Bakı Ali Neft Məktəbində (BANM) davamlı şəkildə təşkil olunan “Bərpaolunan enerji mənbələri: çağırışlar və perspektivlər” adlı elmi seminarının növbəti iclası keçirilib.

Butov.az xəbər verir ki, BANM-dən “Qafqazinfo”ya verilən məlumata görə, tədbirdə Azərbaycan Milli Elmlər Akademiyasının (AMEA) Akademik H. Əliyev adına Coğrafiya İnstitutunun şöbə müdiri, AMEA-nın müxbir üzvü, fizika riyaziyyat elmləri doktoru Rauf Qardaşov “Günəş radiasiya modeli və onun tətbiqi” adlı məruzə ilə çıxış edib.

Seminarın iclasında BANM-ın Tədris, elm və beynəlxalq əlaqələr üzrə prorektoru Ramiz Hümbətov, Ömürboyu təhsil fakültəsinin dekanı Rəna Mustafayeva, Mühəndislik fakültəsinin dekanı Zəfər Qurbanov, Neft-qaz mühəndisliyi kafedrasının professorları Siyavuş Azakov, Arif Məmmədzadə və Fuad Vəliyev, BANM-in Bərpaolunan enerji mühəndisliyi üzrə tədris və tədqiqat mərkəzinin müdiri Sənan Eminov iştirak ediblər.

Daimi təşkil olunan “Bərpaolunan enerji mənbələri: çağırışlar və perspektivlər” seminarının əsas məqsədi – müasir biliklərin yayılması və bərpaolunan enerji mənbələri sahəsində çalışan mütəxəssislər arasında BANM-ın Bərpaolunan enerji mühəndisliyi üzrə tədris və tədqiqat mərkəzinin sıx əməkdaşlığı ilə məlumat mübadiləsinin təmin edilməsidır.

Seminarın elmi rəhbəri BANM-in Neft-qaz mühəndisliyi kafedrasının professoru, fizika riyaziyyat elmləri doktoru Siyavuş Azakovdur.