27-08-2025, 14:20
Putinlə İlham Əliyev Çində görüşəcək? - Kremldən cavab
31 avqust-1 sentyabr tarixlərində Çinin şimalında, Tyantszin şəhərində Şanxay Əməkdaşlıq Təşkilatının (ŞƏT) sammiti keçiriləcək. Çin lideri Si Cinpin ŞƏT Dövlət Başçıları Şurasının 25-ci iclasına və ŞƏT Plus iclasına sədrlik edəcək.
Sammit çərçivəsində Si Cinpin liderlər üçün rəsmi nahar verəcək və iştirak edən liderlərlə ikitərəfli görüşlər keçirəcək. Rusiya Prezidenti Vladimir Putin, BMT Baş katibi Antonio Quterreş, Hindistanın Baş naziri Narendra Modi, İran Prezidenti Məsud Pezeşkian və Malayziya Baş naziri Anvar İbrahim tədbirə qatılacağı təsdiqlənən adlar arasındadır.
Qeyd edək ki, Azərbaycan Prezidenti İlham Əliyev və Ermənistanın baş naziri Nikol Paşinyan da sammitə dəvət olunub. Paşinyan iştirakını təsdiləyib, İlham Əliyev isə aprel ayında sammitə dəvəti qəbul edib.
Kremlə Azərbaycan və Rusiya prezidentlərinin sammit çərçivəsində görüşüb-görüşməyəcəyi ilə bağlı sual ünvanlanıb.
Kremlin mətbuat katibi Dmitri Peskov görüşün mümkünlüyünü şərh etməyib və Putinin ikitərəfli görüşlər qrafikinin hələ hazırlanma mərhələsində olduğunu bildirib.
"Biz indi ikitərəfli görüşlərin qrafikini hazırlayırıq, onu çinli dostlarımızın təşkil edəcəyi tədbirlərə uyğunlaşdırmaq lazımdır, bu iş tamamlandıqdan sonra sizi məlumatlandıracağıq", - o qeyd edib.
27-08-2025, 13:51
Rusiya Dnepr şəhərinə daxil olub - Ukrayna TƏSDİQLƏDİ
Ukrayna Silahlı Qüvvələri Rusiyanın ölkənin əsas sənaye bölgələrindən biri olan Dnepr şəhərinə daxil olduğunu rəsmən təsdiqləyib.
Dnepr Operativ-Strategiya Qrupunun nümayəndəsi Viktor Trehubov BBC-yə açıqlamasında bunun bölgəyə indiyədək edilən ən böyük hücum olduğunu bildirib.
O, rus qoşunlarının bir baza qurmağa cəhd etdiyini, lakin irəliləyişlərinin dayandırıldığını da qeyd edib.
Rusiya hələ iyunun əvvəlindən Dneprə hücum etdiyini açıqlasa da, Kiyevdən verilən son məlumatlar hücumun yalnız regional səviyyədə irəlilədiyini göstərir.
Ekspertlərə görə, Rusiyanın Dneprə doğru irəliləməsi Ukrayna üçün psixoloji zərbə ola bilər. ABŞ-ın rəhbərliyi ilə aparılan diplomatik səylər davam etsə də, prezident Donald Trampın Alyaskada Vladimir Putinlə görüşündən sonra da proseslərin zəiflədiyi müşahidə olunur.
Rusiya son aylarda ağır itkilərə baxmayaraq Donetsk istiqamətində də müəyyən uğurlar əldə edib. Dneprə doğru addımlar isə müharibənin növbəti mərhələsinə işarə kimi qiymətləndirilir.
26-08-2025, 17:15
Stiven Douti Bakıdan sonra İrəvana getdi
Böyük Britaniya və Şimali İrlandiya Birləşmiş Krallığının Avropa, Şimali Amerika və xaricdəki ərazilər üzrə dövlət naziri Stiven Douti Azərbaycana səfərindən sonra Ermənistana gedib.
Bu barədə Ermənistan XİN rəhbərinin müavini Vahan Kostanyan özünün “X” platformasındakı bildirib.
O, Böyük Britaniyanın dövlət naziri ilə görüşüb.
