4-05-2023, 13:30
Kiyev hücum vasitələrini Vaşinqtonun diktəsi ilə seçir - Peskov
"Kiyev həm hədəfləri, həm də hücum vasitələrini Vaşinqtonun diktəsi ilə seçir". Bunu Rusiya Prezidenti Vladimir Putinin sözçüsü Dmitri Peskov deyib. Peskov Kremlə hücumun arxasında Kiyevin durduğunu bildirib: "Kiyevin hücumunun arxasında isə Vaşinqton dayanır". O qeyd edib ki, Rusiya cavab tədbirləri üçün müxtəlif variantları nəzərdən keçirir. Rusiya Federasiyası prezidentinin mətbuat xidmətinin açıqlamasına görə, Ukrayna ötən gecə saatlarında Kremlə zərbə endirməyə cəhd edib. İddiaya görə, Rusiya ordusu və kəşfiyyat orqanları Kremlə hücum edən 2 PUA-nı sıradan çıxarıb, xəsarət alan olmayıb. Moskva hücuma görə Ukraynanı ittiham edib. Rəsmi Kiyev Ukraynanın Kremlə "hücumda" əli olmadığını bildirib. Eyni zaman Zelenski ölkəsinin Kremlə hücumlarda iştirak etmədiyini diqqətə çatdırıb.
4-05-2023, 13:00
Ölümdən son anda qurtuldum - Sabiq prezident
Ölümdən son anda xilas oldum. Bu barədə Gürcüstanın keçmiş prezidenti Mixail Saakaşvili yazıb. Vivamedi klinikasına yerləşdirilən eks-prezidentin sözlərinə görə, dəfələrlə huşunu itirib. Bu gün yıxılaraq başını dəmir masaya vurub: "Bu gün yenə huşumu itirdim və ölümdən bir saç eni etibarı ilə xilas oldum – huşumu itirdiyim üçün yıxılıb başımı dəmir masaya vurdum. Tibb bacılarına təşəkkür etmək istəyirəm, onlar vaxtında kömək etməklə məni dirildə bildilər".
4-05-2023, 12:30
Prezident Zəngilan rayonuna səfər edib
Azərbaycan Respublikasının Prezidenti İlham Əliyev mayın 4-də Zəngilan rayonuna səfər edib.
Dövlət başçısı Zəngilan şəhərində Konqres Mərkəzinin tikintisi ilə tanış olub, inzibati binanın təməlini qoyub, “Azərenerji” ASC-nin “Sarıqışlaq” Su Elektrik Stansiyasında tikinti işlərinin gedişi ilə tanış olub, otel kompleksinin, 91 çarpayılıq Zəngilan Rayon Mərkəzi Xəstəxanasının və Cahangirbəyli kəndinin təməlini qoyub.
4-05-2023, 12:00
Zelenski Niderlandda işgüzar səfərdədir
Ukrayna prezidenti Volodimir Zelenskinin Niderlandın Haaqa şəhərinə gedib. Bu barədə Ukrayna Prezidentinin mətbuat xidməti məlumat yayıb. Bildirilir ki, o, ilk növbədə Haaqadakı Beynəlxalq Cinayət Məhkəməsinə baş çəkib və burada çıxış edəcək. Daha sonra Zelenski Niderlandın baş naziri Mark Rutte ilə görüşəcək.
4-05-2023, 11:30
Ermənistanda etiraz aksiyası - Paşinyanın şəkilləri qırmızıya boyandı
Ermənistan Nazirlər Kabinetinin binası yaxınlığında etiraz aksiyası keçirilir. Aksiyada iştirak edənlər hökumətin Qarabağla bağlı siyasətindən, Bakı və Ankara ilə münasibətlərin normallaşması prosesindən narazılığını bildirib. Etirazçılar hökumət rəsmilərinin, xüsusən də Paşinyan və onun həyat yoldaşının fotoşəkillərinin üzərinə qırmızı boya töküb. Əraziyə polis cəlb edilib və hökumət binasının girişində polis kordonu yaradılıb.
4-05-2023, 11:00
Sərhədçilərin “Heydər Əliyev zirvəsi”nə yürüşü təşkil olundu
Ulu Öndər Heydər Əliyevin anadan olmasının 100-cü ildönümü ərəfəsində zəmanəmizin dahi şəxsiyyəti, müasir Azərbaycan dövlətinin qurucusu, Milli Sərhəd Strategiyasının banisi Ümummilli Lider Heydər Əliyevin əziz xatirəsinə sərhədçi ehtiramının bildirilməsi məqsədilə Dövlət Sərhəd Xidməti (DSX) tərəfindən xidmətdə fərqlənmiş bir qrup sərhədçinin Böyük Qafqaz sıra dağlarının Qızıl Qaya massivində dəniz səviyyəsindən 3751 metr hündürlükdə yerləşən “Heydər Əliyev zirvəsi”nə ənənəvi yürüşü təşkil olunub. Bu barədə DSX-nin Mətbuat Mərkəzindən məlumat verilib. Bildirilib ki, Xidmətin Sərhəd Qoşunlarının “Xudat” sərhəd dəstəsinin “Xınalıq” sərhəd zastavasından hərəkətə başlayan yürüş iştirakçıları sərt iqlim şəraitində mürəkkəb relyefə malik olan dağlıq ərazini böyük ruh yüksəkliyi və əzmkarlıqla fəth edərək təyin olunmuş zirvəyə qalxıb, orada Azərbaycanın Dövlət Bayrağını və “Həyatı nəsillərə nümunə olan və xalqın qəlbində əbədi yaşayan Ümummilli Lider Heydər Əliyev – 100 il” sözləri yazılmış barneli ucaltmış, Dövlət Himnini ifa ediblər. Yürüş iştirakçıları zirvədə “Müasir Azərbaycanın memarı və qurucusu, Dövlət Sərhəd Xidmətinin yaradıcısı Dahi Öndər Heydər Əliyevin adı Azərbaycanın özü qədər əbədi olacaqdır” sözləri əks olunmuş metal lövhəni qaya üzərində bərkidiblər.
