27-07-2025, 13:31
Tayland-Kamboca sərhədində gərginlik - Qarşılıqlı hücumlar
ABŞ prezidenti Donald Trampın tərəflərin atəşkəs üçün danışıqları qəbul etdiyini açıqlamasına baxmayaraq, Kamboca və Tayland sərhəd xəttində qarşılıqlı hücumlarını davam etdirib.
Bu barədə “Anadolu Agentliyi“ məlumat yayıb.
Kamboca və Tayland sərhədində 32 nəfərin həyatını itirdiyi və 200 mindən çox insanın yerindən olduğu toqquşmaların sona çatması üçün beynəlxalq təzyiqlər davam edir.
Hər iki tərəf Trampın atəşkəs çağırışına müsbət cavab verməsinə baxmayaraq, sərhəddəki gərginlik gecə boyunca qarşılıqlı hücumlarla davam edib.
Kamboca baş naziri Hun Manet keçirdiyi mətbuat konfransında Trampın atəşkəs çağırışını tam dəstəklədiyini və Taylandla danışıqları qəbul etdiyini bildirib.
Lakin Hun Manetin açıqlamasından bir neçə saat sonra Kamboca Müdafiə Nazirliyinin sözçüsü Maly Socheata Taylandın təcavüzkar hərəkətlərini davam etdirdiyini deyib.
Maly Socheata toqquşmalar nəticəsində 80 mindən çox insanın təhlükəsiz bölgələrə təxliyə edildiyini bildirib.
Tayland Xarici İşlər Nazirliyinin açıqlamasında atəşkəsin dəstəkləndiyi bildirilsə də, Kambocanın Surin əyalətində mülki vətəndaşları hədəfə aldığı iddia olunub.
Kambocadan “səmimi niyyət” gözlədiyini bildirən Tayland, sərhəd xəttində hücumlarını davam etdirib.
27-07-2025, 13:17
Məbəddə izdiham - 8 nəfər öldü
Hindistanın şimalındakı Uttarakhand əyalətinin Haridvar şəhərində məbəddə basabas nəticəsində 8 nəfər ölüb, 34 nəfər yaralanıb.
Minlərlə zəvvar dar pilləkənlə təpənin başında yerləşən Mansa Devi məbədinə doğru gedib. İlkin məlumatlara görə, elektrik kabelinin düşməsi ilə zəvvarlar arasında çaxnaşma başlayıb.
İnsanlar müxtəlif istiqamətlərə qaçmağa başlayıblar və izdiham başlayıb. Polis hadisə ilə bağlı araşdırmalara başlayıb.
27-07-2025, 12:24
Türkiyədə meşə yanğını - Əhali təxliyə edilir
Türkiyənin Bursa vilayətində meşə yanğını səbəbindən təxliyə edilən sakinlərin sayı təxminən iki minə çatıb.
Yanğın Gürsu və Kestel rayonlarında dağlıq ərazidə baş verib, güclü külək səbəbindən yanğın sürətlə böyüyüb.
Qarahıdır, İğdır və Avdancık kəndlərində 480 evin 1765 sakini təxliyə edilib.
Nəqliyyat və infrastruktur naziri Abdulkadir Uraloğlu keçirdiyi brifinqdə Gürsudakı yanğının lokallaşdırıldığını, lakin onun tam aradan qaldırılmadığını bildirib. Onun sözlərinə görə, yanğının söndürülməsinə 1,8 minə yaxın yanğınsöndürən və 500-ə yaxın texnika cəlb olunub.
Daha əvvəl bağlanan Bursa-Ankara avtomobil yolunda nəqliyyatın hərəkəti bərpa edilib.
Yanğınlar zamanı xəsarət alan olmayıb.
Qeyd edək ki, ötən gün Türkiyə hakimiyyəti anomal istilər fonunda irimiqyaslı meşə yanğınları ilə əlaqədar Mersin və Karabük əyalətlərinin bir sıra rayonlarının 1,3 mindən çox sakinini təxliyə edib.
27-07-2025, 11:45
Tramp əsəbidir, Putinin addım atmasını gözləməkdən yorulub - Rubio
ABŞ prezidenti Donald Tramp Rusiya hakimiyyətinə qarşı səbrini itirir, çünki Ukrayna müharibəsinin dayandırılması ilə bağlı danışıqların ləngiməsi onu narahat edir.
