11-07-2023, 14:26
Mirziyoyev prezident seçkilərində qalib gəldi
Özbəkistanın hazırkı dövlət başçısı Şavkat Mirziyoyev növbədənkənar prezident seçkilərində qalib gəlib. Bu barədə Özbəkistan Mərkəzi Seçki Komissiyası rəsmi məlumat yayıb. Bildirilib ki, o, 87.05% səslə yenidən prezident seçilib.
Qeyd edək ki, iyulun 9-da Özbəkistanda növbədənkənar prezident seçkiləri keçirilib.
11-07-2023, 14:24
Ərdoğan Britaniyanın Baş naziriylə görüşdü
Türkiyə Prezidenti Rəcəb Tayyib Ərdoğan Böyük Britaniyanın Baş naziri Rişi Sunakla görüşüb.
İki ölkə liderləri Vilnüsdə keçirilən NATO sammiti çərçivəsində bir araya gəliblər. Onlar qarşılıqlı maraq doğuran məsələləri müzakirə ediblər. Ərdoğan bundan əvvəl Fransa dövlət başçısı Emmanuel Manronla görüş keçirib.
11-07-2023, 14:12
Müəllimlərin işə qəbulu üzrə 1-ci seans imtahanı yekunlaşdı
İyulun 11-dən 2023-2024-cü tədris ili üçün müəllimlərin işə qəbulu üzrə müsabiqənin test imtahanı mərhələsinə start verilib. Elm və Təhsil Nazirliyindən verilən məlumatına görə, imtahanların ilk seansına riyaziyyat fənni üzrə 4400 namizəd dəvət olunub. Saat 10:00-da başlayan 1-ci seans imtahanlar 12:30-da yekunlaşıb. İmtahan iştirakçılarına 60 sual təqdim olunub - 20 metodika, 40 sual ixtisası əhatə edirb. Cavablar 100 ballıq şkala ilə qiymətləndirilir. İxtisasda bir sual 2 bal, metodikada isə 1 baldır. 4 səhv 1 düzü aparır. İmtahanın müddəti 150 dəqiqədir.
Məlumata görə, müəllimliyə namizədlər sualların çətin olmasından şikayətləniblər. Xüsusilə kurikulum sualları ilə bağlı narazılıq edənlər var.
11-07-2023, 14:05
“Neftçi” Futbol Klubu yeni baş məşqçisini təqdim etdi
"Neftçi" Peşəkar Futbol Klubu yeni baş məşqçisi Adrian Mutunu təqdim edib. "Ağ-qaralar"ın Müşahidə Şurasının sədri, SOCAR-ın prezidenti Rövşən Nəcəf rumıniyalı mütəxəssislə görüşüb. Görüşdə “Neftçi” PFK-nın hazırki durumu və qarşıya qoyulan hədəflər barədə fikir mübadiləsi aparılıb, klubla bağlı gözləntilər diqqətə çatdırılıb. Daha sonra rumıniyalı mütəxəssis Adrian Mutu ilə iki illik müqavilə imzalanıb.
Xatırladaq ki, ötən mövsüm “Neftçi” PFK-nı çalışdıran baş məşqçi Laurentsiu Regekampf və onun köməkçiləri ilə iyunun 21-də yollar ayrıldıqdan sonra bir sıra namizədlərlə danışıqlar aparılıb, onların arasından klubumuzla maraqları üst-üstə düşən, bacarıq və potensialı ən yüksək olan mütəxəssislə anlaşılıb. Yeni baş məqşçinin ictimaiyyətə təqdimatı klub rəhbərliyi və komanda üzvləri təlim-məşq toplanışından qayıdandan sonra baş tutacaq, bu xüsusda mətbuat konfransı təşkil olunacaq.
Qeyd edək ki, Adrian Mutu 1979-cu il yanvarın 8-də anadan olub. Rumıniya tarixinin ən yaxşı futbolçularından biri olan A.Mutu ölkəsində bir neçə klubla yanaşı, İtaliyada “İnter”, “Hellas Verona”, “Parma”, “Yuventus”, “Fiorentina”, “Çezena”, İngiltərədə “Çelsi”, Fransada “Ayaçço” və Hindistanda “Puna Siti” klublarının formasını geyinib, Rumıniya milli komandasının heyətində 77 oyun keçirib, 35 qol vurub. 2003, 2005, 2007 və 2008-ci illərdə Rumıniyada, 2007-ci ildə isə İtaliyada ilin futbolçusu seçilib. Adrian Mutu “Voluntari” (Rumıniya, 2018), “Əl Vəhdə” U-21 (BƏƏ, 2018-2019), Rumıniya U-21 milli komandası (2020-2021), “Universitatya Krayova” (Rumıniya, 2021) və “Rapid”in (Buxarest, Rumıniya, 2022-2023) baş məşqçisi olub. UEFA-nın PRO kateqoriyalı məşqçilik lisenziyasına malikdir.
