22-07-2023, 23:42
Ukrayna Prezidentindən Azərbaycana təşəkkür
Ukrayna Prezidenti Volodimir Zelenski humanitar yardıma görə Azərbaycana təşəkkür edib.
Bu barədə o, axşam müraciətində bildirib.
“Enerji və minalardan təmizləmə sahəsində humanitar yardıma görə Azərbaycana təşəkkür edirəm”, - Zelenski qeyd edib.
O, Ukrayna dövlətinə, xalqına, ordusuna dəstək olaraq yeni qərarlar qəbul edən bütün ölkələrə təşəkkür edib.
22-07-2023, 22:38
Kələbəcərdə avtomobil qəzaya uğradı - Hərbiçilərimizdən biri öldü
Kəlbəcər rayonu ərazisində içərisində hərbçilərin olduğu avtomobil qəzaya uğrayıb.
Dağlıq ərazidə avtomobilin aşması nəticəsində 1 hərbçimiz həlak olub, daha bir hərbçi isə müxtəlif dərəcəli bədən xəsarətləri alıb.
Hadisə barədə əlavə məlumat veriləcək.
Araşdırma aparılır.
22-07-2023, 22:11
Cəbhədəki dinamika dəyişmək üzrədir - Zelenski
Qərb ölkələri Ukraynanın əks-hücum əməliyyatının ləng getməsindən təşvişə düşüb.
Bu barədə "Financial Times" qəzeti yazıb.
Nəşr qeyd edib ki, Ukrayna prezidenti Volodimir Zelenski Qərb müttəfiqlərini hücumun sürət qazanacağını əmin edib. O, Ukraynanın əks-hücumunun sürətini dörd günlük Aspen Təhlükəsizlik Forumunda beynəlxalq təhlükəsizlik liderləri ilə müzakirə edib.
Zelenskinin sözlərinə görə, onlar cəmi bir həftə əvvəl xeyli güc qazanıblar, çünki bundan əvvəl Ukrayna Silahlı Qüvvələrinin lazımi miqdarda sursat, silah və lazımi hazırlığa malik döyüşçüləri yox idi.
Əməliyyatın başlanmasının məcburi ləngiməsi Rusiyaya lazım olan ərazini minalamağa və müdafiə xətləri qurmağa imkan verib.
Zelenski deyib ki, bununla belə, cəbhədəki dinamika dəyişmək üzrədir. O, müttəfiqlərə uzun mənzilli raketlərin tədarükünü gücləndirmək və Ukraynanı müasir qırıcılarla təmin etmək xahişini bir daha təkrarlayıb.
22-07-2023, 21:45
Danimarka XİN-dən Quranın yandırılmasına reaksiya
Müqəddəs kitabların, dini rəmzlərin məhv edilməsi qınanılmağa layiq biabırçı hərəkətdir.
Bu barədə Danimarka Xarici İşlər Nazirliyinin yaydığı bəyanatda bildirilir.
"Danimarka hökuməti Quranın yandırılmasını pisləyir. Müqəddəs mətnlərin və digər dini simvolların yandırılması başqalarının dininə hörmət etməyən utancverici bir hərəkətdir. Bu, bir çox insanı incidən, müxtəlif dinlər və mədəniyyətlər arasında nifaq yaradan təxribat xarakterli bir hərəkətdir", - bəyanatda deyilir.
XİN krallıqda dini etiqad azadlığının olduğunu və bir çox subyektin İslam dinini qəbul etdiyini xatırladır.
Kopenhagen polisi bildirib ki, iyulun 21-də İraq səfirliyi yaxınlığında keçirilən etiraz aksiyası zamanı Quran nüsxəsi olduğu göstərilməyən kitab yandırılıb. Danimarka Xarici İşlər Nazirliyi bunun müqəddəs kitabın yandırılması olduğunu etiraf edib. İlkin məlumata görə, hadisəni sağçı radikal "Danimarka Patriotları" qrupu törədib.
22-07-2023, 20:50
Laçına çatan növbəti 22 ailə öz evlərinin açarlarını təhvil aldı
Bakı şəhərinin Qaradağ rayonundakı “Qobu park 3” yaşayış kompleksindən yola salınan və Laçına çatan növbəti 22 ailə öz evlərinin açarlarını təhvil alıblar.
Laçın şəhərinə doğma sakinlərinin geri dönüşü davam edir. Növbəti köç karvanı ilə 22 ailə Laçına çatıb. Laçına qədəm qoyan ailələr qarşılandıqdan sonra onlara öz evlərinin açarları təqdim olunub.
Bununla da, Laçın şəhərində 133 ailə, yəni 503 nəfərin daimi məskunlaşması təmin edilib.
Qeyd edək ki, köçürülən ailələr, Laçın şəhərində vaxtilə yaşadıqları, işğala son qoyulduqdan sonra dövlətimizin başçısının göstərişi əsasında bərpa edilən və ya yenidən tikilən evlərdə məskunlaşıblar.
22-07-2023, 18:44
Gənc qızın ölümündə şübhəli bilinən şəxs saxlanıldı
İyulun 22-də saat 17 radələrində Abşeron rayonu Mexkalon qəsəbəsi ərazisində 2005-ci il təvəllüdlü Abbasov Sərdar Sərxan oğlunun kəsilmiş-deşilmiş xəsarətlərdən ölməsi barədə rayon prokurorluğuna məlumat daxil olub.