“Biz geniş spektrli mövzular üzrə əhatəli müzakirələr apardıq və qarşılıqlı maraq doğuran sahələrdə əməkdaşlığın daha da inkişaf etdirilməsi məqsədilə münasibətləri Strateji Tərəfdaşlıq səviyyəsinə qaldırmaq barədə razılığa gəldik”, - Kostanyan qeyd edib.
26-08-2025, 15:35
Minsk Qrupu bu tarixdə LƏĞV EDİLİR
ATƏT-in Minsk Qrupu və əlaqədar strukturlarının bağlanması ilə bağlı müraciət ATƏT ölkələri arasında yayılıb
Bunu Nazirlər Kabinetində keçirilən Prezident İlham Əliyevin Vaşinqton səfərinə həsr olunmuş xüsusi iclasda xarici işlər naziri Ceyhun Bayramov deyib.
Nazir qeyd edib ki, iştiakçı dövlətlər qərarın qəbulu üçün lazımı prosedurları dəstəkləməyə çağırılıb.
Ceyhun Bayramovun sözlərinə görə, 1 sentyabrda qərarın qəbulu gözlənilir.
Xatırladaq ki, avqustun 8-i keçirilən Vaşinqton görüşü zamanı Azərbaycan və Ermənistan liderləri ABŞ Prezidentinin şahidliyi ilə ATƏT Minsk Qrupunun və əlaqədar strukturların buraxılması ilə bağlı qərar qəbul edib. Azərbaycan Xarici İşlər Nazirliyi artıq iki ölkənin ATƏT katibliyinə birgə müraciət etdiyi barədə ictimaiyyətə məlumat verib.
ATƏT-dən isə bildirilib ki, qurumun fəaliyyətdə olan sədri kimi Finlandiya Minsk prosesi və əlaqəli strukturların bağlanması ilə bağlı birgə müraciətinə cavab olaraq iştirakçı dövlətlərlə müzakirələrə rəhbərlik edəcək.
Prezident İlham Əliyev ötən gün Kəlbəcər şəhər sakinləri ilə görüşdə də Minsk Qrupu ilə bağlı məsələyə toxunub.
“Biz istədiyimizə nail olmuşuq, mənfur Minsk qrupu artıq son günlərini yaşayır. Faktiki olaraq o, heç bir fəaliyyət göstərmirdi və göstərə də bilməzdi. Ancaq hüquqi cəhətdən mövcud idi, indi onun da sonu yaxınlaşır”, - Dövlət başçısı vurğulayıb.
26-08-2025, 00:45
ABŞ Çini təhdid etdi
ABŞ Prezidenti Donald Tramp Çini 200 faiz vergi ilə təhdid edib.
Jurnalistlərə açıqlamasında o, Çini ABŞ-a maqnit verməli olduğunu deyib. “Əks halda, onlara 200 faiz tarif və ya başqa bir şey tətbiq etməliyik",- deyə Tramp bildirib.
Qeyd edək ki, Çin ABŞ-ın tarif artımlarına cavab olaraq aprel ayında ixrac məhdudiyyətləri siyahısına bir neçə nadir torpaq elementi və maqniti əlavə edib.
25-08-2025, 22:59
Qəzzada döyüşlər dayanır? - Tramp tarix açıqladı
ABŞ Prezidenti Donald Tramp Qəzzada döyüşlərin yaxın həftələrdə bitə biləcəyini açıqlayıb.
Bu barədə o, jurnalistlərin sualını cavablandırarkən deyib.
“Düşünürəm ki, yaxın 2-3 həftə ərzində siz olduqca inandırıcı nəticəni görə biləcəksiniz", - deyə Tramp bildirib.
O qeyd edib ki, nə vaxtsa bu məsələ həll olunacaq. “Bu bitməlidir, amma insanlar 7 oktyabrı unuda bilmirlər”,- deyə ABŞ Prezidenti əlavə edib. O, Benyamin Netanyahu ilə tez-tez əlaqə saxladığını vurğulayıb.
25-08-2025, 22:20
Rusiya İsrailə İran əleyhinə məlumat ötürüb - ŞOK İDDİA
İranda Sistem Məsləhətini Müəyyənləşdirmə Şurasının üzvü Məhəmməd Sədr Rusiyanın mövqeyini sərt tənqid edib.
O, “Aparat” saytına açıqlamasında İsrailin hücumları zamanı Moskvanın Tehrana gözlənilən dəstəyi göstərmədiyini bildirib.