11-07-2023, 13:59
Ankara çəhrayı eynək taxmasın, Türkiyəni Avropada görmək istəmirlər - Peskov
"Fransanın Ukraynanı uzaqmənzilli raketlərlə təmin etmək qərarı yanlışdır". Bunu Kremlin sözçüsü Dmitri Peskov deyib. "Rusiya belə hərəkətlərə cavab verəcək. Ankara çəhrayı eynək taxmasın, avropalıların heç biri Türkiyəni Avropada görmək istəmir", - Peskov iddia edib.
"Kreml hələ də Putinin Cənubi Afrikada keçiriləcək BRICS sammitində iştirak edəcək formatı nəzərdən keçirir", - o qeyd edib.
11-07-2023, 13:48
Arutyunyanın qızları Qarabağı tərk etdi
Xankəndidəki separatçıların başçısı Araik Arutyunyanın qızları Qarabağı tərk edib. Bu barədə Ermənistan mətbuatı məlumat yayıb. Xəbərdə deyilir ki, qızlardan biri ailə qurduqdan sonra, digəri təhsil bəhanəsi ilə İrəvana köçüb. Bundan əlavə, Arutyunyanın “fövqəladə dövlət xidməti”nin əməkdaşı olan kürəkəni də işdən çıxarılıb. O Qarabağı tərk edərək, Ermənistana yollanıb.
11-07-2023, 13:35
Ərdoğan fransalı həmkarıyla görüşdü
Türkiyə Prezidenti Rəcəb Tayyib Ərdoğan fransalı həmkarı Emmanuel Makronla görüşüb. İki ölkə liderləri Vilnüsdə keçirilən NATO sammiti çərçivəsində bir araya gəliblər. Onlar qarşılıqlı maraq doğuran məsələləri müzakirə ediblər.
11-07-2023, 13:02
Sabahın hava proqnozu
Azərbaycanda iyulun 12-nə gözlənilən hava proqnozu açıqlanıb. Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında dəyişkən buludlu, əsasən yağmursuz hava olacaq. Mülayim şimal-qərb küləyi əsəcək. Havanın temperaturu gecə 20-24° isti, gündüz 27-31° isti olacaq. Atmosfer təzyiqi 760 mm civə sütunundan 763 mm civə sütununa yüksələcək. Nisbi rütubət 50-60 % təşkil edəcək. Azərbaycanın rayonlarında hava əsasən yağmursuz keçəcək. Lakin gecə və səhər bəzi dağlıq ərazilərdə qısamüddətli az yağış yağacağı ehtimalı var. Gecə və səhər bəzi rayonlarda duman olacaq. Şərq küləyi əsəcək. Havanın temperaturu gecə 20-25° isti, gündüz 30-35° isti, dağlarda gecə 10-15° isti, gündüz 16-21° isti olacaq.
11-07-2023, 12:33
Ukraynanın NATO-ya daxil olması planı təklif olunacaq - Stoltenberq
"İyulun 12-də ilk NATO-Ukrayna sammiti keçiriləcək və burada Ukraynanın NATO-ya daxil olması planı təklif olunacaq". Bunu NATO-nun baş katibi Yens Stoltenberq deyib. Stoltenberq Ukrayna prezidenti Volodimir Zelenskinin bu gün Vilnüsə gələcəyini bir daha təsdiqləyib.
Qeyd edək ki, bu gün Litvanın paytaxtı Vilnüs şəhərində NATO liderlərinin sammiti keçiriləcək.
11-07-2023, 11:19
Müəllimlərin işə qəbulu üzrə müsabiqənin test imtahanına start verildi
İyulun 11-dən 2023-2024-cü tədris ili üçün müəllimlərin işə qəbulu üzrə müsabiqənin test imtahanı mərhələsinə start verilib. İmtahanların ilk seansına riyaziyyat fənni üzrə 4 400, ikinci seansına isə fiziki tərbiyə və kimya fənləri üzrə 5 430 namizəd dəvət olunub. 58 000-ə yaxın namizədin iştirak edəcəyi test imtahanları 11-15 iyul tarixlərində ölkənin 13 şəhəri üzrə 29 imtahan mərkəzində keçiriləcək.
Qeyd edək ki, müəllimlərin işə qəbulu üzrə müsabiqənin təşkilində məqsəd savadlı və bacarıqlı müəllimlərin seçilməsidir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!