Dünya » Səhifə 89

10-08-2025, 18:17

Ərdoğan nazirləri toplayır - Vaşinqton sazişi gündəmdədir

Avqustun 11-də Türkiyə Prezidenti Rəcəb Tayyib Ərdoğanın sədrliyi ilə Nazirlər Kabinetinin iclası keçiriləcək.
İclasda avqustun 8-də Vaşinqtonda Azərbaycan Prezidenti İlham Əliyev və Ermənistanın Baş naziri Nikol Paşinyan ilə ABŞ Prezidenti Donald Tramp arasında keçirilən tarixi görüşdə əldə olunan razılaşmalar və sülh istiqamətində atıla biləcək növbəti addımlar müzakirə olunacaq.
Həmçinin Yaxın Şərq, o cümlədən Qəzzadakı son durum barədə də fikir mübadiləsi aparılacaq.
Hökumətin iclasında, eyni zamanda, terrorla və meşə yanğınları ilə mübarizə də gündəlikdə olacaq.

Ərdoğan nazirləri toplayır - Vaşinqton sazişi gündəmdədir

10-08-2025, 18:08

Odessa sahilində iki mina partladı - Ölənlər var

Ukraynanın Odessa vilayətində çimərliklərdə iki mina partlayıb.
Bu barədə Odessa vilayət hərbi administrasiyasının rəhbəri Oleq Kiper öz "Telegram" kanalında bildirib.
Onun sözlərinə görə, partlayış nəticəsində üç nəfər - iki kişi və bir qadın ölüb.
Minalardan biri sahildən təxminən 50 m aralıda dənizdə partlayıb.
Kiper xatırladıb ki, hazırda vilayətdə çimmək üçün 32 təhlükəsiz zona açıqdır, onlardan 30-u Odessadadır.

Odessa sahilində iki mina partladı - Ölənlər var

10-08-2025, 17:17

İtaliyadan İsrailə XƏBƏRDARLIQ

İtaliya İsraili Qəzza zolağının tamamilə hərbi nəzarətə alınması məqsədilə genişmiqyaslı hərbi əməliyyata başlamaqdan çəkinməyə çağırıb.
Bu barədə İtaliya xarici işlər naziri və Baş nazirinin müavini Antonio Tayani "Il Messaggero" gündəlik qəzetinə müahibəsində danışıb.
"Qəzzaya hərbi müdaxilə İsrail əsgərləri üçün Vyetnam təcrübəsinə çevrilə bilər", - deyə nazir xəbərdarlıq edib.
O, ərəb ölkələrinin rəhbərlik etdiyi Birləşmiş Millətlər Təşkilatının missiyasının "Fələstin dövlətini yenidən birləşdirmək" çağırışlarını təkrarlayaraq İtaliyanın prosesdə iştirak etməyə hazır olduğunu qeyd edib.

İtaliyadan İsrailə XƏBƏRDARLIQ

10-08-2025, 15:16

Vaşinqton razılaşması dayanıqlı sülhə yol açır - Avropa İttifaqı

Avropa İttifaqı Şurasının Prezidenti Antonio Koşta Ermənistan və Azərbaycan liderlərinin ABŞ paytaxtında sülh müqaviləsini paraflamasını tarixi hadisə adlandırıb.
O bildirib ki, Prezident İlham Əliyev və Baş nazir Nikol Paşinyanın atdığı bu addım bölgədə uzunmüddətli və davamlı sülhün təmin olunmasına mühüm töhfə verəcək.
Aİ Komissiyasının Prezidenti Ursula Fon der Lyayen isə açıqlamasında razılaşdırılmış addımların vaxtında icrasının vacibliyini vurğulayıb və Avropa İttifaqının normallaşma prosesinə dəstəyinin davam edəcəyini bəyan edib.

Vaşinqton razılaşması dayanıqlı sülhə yol açır - Avropa İttifaqı

10-08-2025, 14:55

Papa sülh bəyannaməsini ALQIŞLADI

Roma Papası XIV Leo Ermənistan və Azərbaycanın sülh bəyannaməsi imzalamasını alqışlayıb.
Papa bu barədə ənənəvi bazar günü xütbəsi zamanı danışıb.
"Ermənistan və Azərbaycanı sülhə dair birgə bəyannamə imzaladıqları üçün təbrik edirəm. Ümid edirəm ki, bu, Qafqazda davamlı sülhün bərqərar olmasına xidmət edəcək", – deyə XIV Leo bildirib.