Abşeron rayon Prokurorluğundan verilən məlumata görə, araşdırma zamanı 2005-ci il təvəllüdlü Mirzəyev Fərid Nafiz oğlunun aralarında yaranmış mübahisə zamanı bıçaqla Sərdar Abbasova xəsarət yetirərək qəsdən öldürməsinə əsaslı şübhələr müəyyən edilib.
Faktla bağlı Abşeron rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Fərid Mirzəyev iş üzrə şübhəli şəxs qismində saxlanılıb.
İbtidai istintaq davam etdirilir.
22-07-2023, 18:16
Moskvada 4 nəfərin ölümüylə nəticələnən partlayış baş verdi
Rusiyanın paytaxtı Moskva şəhərində güclü partlayış baş verib.
Partlayış “Vremena Qoda” ticarət mərkəzində qeydə alınıb.
Qaynar su borunun partlaması nəticəsində 4 nəfər ölüb. Ölənlərin meyitləri ticarət mərkəzinin içərisində tapılıb.
Hadisə nəticəsində 9 nəfərin müxtəlif dərəcəli xəsarətlər aldığı bildirilir.
22-07-2023, 17:37
Abşeronda gənc qız işgəncəylə öldürüldü
İyulun 22-də saat 17:30 radələrində Abşeron rayonu Mexkalon qəsəbəsində 2005-ci il təvəllüdlü Abbasov Sərdar Sərxan oğlunun kəsilmiş-deşilmiş xəsarətlərdən ölməsi barədə polisə məlumat daxil olub.
DİN-in mətbuat xidmətindən bildirilib ki, cinayət əməlini törətməkdə şübhəli bilinən 2005-ci Mirzəyev Fərid Nafiz oğlu polis əməkdaşları tərəfindən saxlanılıb.
İlkin məlumata görə cinayət hadisəsi şəxsi münasibətlər zəminində baş verib.
Araşdırma aparılır.
22-07-2023, 17:29
Hakan Fidan Pakistanın XİN Başçısıyla danışıqlar apardı
Türkiyənin xarici işlər naziri Hakan Fidan pakistanlı həmkarı Bilabal Bhutto Zərdari ilə telefon danışığı aparıb.
Bu barədə Türkiyə Xarici İşlər Nazirliyi məlumat yayıb.
Bildirilir ki, telefon danışığı zamanı Qara Dəniz Taxıl Təşəbbüsü və İslam Əməkdaşlıq Təşkilatının Qurana hücumlara qarşı səfərbər edilməsi və görüləcək birgə tədbirlər müzakirə edilib.
22-07-2023, 17:05
Qərbi Azərbaycanla bağlı Zod icması yaradıldı
Qərbi Azərbaycan İcmasının tərkibində Zod icmasının Göygöl nümayəndəliyinin yaradılması ilə bağlı tədbir keçirilib.
Tədbirdə Qərbi Azərbaycan İcmasının sədri Əziz Ələkbərli, Qərbi Azərbaycan İcmasının Ağsaqqallar Şurasının sədri, akademik Əhliman Əmiraslanov, Göygöl Rayon İcra Hakimiyyətinin başçısı Elvin Paşayev və vaxtı ilə Qərbi Azərbaycandan, Zod mahalından zorla deportasiya edilmiş və rayonda məskunlaşmış bir qrup ağsaqqal və ziyalılar, ictimaiyyət nümayəndələri iştirak ediblər.
Tədbir iştirakçıları əvvəlcə Göygöl şəhərində Ulu Öndər Heydər Əliyevin abidəsini və Şəhidlər xiyabanını ziyarət ediblər.
Daha sonra 300 nəfərə yaxın qərbi azərbaycanlı ilə görüş keçirilib.
Görüşdə Göygöl Rayon İcra Hakimiyyətinin başçısı Elvin Paşayev açılış nitqi ilə çıxış edib.
Sonra çıxış edən Qərbi Azərbaycan İcmasının sədri, Milli Məclisin deputatı Əziz Ələkbərli İcmanın strukturu, məqsədləri, bu günə qədər göstərdiyi uğurlu fəaliyyəti barədə danışıb.
Tədbirdə çıxış edən Qərbi Azərbaycan İcmasının Ağsaqqallar Şurasının sədri, akademik Əhliman Əmiraslanov nümayəndəliyin işinə uğurlar arzulayıb, belə addımların davamlı olmasını diləyiblər. Zod icmasının təsis olunması ilə bağlı təşəbbüsü dəstəkləyiblər.
Daha sonra Zod mahalının tarixini özündə əks etdirən videoçarx izlənilib. Dövlətə, dövlətçiliyə sadiq olan, qədirbilən və qeyrətli zodluların uğurları barədə söhbət açılıb, Ulu Öndər tərəfindən təltif olunanların videomüraciəti dinlənilib.
Tədbir bədii hissə ilə davam edib.
Qeyd edək ki, icmanın yerli nümayəndəliyi həmin rayonlarda yaşayan qərbi azərbaycanlılar arasında qayıdış hüququnun təşviqi və onların adət-ənənələrinin, folklorunun, mədəni dəyərlərinin təbliği istiqamətində yerli səviyyədə fəaliyyət həyata keçirəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!