26-07-2022, 21:50
Dərmanların qiymətilə bağlı yeni qərar verildi
Yeni dövlət qeydiyyatına alınan 337 dərman vasitəsinin qiyməti təsdiq edilib. Bu barədə qərar Tarif (qiymət) Şurasının 26 iyul 2022-ci il tarixində keçirilən növbəti iclasında qərar qəbul edilib. Qeyd edək ki, ticarət adı, farmasevtik forması, təsiredici maddəsinin adı, dozası, ticarət qablaşdırması, qablaşdırma miqdarı, istehsal ölkəsi nəzərə alınmaqla indiyədək topdan və pərakəndə satış qiymətləri və qüvvəyə minmə tarixi təsdiq edilən 13369 dərman vasitəsinin tam siyahısı Tarif (qiymət) Şurasının rəsmi internet saytının (www.tariff.gov.az) “Dərman vasitələri” bölməsində (//tariff.gov.az/documents/DVA.pdf) yerləşdirilmişdir.
26-07-2022, 21:46
Son sutkada vurulan vaksin sayı
Azərbaycanda son gündə koronavirus əleyhinə 2 714 vaksin vurulub. Bu barədə Nazirlər Kabineti yanında Operativ Qərargahdan bildirilib. Gün ərzində birinci doza vaksinlərin sayı 635, ikinci doza vaksinlərin sayı 136 təşkil edib. Ölkədə üç və daha çox doza vaksinlərin sayına gəlincə, bu göstərici 1 649-dur. Pozitiv nəticədən sonra “buster” doza vaksinlərin sayı 294 olub. Qeyd edək ki, Azərbaycanda bu günə qədər vurulan vaksinlərin ümumi sayı 13 807 963 təşkil edir.
26-07-2022, 21:41
Rusiya ilə Azərbaycan arasında protokol qüvvəyə mindi
Prezident İlham Əliyev “Azərbaycan Respublikası Hökuməti ilə Rusiya Federasiyası Hökuməti arasında malların mənşəyinin sertifikatlaşdırılmasının elektron sisteminin qarşılıqlı tətbiqi haqqında Protokol”un təsdiq edilməsi barədə fərman imzalayıb. Butov.az xəbər verir ki, fərmanda deyilir: "2022-ci il martın 4-də Moskva şəhərində və martın 16-da Bakı şəhərində imzalanmış “Azərbaycan Respublikası Hökuməti ilə Rusiya Federasiyası Hökuməti arasında malların mənşəyinin sertifikatlaşdırılmasının elektron sisteminin qarşılıqlı tətbiqi haqqında Protokol” təsdiq edilsin. Bu fərmanın 1-ci hissəsində göstərilən protokol qüvvəyə mindikdən sonra İqtisadiyyat Nazirliyi və Dövlət Gömrük Komitəsi onun müddəalarının həyata keçirilməsini təmin etsinlər. Xarici İşlər Nazirliyi protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Rusiya Hökumətinə bildiriş göndərsin".
26-07-2022, 21:37
Səudiyyə şəhzadəsi Avropaya səfər edəcək
Səudiyyə Ərəbistanının vəliəhd şahzadəsi Məhəmməd bin Salman Avropaya səfər edəcək. Bununla bağlı Səudiyyənin SPA xəbər agentliyi məlumat yayıb. Bildirilir ki, Salman Yunanıstan və Fransada olacaq və vacib görüşlər keçirəcək. Bu, vəliəhd şəhzadənin 2018-ci ildə səudiyyəli jurnalist Camal Qaşıqçının öldürülməsindən sonra Avropa İttifaqı üzvü olan dövlətə ilk səfəridir.
26-07-2022, 21:33
Minaya düşən hərbçimizin fotosu
Xəbər verdiyimiz kimi, bu gün Kəlbəcər rayonunda Azərbaycan ordusunun hərbçisi Vüqar İsbəndiyarov minaya düşüb. Butov.az xəbər verir ki, Vüqar İsbəndiyarovun rayonun Cəmilli kəndində minaya düşərək xəsarət alıb. Məlumata görə, minaya düşən hərbçimiz hərbi hissə komandiri olub. Faktla bağlı Kəlbəcər hərbi prokurorluğunda cinayət işi açılıb. Müdafiə Nazirliyi hadisə nəticəsində bir neçə hərbi qulluqçunun yaralanması barədə xəbərləri təkzib edib.
26-07-2022, 21:30
Dünən təyin olunan icra başçısı vətəndaşlarla görüşdü
Lerik rayon İcra Hakimiyyəti başçısı tərəfindən vətəndaşların qəbulu keçirilib. Butov.az xəbər verir ki, Lerik RİH-nin inzibati binasının qəbul otağında rayon icra hakimiyyəti başçısı tərəfindən rayonun hüquq-mühafizə orqanlarının, aidiyyəti idarə, müəssisə və təşkilat rəhbərlərinin iştirakı ilə vətəndaşların qəbulu keçirilib. Ümumilikdə rayon icra hakimiyyəti başçısı tərəfindən 33 vətəndaş, o cümlədən şəhid ailələri, qazilər və müharibə iştirakçıları növbədənkənar qəbul edilib. Rayon icra hakimiyyəti başçısı tərəfindən qəbul edilən vətəndaşların müraciətləri əsasən işlə təmin olunma, tikinti materialının verilməsi, torpaq məsələləri, elektrik təsərrüfatı və digər sosial məsələlərlə bağlı olub. Qəbulda RİH-nin başçısı Əkbər Abbasov vətəndaşlar tərəfindən səsləndirilən müraciətlərin araşdırılması və icrası ilə əlaqədar aidiyyəti vəzifəli şəxslərə müvafiq tapşırıqlar verib.
