16-09-2022, 17:27
Tuğ kəndinin bərpasına başlanılır
Dövlət Turizm Agentliyi Xocavənd rayonunun Tuğ kəndində bərpa və tikinti işləri üçün layihə-smeta sənədlərinin hazırlanması üçün təkliflər sorğusu elan edib. Butov.az xəbər verir ki, sorğuda iştirak etmək istəyənlər təkliflərini sentyabrın 28-i, saat 18:00-dək Bakı şəhəri, Nəsimi rayonu, Üzeyir Hacıbəyli küçəsi, 134 ünvanına təqdim edə bilərlər. Təkliflərə sentyabrın 29-da, saat 12:00-da Bakı şəhəri, Nizami küçəsi 96E ünvanında (I "Landmark" iş mərkəzi) baxılacaq.
16-09-2022, 17:25
Qırğızıstan və Tacikistan arasında atəşkəs razılaşması əldə olundu
Qırğızıstan və Tacikistan Milli Təhlükəsizlik üzrə Dövlət Komitələrinin başçıları atəşkəs barədə razılığa gəliblər. Bu barədə Qırğızıstanın deputatı Əlişir Kozuyev jurnalistlərə bildirib. Məlumata görə, Qırğızıstan və Tacikistan Milli Təhlükəsizlik üzrə Dövlət Komitələrinin rəhbərləri Kamçıbek Taşiyev və Saymumin Yatimov saat 16:00-da (Bakı vaxtı ilə 14:00) atəşkəs barədə razılığa gəliblər. Onun sözlərinə görə, bu barədə bir neçə dəqiqə əvvəl deputatların etirazçılarla görüşündə məlum olub.
16-09-2022, 17:23
Şəhid Şair Heydərov dəfn olunub
Düşmən təxribatı nəticəsində şəhid olan Heydərov Şair Camaloviç Qusarda dəfn olunub. Butov.az xəbər verir ki, qəhrəman döyüşçü doğulub boya-başa çatdığı Mucuq kəndində torpağa tapşırılıb. 24 yaşlı Şair Heydərov Azərbaycan Ordusunda müddətdən artıq həqiqi hərbi xidmət hərbi qulluqçu kimi xidmət edirdi. Yeni ailə həyatı qurmuşdu.
16-09-2022, 17:09
Paşinyan Ermənistandakı satqınlarla bağlı tapşırıq verdi
Milli Təhlükəsizlik Xidməti müdafiə və milli təhlükəsizlik məsələləri ilə bağlı dezinformasiyalara nəzarəti davam etdirəcək. Bunu baş nazir Nikol Paşinyan hökumətin iclasında deyib. O, informasiya təhlükəsizliyinin təmin edilməsinin vacibliyini qeyd edib. Paşinyan bildirib ki, şübhəli şəxslər şübhəli məlumatlarla ölkənin təhlükəsizliyinə təhdid yarada bilərlər. “Bu cür hərəkətlərlə Ermənistan Silahlı Qüvvələrinin işini pozmağa yönəlmiş istənilən cəhdin qarşısı məlumatları yayanların motivindən asılı olmayaraq ən sərt şəkildə alınmalıdır”, - o əlavə edib. Baş nazirin sözlərinə görə, 44 günlük müharibə zamanı və ondan sonra belə hallarla bağlı intensiv araşdırmalar aparılıb, bu işlərin bir qismi məhkəməyə qədər gedib çıxıb. Paşinyan əlavə edib ki, heç bir status heç kimə bu cür hərəkətlərə yol verməməlidir. "Mən Milli Təhlükəsizlik Xidmətindən aydın addım gözləyirəm, çünki agent şəbəkələri var və casusları tapmaq lazımdır", - baş nazir əlavə edib. Xatırladaq ki, Nikol Paşinyan bugünkü açıqlamasında Ermənistan tərəfdən sərhəddəki son döyüşlər zamanı 135 nəfərin öldüyünü, çoxlu yaralının olduğunu deyib.
16-09-2022, 17:07
Xersonda Rusiyanın "Su-25" təyyarəsi vuruldu
Ukrayna Silahlı Qüvvələri Xerson vilayətinin səmasında Rusiyaya məxsus "Su-25" qırıcı təyyarəsini vurub. Butov.az xəbər verir ki, bu barədə Ukrayna Silahlı Qüvvələrinin Hərbi Hava Qüvvələrindən bildirilib. Xatırladaq ki, daha əvvəl də Xerson səmasında qarşı tərəfin qırıcı təyyarələrinin məhv edilməsinə dair məlumat yayılmışdı.
16-09-2022, 17:04
İsmayıllıda şəhidin vida mərasimi keçirilib
Sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib. Butov.az xəbər verir ki, İsmayıllı rayonunun Hacıhətəmli kəndində anadan olan Azərbaycan Ordusunun müddətdən artıq həqiqi hərbi xidmətçisi Xəlilov Qədim İlqar oğlu təxribatın qarşısını alarkən qəhrəmancasına şəhidlik zirvəsinə yüksəlib. Şəhidimiz Sentyabr ayının 15 də Hacıhətəmli kənd qəbiristanlığında dəfn olunub. Millət vəkilləri Novruz Aslanov, Tahir Kərimli, İsmayıllı rayon İcra Hakimiyyətinin başçısı Nahid Bağırov və kollektivi, rayon ictimaiyyəti dəfn mərasimində iştirak edib. Allah rəhmət eləsin!!!
