Rusiyaya yardım edənlər də cəzalandırılacaq .....                        İdmançımız Avropa çempionu oldu .....                        Naxçıvanın sabiq naziri azadlığa çıxdı .....                        İranda etirazçılar deputatın ofisini yandırdılar .....                        Futbol üzrə dünya çempionatı İTV-də yayımlanacaq .....                        Qazilərlə bağlı koordinasiya mərkəzi yaradıldı .....                        Şəhid ailəsinin müraciəti həll olundu .....                        "Fənərbağça" Novakla yollarını ayırdı .....                        Türkiyə bankları ABŞ-ın güclü təzyiqi altındadır - Peskov .....                       
31-07-2022, 17:02
Eks-prezident virusdan öldü


Eks-prezident virusdan öldü

Filippinin keçmiş prezidenti Fidel Ramos 94 yaşında ölüb. Butov.az xəbər verir ki, eks-prezident ölkənin Makati Tibb Mərkəzində COVID-19-un ağırlaşması səbəbindən vəfat edib. O, 1992-1998-ci illərdə prezident vəzifəsini icra edib.
31-07-2022, 11:42
İctimai Şuraların Vahid Onlayn Platformaya  inteqrasiyası ilə bağlı təlim keçirilib


İctimai Şuraların Vahid Onlayn Platformaya inteqrasiyası ilə bağlı təlim keçirilib.

İctimai Şuraların Onlayn Platformaya inteqrasiya edilməsi ilə bağlı “İctimaishura.az saytının idarə olunmasında birgə iştirak” adlı təlimlər keçirilib.

Təlimin açılışında çıxış edən İnformasiya Təşəbbüslərinə Dəstək İctimai Birliyinin sədri Cəsarət Hüseynzadə qeyd edib ki, Azərbaycanın ictimai şuralar ilə bağlı ilk və yeganə vahid onlayn platforması olan İctimaishura.az ABŞ Beynəlxalq İnkişaf Agentliyi (USAID) tərəfindən maliyyələşdirilən “FHI 360”, “ICNL” və MG Consulting” təşkilatları ilə birgə əməkdaşlıqda həyata keçirilən “Şəffaflıq Naminə Vətəndaş Cəmiyyəti - ECSOFT” layihəsi çərçivəsində yaradılıb. Platforma ictimai şuralar ilə bağlı informasiya mühitinin formalaşmasında əsas rola malikdir. Ötən dövr ərzində 500-dən çox xəbər hazırlanaraq sayta yerləşdirilib. Eyni zamanda 38 ictimai şura platformaya inteqrasiya edilib. Həmin ictimai şuraların fəaliyyəti, üzvləri haqqında və digər məlumatlar bazaya daxil edilib.

USAID-in “Şəffaflıq Naminə Vətəndaş Cəmiyyəti” (ECSOFT) layihəsinin nümayəndəsi Hamlet Babayev “ECSOFT” layihəsi haqqında məlumat verərək bildirib ki, ictimaishura.az saytı bu proqram çərçivəsində hazırlanan 2-ci platformadır. Layihə çərçivəsində E-Nəzarət Platforması (www.enezaret.az) fəaliyyətə göstərir. Hamlet Babayev bildirib ki, “ECSOFT” layihəsi çərçivəsində dövlət qurumları ilə geniş əməkdaşlıq qurulub və həmin qurumların əməkdaşları üçün treninqlər təşkil edilib. Proqramın müxtəlif fəaliyyət istiqamətləri ilə QHT-lərlə də geniş əməkdaşlıq həyata keçirilib.

Açıq Hökumət Platformasının koordinatoru, Konstitusiya Araşdırmalar Fondunun prezidenti Əliməmməd Nuriyev ictimai iştirakçılıq və ictimai şuralar ilə bağlı müsbət istiqamətdə proseslərin getdiyini bildirib. Ə. Nuriyev həmçinin İctimaishura.az platformasının da prosesə töhfə verdiyini və informasiya əlçatanlığının təmin olunmasında müsbət rolunu qeyd edib.

Daha sonra Platformadan istifadə qaydaları haqqında təqdimatla çıxış edən Cəsarət Hüseynzadə qeyd edib ki, platformanın idarə olunmasında dövlət qurumları və ictimai şuraların iştirakını arzu edirik. Bu iştirakın həyata keçirilməsi üçün platformada texniki imkanlar yaradılıb. Təqdimatda platformanın üzvlər tərəfindən idarə olunması ilə bağlı texniki imkanlar nümayiş olunub.