26-07-2022, 21:21
İsrail İranı güclü zərbə endirməklə hədələdi
İsrail İranın nüvə proqramının qarşısını almaq üçün zərbə endirə bilər. Butov.az xəbər verir ki, bunu İsrailin müdafiə naziri Benni Qantz deyib. O bildirib ki, İsrail İranla gözlənilən yeni nüvə sazişindən narazıdır. Yerli "Kanal 13" adlı televiziya kanalına müsahibəsində Qantz vurğulayıb ki, İran İsrail üçün qlobal və şəxsi problemdir. Birgə Hərtərəfli Fəaliyyət Planının (JCPOA) bərpası üçün aparılan müzakirələrdən danışan Benni Qantz İsrailin razılaşmadan çox narazı olduğunu vurğulayıb. O qeyd edib ki, bu, sanksiyaların müvəqqəti gecikdirilməsini nəzərdə tutur, bunun sayəsində İran iqtisadiyyatı güclənə biləcək. Nazir yaxın bir neçə gün ərzində razılığın əldə oluna biləcəyini etiraf edib. Xatırladaq ki, 2015-ci ildə İran ABŞ, Rusiya, Çin, Böyük Britaniya, Almaniya, Fransa ilə JCPOA sazişini imzalayıb. Plan nüvə proqramını məhdudlaşdırmaq müqabilində Tehrana qarşı iqtisadi sanksiyaların mərhələli şəkildə ləğvini nəzərdə tutur. 2018-ci ildə ABŞ-ın o vaxtki Prezidenti Donald Tramp sazişdən çıxdığını elan edib və İrana qarşı sanksiyaları təzələyib. Bu səbəbdən Tehran JCPOA-ya əməl etməkdən imtina edib. 2021-ci ilin dekabrında Vyanada JCPOA üzrə danışıqların səkkizinci raundu keçirilib, bundan sonra iştirakçılar fasilə veriblər. 2022-ci ilin iyununda MAQATE-nin Rəhbərlər Şurası İranı nüvə proqramı ilə bağlı tam məlumat vermədiyinə görə tənqid edib. Elə həmin ay İran Xarici İşlər Nazirliyi nüvə sazişi üzrə danışıqları bərpa etməyə hazır olduğunu açıqlayıb.
26-07-2022, 21:15
ABŞ Azərbaycana yeni diplomat göndərdi
ABŞ-ın Azərbaycandakı yeni müvəqqəti işlər vəkili təyin olunub. Bu barədə ABŞ-ın Azərbaycandakı Səfirliyi tviter hesabında məlumat yayıb. Hüqo Gevara ABŞ-ın Azərbaycandakı səfirliyində müvəqqəti işlər vəkili kimi fəaliyyət göstərəcək.
26-07-2022, 21:11
Heyvana işgəncə verənlər həbs edildi
Xəbər verildiyi kimi, ötən gün vəhşi heyvana qarşı qəddarlıq göstərərək nümayişkəranə surətdə sosial şəbəkədə videogörüntüləri yayan şəxslərin tapılması məqsədilə polis əməkdaşları tərəfindən dərhal araşdırmalara başlanılıb. DİN-nin Mətbuat Xidmətinin bölmə rəisi Zeyni Hüseynov Modern.az-a bildirib ki, görülmüş tədbirlərlə bu əməli törədənlərin Sabirabad rayon sakini Cəsarət Bayramov və Neftçala rayon sakini Kənan Dünyamalıyev olmaları müəyyən edilib və onlar saxlanılıblar. Hər iki şəxs barəsində İnzibati Xətalar Məcəlləsinin 274-cü maddəsilə protokol tərtib olunub. Həmin şəxslər saxlanılarkən polis əməkdaşlarının qanuni tələblərinə qəsdən əməl etmədiklərinə və xuliqanlıq hərəkətlərinə yol verdiklərin görə C.Bayramov və K.Dünyamalıyev barəsində İnzibati Xətalar Məcəlləsinin 510-cu və 535-ci maddələrinə əsasən protokollar tərtib olunaraq baxılması üçün məhkəməyə göndərilib. Məhkəmənin qərarı ilə hər iki şəxs inzibati qaydada 30 sutka həbs edilib.
26-07-2022, 20:58
Minaya düşən zabit hərbi hissə komandiridir - Cinayət işi açıldı
İyulun 26-sı Kəlbəcər rayonunun işğaldan azad olunmuş ərazisində Müdafiə Nazirliyinin N saylı hərbi hissə komandiri Vüqar İsbəndiyarovun minaya düşməsi barədə məlumat daxil olub. Bu barədə Kəlbəcər hərbi prokurorluğundan bildirilib. Hərbi prokurorluğun əməkdaşları tərəfindən hadisə yerinə baxış keçirilib, məhkəmə-tibb ekspertizası təyin edilmiş, digər prosessual hərəkətlər yerinə yetirilib. Aparılmış ilkin araşdırmalarla Vüqar İsbəndiyarovun rayonun Cəmilli kəndi ərazisində xidməti vəzifələrini icra edərkən piyada əleyhinə minaya düşməsi nəticəsində ağır dərəcəli bədən xəsarətləri alması müəyyən edilib. Faktla bağlı Kəlbəcər hərbi prokurorluğunda Cinayət Məcəlləsinin 29, 120.2.12-ci (qəsdən adam öldürməyə cəhd, milli, irqi, dini ədavət və ya düşmənçilik niyyəti ilə adam öldürməyə cəhd) maddəsi ilə cinayət işi başlanıb. Hazırda istintaq davam edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!