Papa sülh bəyannaməsini ALQIŞLADI

10-08-2025, 14:33

Mahmud Abbas BMT-də Fələstin dövlətini elan etmək istəyir

Fələstin prezidenti Mahmud Abbas sentyabrda Nyu-Yorkda keçiriləcək BMT Baş Assambleyasında Muxtar Vilayətin dövlətə çevrilməsini birtərəfli şəkildə elan etməyi nəzərdən keçirir.
Bu barədə "Al-Araby Al-Jadeed" nəşri məlumat yayıb.
Nəşrə görə, bu addım dövlətin sərhədlərini və əsaslarını müəyyənləşdirəcək konstitusiya bəyannaməsinə əsaslanacaq. Abbas tərəfindən elan ediləcək bu bəyannamə dövlətin sərhədlərini, xarakterini, məzmununu və konstitusiya əsaslarını Fələstin konstitusiyası təsdiqlənənə qədər müəyyənləşdirəcək.
Abbas iyulun 20-də Fələstin Azadlıq Təşkilatının İcraiyyə Komitəsi ilə görüşündə ilin sonuna qədər yeni Fələstin Milli Şurasının seçkilərinin keçiriləcəyini elan edib. Fələstin rəsmilərinə görə, bu qərar Fələstin dövlətinin tanınması üçün beynəlxalq dəstəyi gücləndirmək”məqsədi daşıyır.
Yeni şura 350 üzvdən ibarət olacaq: 200 nəfər İordan çayının qərb sahili, Qəzza və Qüdsdən, 150 nəfər isə İsrail xaricindən seçiləcək. Rəsmi Fələstin xəbər agentliyi "WAFA"nın məlumatına görə, seçkilərdə iştirak etmək istəyən namizədlər Fələstin Azadlıq Təşkilatının siyasi platformasına, beynəlxalq öhdəliklərinə və BMT qətnamələrinə sadiq olmalıdır.

Mahmud Abbas BMT-də Fələstin dövlətini elan etmək istəyir

10-08-2025, 14:14

Qəzzada insanlıq dramı - 217 nəfər aclıqdan öldü

Qəzzadakı ərzaq böhranı fonunda qida çatışmazlığından ölənlərin sayı 217-yə çatıb ki, onlardan da 100-ü uşaqdır.
Bu barədə Fələstin anklavının Səhiyyə Nazirliyi məlumat yayıb.
"Qəzza zolağının xəstəxanalarında son 24 saat ərzində ikisi uşaq olmaqla, aclıq və qida çatışmazlığından beş ölüm hadisəsi qeydə alınıb. Beləliklə, aclıqdan ölənlərin ümumi sayı 100-ü uşaq olmaqla, 217-yə yüksəlib", - deyə məlumatda bildirilir.
Qəzza rəsmilərinin məlumatına görə, 2025-ci ilin əvvəlindən Qəzzada 163, 2024-cü ildə 50, bir il əvvəl isə daha 4 nəfər aclıqdan ölüb.

Qəzzada insanlıq dramı - 217 nəfər aclıqdan öldü

10-08-2025, 14:02

İranda polis idarəsinə hücum: Ölən və yaralanan var

İranın Sistan və Bəlucistan əyalətinin Sərəvan şəhərində "Ceyş əl-Ədl" qruplaşmasının üzvləri polis məntəqəsinə hücum ediblər.
Hadisə nəticəsində bir polis əməkdaşı həlak olub, daha bir zabit isə yaralanıb.
Məlumata görə, təhlükəsizlik qüvvələrinin cavab tədbirləri zamanı silahlılardan üçü zərərsizləşdirilib, ikisi isə saxlanılıb.

İranda polis idarəsinə hücum: Ölən və yaralanan var

10-08-2025, 13:40

Türkiyədə meşə yanğınları - Əhali təxliyə edilir

Türkiyənin Sinop bölgəsində Durağan rayonunda dünən başlayan meşə yanğını davam edir.
Yanğını söndürmək üçün helikopterlər bu səhər erkən saatlarda yenidən işə başlayıb. 100 evdən ibarət Köklen kəndi ehtiyat tədbiri olaraq təxliyə edilib.
Yanğına yaxın ərazidəki çaydan su götürən helikopterlər söndürmə işlərini intensiv şəkildə davam etdirirlər.
Ekipajların fasiləsiz müdaxiləsinin davam etdiyi kənddə Türk Qızıl Aypara Cəmiyyəti də yanğında iştirak edənlərə iaşə xidməti göstərir.

Türkiyədə meşə yanğınları - Əhali təxliyə edilir

9-08-2025, 17:55

Rusiyadan ABŞ görüşünə rəsmi reaksiya

Rusiya Xarici İşlər Nazirliyi Vaşinqtinda ABŞ, Azərbaycan və Ermənistan liderlərinin görüşünə münasibət bildirib.
Bildirilir ki, Ermənistan-Azərbaycan münasibətlərinin normallaşmasının hazırkı mərhələsinin Rusiyanın birbaşa yardımı və mərkəzi rolu ilə başlayıb:
"Azərbaycan və Ermənistan arasında barışıq regional kontekstdə və maraqlar balansına əsaslanmalıdır".

Rusiyadan ABŞ görüşünə rəsmi reaksiya