müşahidəçi missiyasına başlayıb

20-02-2023, 21:22

Türkiyənin Şanlıurfa şəhərində partlayış baş verib

Türkiyənin Şanlıurfa şəhərində partlayış olub. Hadisə yaşayış binasında baş verib. Partlayış nəticəsində iki nəfər həlak olub, səkkiz nəfər yaralanıb. Binadan insanlar təxliyə olunub və təhlükəsizlik tədbirləri görülüb. Hazırda hadisə yerində araşdırma aparılır. İlkin məlumata görə, binanın birinci mərtəbəsində yerləşən iş yerində qaz balonu partlayıb. Xatırladaq ki, Şanlıurfa dağıdıcı zəlzələnin təsirinə məruz qalmış on vilayətdən biridir.

Türkiyənin Şanlıurfa şəhərində partlayış baş verib

20-02-2023, 15:38

Türkiyənin Şanlıurfa şəhərində partlayış baş verib

20-02-2023, 15:36

Sabahın hava proqnozu

Azərbaycanda fevralın 21-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Güclü şimal-qərb küləyi günün ikinci yarısında mülayim cənub-qərb küləyi ilə əvəz olunacaq. Havanın temperaturu gecə 5-7° isti, gündüz 7-9° isti olacaq. Atmosfer təzyiqi 755 mm civə sütunundan 761 mm civə sütununa yüksələcək. Nisbi rütubət gecə 60-70 % olacaq. Azərbaycanın rayonlarında bəzi yerlərdə arabir yağıntılı olacağı, dağlıq rayonlarda qar yağacağı gözlənilir. Axşama doğru tədricən kəsiləcək. Bəzi yerlərdə duman olacaq. Qərb küləyi ayrı-ayrı yerlərdə arabir güclənəcək. Havanın temperaturu gecə 2-6° isti, gündüz 10-15° isti, dağlarda gecə 2-7° şaxta, gündüz 2° şaxtadan 3°-dək isti olacaq.

Sabahın hava proqnozu

20-02-2023, 15:34

Çavuşoğlu İsveç və Finlandiyanın NATO-ya üzvlüyündən danışdı

Türkiyənin xarici işlər naziri Mövlud Çavuşoğlu İsveç və Finlandiyanın NATO-ya üzvlük prosesindən danışıb. XİN başçısı ABŞ dövlət katibi Antoni Blinkenlə görüşdən sonra bu məsələyə toxunub. Çavuşoğlunun sözlərinə görə, tezliklə İsveç və Finlandiyanın NATO-ya üzvlük prosesi ilə bağlı aparılan danışıqlar bərpa olunacaq və davam edəcək. O, Ankaranın Rusiyaya qarşı tətbiq olunan sanksiyalardan yayınmağa imkan verməyəcəyini vurğulayıb. Qeyd edək ki, İsveçdə PKK tərəfdarlarının keçirdiyi aksiya və Türkiyə səfirliyi yaxınlığında Quranın yandırılması hadisələrindən sonra proses dayanmışdı.

Çavuşoğlu İsveç və Finlandiyanın NATO-ya üzvlüyündən danışdı

20-02-2023, 15:28

Pakistan nazirləri Azərbaycana gəldi

Pakistandan olan nazirlərdən ibarət nümayəndə heyəti Azərbaycana gəlib. İki günlük səfər çərçivəsində İnvestisiyalar üzrə Şuranın federal naziri Çaudri Salik Hüseyn, neft naziri Musadiq Məsud Malik və federal sənaye və istehsal naziri Seyid Murtaza Mahmud Bakıda rəsmi şəxslərlə bir sıra görüşlər keçirəcək. Görüşlərdə iki ölkə arasında ikitərəfli əməkdaşlığın inkişaf perspektivlərinin müzakirəsi planlaşdırılır. Xatırladaq ki, ötən il Azərbaycan və Pakistan diplomatik münasibətlərin qurulmasının 30 illiyini qeyd edib.

Pakistan nazirləri Azərbaycana gəldi

20-02-2023, 15:25

Çavuşoğlu Blinkenlə bir sıra məsələləri müzakirə etdi

Türkiyənin xarici işlər naziri Mövlud Çavuşoğlu ABŞ dövlət katibi Antoni Blinkenlə görüşdə Cənubi Qafqazla bağlı müzakirələr aparıblar. Bu barədə Çavuşoğlu birgə mətbuat konfransında məlumat verib. O qeyd edib ki, məqsəd sülhün bərqərar olmasıdır və Vaşinqton paralel olaraq Bakı və İrəvanla da kontakt saxlayır. Türkiyə XİN başçısı bildirib ki, ABŞ Konqresi F-16-ların tədarükünə mane olmamalıdır. Həmçinin terrorla mübarizə mövzusunun da müzakirə edildiyi vurğulanıb. Blinken isə ABŞ-ın Türkiyəni dəstəkləməyə davam edəcəyini diqqətə çatdırıb.

Çavuşoğlu Blinkenlə bir sıra məsələləri müzakirə etdi

20-02-2023, 15:23

Pakistanla Əfqanıstan sərhəddində toqquşma baş verib

Pakistan və Əfqanıstan sərhədçiləri arasında toqquşma olub. Sərhəddəki Torxam keçid məntəqəsində atışma baş verib. Hələ ki, itkilər barədə məlumat yoxdur. Atışmaya səbəbin sərhədin bağlanması olduğu bildirilir. Belə ki, dünən Taliban qruplaşması Pakistanı öhdəliklərini yerinə yetirməməkdə ittiham edərək bu keçid məntəqəsini bağlayıb.

Pakistanla Əfqanıstan sərhəddində toqquşma baş verib