Bu barədə ABŞ-ın dövlət katibi Marko Rubio Fox News telekanalında çıxışı zamanı bildirib.
Dövlət katibi qeyd edib ki, Tramp sülh razılaşmasına nail olmaq və nəhayət Rusiyanın Ukraynaya qarşı müharibəsini bitirmək istəyir.
Lakin Rubionun sözlərinə görə, hazırda ABŞ prezidenti getdikcə daha da əsəbiləşir, çünki Vladimir Putinlə aparılan müsbət telefon danışıqları real nəticə vermir.
“O, səbrini və Rusiya tərəfinin hər hansı addım atmasını gözləmə əzmini itirir”, – deyə Rubio vurğulayıb.
27-07-2025, 11:30
Rusiya Ukraynaya qarşı genişmiqyaslı zərbələrə hazırlaşır
Rusiya raket və pilotsuz uçuş aparatlarının (PUA) istehsalını artırır ki, payızda Ukraynaya qarşı daha genişmiqyaslı hücumlar həyata keçirə bilsin.
Bu proqnozu ABŞ-nin Müharibənin Öyrənilməsi İnstitutunun (ISW) analitikləri veriblər.
Analitiklər qeyd ediblər ki, son zamanlar ruslar hücumlar üçün daha çox raketlərdən istifadə edirlər və müxtəlif mənbələr Rusiyanın müdafiə sənayesinin raket və pilotsuz uçuş aparatlarının istehsal gücünü artırdığını göstərir.
ISW hesab edir ki, əgər Rusiyanın PUA-dan istifadə modeli dəyişməzsə, 2025-ci ilin noyabrına qədər Rusiya bir gecədə Ukraynaya 2000-ə qədər dron buraxa bilər.
Bu səbəbdən İnstitut Qərbin Ukraynanın hava hücumundan müdafiəsini gücləndirməsi üçün təcili yardıma ehtiyac olduğunu vurğulayıb. Analitiklər xüsusilə ABŞ-ın Patriot sistemlərinin tədarükünün vacibliyini qeyd ediblər, çünki bu sistemlər Rusiya ballistik raketlərinə qarşı effektiv mübarizə apara bilir.
27-07-2025, 10:30
Sərnişin qayığı batdı - 25 ölü
Nigeriyanın Niger ştatında yerləşən çayda sərnişin daşıyan qayığın batması nəticəsində 25 nəfər həyatını itirib.
Yerli mətbuatda yer alan məlumatlara görə, Niger ştatının Munya bölgəsindən bazara yollanan sərnişinlərin mindiyi qayıq Şiroro bölgəsində batıb.
Hadisə zamanı ilkin məlumatlara əsasən 25 nəfər həyatını itirib, onlarla insan itkin düşüb.
Rəsmi şəxslər bölgədə axtarış-xilasetmə işlərinin davam etdiyini, ölənlərin sayının artmasından narahat olduqlarını bildiriblər.
Qeyd edək ki, Nigeriyada yağış mövsümündə çay və göllərdə tez-tez qayıq faciələri baş verir.
27-07-2025, 10:22
İsrail Qəzzaya humanitar yardıma İCAZƏ VERƏCƏK
İsrailin Müdafiə Ordusu iyulun 26-da axşam Qəzza zolağına humanitar yardımın hava yolu ilə çatdırılmasını bərpa edəcək.
Qeyd edilir ki, humanitar yardımın hava ilə çatdırılması əməliyyatı Fələstin ərazilərində İsrail hökumətinin Koordinasiya Ofisi və İsrail Hərbi Hava Qüvvələrinin rəhbərliyi altında humanitar təşkilatlar, ordu ilə əlaqələndiriləcək.
Həmçinin bildirilir ki, BMT konvoylarının təhlükəsiz hərəkətini təmin etmək üçün xüsusi humanitar dəhlizlərin təşkili barədə qərar qəbul edilib.
27-07-2025, 10:04
Makronla Ərdoğan Qəzzadakı vəziyyətdən danışdılar
Fransa Prezidenti Emmanuel Makronla Türkiyə lideri Rəcəb Tayyib Ərdoğan arasında telefon danışığı olub.
Bu barədə E.Makron “X”dəki hesabında paylaşım edib.
Fransa lideri bildirib ki, danışıq zamanı Qəzzadakı vəziyyət müzakirə edilib.