16-09-2022, 17:00
Bir şəklin tarixçəsi - Oğlunun tabutunu daşıyan şəhid anası
Yenə şəhidlər verdik, Vətən, bayraq, torpaq uğrunda canlarını fəda edən 71 qəhrəman son mənzilə uğurlandı… Yenə şəhid analarının dik, məğrur duruşuna, mətanətli davranışına şahid olduq…Zaqatada şəhid anasının oğlunun tabutunı daşıması isə bütün Azərbaycanı qürurlandırdı…Hər bir şəhidimizin ağrı-acısı içimizi göynədir, incidir. Amma ən çox əziyyət çəkən şəhidlərimizin analarıdır. Butov.az saytı “Bir şəklin tarixçəsi” rubrikasında Vətən uğrunda övlad itirmiş şəhid anasının fotosunu təqdim edir. Zaman 14 sentyabr 2022-ci il… Məkan Zaqatala rayonunun Yuxarı Tala kəndi… Azərbaycan Silahlı Qüvvələrinin şəhid leytenantı Sərxan Mübariz oğlu Ömərov son mənzilə yola salınır. Şəhidi son mənzilə yola salan ana oğlunun tabutunu daşımaqla necə güclü, mətanətli, məğrur olduğunu nümayiş etdirdi… Qəlbi parçalanan, içi övlad ağrısı ilə alışıb-yanan ana üçün canından çox sevdiyi oğlunu əbədiyyətə yola salmaq asan olmadı. Amma o dik dayandı, sınmadı, əyilmədi…
Vətən uğrunda şəhid olan oğlunu cənnətə göndərərkən düşməni sevindirmədi…23 yaşlı, iki bacının tək qardaşı, nişanlı oğul şəhid oldu, müqəddəsləşdi…Qarşında baş əyirik şəhid anası…
16-09-2022, 16:56
Paşinyan Putinlə danışdı – Sərhəddəki gərginlik müzakirə olundu
Ermənistanın baş naziri Nikol Paşinyan Rusiya prezidenti Vladimir Putinlə telefonda Azərbaycanla sərhəddəki vəziyyəti müzakirə edib. Bu barədə Ermənistan hökumətinin mətbuat xidməti məlumat yayıb. Paşinyan vurğulayıb ki, sərhəddə vəziyyətin nisbətən sakit olmasına baxmayaraq, gərginlik qalmaqdadır. İki ölkə lideri Ermənistanın Kollektiv Təhlükəsizlik Müqaviləsi Təşkilatına müraciəti ilə bağlı qəbul edilmiş qərarların icrasına dair məsələləri müzakirə ediblər. Xatırladaq ki, sentyabrın 13-nə keçən gecə Ermənistan Silahlı Qüvvələri Azərbaycan Ordusunun mövqelərini atəşə tutub, sərhəddə genişmiqyaslı təxribatlar törədib. Nəticədə Azərbaycanın 71 hərbçisi şəhid olub. Ordumuzun düşmənə cavabı sərt olub, Ermənistan tərəfi rəsmi olaraq 105 hərbçisinin öldüyünü etiraf edib.
16-09-2022, 16:53
Mənzildən 19 min manat oğurlandı
Səbail RPİ-nin 9-cu Polis Bölməsinə sentyabrın 14-də rayon ərazisindəki mənzillərin birindən 11.000 manat və 4600 ABŞ dollarının oğurlanması barədə müraciət daxil olub. Bu barədə Daxili İşlər Nazirliyindən (DİN) məlumat verilib. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Abşeron rayon sakini F.Mehdiyeva müəyyən olunaraq saxlanılıb. Araşdırma aparılır.
16-09-2022, 16:51
Tacikistan atəşkəsi pozdu - Qırğızlar arasında qurbanların sayı 18-ə çatdı
Qırğızıstan və Tacikistan arasında əldə olunmuş atəşkəs barədə razılaşma yenidən pozulub. Butov.az xəbər verir ki, atəşkəsi Tacikistan tərəfinin pozduğu bildirilir. Məlumata görə, Qırğızıstan və Tacikistan sərhədində irimiqyaslı toqquşmalar cümə günü səhər saatlarında yenidən başlayıb. Qırğızıstan sərhəd agentliyinin məlumatına əsasən, Tacikistan tərəfi sərhədin bütün perimetri boyu qırğızların mövqelərinə hücum edib. Qırğızıstan Milli Təhlükəsizlik Komitəsinin sərhəd xidmətinin direktoru Ularbek Şarşeyevlə Tacikistan Milli Təhlükəsizlik Komitəsinin sərhəd qoşunlarının komandanı Rajabali Rahmonali arasında telefon danışığı olub. "Danışıqlar zamanı sərhəd idarələrinin rəhbərləri saat 10:00-dan (Moskva vaxtı ilə 7:00 - red.) atəşkəs barədə razılığa gəliblər. Ancaq Tacikistan tərəfi Qırğızıstan mövqelərini atəşə tutmaqda davam edir", - deyə Qırğızıstandan verilən məlumatda bildirilib. Tacikistan da öz növbəsində qırğız sərhədçilərini sərhəd zastavasını yaşayış məntəqələrini atəşə tutmaqda ittiham edib. Tacikistanın Milli Təhlükəsizlik Komitəsinin məlumatına görə, bir tacik sərhədçisi həlak olub, 3-ü yaralanıb. Qırğızıstan Səhiyyə Nazirliyindən bildirilib ki, Tacikistanla sərhəddəki münaqişədə Qırğızıstanın qurbanlarının sayı 18 nəfərə çatıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!