4-05-2023, 10:30
Laçın sərhəd məntəqəsiylə bağlı Baş nazirdən yeni qərar
Azərbaycan Respublikasının dövlət sərhədində buraxılış məntəqələrinin sayı və yerləşdiyi ərazilərin siyahısına dəyişiklik edilib. Bununla bağlı Baş nazir Əli Əsədov müvafiq qərar imzalayıb. Qərarla Laçın dövlət sərhədindən buraxılış məntəqəsi (Laçın rayonu (Malxələf kəndinin yaxınlığı), Azərbaycan Respublikası ilə Ermənistan Respublikası arasında) siyahıya daxil edilib.
3-05-2023, 23:01
Əks-hücumdan sonra bizə qırıcı təyyarələr veriləcək - Zelenski
"Ukrayna əks-hücumdan sonra Qərbin qırıcı təyyarələrini alacaq". Bunu finlandiyalı həmkarı ilə birgə mətbuat konfransı keçirən Ukrayna prezidenti Volodimir Zelenski deyib. "Tezliklə əks-hücum olacaq. Bundan sonra isə əminəm ki, bizə təyyarələr veriləcək. İstərdim ki, tərsinə olsun, çünki bu, bizim üçün daha asan olardı. Amma vəziyyət belədir. Biz buna görə minnətdarıq”, - o qeyd edib. Xatırladaq ki, Zelenski Helsinkidə səfərdədir.
3-05-2023, 20:30
Azərbaycanla aramızda hər hansı sənəd imzalansa, şad olaram - Paşinyan
İyunun 1-də Ermənistanla Azərbaycan arasında hər hansı sənəd imzalansa, şad olaram. Bunu Ermənistanın baş naziri Nikol Paşinyan deyib. Mayın 3-də parlamentdə “Ermənistan” fraksiyasından olan deputat Qeqam Manukyan baş nazirə ABŞ-Azərbaycan-Ermənistan, habelə Rusiya-Azərbaycan-Ermənistan rəsmiləri arasında üçtərəfli görüşlə bağlı sual verib. Paşinyan deputatın sualına cavab olaraq bildirib ki, onun parlamentə təqdim etdikləri Vaşinqtonda müzakirə olunur: "Masada Ermənistan-Azərbaycan sülh müqaviləsi ilə bağlı təkliflər sənədi var. Mən Xarici İşlər Nazirliyinə tapşırdım ki, sizi Azərbaycanın və Ermənistanın təklifləri ilə, bu sənədlə tanış etsin, siz istəmədiniz". Müxalif deputat Praqada keçirilən görüş formatında, Vaşinqtonda müzakirə olunan sənəd əsasında iyunun 1-də Kişinyovda Azərbaycan və Ermənistan arasında hər hansı sənədin imzalanmasının mümkün olub-olmadığını soruşub. "Belə olsa, çox sevinərəm. Bunlar pis xəbər deyil, yaxşı xəbərlərdir. Danışıqlar davam etdiyi üçün deyəcəyim hər hansı müsbət və ya mənfi şərh onların gedişatına təsir edəcək. Mən Vaşinqtona səfər edən rəsmilərə dedim ki, sərbəst danışıqlar aparsınlar və ictimaiyyətə açıqlanan fikirlərimiz çərçivəsində vurğuladım - siz bilməlisiniz ki, Azərbaycanla danışıqlar apardığınız sənədi mən imzalayacam”, - Paşinyan bildirib.
3-05-2023, 20:30
Azərbaycanla aramızda hər hansı sənəd imzalansa, şad olaram - Paşinyan
İyunun 1-də Ermənistanla Azərbaycan arasında hər hansı sənəd imzalansa, şad olaram. Bunu Ermənistanın baş naziri Nikol Paşinyan deyib. Mayın 3-də parlamentdə “Ermənistan” fraksiyasından olan deputat Qeqam Manukyan baş nazirə ABŞ-Azərbaycan-Ermənistan, habelə Rusiya-Azərbaycan-Ermənistan rəsmiləri arasında üçtərəfli görüşlə bağlı sual verib. Paşinyan deputatın sualına cavab olaraq bildirib ki, onun parlamentə təqdim etdikləri Vaşinqtonda müzakirə olunur: "Masada Ermənistan-Azərbaycan sülh müqaviləsi ilə bağlı təkliflər sənədi var. Mən Xarici İşlər Nazirliyinə tapşırdım ki, sizi Azərbaycanın və Ermənistanın təklifləri ilə, bu sənədlə tanış etsin, siz istəmədiniz". Müxalif deputat Praqada keçirilən görüş formatında, Vaşinqtonda müzakirə olunan sənəd əsasında iyunun 1-də Kişinyovda Azərbaycan və Ermənistan arasında hər hansı sənədin imzalanmasının mümkün olub-olmadığını soruşub. "Belə olsa, çox sevinərəm. Bunlar pis xəbər deyil, yaxşı xəbərlərdir. Danışıqlar davam etdiyi üçün deyəcəyim hər hansı müsbət və ya mənfi şərh onların gedişatına təsir edəcək. Mən Vaşinqtona səfər edən rəsmilərə dedim ki, sərbəst danışıqlar aparsınlar və ictimaiyyətə açıqlanan fikirlərimiz çərçivəsində vurğuladım - siz bilməlisiniz ki, Azərbaycanla danışıqlar apardığınız sənədi mən imzalayacam”, - Paşinyan bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!