“Az öncə Türkiyə Prezidenti Rəcəb Tayyib Ərdoğanla Qəzzadakı vəziyyət və iki dövlətli həll konfransının perspektivləri haqqında telefonla danışdım. Hər şey israillilərin və fələstinlilərin sülhü və təhlükəsizliyi üçün edilməlidir”, - Makron sosial şəbəkə hesabında yazıb.
26-07-2025, 21:31
Onlar sülh əldə etməyə razılaşdılar - TRAMP
Kamboca və Tailand dərhal atəşkəs və sülh istəyir.
Bu sözləri ABŞ Prezidenti Donald Tramp deyib.
O, Kambocanın Baş naziri ilə yenidən telefonla danışdığını və Tailandın Baş nazirinin səlahiyyətlərini icra edən şəxslə apardığım müzakirələr barədə məlumat verdiyini bildirib. “Onlar, həmçinin ABŞ-la ticarət masasına qayıtmaq istəyirlər. Fikrimizcə, döyüşlər dayandırılana qədər bu, məqsədəuyğun deyil. Onlar dərhal görüşməyə və tezliklə atəşkəş və nəhayət, sülh əldə etməyə razılaşdılar. Hər iki ölkə ilə işləmək mənim üçün şərəfdir. Onların uzun və zəngin tarix və mədəniyyəti var. Ümid edirik ki, onlar uzun illər birlikdə olacaqlar. Hər şey bitdikdə və sülhə nail olunduqda hər ikisi ilə ticarət sazişlərimizi bağlamağı səbirsizliklə gözləyirəm”, - deyə Tramp əlavə edib.
26-07-2025, 19:36
Metsamor AES ciddi nüvə təhlükəsi mənbəyidir - Türkiyədən XƏBƏRDARLIQ
Ermənistanda yerləşən köhnəlmiş Metsamor Atom Elektrik Stansiyası region ölkələri üçün ciddi təhlükə mənbəyi sayılır. Bu mövqeni bir çox ekspertlər bölüşür və sovet dövründə inşa olunmuş bu stansiyanı “saat mexanizmi ilə işləyən bomba” və “yeni mümkün Çernobıl” adlandırırlar.
Bu barədə Türkiyənin NTV telekanalı məlumat yayıb.
Xəbər kanalının diqqət çəkdiyi əsas məqam stansiyanın seysmik fəallıq zonasına düşməsidir. “1976-cı ildə inşa olunan AES İrəvandan cəmi 35 kilometr, Türkiyə sərhədindən isə 16 kilometr məsafədə yerləşir. 1988-ci il zəlzələsindən sonra Ermənistan hakimiyyəti stansiyanın fəaliyyətini altı il müddətinə dayandırmışdı, lakin 1995-ci ildə onu yenidən işə saldı”, – deyə telekanal xatırladır.
Reportajda Qərb ekspertlərinin, xüsusilə də Peter Marko Teysin fikirləri təqdim olunur. O, köhnəlmiş AES-i “təhlükəsizlik baxımından ciddi təhdid mənbəyi” adlandırır: “Əgər bu stansiyada hər hansı qəza baş verərsə, Çernobıl ssenarisi təkrarlana bilər. Onun nəticələri, o cümlədən çirklənmə və digər fəsadlar Avropada onilliklər boyu hiss olunacaq”.
O, beynəlxalq ictimaiyyəti, xüsusilə də Avropa İttifaqı və ABŞ-ı “situasiyaya dərhal müdaxilə etməyə və bununla da qlobal təhlükənin qarşısını almağa” çağırıb.
Xəbər telekanalı Böyük Britaniyanın “Daily Mail” nəşrinə istinadla bildirir ki, Metsamor AES-in fəaliyyəti ilə bağlı narahatlıqlar hələ 1995-ci ildə Ermənistanın özündə də səsləndirilmişdi.
Həmin dövrdə Ermənistan parlamentinin ətraf mühit üzrə komitəsinin müşaviri Viktoriya Ter-Nikoqosyan Metsamor Atom Elektrik Stansiyasında baş verəcək istənilən qəzanı “Ermənistanın sonu” adlandırmışdı.
Telekanal qeyd edir ki, beynəlxalq ictimaiyyət Metsamor AES-dən qaynaqlanan təhlükə barədə Ermənistanı illərdir xəbərdar edir.
Reportajda Beynəlxalq Atom Enerjisi Agentliyinin nümayəndəsi Morris Rousenin Metsamor AES-i “açıq-aşkar qeyri-kafi” adlandırdığı qeyd olunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!