Məhəmməd Sədr iddia edib ki, İsrailin İranın müdafiə sistemlərini dəqiq vurması Rusiyanın verdiyi məlumatlar hesabına mümkün olub: “Rusiyaya heç bir halda güvənmək olmaz. İsrail bütün müdafiə sistemlərimizi necə vurdu? Haradan bilirdi? Ruslar İsrailə məlumat ötürmüşdü”, – deyə o vurğulayıb.
İranlı rəsmisi, həmçinin Rusiyanın İrana S-400 hava hücumundan müdafiə sistemləri və Su-35 qırıcılarını verməkdən imtina etdiyini xatırladaraq, iki ölkə arasında imzalanmış “strateji tərəfdaşlıq” müqaviləsini “boş və faydasız” sənəd adlandırıb.
25-08-2025, 22:03
Ərdoğandan Zəngəzurla bağlı mühüm mesaj
Türkiyə Prezidenti Rəcəb Tayyib Ərdoğan Cənubi Qafqaz üçün strateji önəm kəsb edən yeni layihənin - Qars-İğdır-Aralıq-Dilucu dəmir yolu xəttinin təməlqoyma mərasimi ilə bağlı açıqlama verib.
Ərdoğan bildirib ki, 22 avqustda əsası qoyulan bu layihə Zəngəzur dəhlizinin reallaşmasına xidmət edəcək və bütün bölgə üçün bir “sülh layihəsi” rolunu oynayacaq.
Prezidentin sözlərinə görə, layihənin tam icrası ilə Türkiyə, Azərbaycan və Ermənistan arasında iqtisadi əməkdaşlıq yeni mərhələyə yüksələcək.
“Toplam 2,4 milyard avroluq bu layihə istifadəyə verildikdən sonra Çindən İngiltərəyə qədər uzanan beynəlxalq ticarət xətti daha səmərəli olacaq. Eyni zamanda Xəzər və Aralıq dənizi hövzələrini birləşdirəcək, bölgələrimizin istehsal potensialına, ixracına və infrastrukturunun inkişafına mühüm töhfə verəcək”, – deyə Ərdoğan vurğulayıb.
Türkiyə Prezidenti yeni dəmir yolu xəttinin həm ölkə, həm də region üçün böyük önəm daşıdığını qeyd edərək, layihənin xeyirli olmasını arzulayıb.
***
20:55
Türkiyə, Azərbaycan və Ermənistan arasında iqtisadi əməkdaşlıq yeni mərhələyə keçəcək.
Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra çıxışında deyib.
O bildirib ki, bu, Zəngəzur dəhlizi layihəsinin tam reallaşmasından sonra mümkün olacaq.
25-08-2025, 21:32
Buna çox əsəbiləşirəm - Tramp
ABŞ Prezidenti Donald Trampla Rusiya Prezidenti Vladimir Putin arasında Ukrayna və Avropa liderləri ilə görüşdən sonra təkrar telefon danışığı baş tutub.
Bu barədə ABŞ Prezidenti Ağ Evdə jurnalistlərlə görüşü zamanı açıqlayıb.
"Onunla etdiyim hər söhbət yaxşı müzakirədir. Sonra təəssüf ki, Kiyevə, ya da harasa bomba atılır və mən buna çox əsəbiləşirəm. Düşünürəm ki, biz müharibəni bitirəcəyik. Bu, çətin işdir”, - deyə Tramp bildirib.
O əlavə edib ki, Putinin Alyaskaya getməsi müharibəni bitirmək istəyinin ən böyük göstəricisidir.
25-08-2025, 20:10
Ötən həftə 7000-dən çox əsgər ölüb - TRAMP
Ötən həftə Ukrayna ilə Rusiya arasında gedən döyüşlərdə 7221 əsgər ölüb.
Bunu ABŞ Prezidenti Donald Tramp bildirib.
Tramp qeyd edib ki, Ukrayna ilə Rusiya arasındakı müharibə artıq böyük bir şəxsi münaqişəyə çevrilib.
Onun sözlərinə görə, ABŞ bu vəziyyətə son qoymaq üçün addımlar atacaq.
“Biz buna son qoyacağıq”, - ABŞ lideri vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!