23-01-2023, 16:28
Rusiya spikeri iranlı həmkarıyla bir sıra məsələləri müzakirə etdi
Rusiya Federasiyası Dövlət Dumasının spikeri Vyaçeslav Volodin İrana səfəri çərçivəsində bu ölkənin parlament sədri Məhəmməd Baqir Qalibafla görüşüb. Görüşdə Volodin birgə gündəm çərçivəsində gərgin hadisələrlə zəngin bir il olacağını proqnozlaşdırdığını deyib. "İki ölkənin parlamentariləri ən yüksək səviyyədə qəbul edilmiş qərarların qanunvericilik tərəfinin təmin olunması üçün hər şeyi etməlidirlər", - Volodin əlavə edib. O, iranlı həmkarını terrorizmlə mübarizə üzrə parlament sədrlərinin aprel konfransında iştirak etməyə dəvət edib. Qalibaf dəvəti qəbul edib.
23-01-2023, 16:14
Sabahın hava proqnozu
Yanvarın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Milli Hidrometeorologiya Xidmətindən verilən məlumata görə, gecə və səhər bəzi yerlərdə duman olacaq. Şimal-şərq küləyi əsəcək. Havanın temperaturu gecə 1-4° isti, gündüz 8-11° isti olacaq. Atmosfer təzyiqi normadan yüksək 776 mm civə sütunu olacaq. Nisbi rütubət 65-75 % olacaq. Azərbaycanın rayonlarında hava əsasən yağmursuz keçəcək. Bəzi yerlərdə arabir duman olacaq. Şərq küləyi əsəcək. Havanın temperaturu gecə 2° şaxtadan 3°-dək isti, gündüz 8-12° isti, dağlarda gecə 5-10° şaxta, gündüz 0-5° şaxta olacaq. Gecə və səhər dağlıq rayonlarda yollar buz bağlayacaq.
23-01-2023, 16:10
Kiyevə tankların tədarükü məsələsi müzakirə olunacaq - Borrel
Avropa İttifaqının xarici siyasət və təhlükəsizlik məsələləri üzrə ali nümayəndəsi Cozep Borrel Ukraynaya tank tədarükündən danışıb. O, mətbuata açıqlama verərkən bu məsələyə də toxunub. "Avropa İttifaqı ölkələrinin xarici işlər nazirlərinin görüşündə Kiyevə tankların tədarükü məsələsi müzakirə olunacaq", - deyə o bildirib. Borrel İrana yeni sanksiyalar tətbiq edilməsinin də gündəlikdə olduğunu açıqlayıb. Qeyd edək ki, Almaniyanın Ukraynaya "Leopard" tanklarının tədarükündən imtina etməsi böyük etirazlara səbəb olub.
23-01-2023, 00:03
Latın Amerikası ölkələrinə vahid valyuta təklifi gözlənilir
Braziliya və Argentina tezliklə vahid valyutanın yaradılması üzərində işə başlayacaq. Bu barədə "Financial Times" qəzeti məlumat yayıb. Bildirilir ki, bu qərar dünyanın ikinci ən böyük valyuta blokunun yaradılmasına gətirib çıxara bilər. Braziliya valyutanın "sur" adlandırılmasını təklif edir. Əsas məqsəd regional ticarəti gücləndirmək və dollardan asılılığı azaltmaqdır. Qəzetin məlumatına görə, layihəyə qoşulmaq üçün digər Latın Amerikası ölkələri də dəvət olunacaq.