Təlim müzakirələr ilə davam edib. Ümumilikdə 3 qrupda keçən təlimdə 9 mərkəzi icra hakimiyyəti orqanının nümayəndəsi, 23 ictimai şura üzvü olmaqla ümumilikdə 36 nümayəndə iştirak edib.
Təlimin sonunda iştirakçılara təmsil etdiyi qurumun Platformaya girişi üçün kod, parol və fəal iştiraka görə təşəkkürnamələr təqdim edilib.
31-07-2022, 07:50
Evi olmayanların nəzərinə: qaydalar dəyişdi


Evi olmayanların nəzərinə: qaydalar dəyişdi

Ölkə vətəndaşlarının mənzil təminatının və yaşayış şəraitinin yaxşılaşdırılması, habelə əlçatanlığın artırılması məqsədilə yaşayış sahələrinin satmaq öhdəliyi ilə kirayəyə verilməsi istiqaməti üzrə prosedur və qaydalara dəyişikliklər edilib.
İpoteka və Kredit Zəmanət Fondundan verilən məlumata görə, dəyişikliklər gəlirlərin qiymətləndirilməsi şərtlərinin daha da yumşaldılmasını, yaşı yuxarı olan ailə üzvü ilə birgə müraciət edən ərizəçi üçün uzun müddətə ödəmə imkanının yaradılmasını, habelə sabit vergi ödəyicilərinin də kirayə mənzil mexanizmindən faydalanmasını nəzərdə tutur.
Dəyişikliklərə görə, artıq kredit tarixçəsinin müsbət qiymətləndirilməsi üçün ərizəçinin "bütün kredit tarixçəsi müddətində 90 gündən çox gecikdirilmiş öhdəliklərinin olmaması" tələb olunmur.
31-07-2022, 07:45
"CNN Türk"də Güney Azərbaycan müzakirə olunub


"CNN Türk"də Güney Azərbaycan müzakirə olunub

Türkiyənin nüfuzlu "CNN" televiziya kanalının canlı yayınında Güney Azərbaycanla bağlı müzakirələr gedib. Verilişə qatılan nüfuzlu qonaqlar Azərbaycanın güneyi və Təbriz barədə danışıblar. Aparıcı və qonaqlar Güney Azərbaycanda 35 milyon türkün yaşadığını, dünyada Türkiyədən sonra ən çox türkün yaşadığı yerin Güney azərbaycan olduğunu xatırladıblar.
"Türkmənçay anlaşması ilə Rusiya və İran arasında bölünən, 35 milyondan çox türkün yaşadığı coğrafiyanı bir qırağa qoya bilmərəm. Amerikanın və İranın da ən böyük qorxusu sabah, o biri gün bu iki Azərbaycanın bir araya gələrək birləşməsi ehtimalıdır"-deyə, verilişin aparıcısı bildirir.
Verilişin davamında qonaqlar Güney Azərbaycanla bağlı fikirlərini bölüşüb, "Traxtur" futbol klubu və başqa bu kimi məsələləri müzakirə ediblər.
"Güney Azərbaycanın başkəndi Təbriz. Təbrizdə gəzdiyimiz zaman "haray-haray mən türkəm" deyən insanlardan farsca bir şey soruşa bilməzsiniz"-deyə, professor, doktor Esat Arslan xatırladıb.
Qeyd edək ki, adı çəkilən veriliş sosial mediada, özəlliklə güneyli sosial media istifadəçiləri tərəfindən geniş yayılıb və Güney Azərbaycan türklərinin sosial mediada ən çox paylaşdığı və müzakirə etdiyi mövzulardan birinə çevrilib.
Timur
31-07-2022, 07:35
İsrail səfirinin Nizami Gəncəvi ilə bağlı paylaşımı iranlıları qəzəbləndirib