22-01-2023, 23:59
Fransa Ukraynaya edəcəyi hərbi yardıma üç şərt qoydu
Fransa Prezidenti Emmanuel Makron ölkəsinin Ukraynaya yerli istehsal "Leclerc" tanklarının verilə biləcəyini istisna etməyib. Bu barədə o, Almaniya kansleri Olaf Şoltsla birlikdə keçirdiyi mətbuat konfransında danışıb. Makron tankların tədarük edilməsi üçün üç şərt olduğunu bildirib. Onun sözlərinə görə, birincisi, bu tank eskalasiyaya səbəb olmamalı, ikincisi, Ukrayna ordusuna real və effektiv dəstək verməli, üçüncüsü, Fransanın öz müdafiə qabiliyyətini zəiflətməməlidir. "Leclerc" 1992-2007-ci illərdə Fransada istehsal edilən müasir və yüksək texnologiyalı döyüş tanklarından biridir. Fransadan başqa, BƏƏ və İordaniya tərəfindən istifadə edilir. 120 mm çaplı silaha malik tank dəqiqədə 10 atəş sürətinə malikdir.
22-01-2023, 23:56
Baydenin prezidentliyə namizədlik faizi olduqca aşağı düşüb
ABŞ Prezidenti Co Bayden hakimiyyətinin üçüncü ilində aşağı reytinqlə daxil olur. "Reuters-Ipsos"un apardığı rəy sorğusuna görə, amerikalıların 40 faizi Baydenin fəaliyyətini dəstəkləyir. Bu rəqəm keçən ayki sorğudan qismən çox olsa da, Baydenin 2024-cü ildə yenidən namizəd olmasını açıqlaması fonunda təhlükəli hesab edilir. Baydenin reytinqinin aşağı olması Demokratlar arasında həyəcana səbəb olub. "Gallup" təşkilatının məlumatına görə, prezidentliyinin üçüncü ilində Obamanın reytinqi 44 faiz, Trampın reytinqi 37 faiz olub. Obama nisbətən asanlıqla yenidən seçildi, Tramp isə məğlub oldu.
22-01-2023, 23:53
Ərdoğan seçkilərin keçiriləcəyi tarixi açıqladı
Türkiyə Prezidenti Rəcəb Tayyib Ərdoğan ölkədə prezident və parlament seçkilərinin mayın 14-də keçiriləcəyini açıqlayıb. Ərdoğan bu barədə Bursa şəhərində gənclərlə görüşü zamanı məlumat verib. O, seçkilərin növbədənkənar deyil, adi seçkilər olduğunu vurğulayıb. Ərdoğan Türkiyə Prezidenti olaraq seçkiləri önə çəkə bilmək hüququna sahib olduğunu söyləyib. Türkiyə lideri, həmçinin martın 10-da seçkilərin keçirilməsi ilə bağlı qərarın veriləcəyini diqqətə çatdırıb. Bundan əlavə, Ərdoğan Türkiyə müxalifətinin namizədi barədə fikirlərini bölüşüb: "Özlərinə "gəl" deyəndə gələcək, "sus" deyəndə susacaq namizəd axtarırlar". Xatırladaq ki, Türkiyədə 6 müxalifət partiyasından ibarət seçki ittifaqı hələlik namizədini açıqlamayıb. "Altılı masa" adlandırılan siyasi blok vahid namizədin fevral ayında açıqlanacağını bəyan edib.
22-01-2023, 23:50
Əvvəl həyat yoldaşını öldürdü, sonra öz həyatına son qoydu
Yanvarın 22-si saat 20 radələrində paytaxtın Binəqədi rayon sakinləri Pərvanə İsmayılovanın xəsarət alması və Atəş Cuvarovun isə birgə yaşadıqları evdə ölməsi barədə rayon prokurorluğuna məlumat daxil olub. Bu barədə Binəqədi rayon prokurorluğundan bildirilib. Qeyd olunub ki, dərhal prokurorluq əməkdaşları tərəfindən ekspert-kriminalistin iştirakı ilə hadisə yerinə və meyitə baxış keçirilib, digər zəruri hərəkətlər aparılıb. İlkin araşdırma zamanı 1987-ci il təvəllüdlü Atəş Cuvarovun aralarında yaranmış mübahisə zamanı kəsici-deşici alətlə 1983-cü il təvəllüdlü arvadı Pərvanə İsmayılovaya xəsarət yetirərək qəsdən öldürməyə cəhd etməsinə, daha sonra isə həmin alətlə özünə xəsarət yetirərək intihar etməsinə əsaslı şübhələr müəyyən edilib. Faktla bağlı Binəqədi rayon prokurorluğunda Cinayət Məcəlləsinin 29, 120.1 (qəsdən adam öldürməyə cəhd) və 125-ci (özünü öldürmə həddinə çatdırma) maddələrilə cinayət işi başlanıb. Hazırda cinayət işi üzrə ibtidai istintaq davam etdirilir.