İsrail səfirinin Nizami Gəncəvi ilə bağlı paylaşımı iranlıları qəzəbləndirib


İsrailin Azərbaycandakı səfiri Corc Dikin özünün tvitter hesabında Nizami Gəncəvi ilə bağlı yeni paylaşımı iranlıların qəzəbinə səbəb olub və fars dilli mediada geniş müzakirə edilir.
"Böyük Azərbaycan şairi və filosofu Nizami Gəncəvinin yaradıcılığından bəhs edən bu gözəl kitabı oxumaq üçün səbirsizlənirəm"-Corc Dik iyulun 28-də tvitter hesabında yazıb. Səfirin paylaşımından sonra İran mediası ilə yanaşı xaricdəki İrana müxalif bir sıra fars dilli media, o cümlədən "Amerikanın səsi"nin fars bölümü məsələyə geniş yer verib.
Onlar İranın Azərbaycandakı səfiri Abbas Musəvi kimi İsrail səfirinin adını qeyri-ciddi formada "gənc oğlan", "gənc səfir" kimi qeyd edərək "Nizami Gəncəvinin İran və fars şairi" olduğunu vurğulayıblar.
Amerikada yaşayan İran məsələləri üzrə təhlilçi Əlirza Nadir Corc Dikə cavab tivitti yayıb və Nizaminin yaradıcılığının fars dilində olduğunu xatırladıb. Xaricdə fəaliyyət göstərən və bəziləri birbaşa Amerika hökuməti tərəfindən maliyyələşən fars dilli medianın İsrail səfirinin Təbriz və Nizami ilə bağlı paylaşımlarına münasibətləri rəsmi Tehranın və onun Azərbaycandakı səfiri Abbas Musəvinin mövqei ilə üst-üstə düşür.
Qeyd edək ki, İsrailin Bakıdakı səfiri Corc Dik bir neçə gün öncə Azərbaycanın tarixi şəhəri Təbrizin tarixi, incəsənətindən bəhs edən "Təbrizin sehrli nağılları" kitabı ilə bağlı paylaşımı da geniş müzakirələrə səbəb olub. İranın Azərbaycandakı səfiri Abbas Musəvi Tvitter hesabında paylaşım edərək İsrail səfirini "oğlancığaz" adlandırıb və onu ölümlə təhdid edib.

Cavidan
30-07-2022, 22:13
Mehdiabad qəsəbəsində tibbi maarifləndirmə


Mehdiabad qəsəbəsində tibbi maarifləndirmə

“Abşeron Rayon Mərkəzi Xəstəxanası” Publik Hüquqi Şəxs (PHŞ) Mehdiabad Ailə Sağlamlıq Mərkəzi tibbi-profilaktik tədbirlərlə bağlı bir sıra maarifləndirmə işləri həyata keçirib. Belə tədbirlərdən biri də iyulun 30-da, Ailə Sağlamlıq Mərkəzində və qəsəbənin mərkəzi küçələrində olub.
Əvvəlcə “Abşeron Rayon Mərkəzi Xəstəxanası” Publik Hüquqi Şəxs (PHŞ) Mehdiabad Ailə Sağlamlıq Mərkəzinin bölmə müdiri Qənitə İsmayılova bu günkü pasientlərə və mərkəzin tibb işçilərinə İcbari Tibbi Sığortanın Xidmətlər Zərfi çərçivəsində ilkin səhiyyə xidmətində göstərilən xidmətlər və sığortaya daxil olan digər xidmətlər haqqında aparılan sanitar-maarif işinin əhəmiyyətindən danışıb. Sığortaolunanlara müvafiq növlərdə göstərilən tibb xidmətləri barədə ətraflı məlumat verib. Sanitar maarifi işinin əhatə dairəsini genişləndirməyi, qəsəbədə daimi yaşayan və xidməti ərazilərində müvəqqəti məskunlaşan əhalinin tibbi biliklərə yiyələnməsinin zəruririliyini bildirib. Tibbi xidmətin keyfiyyətinin yaxşılaşdırılması, icbari tibbi sığorta sisteminin bütün ölkə ərazisini əhatə etməsi və bundan vətəndaşların yararlanmasının dövlətin əsas prioritet istiqamətlərindən olduğunu diqqətə çatdırıb.
Sonra ailə həkimləri qəsəbənin müxtəlif küçələrində, ictimai yerərdə sakinlər arasında silsilə görüşlər keçirib, tibbi-profilaktik söhbətlər aparıblar.

Mehdiabad Ailə Sağlamlıq Mərkəzinin ailə həkimi-pediatr Sevil Abbasova Hüseyn Cavid küçəsində yaşayan sakinlərlə həmsöhbət olub. Görüşdə valideynlər öz övladları ilə iştirak ediblər. Bu səbəbdən ailə həkimi Sevil Abbasova İcbari Tibbi sığortanın xidmətlər zərfinə daxil olan xidmətlər və onlardan necə yararlanmaq haqqında valideynlərə məlumat verib. Valideynləri maraqlandıran suallara cavab verib.

Növbəti görüş mərkəzin ailə həkimi-mama-ginekoloq Vəfa Ələkbərzadə ilə M.Əzizbəyov küçəsində yaşayan sakinlər arasında keçirilib. Vəfa Ələkbərzadə xanımlara arzuolunmaz hamiləlik və onlardan qorunmaq yolları barədə danışıb. Həkim görüşə gələnlərə sığorta çərçivəsində hamilə qadın və ginekoloji xəstələrin müayinə və müalicəsi və hamiləlik dövrünün təlimatlara uyğun keçirilməsi barədə məlumatlandırıb.

Digər görüşdə qəsəbənin İmadəddin Nəsimi küçəsində yaşayan ailələr iştirak ediblər. Ailə həkimi-pediatr Şəhla Quliyeva sığortanın xidmətlər zərfinə daxil olan pediatrik xidmətlər haqqında geniş məlumat verib, sakinlərin bi neçəsi bu xidmətlərdən yararlandıqlarını və razı qaldıqlarını söyləyiblər. Həmçinin ailə həkimi koranavirus infeksiyasının son zamanlar artım dinamikasına nəzər salıb.

Hərkəsi şəxsi gigiyena və tibbi-profilaktik qaydalara riayət etməyə çağırıb. Qapalı və əhalinin sıx olduğu yerlərdə maskadan istifadə etməyi tövsiyə edib. Ailə həkimi Şəhla Quliyeva qeyd edib ki, mütəxəssis məsləhəti olmadan müalicə tədbirləri həyata keçirmək, tibbə yad adamların məsləhətilə hərəkət etmək yaxşı nəticə verməz, hətta əlavə fəsadlar yarada bilər. Buna görə də ən kiçik narahatçılığınız zamanı, belə mərkəzimizə müraciət edə bilərsiniz. Kollektivimiz hər zaman xidmətinizdə durmağa hazırdır.

Xatırladaq ki, həkimlər Covid-19 pandemiyasının yenidən artmasını nəzərə alaraq bütün maarifləndirici tədbirləri açıq hava şəraitində keçiriblər.
Əsgər İsmayılov
Bütöv Azərbaycan”ın xüsusi müxbiri

29-07-2022, 21:48
Gürcüstanda matəm elan edildi


Gürcüstanda matəm elan edildi

Gürcüstanda matəm elan olunub. Bu barədə Gürcüstanın Baş naziri İrakli Qaribaşvili qərar verib. Qərara əsasən, iyunun 30-u ölkədə matəm olacaq. Matəmə səbəb Qudauri dağ kurortu ərazisində Daxili İşlər Nazirliyinə məxsus helikopterin qəzaya uğraması və nəticədə 8 nəfərin ölməsidir. Matəm zamanı bayraqlar endiriləcək.
29-07-2022, 21:23
Ukrayna ordusu daha bir kəndi azad etdi


Ukrayna ordusu daha bir kəndi azad etdi

Ukrayna ordusu daha bir yaşayış məntəqəsini işğaldan azad edib. Bu barədə Ukrayna ordusu məlumat yayıb. Konkret olaraq hansı kəndin azad edildiyi açıqlanmayıb. Əməliyyat Donetsk istiqamətində keçirilib. Kəndin azad edilməsində 24-cü “Aydar” batalyonunun əsgərləri iştirak edib.
29-07-2022, 21:17
Ermənistan sülhün təmin edilməsində çətinliklər yaradır


Ermənistan sülhün təmin edilməsində çətinliklər yaradır

Ermənistan tərəfinin üzərinə götürdüyü öhdəliklərə uyğun olmayan davranışları var. Bu barədə Azərbaycanın xarici işlər naziri Ceyhun Bayramov Slovakiya Respublikasının ölkəmizə yeni təyin olunmuş səfiri Milan Layçakı qəbul edərkən deyib. Nazir qeyd edib ki, Ermənistan tərəfi sülhün təmin edilməsi istiqamətində çətinliklər yaradır. XİN rəhbəri səfirə azad olunmuş ərazilərdə insanların həyatına birbaşa təhlükə olan mina təhdidi, post münaqişə dövründə həyata keçirilən bərpa və quruculuq işləri barədə də məlumat verib.
29-07-2022, 21:02
Türkiyə və Ukrayna nazirləri arasında taxıl müzakirəsi


Türkiyə və Ukrayna nazirləri arasında taxıl müzakirəsi

Türkiyənin milli müdafiə naziri Hulusi Akar və Ukraynanın infrastruktur naziri Oleksandr Kubrakov arasında telefon danışığı baş tutub. Bu barədə Türkiyə Milli Müdafiə Nazirliyi məlumat yayıb. Tərəflər taxıl daşınmasına hazırlıqla bağlı son vəziyyəti müzakirə edib. Nazirlər texniki işlərin yekunlaşma üzrə olduğunu və ən qısa müddətə daşınmanın planlaşdırıldığını bildiriblər.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!