22-01-2023, 23:47
Fransa və Almaniya Ukraynaya hərbi yardıma davam edəcəklər
Fransa və Almaniya arasında dostluq müqaviləsinin imzalanmasının 60 illiyi münasibətilə iki ölkənin liderləri - Emmanuel Makron və Olaf Şolts görüşüblər. Görüş zamanı hər iki lider Ukraynaya dəstəyin davam etdiriləcəyini bildirib. Makron 1963-cü il yanvarın 22-də Almaniyanın keçmiş kansleri Konrad Adenauer ilə Fransanın keçmiş prezidenti Şarl de Qoll arasında imzalanmış Yelisey sazişinin iki ölkə, Avropa və dünya üçün əhəmiyyətini vurğulayıb. Makron Ukraynaya sarsılmaz dəstəyini ifadə edib. O, Ukrayna və Moldovanın Avropa İttifaqına (Aİ) namizəd ölkə statusu verilməsi üçün dəstəyi davam etdirəcəklərini bildirib. Kansler Şolts Fransa və Almaniya arasındakı müqavilənin İkinci Dünya Müharibəsindən 20 ildən az bir müddət sonra imzalandığını xatırladıb, Fransa-Almaniya barışığının Avropanın birləşməsi üçün yol açdığını vurğulayıb. "Rusiya prezidenti Putinin imperialist məqsədləri var. O, sərhədləri güc yolu ilə dəyişdirməyə çalışır. Ukraynalılar bunun üçün ağır bədəl ödəyirlər. Amma Putinin imperializmi qalib gəlməyəcək", - deyə o qeyd edib. Şolts Avropada sülhün bərqərar olması üçün Almaniyanın Ukraynaya dəstəyini davam etdirəcəyini bildirib. "Biz lazım olduğu müddətdə Ukraynanı birlikdə dəstəkləməyə davam edəcəyik. Biz ölkəni Avropada sülh layihəsini qorumaq üçün lazım olan hər şeylə təmin edəcəyik", - Şolts deyib.
22-01-2023, 23:41
İrandan Qərb ölkələrinə xəbərdarlıq mesajı
Avropa Parlamentinin İran İnqilab Keşikçiləri Korpusunu (SEPAH) terrorçu kimi tanımasına qarşı Tehran Nüvə Silahlarının Yayılmaması Müqaviləsindən (NPT) çıxa bilər. Bunu İranın xarici işlər naziri Hüseyn Əmir Abdullahian deyib. O bildirib ki, Almaniya xarici işlər naziri kimi bəzi "təcrübəsiz" avropalı diplomatlar bu prosesə rəhbərlik edir. Nazir qeyd edib ki, əgər Avropa "səhvindən dönməzsə", bütün yollar nəzərdən keçirilə bilər. Qeyd edək ki, yanvarın 19-da Avropa Parlamenti İrana qarşı daha çox sanksiyaların tətbiqi, İran lideri Ayətullah Əli Xamenei və prezident İbrahim Rəisiyə qarşı sanksiyaların tətbiqi və SEPAH-ın terrorçu kimi tanınması tələblərini özündə əks etdirən məcburi olmayan qətnamə qəbul edib. Onu da bildirək ki, Nüvə Silahlarının Yayılmaması Müqaviləsi 1970-ci ildə qüvvəyə minib. Hazırda 191 ölkənin iştirakçısı olduğu saziş nüvə silahının yayılmaması, nüvə enerjisindən mülki məqsədlər üçün istifadə və nüvə silahlarından imtina edilməsi prinsiplərini nəzərdə tutur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!